ភ្នំពេញ ៖ តារា​កំប្លែង​នាយ ពែ​ក​មី នៅ​ប៉ុន្មាន​ម៉ោង​មុន​នេះ គណនី​ហ្វេ​ស​ប៊ុ​ករប​ស់លោក ត្រូវ​បាន​ចោរលួច​បាត់​ហើយ ​នេះបើតាមការ​ទម្លាយព័ត៌មាន​តាម​រយៈ​វី​ដេ​អូ​ផ្សាយ​ផ្ទាល់​របស់​លោក ហេង ឡុ​ង នៅ​ម៉ោង​៤​រសៀល​ថ្ងៃ​ទី​១៦ សីហា ២០១៧ នេះ ។

លោក ហេង ឡុ​ង ដែល​គេ​ស្គាល់​ថា ជា​អនាគត​ស្វាមី​របស់​អ្នក​នាង ច​ន ច័ន្ទ​ល​កិ្ខ​ណា បាន​បង្ហោះ​វី​ដេ​ក្នុង​គណនី​ហ្វេ​ស​ប៊ុ​ក​ ដោយ​ប្រកាស​ថា ហ្វេ​ស​ប៊ុ​ក​នាយ ពែ​ក មី ត្រូវ​បាន​មនុស្ស​អាក្រក់​លូច ហែក​ចូល យក​បាត់​ហើយ ពេល​នេះ​នាយ ពែ​កមី កំពុង​មាន​ទុក្ខជា​ទម្ងន់ ។

ស្រប​ពេល​ជាមួយ​គ្នា​នេះ​ដែរ នាយ ពែ​ក មី ក៏​បាន​បង្ហាញ​ការ​សោកស្តាយ​គ្រា​ដែល​ហ្វេ​ស​ប៊ុ​ករប​ស់លោក​ផ្ទាល់ ត្រូវ​គេ​ហែក​ចូល​នោះ បានអោយ​ដឹង​ថា ហេ្វ​ស​ប៊ុ​ក​ខ្ញុំ ពិតជា​មាន​តម្លៃ​ខ្លាំង​ណាស់ ព្រោះថា «​រាល់​ការងារ​ក្នុង​សង្គម​ច្រើន​ណាស់​ដែល​ទាក់ទង​ទៅ​នឹង​សង្គម​» ។

នាយ ពែ​ក មី បាន​បញ្ជាក់​ទៀត​ថា «​បើសិនជា​មាន​ករណី គេ​ប្រើ​គណនី​ហ្វេ​ស​ប៊ុ​ក​របស់ខ្ញុំ ហើយ​មាន​ខ្ញុំ​ផ្ញើ​សារ​ទៅ​ខ្ចី​លុយ ឬ​ករណី​អ្វី​ផ្សេង សូមកុំ​ឲ្យ​សោះ​» ។

ក្នុង​វី​ដេ​អូ​ផ្សព្វផ្សាយ​ជូនដំណឹង ដែល​ហ្វេ​ស​ប៊ុ​ក​នាយ ពែ​ក មី ត្រូវ​បាន​គេ​ហែក​ចូល​នោះ លោក ហេង ឡុ​ង និយាយ​បែប​លេងសើច​ផង​ដែរ​ថា បើ​ប្រពន្ធ​លែង​ចោល ក៏​មិន​ស្មើ ហេ្វ​ស​ប៊ុ​ក ដែល​ត្រូវ​គេ​លូច​ទៅ​បាត់​ដែរ ។

គិត​មក​ត្រឹម​ល្ងាច​ថ្ងៃ​ទី​១៦ សីហា ២០១៧​នេះ នាយ ពែ​ក​មី កំពុង​តែ​សោកស្ដាយ​យ៉ាង​ខ្លាំង​នៅឡើយ ខណៈ​លោក និង​ក្រុមបច្ចេកទេស​មួយ​ចំនួន កំពុង​តែ​ស្វែងរក​វិធីសាស្ដ្រ ដើម្បី​ទាយ​យក​គណនី​ហ្វេ​ស​ប៊ុ​ក របស់​គាត់​មក​វិញ​ផង​ដែរ ៕

សូម​ទស្សនា​វី​ដេ​អូ ​លោក ហេង ឡុ​ង មានដូចខាងក្រោម ៖

Comments

comments