ហ៊ុន សែនថាកុំឲ្យក្មេងជំនាន់ក្រោយលំបាក លោកនឹងបញ្ចប់រឿងព្រំដែន

លោកនាយក​រដ្ឋមន្ត្រី ហ៊ុន សែន បាន​និយាយ​ថា នា​ពេល​ខាង​មុខ លោក​នឹង​រៀបចំ​តំបន់​ព្រំដែន​ឲ្យ​បាន​ចប់​សព្វគ្រប់ ក្នុងអំឡុងពេល​ដែល​លោក​ជា​នាយក​រដ្ឋមន្ត្រី ដើម្បី​កុំ​ឲ្យ​កូនចៅ​ជំនាន់​ក្រោយ​មាន​បញ្ហា​ព្រំដែន​តទៅ​ទៀត​។ លោក ហ៊ុន សែន បញ្ជាក់​ពី​ជំហរ​និង​ទឹកចិត្ត​របស់​លោក​ប្រាប់​លោក Jean-Claude Poimboeuf ឯកអគ្គរដ្ឋទូត​នៃ​សាធារណរដ្ឋ​បារាំង​ប្រចាំ​កម្ពុជា​ដែល​ចប់​អាណត្តិ​បេសកកម្ម​ការងារ​យ៉ាង​ដូច្នេះ នៅ​វិមាន​សន្តិភាព​ក្នុង​ជំនួប​កាលពី​ព្រឹក​ថ្ងៃ​ទី​២២ ខែឧសភា ឆ្នាំ​២០១៧ ។ នៅ​ក្នុង​ជំនួប​ខាងលើ​នោះ​ដែរ លោក​ប្រមុខ​រាជរដ្ឋាភិបាល​ខ្មែរ ក៍បាន​បាន​ថ្លែងអំណរគុណ​ដល់​បារាំង ដែល​បាន​ផ្តល់​ផែនទី​តាម​សំណូមពរ​របស់​កម្ពុជា ដើម្បី​ផ្ទៀងផ្ទាត់ បន្ទាប់​ពី​មានការ​ចោទប្រកាន់ បំផ្លាញ​ការ​ពិត​បក្សនយោបាយ​មួយ​ចំនួន ។ ថ្មី​ៗ​នេះ​ទាក់ទង​ទៅ​នឹង​ព្រំដែន​រវាង​កម្ពុជា​-​វៀតណាម គឺ​កម្ពុជា​បាន​ស្នើ​ទៅ​បារាំង​អោយ​ផ្តល់​អ្នកជំនាញ​ជួយ​កម្ពុជា​បន្ត​ទៀត​។ បើ​តាម​មន្ត្រី​នៃ​គណៈកម្មការ​ចម្រុះ​ព្រំដែន​កម្ពុជា​-​វៀតណាម​បាន​ឲ្យ​ដឹង​ថា...

ដាច់​អគ្គិសនី​តំបន់​មួយ​ចំនួន​ក្នុង​ក្រុងភ្នំពេញ ស្នាដៃអេ​ស្កា​វា​ទ័​រ​ឯកជន

ភ្នំពេញ ៖ ចាប់តាំងពី​ម៉ោង​៧​ព្រឹក​រហូត​ដល់​យប់​ថ្ងៃ​ទី​២២ ឧសភា ២០១៧​នេះ ករណី​ដាច់​ចរន្តអគ្គិសនី នៅ​អនុ​ស្ថានីយ​ទី​៣ (GS3-F4A) ធ្វើ​អោយ​បងប្អូន​ប្រជាពលរដ្ឋ​នៅ​តំបន់​រង​ផល​ប៉ះពាល់​នោះ​មានការ​ក្តៅក្រហាយ ខណៈ​ក្រុមការងារ​បច្ចេកទេស​បាន​និង​កំពុងធ្វើការ​ជួសជុល ត​ភ្ជាប់​បណ្តាញ​អគ្គិសនី​ឡើង​វិញ ដោយសារ​តែ​មាន​អេ​ស្កា​វា​ទ័​រ​របស់​ក្រុមហ៊ុន​ឯកជន បាន​កាយ​ប៉ះ​ខ្សែកាប​បណ្តាញ​តង់ស្យុង​មធ្យម​(MV)​ក្រោម​ដី រង​ការ​ខូចខាត​អស់​ជា​ច្រើន​កន្លែង ។ ទីតាំង​ដែល​ដាច់​ចរន្តអគ្គិសនី​នោះ​មាន​តំបន់​មួយ​ចំនួន​ដូច​ជា ៖ ផ្លូវ​ណ​ត​ប្រី​ជ ផ្លូវ​ឧកញ៉ា​ដួង​ងៀប សង្កាត់​ស្ទឹង​មាន​ជ័យ ខណ្ឌមានជ័យ ។ ភូមិ​ស្លែង​រលើង ភូមិ​ត្រពាំង​ឈូក សង្កាត់​ទឹកថ្លា ខណ្ឌ​សែន​សុខ ។ និង​តាម​បណ្តោយ​ផ្លូវ​វេ​ង​ស្រេង...

ស្ត្រី​ខ្មែរ​៣​នាក់​ឆ្លង​ដែន​ខុសច្បាប់ ចូល​ក្រុម​លួច​ឆក់​តាម​ផ្សារ តម្រួត​ថៃ​ចាប់ខ្លួន

បាងកក ៖ តម្រួត​​ថៃ​បាន​ចាប់ខ្លួន​មុខសញ្ញា​ក្រុម​ចោរ​លូក​ហោប៉ៅ​ចំនួន​៥​នាក់ ក្នុង​នោះ​មាន​បុរស​ថៃ​២​នាក់ និង​ស្ត្រី​ខ្មែរ​៣​នាក់​ផងដែល បាន​ធ្វើ​សកម្មភាព​នៅ​តាម​ផ្សារ​នានា​នៅ​ក្នុង​ទីក្រុង​បាងកក នេះ​បើ​តាម​ការ​ចេញផ្សាយ​របស់​សារព័ត៌មាន​ថៃ The Nation អោយ​ដឹង​កាលពី​ថ្ងៃ​ទី​២១ ឧសភា ២០១៧ នេះ ។ ពេល​ធ្វើ​ស​ន្និ​សិទ្ធ​កាសែត​បង្ហាញខ្លួន​ជនសង្ស័យ និង​ភស្តុ​តាង​ចំពោះ​អ្នក​សារព័ត៌មាន មេបញ្ជាការ​កង​ពិសេស​191 លោក​ឧត្តមសេនីយ៍​ស៊ូ​រ៉ា​ចេ​ត ហាក់​ផា​ន បានអោយ​ដឹង​ថា ស្ត្រី​ខ្មែរ​ឈ្មោះ Doung Thida អាយុ​៣៥​ឆ្នាំ ត្រូវ​ចាប់ខ្លួន​ដំបូង​នៅ​ផ្សារ​លក់​សំលៀក​បំពាក់ ។ ក្រោយមក​ស្ត្រី​ឈ្មោះ Thadech...

ចោរប្រដៅចៅហ្វាយស្រុកស្វាយទាប

ម៉ូតូ C125 មួយ​គ្រឿង​ស៊េរី​ឆ្នាំ​២០១៦ បាន​ត្រូវ​ចោរលួច​យក​បាត់ ខណៈ​ម្ចាស់​ម៉ូតូ​ចូល​ហូប​គុយទាវ ភ្លេច​ដក​សោ​ម៉ូតូ ។ ហេតុការណ៍​នេះ​បាន​បង្ក​ឲ្យ​មានការ​ភ្ញាក់ផ្អើល​នៅ​ចំណុច​មុខ​ផ្សារ​ប្រ​សូត្រ​ថ្មី  ភូមិ​ប្រ​សូត្រ​១ ឃុំ​ប្រ​សូត្រ ស្វាយ​ទាប នា​ព្រឹក​ថ្ងៃ​ទី​២២ ខែឧសភា ឆ្នាំ​២០១៧ ។ សេចក្តីរាយការណ៍​បាន​បន្ត​ថា ម្ចាស់​ម៉ូតូ​ត្រូវ​បាន​គេ​ស្គាល់​ថា​ចៅហ្វាយស្រុក​ស្វាយ​ទាប​ផ្ទាល់​តែ​ម្តង​ឈ្មោះ លោក ម៉ែ​ន សា​រ៉ា​ន់ ។ ក្រុម​អ្នក​តាមដាន​សង្គម​មួយ​ចំនួន​បាន​និយាយ​ក្រោយ​ហេតុការណ៍​ខាងលើ​ថា ករណី​នេះ រឿង​លួច​ជា​រឿង​ផ្សេង​មួយ ប៉ុន្តែ​អាច​ថា​ជា​ការ​ដាស់តឿន​លោក​ចៅហ្វាយស្រុក កុំ​ឲ្យ​រវល់​រឿង​ឃោសនាបោះឆ្នោត​ខ្លាំង​ពេក ភ្លេច​អនុវត្តន៍​គោលនយោបាយ​ភូមិ​-​ឃុំ​មាន​សុវត្ថិភាព ៕

យួនអត់ទិញ ស្វាយធ្លាក់ថ្លៃ អ្នកម៉ៅការចង់ចង.ក

ប្រភព​ពី​អ្នក​ម៉ៅ​ង​ការ​ផ្លែស្វាយ​បាន​ឲ្យ​ដឹង​ថា ចាប់តាំងពី​ខែមេសា​ដល់​ពាក់កណ្តាល​ខែឧសភា ឆ្នាំ​២០១៧​នេះ តម្លៃ​ផ្លែស្វាយ​បាន​ធ្លាក់​ថ្លៃ​យ៉ាង​គំហុក​ពោល​គឺ​ពី​២០០០​រៀល​មក​នៅ​ត្រឹម​២០០​រៀល​ក្នុង​១​គូ​ឡូ​ក្រាម ។ ប្រភព​បាន​ស្រង់​សំដី​មន្ត្រី​នៃ​មន្ទីរ​កសិកម្ម​ខេត្តព្រៃវែង​ឲ្យ​ដឹង​ថា ការ​ធ្លាក់​ថ្លៃ​ស្វាយ​នេះ ដោយសារ​ឈ្មួញ​ជនជាតិ​យួន​មិន​ទិញ​ដោយ​មិនដឹង​ពី​មូលហេតុ ។ បើ​តាម​អ្នកម៉ៅការ​ស្វាយ​បាន​ឲ្យ​ដឹង​ទៀត​ថា ការ​ធ្លាក់​ថ្លៃ​ស្វា​យ៉ាង​គំហុក​នេះ បាន​ធ្វើ​ពួក​គាត់​ខាតបង់​រាប់​ម៉ឺន​ដុល្លារ ហើយ​ពួក​គាត់​និយាយ​ត្អូញត្អែរ​ចង់​ធ្វើ​អត្តឃាត​ចង​.​ក​សម្លាប់​ខ្លួន ព្រោះតែ​គ្មាន​លុយ​បង់​គ្រឹះស្ថាន​មីក្រូហិរញ្ញវត្ថុ ។ គិត​ត្រឹម​វេលា​ម៉ោង​៨​និង​៣០​នាទី​យប់​ថ្ងៃ​ទី​២២ ខែឧសភា ឆ្នាំ​២០១៧​នេះ «​អង្រុត​»​មិន​អាច​រក​ការ​សុំ​អត្ថាធិប្បាយ​បន្ថែម​បាន​ទេពី​មន្ត្រី​ក្រសួងកសិកម្ម ពាណិជ្ជកម្ម​និង​អាជីវករ​ទិញ​លក់​ស្វាយ ៕

ម៉ម សូណង់ដូថាបើឈ្នះនឹងបង្កើតក្លឹបកីឡា

ប្រធាន​គណបក្ស​សំបុក​ឃ្មុំ​សង្គម​ប្រជាធិបតេយ្យ​និង​ជា​ថៅកែ​វិទ្យុ​សំបុក​ឃ្មុំ​សំលេង​ប្រជាពលរដ្ឋ FM105 លោក ម៉​ម សូណ​ង់​ដូ​បាន​និយាយ​ថា ប្រសិនបើ​ឃុំ​-​សង្កាត់​ណា ដែល​បក្ស​លោក​ឈ្នះ​ឆ្នោត លោក​នឹង​បង្កើត​ក្លឹ​ប​កីឡា​ដើម្បី​ឲ្យ​យុវជន​ហាត់ប្រាណ ព្រោះ​លោក​យល់​ថា សុខភាព​ល្អ​គឺជា​កត្តាចាំបាច់​សម្រាប់​មនុស្ស​ម្នាក់​ៗ ។ នៅ​ក្នុង​បទ​សម្ភាសន៍​ជាមួយ​ភ្នាក់ងារ​ព័ត៌មាន​អន​ឡាញ​ក្នុងស្រុក​មួយ លោក ម៉​ម សូណ​ង់​ដូ ក៍បាន​បញ្ជាក់​អំពី​គោលនយោបាយ​របស់​គណបក្ស​លោក​ដែល​មាន​ជា​អាទិ៍​៖ សម្អាត​អំពើ​ពុក​រលួយ គ្រឿងញៀន ល្បែងស៊ីសង បម្រើសេវា​សាធារណៈ ដោយ​គោរព​តាម​ច្បាប់​កំណត់​។ ប្រជាពលរដ្ឋ​ត្រូវ​មាន​បាយ​ទទួលទាន មាន​ពេទ្យ​ព្យាបាល មានការ​សិក្សា​ប្រកបដោយ​គុណភាព និង​ក្រមសីលធម៌​។ ការពារ​ដីធ្លី​លំនៅ​ដ្ឋា​ន និង​ទប់ស្កាត់​បទល្មើស​នេសាទ​ខុសច្បាប់ និង...

ខ្មែរសម្បូរព្រៃឈើ ឥឡូវត្រូវគេបង្រៀនឲ្យចេះដំាឈើ

បើ​តាម​ឯកសារ​និង​សៀវភៅ​ភូមិវិទ្យា​ពី​សម័យ​មុន​ៗ បាន​បង្ហាញ​ថា ព្រៃឈើ​នៅ​ស្រុក​ខ្មែរ​មាន​៧៣​ភាគរយ​នៃ​ផ្ទៃដី​ប្រទេស​សរុប​របស់​ប្រទេស​ដែល​មាន​ទំហំ​១៨១ ០៣៥​គីឡូ​ម៉ែត្រការ៉េ ។ បច្ចុប្បន្ន ព្រៃឈើ​ត្រូវ​បាន​មជ្ឈដ្ឋាន​នានា ពិសេស​ក្រុម​អង្គការ​ឃ្លាំមើល​ព្រៃឈើ​និង​បរិស្ថាន​ទាំង​ជាតិ​និង​អន្តរជាតិ​មួយ​ចំនួន​បាន​លើក​ឡើង​ថា ព្រៃឈើ​នៅ​ស្រុក​ខ្មែរ​បាន​និង​កំពុង​តែ​លាយ​ហិនហោច ហើយ​ថា​នៅ​ពេល​ដ៍​ខ្លី​ខាង​មុខ​ប្រសិនបើ​រាជរដ្ឋាភិបាល​ចាត់វិធានការ​ឲ្យ​មាន​ប្រ​សិ​ទ្ឋ​ភាព​នោះ​ទេ ខេត្ត​និង​តំបន់​ដែល​សម្បូរ​ព្រៃឈើ​នឹង​ក្លាយជា​វាល​រហោស្ថាន​ជាក់​ជា​មិន​ខាន ។ នៅ​ពេល​នេះ ក្រោយ​ពេល​ព្រៃឈើ ត្រូវ​បាន​គេ​មើលឃើញ​ថា​បាន​និង​កំពុង​ត្រូវ​បាន​ក្រុម​អ្នកមាន​អំណាច​និង​មាន​លុយ​មួយ​ចំនួន​បំផ្លិចបំផ្លាញ​ស្ទើរ​រលា​ហិនហោច​នោះ​រួច​មក មាន​អង្គការក្រៅរដ្ឋាភិបាល​និង​ក្រុម​សង្គម​ស៊ី​វិល​ដែល​ធ្វើ​កិច្ច​ការងារ​ពាក់​ព័​ន្ឋ​នឹង​ព្រៃឈើ​និង​បរិស្ថាន បាន​ធ្វើ​សកម្មភាព​ពន្យល់​ពី​សារៈសំខាន់​នៃ​ព្រៃឈើ និង​ណែនាំ​បង្ហាត់បង្រៀន​ពលរដ្ឋ​ពី​វិធី​នៃ​ការ​ដាំ​ដើមឈើ​ឲ្យ​លូតលាស់ ជាពិសេសរាជរដ្ឋាភិបាលបានកំណត់​យកថ្ងៃទី០៩ ខែកក្កដា ជារៀងរាល់ឆ្នំាដើម្បីធ្វើពិធីដំាដើមឈើ(រុក្ខទិវា)ឡើងវិញ​៕        

បំផ្ទុះ​គ្រាប់បែក​នៅមន្ទីរពេទ្យ​ក្នុង​ទីក្រុង​បាងកក របួសធ្ងន់​ស្រាល​២៤​នាក់

ក្រុង​បាងកក ៖ ប៉ូលិស​នៅ​ប្រទេស​ថៃ​បាន​និយាយ​ថា មានការ​បំផ្ទុះ​មួយ​នៅ​ឯ​មន្ទីរពេទ្យ​ព្រះ​ចៅ Mongkut ចំ​កណ្តាល​ក្រុង​បាងកក កាលពីម៉ោង១១និង៤៥នាទី ​នៅ​ថ្ងៃ​ចន្ទ ទី​២២ ឧសភា ២០១៧ នេះ មនុស្ស​យ៉ាង​ហោច​ណាស់​២៤​នាក់ បាន​រង​របួសធ្ងន់​ស្រាល ក្នុង​នោះ​មាន​៣​នាក់​របួសធ្ងន់ នេះ​បើ​តាម​ការ​ចេញផ្សាយ​នៅ​មុន​នេះ​បន្តិច ដោយសារ​ព័ត៌មាន​ថៃ PBS ។ មន្ត្រី​ប៉ូ​លី​សលោក Kamthorn Aucharoen បាន​និយាយ​ប្រាប់​អ្នកកាសែត Reuters ថា ខណៈ​នេះ​កម្លាំង​ប៉ូលិស​កំពុង​ពិនិត្យ​ក​នៅ​កន្លែង​កើតហេតុ ក្នុង​មន្ទីរពេទ្យ​នេះ ។...

កម្មករ​ធ្លាក់​ពីលើ​សំណង់​អគារ​ក្នុង​ក្រសួង​ព័ត៌មាន ​របួសធ្ងន់ស្រាល៥​នាក់

ភ្នំពេញ ៖ កាលពី​ម៉ោង​ជិត​៩​ព្រឹក ថ្ងៃ​ទី​២២ ឧសភា ២០១៧ នេះ កម្មករ​សំណង់​ប្រុស​-​ស្រី​ចំនួន​៥​នាក់ បាន​ធ្លាក់​ពីលើ​សំណង់​អគារ​ក្នុង​ក្រសួង​ព័ត៌មាន ខណៈ​ពួកគេកំពុងតែធ្វើការ បណ្តាល​ឲ្យ​រង​របួសធ្ងន់ និង​ស្រាល ត្រូវ​បាន​គេ​ជួយ​ដឹក​ទៅ​កាន់​មន្ទីរពេទ្យ​កាល់​ម៉ែ​ត​ភ្លាម​ៗ​ដែរ ដើម្បី​សង្គ្រោះ ។ ហេតុការណ៍​នេះ បាន​កើតឡើង​នៅកន្លែង​ការដ្ឋាន​សំណង់​មួយ​ស្ថិត​ក្នុង​ក្រសួង​ព័ត៌មាន នៅ​ក្នុង​សង្កាត់​ស្រះ​ចក ខណ្ឌដូនពេញ រាជធានី​ភ្នំពេញ ។ ប្រភព​ពី​កន្លែង​កើតហេតុ​បាន​ឲ្យ​ដឹង​ថា ក្នុង​ហេតុការណ៍នោះដែរ គេ​នៅ​មិន​ទាន់​ដឹង​ពី​មូលហេតុ​នៃ​ការ​ធ្លាក់​​នៅឡើយ កម្មការិនីដែល​មិន​បញ្ចេញ​មួយរូបដឹង​ត្រឹម​ថា ​មាន​កម្មករ​សំណង់ធ្លាក់ពីលើសំណង់​អគារ​ បាន​រង​របួសធ្ងន់​និង​ស្រាល​៥​នាក់ ក្នុង​នោះ​មាន​ប្រុស​២​នាក់...

ឈើ​ចេញ​ទៅ​យួន​ដូច​ហែ​កឋិន​តាម​ច្រក​អូ​រយ៉ា​ដាវ

ពី​ខេត្តរតនគិរី​មាន​សេចក្តីរាយការណ៍​មក​ថា រថយន្ត​ផ្ទុក​ឈើ​ជា​ច្រើន​គ្រឿង​បាន​ចេញ​តាម​ច្រក​ទ្វារ​អន្តរជាតិ​អូ​រយ៉ា​ដាវ ឆ្ពោះទៅ​កាន់​ប្រទេស​វៀតណាម ដោយ​ពុំ​មាន​សមត្ថកិច្ច​ជំនាញ​ពាក់​ព័​ន្ឋ​ណា​ឃាត់​ចាប់​នោះ​ឡើយ ។ ប្រភព​បន្ត​ថា សកម្មភាព​ដឹក​ជញ្ជូន​ឈើ​តាម​រថយន្ត​សាំ​យ៉ុ​ង កាម​រី​គូថ​ហើម តា​កូ​ម៉ា​និង​កាម​រី​បា​ឡែ​ន​ដូច​ហែ​កឋិន​នេះ បាន​កើតឡើង​រយៈពេល​៣​ថ្ងៃ​ជាប់​ៗ​គ្នា គិច​ចាប់តាំងពី​ថ្ងៃ​ទី​២០ ខែឧសភា ឆ្នាំ​២០១៧ ។ ការ​ដឹក​ជញ្ជូន​ឆ្លង​ដែន​ទៅ​កាន់​ប្រទេស​យួន​តាម​ចិត្ត​នេះ គេ​បាន​ដាក់​ការ​សង្ស័យ​សមត្ថកិច្ច​ខ្មែរ​ប្រចាំ​ច្រក​អូ​រយ៉ា​ដាវ​ជា​អ្នក​អនុញ្ញាត​ជា​ថ្នូរ​ទៅ​នឹង​ទទួល​បាន​លុយ​ពី​ក្រុម​ឈ្មួញ​រាប់​ពាន់ដុល្លារ ៕

អា​មេ​រិ​ក​ប្រាប់​រដ្ឋាភិបាល​ឲ្យ​ធានា​កុំ​ឲ្យ​មានការ​គំរាមកំហែង

អ្នកនាំពាក្យ​សម្រាប់​តំបន់​អាស៊ី​ខាងកើត នៃ​ក្រសួងការបរទេស​សហរដ្ឋអាមេរិក អ្នកស្រី អា​លី​សា អែ​ដ​វឺ​ត​ស៍ (Alicia Edwards) បាន​ថ្លែង​ជំរុញ​ឲ្យ​រដ្ឋាភិបាល​កម្ពុជា ធានា​ថា​គ្មាន​ការ​គំរាមកំហែង​នយោបាយ និង​ស្នើ​ឲ្យ​រដ្ឋាភិបាល​គោរព​សេរីភាព​បញ្ចេញមតិ​របស់​ប្រជាពលរដ្ឋ​កម្ពុជា ។ នេះ​បើ​យោង​តាម​ទីភ្នាក់ងារសារព័ត៌មាន​សហរដ្ឋអាមេរិក អេ​.​ភី (AP)​។ ការ​អំពាវនាវ​របស់​អ្នកនាំពាក្យ​ក្រសួងការបរទេស​អា​មេ​រិ​ក​ខាងលើ បាន​ធ្វើ​ឡើង​នៅ​គ្រា​ដែល​គណបក្ស​នយោបាយ​ចំនួន​១២​បាន​និង​កំពុង​ឃោសនា​រក​សំឡេង​ឆ្នោត​ក្នុង​ការ​បោះ​ឆ្នោត​ជ្រើសរើស​សមាជិក​ក្រុមប្រឹក្សា​ឃុំ​-​សង្កាត់​អាណត្តិ​ទី​៤ ដែល​តាម​គម្រោង​នឹង​ធ្វើការ​បោះ​ឆ្នោត​នៅ​ថ្ងៃ​ទី​០៤ ខែមិថុនា ឆ្នាំ​២០១៧​ខាង​មុខនេះ ៕  

ឆ្ងល់​ណាស់​បាត់ ធី សុវណ្ណ​ថា ទៅ​ណា​ហ្ន?

នេះ​ជា​ការ​លើក​ឡើង​របស់​មជ្ឈដ្ឋាន​អ្នក​តាមដាន​នយោបាយ​និង​សង្គម ចំពោះ​ការ​បាត់​មុខ​កញ្ញា ធី សុវណ្ណ​ថា ប្រធាន​អង្គការ​យុវជន​កិច្ចការ​សង្គម​និង​ជា​អតីត​សកម្មជន​គណបក្ស​សង្គ្រោះ​ជាតិ ពុំ​ឃើញ​ធ្វើ​សកម្មភាព​បម្រើ​នយោបាយ ឬ ការ​បើក​វេទិកាសាធារណៈ​នានា​។ មិន​អាច​រក​ការ​សុំ​អត្ថាធិប្បាយ​ផ្ទាល់​ពី​កញ្ញា ធី សុវណ្ណ​ថា​និង​សហការី​របស់​នាង​បាន​ទេ នៅ​ព្រឹក​ថ្ងៃ​ទី​២២ ខែឧសភា ឆ្នាំ​២០១៧ ។ កន្លង​មក​កញ្ញា ធី សុវណ្ណ​ថា បាន​ត្រូវ​គេ​ឃើញ​ចេញ​មុខ​ធ្វើ​សកម្មភាព​វាយប្រហារ​មេដឹកនាំ​គណបក្ស​សង្គ្រោះ​ជាតិ​គឺ​លោក សម រ​ង្ស៊ី និង លោក កឹ​ម សុខា តាម​វេទិកាសាធារណៈ​របស់​អង្គការ​យុវជន​កិច្ចការ​សង្គម​នៅ​តាម​បណ្តា​រាជធានី​-​ខេត្ត​មួយ​ចំនួន ។ ក្រៅពី​នេះ​កញ្ញា ធី សុវណ្ណ​ថា...

ក្រសួងជំនាញប្រកាសឲ្យប្រយ័ត្នកម្ពស់រលកសមុទ្រ

ចាប់ពី​ថ្ងៃ​ទី​២៤​ដល់​ថ្ងៃ​ទី​២៧ ខែឧសភា ឆ្នាំ​២០១៧ ប្រជា​នេសាទ​សមុទ្រ​និង​អ្នក​ធ​ញ​វើ​ដំណើរ​តាម​សមុទ្រ​ត្រូវ​មានការ​ប្រុង​ប្រយ័ត្ន​ខ្ពស់ ព្រោះ​នៅ​លើ​ផ្ទៃសមុទ្រ​និង​តំបន់ឆ្នេរ​នៃ​ខេត្ត​ព្រះ​សីហ​នុ កំពត កែប និង​ខេត្តកោះកុង នឹង​មាន​ភ្លៀង​និង​ខ្យល់​បោកបក់​ខ្លាំង ហើយ​ផ្ទៃមេឃ​អាប់អួរ​និង​រលក​សមុទ្រ​មាន​កម្ពស់​ខ្ពស់​ៗ ។ នេះ​បើ​យោង​តាម​ការ​ព្យាករណ៍​អាកាសធាតុ​ប្រចាំ​ស​ប្តា​ហ៍​របស់​ក្រសួង​ធនធានទឹក​និង​ឧតុនិយម ។ បើ​តាម​ក្រសួង​ជំនាញ​ដដែល ចាប់ពី​ថ្ងៃ​ទី​២៥​ដល់​ថ្ងៃ​ទី​២៧ ខែឧសភា នឹង​មាន​ភ្លៀង​ធ្លាក់​រាយ​ប៉ាយ​ពី​មធ្យម​ទៅ​ច្រើន​នៅ​ក្នុង​រាជធានី​ភ្នំពេញ ខេត្តកណ្តាល កំពង់ស្ពឺ ស្វាយ​រៀង ព្រៃវែង កំពង់ឆ្នាំង កំពង់ធំ បាត់ដំបង ប៉ៃលិន ឧត្តរមានជ័យ​និង​ខេត្តសៀមរាប ។ បាតុភូត​ធម្ម​ជតា​ិ​ខាងលើ ដោយសារ​ជ្រលង​សម្ពាធ​ទាប បាន​និង​កំពុង​បង្កើន​ឥ​ទ្ឋិ​ពល​គ្របដណ្តប់​មក​លើ​ប្រទេស​កម្ពុជា...

កញ្ញា Pey Pey Ly បដិសេធថា នាងមិនមែនជាសកម្មជន​គណបក្ស​សង្គ្រោះ​ជាតិទេ

ភ្នំពេញ ៖ ប៉ុន្មាន​ម៉ោង​មុន​នេះ កញ្ញា Pey Pey Ly បាន​ចេញ​មក​បដិសេធ នៅ​លើ​បណ្តាញ​សង្គម​ហ្វេ​ស​ប៊ុ​ក​នៅ​យប់​ថ្ងៃ​ទី​២១ ឧសភា ២០១៧​នេះ​ថា កញ្ញា​មិនមែន​ជា​សកម្មជន​របស់​គណបក្ស​សង្គ្រោះ​ជាតិ នោះ​ទេ សូម​លោក ហង្ស ពុទ្ធា មេត្តា​ជ្រាប ។ ការ​ថ្លែង​ក្នុង​វី​ដេ​អូ​ផ្សាយ​ផ្ទាល់​របស់​កញ្ញា Pey Pey Ly ធ្វើ​ឡើង​បន្ទាប់​ពី​លោក ហង្ស ពុទ្ធា អ្នកនាំពាក្យ​គណៈកម្មាធិការ​ជាតិ​រៀបចំ​ការ​បោះ​ឆ្នោត (​គ​.​ជ​.​ប​) បានអោយ​ដឹង​ថា...

បុរស​ខ្មែរ​ម្នាក់​បាត់​ខ្លួន​យ៉ាង​អាថ៌​កំបាំង ក្នុង​ទឹកដី​អា​មេ​រិ​ក១​ស​ប្ដា​ហ៍​ហើយ

សាន​ហ្វ្រា​ន់​ស៊ី​ស្កូ (San Francisco) ៖ នា​ព្រឹក​ថ្ងៃ​ទី​២១ ឧសភា ២០១៧​នេះ ខិត្តប័ណ្ណ​ស្វែ​រ​រក​ប្តី​ដែល​បាត់​ខ្លួន ត្រូវ​បាន​ស្ត្រី​ខ្មែរ​ម្នាក់ដើរ​ចែកចាយ និង​បិទ​ប្រកាស​តាម​ទី​សាធារណៈស្ទើរតែ​ពេញទី​ក្រុង ខណៈ​ដែល​ស្វាមី​របស់​នាង​បាត់​ខ្លួន​ដោយ​គ្មាន​ដំណឹងសូន្យសុង​ ។ ក្រុម​គ្រួសារ​ខ្មែរ​ដែល​រស់នៅ​សហរដ្ឋអាមេរិក​មួយ​នេះ ត្រូវការ​ព​ន្លឿ​នយ៉ាង​ខ្លាំង​​ពី​ប៉ូលិស​ទីក្រុង​សាន​ហ្វ្រា​ន់​ស៊ី​ស្កូ​ផង​ដែរ ​ក្នុង​ការ​ស្វែងរក​មនុស្ស​ម្នាក់​ដែល​បាត់​ខ្លួន​យ៉ាង​អាថ៌​កំបាំង នៅ​ថ្ងៃ​បុណ្យ​ម្ដាយប្រមាណ​ជា​១​ស​ប្ដា​ហ៍ ​មក​ហើយ ។ អ្នកស្រី គឹ​ម រតនា បាន​និយាយ​ប្រាប់​សារព័ត៌មាន​អា​មេ​រិ​ក NBC ថា ស្វាមី​របស់​នាង ឈ្មោះ ឆាយ ពិសិដ្ឋ...

ដន្លង ហ៊ុន សែន​៖​ការ​រស់រាន​និង​ស្លាប់​យក​មួយ​ណា?

លោក ពេ​ជ សោភ័ន ដែល​គេ​ស្គាល់​ថា​ត្រូវជា​ដន្លង​លោកនាយក​រដ្ឋមន្ត្រី ហ៊ុន សែន (​ឪពុកក្មេក​លោក ហ៊ុន ម៉ា​ណែ​ត​)​នោះ​បាន​និយាយ​ប្រាប់​ប្រជាពលរដ្ឋ​ឲ្យ​សម្រេចចិត្ត​ឲ្យ​បាន​ច្បាស់​ក្នុង​ការ​បោះ​ឆ្នោត​នៅ​ពេល​ខាង​មុខ​។ បើ​តាម​លោក​រដ្ឋលេខាធិការ​ក្រសួង​ការងារ​និង​បណ្តុះបណ្តាល​វិជ្ជាជីវៈ​គឺ​ការ​បោះ​ឆ្នោត​នា​ពេល​ខាង​មុខ​នេះ «​គឺជា​ការ​បោះ​ឆ្នោត​រវាង​សន្តិភាព​និង​សង្គ្រាម ការ​អភិវឌ្ឍ​និង​វិនាសកម្ម ភាព​រស់រាន​សម្បូរ​សប្បាយ​និង​សេចក្តីស្លាប់​»​។ នៅ​ក្នុង​ថ្ងៃ​ដំបូង​នៃ​ការ​ឃោសនា​រក​សំឡេង​ឆ្នោត​កាលពី​ថ្ងៃ​ទី​២០ ខែឧសភា ឆ្នាំ​២០១៧​នៅ​ស្រុក​ព្រៃកប្បាស ខេត្តតាកែវ លោក ពេ​ជ សោភ័ន ដែល​គេ​ស្គាល់​ថា​ជា​អ្នកមាន​ចំណេះដឹង​ជ្រៅជ្រះ​មួយ​រូប​ក៍បាន​និយាយ​វា​ប្រហារ​បក្ស​ប្រឆាំង​ថា​គ្មាន​បាន​ធ្វើ​អ្វី​ទាំងអស់​សូ​ម្បី​តែ​បង្គន់​អនាម័យ​មួយ ៕  

ហ៊ុន សែន​អួត​ថា CPP ជា​អ្នក​កសាង​ប្រទេស​ពិត​ៗ

ប្រធាន​គណបក្ស​ប្រជាជន​កម្ពុជា លោក ហ៊ុន សែន បាន​និយាយ​ថា​«​យើង​បោះ​ឆ្នោត​អោយ​គណបក្ស​ប្រជាជន​កម្ពុជា​(CPP) ព្រោះ​បក្ស​យើង​បាន​កសាង​ប្រទេស​ជាតិ​អោយ​រីក​ចម្រើន​ពិត​ៗ គឺ​យើង​ឃើញនឹងភ្នែក​ទាំងអស់​គ្នា​»​។ នៅ​លើ​បណ្តាញ​សង្គម​ហ្វេ​ស​ប៊ុ​ក លោកនាយក​រដ្ឋមន្ត្រី ហ៊ុន សែន បាន​សរសេរ​បង្ហោះ​នៅ​ប៉ុន្មាន​នាទី​មុន​នេះ​ថា​«​បក្ស​ប្រជាជន​កម្ពុជា គឺជា​បក្ស​ឈ្នះ​!​ចូលរួម​ដង្ហែរ​បក្ស​យើង​ទាំងអស់​គ្នា​! ថ្ងៃស្អែក​នេះ សូម​បងប្អូន សមាជិក សមាជិការ​គណបក្ស រួម​ទាំង​បងប្អូន​ដែល​ស្រឡាញ់​សន្តិភាព និង​ការ​រីក​ចម្រើន សូម​ចូលរួម​ដង្ហែ​បក្ស​ប្រជាជន​កម្ពុជា​យើង​អោយ​បាន​ច្រើន​កុះករ​ទាំងអស់​គ្នា​! ទាំង​នៅ​ក្នុង​រាជធានី​ភ្នំពេញ និង​នៅ​ទូ​ទាំង​ប្រទេស​កម្ពុជា​! បក្ស​យើង​ឈ្នះ គឺ​ប្រជាជន​កម្ពុជា​ទូ​ទាំង​ប្រទេស​ឈ្នះ​! មិនមែន​គ្រាន់តែ​សន្យា​កោ​ក​ៗ​តាម​មីក្រូ​ទេ​! បើ​គ្រាន់ តែ​សន្យា​ខ្យល់ (​មិន​ច្បាស់...

នរណា​ថ្លើមធំ​ម្ល៉េះ? ហ៊ាន​យក​​ផេ​ក​ក្រសួងយុត្តិធម៌ ផ្សាយ​បន្ត​ពីផេក​​ សម រ​ង្ស៊ី

ភ្នំពេញ ៖ លិខិត​ពិសេស​របស់​លោក គឹ​ម សន្តិភាព អ្នកនាំពាក្យ​ក្រសួងយុត្តិធម៌ ចុះ​នៅ​ថ្ងៃ​ទី​២០ ឧសភា ២០១៧ នេះ បាន​ផ្ញើជូន​នាយ​ឧត្តមសេនីយ៍ នេ​ត សា​វឿ​ន អគ្គស្នងការ​នគរបាល​ជាតិ ស្នើ​សុំ​កិច្ច​អន្តរាគមន៍​ស្វែងរក​ចាប់ខ្លួន​ជន​ដៃដល់ និង​អ្នក​ពាក់ព័ន្ធ​ទាំងឡាយ​ដែល​បាន​លួច​ចូល​គ្រប់គ្រង​គណនី​បណ្តាញ​សង្គម​ហ្វេ​ស​ប៊ុ​ក​ផេ​ក របស់​ក្រសួងយុត្តិធម៌ និង​ផេ​ក​ហ្វេ​ស​ប៊ុ​ករប​ស់លោក ។ ក្នុង​លិខិត​ពិសេស​នេះ អ្នកនាំពាក្យ​ក្រសួងយុត្តិធម៌​លោក គឹ​ម សន្តិភាព បាន​ប្រកាស​ថា ក្រោយ​ពី​ក្រុម​ជនអនាមិក​ហែក​ចូល (Hack) យក​ទៅ​គ្រប់គ្រង​រួច​មក ឃើញ​ថា...

មេបក្សប្រឆំាងប្រកាសរំលាយក្រសួងអភិវឌ្ឍន៍ជនបទ

ប្រធាន​គណបក្ស​សង្គ្រោះ​ជាតិ លោក កឹ​ម សុខា បាន​ប្រកាស​ថា​ក្រសួង​អភិវឌ្ឍន៍ជនបទ​នឹង​លុប​ចោល​ភ្លាម ប្រសិនបើ​គណបក្ស​សង្គ្រោះ​ជាតិ​ឈ្នះ​ឆ្នោត​នៅ​ក្នុង​ការ​បោះ​ឆ្នោត​ជ្រើសតាំង​តំណាងរាស្ត្រ​អាណត្តិ​ទី​៦​នៅ​ឆ្នាំ​២០១៨​ខាង​មុខ ។ លោក​កឹ​ម សុខា ប្រកាស​រំលាយ​ក្រសួង​អភិវឌ្ឍន៍ជនបទ​ខាងលើ​នេះ បាន​ធ្វើ​ឡើង​នៅ​ព្រឹក​ថ្ងៃ​ទី​២០ ខែឧសភា ឆ្នាំ​២០១៧ នៅ​ក្នុង​យុ​ទ្ឋ​នា​ការ​ឃោសនាបោះឆ្នោត​ជ្រើសរើស​សមាជិក​ក្រុមប្រឹក្សា​ឃុំ​-​សង្កាត់​អាណត្តិ​ទី​៤ ដែល​ជ​ថ្ងៃ​ឃោសនា​រក​សំឡេង​ឆ្នោត​ថ្ងៃ​ដំបូង ។ បើ​តាម​មេ​បក្ស​ប្រឆាំង​រូប​នេះ ការ​រំលាយ​ក្រសួង​អភិវឌ្ឍន៍ជនបទ​គឺ​ដើម្បី​ផ្តល់​អំណាច​ពេញលេញ​ដល់​មន្ត្រីឃុំ​-​សង្កាត់​នៅ​ថ្នាក់​ក្រោម​ជាតិ ។ លោក កឹ​ម សុខា បញ្ជាក់​បន្ថែម​ថា បើ​គណបក្ស​សង្គ្រោះ​ជាតិ​ឈ្នះ​ឆ្នោត​បាន​ឡើង​កាន់​អំណាច រដ្ឋាភិបាល​ដែល​ដឹកនាំ​ដោយ​គណបក្ស​សង្គ្រោះ​ជាតិ នឹង​ទម្លាក់​លុយ​កន្លះ​លាន​ដុល្លារ​ក្នុង​មួយ​ឆ្នាំ​ឲ្យ​ទៅ​ឃុំ​-​សង្កាត់​ធ្វើការ​អភិវឌ្ឍ​មូលដ្ឋាន​ដោយ​ផ្ទាល់ ។​លោក​បន្ត​ថាបើ​ឃុំ ឬ​សង្កាត់​មួយ មាន​ថវិកា​កន្លះ​លាន​ដុល្លារ​ក្នុង​មួយ​ឆ្នាំ​សម្រាប់​អភិវឌ្ឍន៍​ឃុំ​-​សង្កាត់​ដោយ​ខ្លួនឯង...

យប់ស្អែក ហ៊ុន សែន ទៅទទួលសពទាហានដែលស្លាប់នៅអាហ្វ្រិកកណ្តាល

តាម​គម្រោង​សព​ទាហាន​មួក​ខៀវ​ខ្មែរ​០៤​រូប ដែល​ទទួលមរណភាព​ក្នុង​បេសកកម្ម​ថែរក្សា​សន្តិភាព​របស់​អង្គការសហប្រជាជាតិ​នៅ​ក្នុង​ប្រទេស​អាហ្វ្រិក​កណ្តាល នឹង​ត្រូវ​បញ្ជូន​មក​ដល់​ព្រ​លាន​យន្តហោះ​អន្តរជាតិ​ភ្នំពេញ​នៅ​វេលា​ម៉ោង​ជិត​៨​យប់​ថ្ងៃ​ទី​២១ ខែឧសភា ឆ្នាំ​២០១៧ ។ តាម​កម្មវិធី​លោកនាយក​រដ្ឋមន្ត្រី ហ៊ុន សែន និង​តំណាង​អង្គការសហប្រជាជាតិ​ប្រចាំ​កម្ពុជា នឹង​អញ្ជើញ​ទៅ​ទទួល​សព​វីរ​យុ​ទ្ឋ​ជន​ខ្មែរ​ទាំង​០៤​រូប​និង​គោរព​វិញ្ញាណ​ក្ខ​ន្ឋ​ផង​ដែរ ។ កាលពី​រំលង​អធ្រាត្រ​ឈាន​ចូល​ថ្ងៃ​ទី​០៨ ខែឧសភា ឆ្នាំ​២០១៧ មានការ​វាយប្រហារ ដោយ​ក្រុម​ឧទ្ទាម ទៅ​លើ​ក្បួន​យុទ្ធ​ដំណើរ​របស់​កម្លាំង Minusca របស់​អង្គការសហប្រជាជាតិ បណ្តាល​ឱ្យ​កម្លាំង​កម្ពុជា​ស្លាប់​ភ្លាម​ៗ ម្នាក់​រង​របួស និង​បាត់​ខ្លួន​៣​នាក់ ។ ក្រោយមក​អ្នក​ដែល​បាត់​ខ្លួន បាន​ត្រូវ​គេ​ប្រកាស​ថា​ស្លាប់​ទាំងអស់ ៕

អ្នក​ប្រដាល់ ​សេន ប៊ុ​ន​ថេ​ន បើកហាង​បោក​អ៊ុត​ ទាំង​ភ័យ​ខ្លាច

ភ្នំពេញ ៖ ប្រិ​យ​មិត្ត​អ្នក​ស្នេហា​វិស័យ​កីឡាប្រដាល់​ច្បាស់​ជា​ស្គាល់​កំពូល​អ្នក​ប្រដាល់​លេង​ស្នៀត​ជើង​យ៉ាង​សាហាវ​ម្នាក់​គឺ​លោក សេន ប៊ុ​ន​ថេ​ន ទើបតែ​បាន​ហាង​បោក​អ៊ុត​ទំនើប នា​ពេល​ប៉ុន្មាន​ថ្ងៃមុន​នេះ ដើម្បី​រក​ប្រាក់​ចំណូល​ចិញ្ចឹម​គ្រួសារ​បន្ថែម បន្ទាប់​ពី​អាជីព​ប្រដាល់​របស់​លោក​ទំនង​ដូច​ជា​មិន​អាច​បន្ត​ទៅមុច​បាន​យូរទៀត ​ក៏​ដោយសារ​​តែ​វ័យ​កាន់តែ​ច្រើន​នោះ​ ។ ការ​បើក​មុខរបរ​ថ្មី​នេះ កីឡាករ សេន ប៊ុ​ន​ថេ​ន បាន​ថ្លែងប្រាប់​គេហទំព័រ​ក្នុងស្រុក​មួយ​បាន​ឲ្យ​ដឹង​ថា រូប​លោក និង​ភរិយា បាន​សម្រេច​បើក​ដំណើរការ​ហាង​មួយ​កន្លែង ទាំង​អារម្មណ៍​ភ័យ​ព្រួយ ដោយ​ខ្លាច​ដំណើរការ​មិន​បាន​ជោគជ័យ ព្រោះ​លោក​ទើបតែ​បើកហាង «​បោក​អ៊ុត​ទំនើប សេន ប៊ុ​ន​ថេ​ន​» មួយ​កន្លែង នា​ប៉ុន្មាន​ថ្ងៃមុន​នេះ នៅផ្ទះ​លេខ​4D...

យួនចូលមកនេសាទនៅកោះកុង មន្រ្តីក្លាយជាខ្មោចស្រុក

សុភាសិត​ខ្មែរ​«​ខ្មោច​ស្រុក​ឲ្យ​ដៃ ទើប​ខ្មោច​ព្រៃ​ហ៊ាន​ចូល​» ពិតជា​មិន​ខុស​នោះ​ទេ ។ ពី​ខេត្តកោះកុង​មាន​សេចក្តីរាយការណ៍​មក​ថា ជនជាតិ​យួន​បាន​ចូល​មក​នេសាទ​ក្នុង​ដែនសមុទ្រ​ខ្មែរ​ខេត្តកោះកុង​យ៉ាង​អនាធិបតេយ្យ​ដោយសារ​មន្ត្រី​ជំនាញ​ពាក់​ព័​ន្ឋ ពិសេស​មេទាហាន​និង​ប៉ូលិស​នៃ​សន្តិសុខ​លំហរ​សមុទ្រ អនុញ្ញាត​ឲ្យ​ចូល​ជា​ថ្នូរ​នឹង​ទទួល​បាន​លុយរាប់​ពាន់​ដុល្លារ ។ យ៉ាងណា​ក៍ដោយ​នៅ​ព្រឹក​ថ្ងៃ​ទី​២០ ខែឧសភា ឆ្នាំ​២០១៧​នេះ «​អង្រុត​»​មិន​អាច​រក​ការ​សុំ​បំភ្លឺ​តប​បាន​ទេ ជុំវិញ​ការ​ចោទប្រកាន់​របស់​ប្រជាពលរដ្ឋ​មួយ​ចំនួន​នៅ​ខេត្តកោះកុង​ខាងលើ​នេះ ។ ប្រភព​បញ្ជាក់​ទៀត​ថា ទូក​នេសាទ​យួន​មួយគូរ ត្រូវ​បង់​ឲ្យ​សមត្ថកិច្ច​ខ្មែរ​៧​ពាន់​ដុល្លារ ប្រសិនបើ​ទូក​គូ​នោះ​អូស​ពី​ព្រំដែន​វៀតណាម ចូល​មក​សមុទ្រ​កម្ពុជា ដល់​ត្រង់​ចំណុច​កោះតាង ។ ប៉ុន្តែ​បើ​គេ​ចង់​អូស​ឡើង​ទៅ​ដល់​ចំណុច​កោះកុង​គឺ​ត្រូវ​បន្ថែម​២​ពាន់​ដុល្លារ​ទៀត ។ ទន្ទឹម​នឹង​នោះ​ក្រុម​នេសាទ​វៀតណាម​ដែល​ប្រកប​របរ​នេសាទ​ខុសច្បាប់​ខាងលើ ត្រូវ​បន្ថែម​លុយ​១៣០០​ដុល្លារ សម្រាប់​នាយ​នគរបាល​ម្នាក់​ទៀត ដែល​ទទួលខុសត្រូវ​លំហរ​សមុទ្រ​ត្រង់​ចំណុច​ខាងលើ ៕

ក្រសួង​អប់រំ​ប្រកាស​ឲ្យ​យុវជន​ប្រឡង​ទៅ​ធ្វើការ​នៅ​UN

អង្គការសហប្រជាជាតិ ( UN) នឹង​រៀបចំ​ប្រឡង​ធ្វើការ​ជ្រើសរើស​វិជ្ជាជីវៈ​វ័យក្មេង​មួយ​ចំនួន ដើម្បី​ធ្វើការ​នៅ​លេខាធិការដ្ឋាន​អង្គការសហប្រជាជាតិ​ដែល​មាន​មូលដ្ឋាន​នៅ​បូ​រី​ញូយ៉ក​សហរដ្ឋអាមេរិក ។ នេះ​បើ​យោង​តាម​សេចក្តីជូនដំណឹង​របស់​ក្រសួង​អប់រំ យុវជន​និង​កីឡា ។ លក្ខ​ខ័​ណ្ឌ​នៃ​ការ​ប្រឡង បេក្ខជន​ត្រូវ​មាន​សញ្ជាតិ​ខ្មែរ និង​មាន​សញ្ញាបត្រ​បរិញ្ញាបត្រ ឬ​មាន​សញ្ញាបត្រ​មាន​តម្លៃ​ស្មើ ដែល​ទាក់ទង​នឹង​ការ​ស្នើ​សុំ​។ អាយុ​មិន​លើស​ពី​៣២​ឆ្នាំ ហើយ​ចេះ​ភាសា​អង់គ្លេស ឬ​បារាំង​បាន​ច្បាស់លាស់​។ បេក្ខជន​ទាំងអស់​ត្រូវ​ចុះ​ឈ្មោះ និង​បំពេញ​ពាក្យសុំ​តាម​អន​ឡាញ​(http://carees.un.org/YPP ចាប់ពី​ខែឧសភា ដល់​ខែកក្កដា ឆ្នាំ​២០១៧ ហើយ​ការ​ប្រឡង​នឹង​ប្រព្រឹត្ត​ទៅ​នៅ​ខែធ្នូ ឆ្នាំ​២០១៧៕    

ក្រោយ​បៀតបៀន​កេរ្តិ៍​ស្ត្រី​កូរ៉េ មន្ត្រី​អប់រំ​ឡើង​ឋានៈ

អតីត​ប្រធាន​នាយកដ្ឋាន​តម្រង់​ទិស​វិជ្ជាជីវៈ​នៃ​ក្រសួង​អប់រំ យុវជន​និង​កីឡា គឺ​លោក គ្រី ស៊ា​ង​ឡុ​ង ដែល​ធ្លាប់​មានរឿង​អាស្រូវ​បៀតបៀន​កេរ្តិ៍ខ្មាស​អ្នកបកប្រែ​ជាតិ​កូរ៉េ​ម្នាក់ ខណៈ​កំពុង​ធ្វើ​ជា​តំណាង​កម្ពុជា​ក្នុង​វេទិកា​ស្ដី​ពី​ការ​អភិវឌ្ឍ​ធនធានមនុស្ស​អាស៊ាន​បូក ៣ នៅ​កូរ៉េ​ខាងត្បូង​កាលពី​ឆ្នាំ​២០១៦​នោះ ត្រូវ​បាន​ដំឡើង​ឋានៈ​ខ្ពស់​មួយ​កម្រិត​ទៀត​។ នេះ​បើ​យោង​តាម​អនុក្រឹត្យ​ដែល​ចុះហត្ថលេខា​ដោយ​លោកនាយក​រដ្ឋមន្ត្រី ហ៊ុន សែន​កាលពី​ថ្ងៃ​ទី ២២ ខែមីនា ឆ្នាំ​២០១៧ ។ បើ​តាម​អនុក្រឹត្យ​ដដែល លោក គ្រី ស៊ា​ង​ឡុ​ង ដែល​ក្រសួង​អប់រំ​ដក​តំណែង​មក​ជា​គ្រូ​ធម្មតា ក្រោយ​ពី​មានរឿង​អាស្រូវ​នោះ ឥឡូវនេះ​ត្រូវ​បាន​ដំឡើង​ឋានៈ​ពី​គ្រូបង្រៀន​កម្រិត​ឧត្តម​ដើម​ខ្សែ​ថ្នាក់​លេខ ២ មក​គ្រូបង្រៀន​កម្រិត​ឧត្តម​ដើម​ខ្សែ​ថ្នាក់​លេខ ១»៕  

មន្ត្រី​ឃ្លាំមើល​ព្រៃឈើ​ផ្តាំ ហ៊ុន សែន កុំ​ឲ្យ​សម្លាប់​ខ្លួន

មន្ត្រីជាន់ខ្ពស់​ផ្នែក​ព្រៃឈើ​នៃ​អង្គការ​ទីភ្នាក់ងារ​ស៊ើបអង្កេត​បរិស្ថាន (EIA) ផ្ដាំ​ទៅ​លោកនាយក​រដ្ឋមន្ត្រី ហ៊ុន សែន កុំ​ឲ្យ​សម្លាប់​ខ្លួន ដោយសារ​បរាជ័យ​ក្នុង​ការ​ទប់ស្កាត់​ការ​កាប់​បំផ្លាញ​ព្រៃឈើ​។ លោក ចា​ហ្គោ វ៉ា​ដ​លេ (Jago Wadley) មន្ត្រីជាន់ខ្ពស់​ផ្នែក​យុទ្ធនាការ​ព្រៃឈើ​នៃ​អង្គការ EIA នៅ​ថ្ងៃ​សុក្រ ទី​១៩ ខែ ឧសភា ប្រាប់​អាស៊ី​សេរី តាម​ទូរស័ព្ទ​ថា អង្គការ​របស់​លោក​មិន​បម្រើ​ឲ្យ​គណបក្ស​នយោបាយ​ណាមួយ និង​មិន​ជំរុញ​ឲ្យ​មាន​អំពើ​ហិង្សា​នោះ​ទេ​៖ «​ចំពោះ​ការ​សន្យា​របស់​លោក ហ៊ុន សែន ដែល​ថា គាត់​ហ៊ាន​កាត់​ក្បាល​គាត់​ចោល បើសិនជា​ទប់ស្កាត់​បទល្មើស​ព្រៃឈើ​មិន​បាន...

សង្ឃឹមថា​មិន​មាន​អំពើ​ហិង្សា​នៅ​ថ្ងៃ​ដំបូង​ឃោសនាបោះឆ្នោត

ការ​ឃោសនាបោះឆ្នោត​ជ្រើសរើស​ក្រុមប្រឹក្សា​ឃុំ​-​សង្កាត់​សម្រាប់​អាណត្តិ​ទី​៤ ផ្តើម​ឡើង​នៅ​ថ្ងៃ​ទី​២០ ខែឧសភា ឆ្នាំ​២០១៧​នេះ រហូត​ដល់​ថ្ងៃ​ទី​០២ ខែមិថុនា ដោយ​មាន​គណបក្ស​នយោបាយ​ចំនួន​១២​ចូលរួម​ប្រកួតប្រជែង ។ តាម​គណៈកម្មាធិការ​ជាតិ​រៀបចំ​ការ​បោះ​ឆ្នោត (​គ​.​ជ​.​ប​)​ការ​ឃោសនាបោះឆ្នោត​របស់​គណបក្ស​នយោបាយ​ប្រព្រឹត្តិ​ទៅ​ដោយ​សេរី ត្រឹមត្រូវ​និង​យុ​ត្តិ​ធ៌​ម ។ តាម​គោលការណ៍​របស់​គ​.​ជ​.​ប គណបក្ស​នយោបាយ​ដែល​ឃោសនាបោះឆ្នោត​ត្រូវ​គោរព​នូវ​គោលការណ៍​៥​ចំណុច​ដែល​រួម​មាន ​៖ ០១-​ត្រូវ​តែ​គោរព​ច្បាប់​និង​បទបញ្ជា​របស់​គ​.​ជ​.​ប​និង​ក្រម​សីល​ធ៌​ម​របស់​គណបក្ស​ឲ្យ​បាន​ហ្មត់ចត់​។ ០២-​អាជ្ញាធរ​សាធារណៈ​ទាំងអស់​ត្រូវ​ប្រកាន់​ជំហរ​អព្យាក្រឹត​ក្នុង​សកម្មភាព​របស់​ខ្លួន​និង​ហាម​យក​សម្ភារ និង​មធ្យោបាយ​ដឹក​ជ​ញ​ញ​ជូន​របស់​រដ្ឋ ដើម្បី​បម្រើ​ផលប្រយោជន៍​របស់​គណបក្ស ។ ០៣-​កង​យោធពលខេមរភូមិន្ទ កងកម្លាំង​នគរបាល​ជាតិ និង​កងរាជអាវុធហត្ថ ត្រូវ​ប្រកាន់​ជំហរ​អព្យាក្រឹត​និង​ត្រូវ​គោរព​តាម​ក្រម​សីល​ធ៌​ម​នៃ​កងកម្លាំង ។ ០៤-​ទប់ស្កាត់​ឲ្យ​បាន​នូវ​រាល់​អំពើ​បំភិតបំភ័យ ការ​គំរាមកំហែង​ដល់​បេក្ខជន សកម្មជន​គណបក្ស​នយោបាយ​និង​អ្នកបោះឆ្នោត​តាម​គ្រប់​រូបភាព​។ ០៥-​គ្រប់​ប្រ​ព័​ន្ឋ​ផ្សព្វផ្សាយ ត្រូវ​គោរព​តាម​ច្បាប់​ស្តី​ពី​រប​សារព័ត៌មាន និង​ក្រម​សីល​ធ៌​ម​វិជ្ជាជីវៈ ព្រមទាំង​ច្បាប់​ស្តី​ពី​ការ​បោះ​ឆ្នោត​។ ការ​បោះ​ឆ្នោត​ឃុំ​សង្កាត់​នឹង​ប្រព្រឹត្ត​ទៅ​នៅ​ថ្ងៃ​ទី​០៤ ខែមិថុនា...

ព្រឺក្បាល​ខ្ញាក​! មើល Profile ហ្វេ​ស​ប៊ុ​ក​នារី​ធ្លាក់​ពី​ខុន​ដូរ​ជាន់​ទី​១២

ភ្នំពេញ ៖ គ្រាន់តែ​មើលឃើញ​ភ្លាម ក៏​ព្រឺក្បាល​ខ្ញាក និង​ព្រឺរោម​ស្ទើរតែ​ពេញ​ខ្លួន​ដែរ​! នៅ​ពេល​ដែល​បាន​ចូល​មើល Profile ក្នុង​គណនី​ហ្វេ​ស​ប៊ុ​ក​របស់​កញ្ញាឯក​ប្រ៊ី​ដ​ស្តុ​ន​ដ៏​ស្រស់​ស្អាត​ម្នាក់​ឈ្មោះ ហាស់ ឌី​ជូរ​លី​ន ដែល​បាន​ធ្លាក់​ពីលើ​ជាន់​ទី​១២ នៃ​អគារ​ខុន​ដូរ និង​សណ្ឋាគារ​កា​ហ្សា CA&SA ក្នុង​តំបន់​កោះ​ពេជ្រ កាលពី​វេលា​ម៉ោង​០២ និង​១៥​នាទី​រសៀល​ថ្ងៃ​ទី​១៨ ឧសភា ២០១៧ មាន​ជាប់​រូប​ម្យ៉ាង​ពេលក្រឡេក​មើលមួយ​ភ្លែតនោះ​។ នៅ​ក្នុង​រូប Profile គណនី​ហ្វេ​ស​ប៊ុ​ក​ផ្ទាល់​របស់​កញ្ញាឯក​ប្រ៊ី​ដ​ស្តុ​ន ធ្វើ​ឲ្យ​មិត្តភក្តិ​មួយ​ចំនួន​មាន​ច​ម្ង​ល់ ព្រោះ​នៅ​ត្រង់​ផ្ទែ​ខ្មៅ ក្រោយ​រូបភាព​នា​រីង​គ្រោះ មាន​ជាប់​មុខ​មនុស្ស​ស្រី​ម្នាក់​ទៀត អោនមុខចុះហាក់កើតទុក្ខ...

អតីតមេខ្មែរក្រហមថាមានតែCPPទេនំាមកនូវសន្តិភាព

រដ្ឋលេខាធិការ​ក្រសួងការពារជាតិ​លោកនាយ​ឧត្តមសេនីយ៍ អ៊ី ឈាន បាន​បញ្ជាក់​ថា​«​មាន​តែ​គណបក្ស​ប្រជាជន​កម្ពុជា​( CPP) តែ​មួយ​គត់​ដែល បាន​នាំ​សន្តិភាព នាំ​ការ​អភិវឌ្ឍ​រីក​ចម្រើន និង​ភាព​រីករាយ​សុខដុម​ជូន​ប្រជាជាតិ​ខ្មែរ​ទាំងមូល »​។ លោក អ៊ី ឈាន ត្រូវ​បាន​គេ​ស្គាល់​ថា​ជា​អតីត​កម្មាភិបាលជាន់ខ្ពស់​និង​ជា​មេ​ទ័​ប​ខ្មែរក្រហម​ប្រចាំ​តំបន់​ប៉ៃលិន​ហើយក៍​ជា​អតីត​អ្នក​ធ្លាប់​ប្រ​យុ​ទ្ឋ​ស៊ីសាច់ហុតឈាម​ជាមួយ​កងទ័ព​លោក ហេង សំ​រិ​ន និង ហ៊ុន សែន ក៍​ដូច​ជា​កងទ័ព​យួន ។ ក្រោយ​សមាហរណកម្ម​នៅ​ឆ្នាំ​១៩៩៨ លោក​ផ្កាយ​៤ អ៊ី ឈាន ក៍​ធ្លាប់​កាន់​តំណែង​ជា​អភិបាល​នៃ​គណៈ​អភិបាល​ខេត្ត​ប៉ៃលិន ហើយ​មុន​ឡើង​តំណែង​ជា​រដ្ឋលេខាធិការ​ក្រសួងការពារជាតិ​ក្រោយ​ដល់​អាយុ​ចូល​និវត្តន៍ លោក អ៊ី...

មេ​គយ​ច្រក​ភ្នំ​ដី​បំភ្លឺ​ថា គ្មាន​ទេ​ការ​ឃុបឃិត​នឹង​ឈ្មួញ​នាំ​ចូលម៉ូតូ​​គេចពន្ធ

បាត់ដំបង ៖ លោក អ៊ុយ វិត ប្រធាន​សាខា​គយ និង​រដ្ឋាករ ប្រចាំ​ច្រក​ភ្នំ​ដី ស្រុក​សំពៅ​លូន ខេត្តបាត់ដំបង បាន​បំភ្លឺ​ប្រាប់​អង្គភាព​សារព័ត៌មាន​ក្នុងស្រុក​មួយ​នៅ​ព្រឹក​ថ្ងៃ​ទី​១៩ ឧសភា ២០១៧ នេះ​ថា តាំងពី​លោក​ឡើង​កាន់​តំណែង​ជិត​២​ខែ​កន្លង​មកនេះ មិន​ដែល​មានមុខ​ទំនិញ​មួយ​ណា ដែល​មិន​បង់ពន្ធ​នោះ​ទេ ពិសេស គឺ​ម៉ូតូ​តែ​ម្ដង ។ ហើយ​លោក​មេ​គយ​ប្រចាំ​ច្រក​មួយ​នេះ ក៏​បាន​បដិសេធ​ពី​ការ​ចោទប្រកាន់​នានា ដោយ​សំអាង​ថា ការ​នាំ​ម៉ូតូ​ចូល​មាន​ចំណារ​ពី​អគ្គនាយកដ្ឋាន​គយ និង​រដ្ឋាករ​ត្រឹមត្រូវ ។ ការ​បដិសេធ​របស់​មេ​គយ​ប្រចាំ​ច្រក​ភ្នំ​ដី ធ្វើ​ឡើង​បន្ទាប់​ពី​មានការ​ចោទប្រកាន់ពី​សំណាក់​​ប្រជាពលរដ្ឋ​មួយ​ចំនួន​ថា...

ឈើ​ប្រណីត​ដឹក​ចេញ​ទៅ​យួន កើត​មាន​គគ្រឹកគគ្រេង

ខេត្តរតនគិរី ៖ សកម្មភាព​ដឹក​ជញ្ជូន​ឈើ​ល្មើសច្បាប់​ចាប់ផ្តើម​មាន​ទៀត​ហើយ​នៅ​ខេត្តរតនគិរី គ្រាន់តែ​ប្តូរ​រូបភាព​ពី​ការ​ដឹក​ជញ្ជូន​ឈើ​ឆ្លង​ទៅ​វៀតណាម តាម​ច្រក​អន្តរជាតិ បង្វែរ​មក​នាំ​ចេញ​តាម​ច្រករបៀង​តូច​ៗ​វិញ ជាក់ស្តែង​កាលពី​វេលា​ម៉ោង​១០ និង​១៥​នាទី​ព្រឹក ថ្ងៃ​ទី​១៩ ឧសភា ២០១៧ ប្រភេទ​រថយន្ត​កែ​ច្នៃ ជា​ច្រើន​គ្រឿង បាន​ដឹក​ជញ្ជូន​ឈើ​បន្តកន្ទុយ​គ្នា ឆ្លងកាត់​ចំណុច ភូមិ​ឡំ ឃុំ​ប៉ក់​ញ៉ៃ ស្រុក​អូ​រយ៉ា​ដាវ ឆ្ពោះទៅ​ប្រទេស​វៀតណាម តាម​ច្រក​ភ្នំ​ក្រហម ។ បើ​តាម​ប្រភព​ពី​ប្រជាពលរដ្ឋ​បាន​បង្ហើប​ថា សកម្មភាព​ដឹក​ជញ្ជូន​ឈើ​ជា​លក្ខណៈ​ទ្រង់ទ្រាយ​តូច​ៗតែច្រើន​​នេះ ឈើ​ត្រូវ​បាន​ចេញ​ទៅ​វៀតណាម​ទាំង​ព្រឹក ទាំង​ថ្ងៃត្រង់ រហូត​ដល់​ពេល​យប់​ក៏​មានដែរ ការ​នាំ​ចេញ​នេះយ៉ាង​អនាធិបតេយ្យ ហើយ​ការ​ដឹក​នោះ...

នេត សាវឿន លូកថ្លើម គិត ម៉េង?

គេហទំព័រ​អគ្គស្នងការ​នគរបាល​ជាតិ​កាលពី​ទី ១៦ ខែឧសភា ឆ្នាំ​២០១៧ បាន​ចេញផ្សាយ​ពាក់​ព័​ន្ឋ​នឹង​បទល្មើស​ព្រៃឈើ​នៅ​ខេត្តស្ទឹងត្រែង​ថា ឈ្មោះ សេង និង​ប្រពន្ធ ជា​មេការ​ក្រុមហ៊ុន របស់​អ្នកឧកញ៉ា គិត ម៉េ​ង បាន​និង​កំពុង​តែ​កៀរគរ​ពលរដ្ឋ​ឲ្យ​ចូល​កាប់​ឈើ​ក្នុង​ព្រៃ​សហគមន៍​ហើយ​ដឹក​ជញ្ជូន​ចូល​ទៅ​ក្នុង​តំបន់​បាត​អាង ដើម្បី​ប្រែក្លាយ​ឈើ​ទាំងនោះ​ឲ្យ​ទៅ​ជា​ឈើ​ស្របច្បាប់ ។ គេហទំព័រ​ដែល​គេ​ដឹង​ថា​ក្រោម​ការ​ទទួលខុសត្រូវ​របស់​លោកនាយ​ឧត្តមសេនីយ៍​អគ្គស្នងការ​នគរបាល​ជាតិ នេ​ត សា​វឿ​ន​បាន​បន្ថែម​ទៀត​ថា ឈ្មោះ សាន ច​យ និង ហឿ​ន ប៊ុ​ន​ជឿន ក៏​កំពុង​តែ​ឲ្យ​ពលរដ្ឋ​កាប់ និង​ប្រមូល​ឈើ​រហូត​ដល់​ស្រុក​សៀម​ប៉ា​ង​ផង​ដែរ ។ ចំណែក​ឈើ​នៅ​ក្នុង​តំបន់​បាត​អាង​វិញ​គឺ​ត្រូវ​បាន​ប្រគល់​ឲ្យ​ឧកញ៉ា​ឈ្មោះ...

មហាសេដ្ឋីនិងសេដ្ឋីស្រុកខ្មែរមានជាង៣០០នាក់

អ្នក​ដែល​មាន​គោរមងារ​ជា​ឧកញ៉ា ត្រូវ​បាន​មជ្ឈដ្ឋាន​នានា​ក្នុង​សង្គម​ខ្មែរ មើលឃើញ​ថា​គឺជា​អ្នកមាន​ទ្រព្យសម្បត្តិ​ហូរហៀរ ព្រោះតែ​បាន​ងារ​ជា​ឧកញ៉ា​ក្នុង​សម័យ​ព្រះរាជាណាចក្រ​ទី​២​នេះ លុះណាតែ​អ្នក​នោះ​(​ឧកញ៉ា​)​បរិច្ចាគ​ថវិកា​ផ្ទាល់ខ្លួន​ជូន​ជាតិ​យ៉ាងតិច​១០​ម៉ឺន​ដុល្លារ​ក្នុង​ការ​ស្ថាបនា​ហេ​ដ្ឋា​រចនា​សម្ព័​ន្ឋ​នានា​និង​ជំនួយ​មនុស្ស​ធ៌​ម​ជាដើម ។ ឥឡូវនេះ អ្នក​ដែល​បរិច្ចាគ​ថវិកា​ផ្ទាល់ខ្លួន​យ៉ាងតិច​៥០​ម៉ឺន​ដុល្លារ​ឡើង​ទៅ​ទើបបាន​តម្លៃ​ងារ​ជា​ឧកញ៉ា នេះ​បើ​យោង​តាម​អនុក្រឹត្យ​របស់​រាជរដ្ឋាភិបាល លេខ ៤៣ អន​ក្រ​បក ចុះ​ថ្ងៃ​ទី ២០ ខែមីនា ឆ្នាំ​២០១៧ ស្តី​ពី​ការ​ការ​សម្រួល​លើក​សំណើសុំ​ព្រះ​រាជទាន​ងារ​ជា "​ឧកញ៉ា​" ។ គិត​ត្រឹម​ឆ្នាំ​២០១២​ដល់​ឆ្នាំ​២០១៥ ឧកញ៉ា​ដែល​គេ​គិត​ថា​ជា​មហាសេដ្ឋី និង​សេដ្ឋី​នៅ​ស្រុក​ខ្មែរ​មាន​ចំនួន​៣០៥​នាក់ យ៉ាងណា​មិន​ទាន់​មាន​របាយការណ៍​ជាក់លាក់​ណាមួយ​ពី​ស្ថាប័ន​ធនាគារជាតិ ឬ​អន្តរជាតិ និង​ស្ថាប័ន​ពាក់​ព័​ន្ឋ​ទាំង​ឯកជន​និង​រដ្ឋ​បង្ហាញ​តួលេខ​ថា​តើ​ឧកញ៉ា​ទាំងនោះ​មានទ្រព្យ​សម្បត្តិ​ពិតប្រាកដ​ប៉ុន្មាន​លាន​ដុល្លារ​នោះ​ទេ ប៉ុន្តែ​គ្រាន់តែ​តាម​ការ​វាយតម្លៃ​របស់​មជ្ឈដ្ឋាន​មួយ​ចំនួន​ថា ឧកញ៉ា​ខ្លះ​មាន​លុយ​ខ្ទង់​រាប់រយ​លាន​ដុល្លារ​ឯណោះ​។ ចំនួន​មហាសេដ្ឋី ឬ​សេដ្ឋី​ដោយ​គ្រាន់តែ​វិភាគ​លើ​ងារ​ជា​ឧកញ៉ា​ដែល​មាន​ចំនួន​៣០៥​នាក់​ខាងលើ​នេះ មិន​បាន​បូក​បញ្ចូល​អ្នកមាន​ទ្រព្យសម្បត្តិ​ចាប់ពី​១​លាន​ដុល្លារ​ឡើង​ទៅ ហើយ​ដែល​មិន​ចង់បាន​ងារ​ជា​ឧកញ៉ា...

រក​ឃើញ​មុខ​ សង្ស័យ​មេខ្លោង​គ្រឿងញៀន​ជាង​៥០​គីឡូក្រាម

ភ្នំពេញ ៖ គ្រឿងញៀន​ប្រភេទ​មេ​តំ​ហ្វា​តា​មីន ហេ​រ៉ូ​អ៉ី​ន និង​ប្រភេទ​ថ្នាំ​គ្រាប់​ជា​ច្រើន​ម៉ឺន​គ្រាប់​សរុប​ជាង ៥០​គីឡូក្រាម ត្រូវ​បាន​កម្លាំង​សមត្ថកិច្ច​មន្ទីរ​ប្រឆាំង​គ្រឿងញៀន​ក្រសួងមហាផ្ទៃ ឆ្មក់​ឆែកឆេរ​រក​ឃើញ ក្នុង​លំនៅ​ឋាន​មួយ​កន្លែង​មុខ​វត្ត​សំរោង​អណ្តែត សង្កាត់​ភ្នំពេញ​ថ្មី ខណ្ឌ​សែន​សុខ នៅ​វេលា​ម៉ោង​១១​យប់ ថ្ងៃ​ទី​១៧ ឧសភា ឆ្នាំ​២០១៧​នេះ កម្លាំង​សមត្ថកិច្ច​ជំនាញ​ក៏​បាន​បើក​ការ​ស៊ើបអង្កេត​បន្ត​រហូត​ឈាន​ដល់ ការ​ឃាត់ខ្លួន​ម្ចាស់​សណ្ឋាគារ​រតនៈសម្បត្តិ នៅ​ក្នុង​ខេត្តរតនគិរី នៅ​រសៀល​ថ្ងៃ​ទី​១៨ ឧសភា នេះ ដោយ​សង្ស័យ​ជា​មេខ្លោង​ជួញដូរ​គ្រឿងញៀន ។ ក្រោយ​ពេល​ឃាត់ខ្លួន​ជនសង្ស័យ​ខាងលើ​សមត្ថកិច្ច​បង្ហើប​អោយ​ដឹង​ថា ជនសង្ស័យ​ជា​ម្ចាស់​សណ្ឋាគារ​រតនៈសម្បត្តិ មានឈ្មោះ ស៊ី ឡា​ឡ​យ...

អត្ថបទ​កែតម្រូវ ៖ លោក ខៃ ប្រសិទ្ធ ទើប​ទិញ​ហាង​អាហារ​ថៃ​ថ្មី ក្នុង​ទឹកដី​អូស្ត្រាលី

ភ្នំពេញ ៖ បន្ទាប់​ពី​អង្រុត​បាន​ចុះ​ផ្សាយ​អត្ថបទ​មួយ​មាន​ចំណងជើង​ថា «​លោក ខៃ ប្រសិទ្ធ ទើប​ទិញ​ហាង​អាហារ​ថៃ​ថ្មី ក្នុង​ទឹកដី​អូស្ត្រាលី​» រួច​មក នៅ​ម៉ោង​៨​ព្រឹក​ថ្ងៃ​ទី​១៨ ឧសភា ២០១៧ លោក សា​វិ​ន ហ្វី​លី​ព បាន​រំលេច​សារ​មួយ​នៅ​លើ​បណ្តាញ​សង្គម​ហ្វេ​ស​ប៊ុ​ក​ផ្ទាល់ខ្លួន បានអោយ​ដឹង​ថា អត្ថបទ​របស់​ព័ត៌មាន​«​អង្រុត​» គ្មាន​បាន​ធ្វើការ​សម្ភាសន៍ ជាមួយ​លោកនិង​លោក​ខៃ ប្រសិទ្ធ សូ​ម្បី​មួយ​ម៉ាត់​! ហើយ​លោក​មិន​បាន​និយាយ​ថា បង​សិទ្ធ​កំពុង​រស់នៅ​ក្នុង​ប្រទេស​អូស្ត្រាលី ជាមួយ​ភរិយា​ក្រោយ​ហើយ​មានកូន​៣-៤ ថែម​ទៀត​ទេ​(​បើ​មាន​សំលេង​សំភាសន៍​ខ្ញុំ សូម​ជួយ​ចាក់​ផ្សាយ​អោយ​ខ្ញុំ​ស្ដាប់​ផង​)...

កឹម សុខា ៖បោះឲ្យ CNRP អត់បាក់ធ្មេញទេ

ប្រធាន​គណបក្ស​សង្គ្រោះ​ជាតិ លោក កឹ​ម សុខា បាន​និយាយ​ថា បើ​ចង់​បាក់​ធ្មេញ​បោះ​ឆ្នោត​ឲ្យ​គេ​ទៅ តែបើ​បោះ​ឲ្យ​គណបក្ស​សង្គ្រោះ​ជាតិ (CNRP) អត់​បាក់​ធ្មេញ​ទេ ទុក​ធ្មេញ​ហូប​បាយ ។ លោក កឹ​ម សុខា លើក​ឡើង​ខាងលើ​នេះ បាន​ធ្វើ​ឡើង​នៅ​ក្នុង​ពិធី​សំណេះសំណាល​ជាមួយ​ថ្នាក់ដឹកនាំ​និង​បេក្ខភាព​ស្ត្រី​ឈរឈ្មោះ​បោះ​ឆ្នោត​ឃុំ​-​សង្កាត់ នា​ព្រឹក​ថ្ងៃ​ទី​១៨ ខែឧសភា ឆ្នាំ​២០១៧ ។ បើ​តាម​មេ​បក្ស​ប្រឆាំង​រូប​នេះ បើ​បោះ​ឲ្យ​គណបក្ស​សង្គ្រោះ​ជាតិ​មិន​មាន​សង្គ្រាម​កើតឡើង​ទេ ហើយ​ថាបើ​សង្គ្រោះ​ជាតិ​ឈ្នះ​នឹង​ធ្វើការ​រួបរួម​គ្រប់​និន្នាការ​នយោបាយ​ដើម្បី​សុខ​សន្តិភាព​។ យ៉ាងណា​លោក កឹ​ម សុខា មិន​បាន​បញ្ជាក់​ថា​«​គេ​»​នោះ​ជា​គណបក្ស​នយោបាយ​ណាមួយ​នោះ​ទេ ប៉ុន្តែ​អ្នក​តាមដាន​នយោបាយ​បាន​មើលឃើញ​ថា លោក កឹ​ម...

លើក​មុន​ជាន់​ទី​៦​នារី​ម្នាក់​លោត លើក​នេះ​កញ្ញាឯក​ធ្លាក់​ពីលើ​ជាន់​ទី​១២ នៃ​អគារ​ខុន​ដូរ​កា​ហ្សា

ភ្នំពេញ ៖ ការ​ភ្ញាក់ផ្អើល​សារ​ជា​ថ្មី​ បន្ទាប់​ពី​នារី​ស្រស់​ស្អាត​ម្នាក់​ដែល​គេ​ស្គាល់​ថា ជាកញ្ញាឯក​ប្រ៊ី​ស្តុ​ន បាន​ធ្លាក់​ពីលើ​ជាន់​ទី​១២ នៃ​អគារ​កាលពី​វេលា​ម៉ោង​០២ និង​១៥​នាទី​រសៀល​ថ្ងៃ​ទី​១៨ ឧសភា ២០១៧​ ។ នេះ​លើក​ទី​២​ផង​ដែរ ដែល​មាន​ករណី​លោត​សម្លាប់​ខ្លួន​ពីលើ​អគារ​ខុន​ដូរ និងសណ្ឋាគារកា​ហ្សា​ CA&SA ក្នុង​តំបន់​កោះ​ពេជ្រ ស្ថិត​នៅ​តាម​ផ្លូវ​បេតុង​ក្រុម​៧៨ ភូមិ​១៤ សង្កាត់​ទន្លេបាសាក់ ខណ្ឌចំការមន រាជធានី​ភ្នំពេញ ។ ក្រោយ​កើតហេតុ​ភ្លាម​ៗ នារី​រង​គ្រោះ​ដែល​មានឈ្មោះ​ហាស់ ឌី​ជូរ​លី​ន អាយុ​១៧​ឆ្នាំ ជា​កញ្ញាឯក​សំបក​កង់​រថយន្ត Bridgestone...

យុវវ័យ​កំពុង​លក់ខ្លួន​បែប​លួចលាក់​តាម​ហ្វេ​ស​ប៊ុ​ក គ្មាន​ការ​ទប់ស្កាត់

ភ្នំពេញ ៖ នៅ​ក្នុង​សម័យកាល​ដ៏​ទំនើប​នា​ពេល​បច្ចុប្បន្ន​នេះ មនុស្ស​ជា​ច្រើន​ពេញ​និយម​ប្រើ​គណនី​ហ្វេ​ស​ប៊ុ​ក ដើម្បី​ជា​មធ្យោបាយ​ទំនាក់ទំនង​ទៅ​កាន់​មិត្តភក្តិ ការ​​បង្ហោះ​រូបភាព​ផ្សេង​ៗ បង្អួត​គ្នា​ទៅ​វិញ​ទៅ​មក​ជា​ការ​កម្សាន្ត ប៉ុន្តែគេ​សង្កេត​ឃើញ​យុវតី​កាន់តែ​​ច្រើន​បាន​បង្ហោះ​រូបភាព​ស៊ិ​ច​ស៊ី​របស់​ខ្លួន​ជា​សាធារណៈ​ហាក់​មិន​សំចៃ​ពី​អាថ៌​កំបាំង​របស់​ខ្លួន​ឡើយ ។ តាមការ​អង្កេត​ក្នុង​រយៈពេល​ចុង​ក្រោយ​នេះ មាន​លេចឡើង​នូវ​រូបភាព​សិច​ស៊ី​ស្រើបស្រាល​របស់​យុវនារី​​ខ្មែរ​មួយ​ចំនួន ដែល​កំពុង​ធ្វើ​អោយ​ «​ស៊ី​អារម្មណ៍​» បុរស​ៗ​​​ផង​ដែរ ក្រុម​នារី​ទាំងនោះ​ទំនងជា​ស្ត្រី​វ័យក្មេង «​លក់ខ្លួន​​បែប​លួចលាក់​» តាម​បណ្តាញ​​សង្គម​​ខ្វះ​មិន​បាន​មួយ​នេះ ។ នៅ​ពេល​ដែល​មនុស្ស​ម្នា​នាំ​គ្នា​ចាប់​យក​មធ្យោបាយ​ទំនាក់ទំនង​តាម​ហ្វេ​ស​ប៊ុ​ក​កាន់តែ​ច្រើន​​ឡើង​ នារី​លក់ខ្លួន​ដែល​កាន់តែ​មាន​ភាព​​វៃ​​ឆ្លាត ​ក៏​មិន​បង្អង់​អោយ​បាត់​ឱកាស​នៃ​ការ​រកស៊ី​របស់​ពួក​គេ​នោះ​ដែរ ដើ​ម្បី​ជំនួស​អោយ​ការ​បក់ដៃ ឬ​ក៏​មាន​ម៉ែ​យ៉ែ​ម​ជួយ​រក​ម៉ូយ​នោះ ពួក​គេ​ឥឡូវ​អាច​រកស៊ី​ដោយ​ខ្លួនឯង ​តាម​ហ្វេ​ស​ប៊ុ​កដោយ​ស្ងាត់​ៗ នារី​វ័យក្មេង​ទាំងនោះ បាន​ប្រើ​គណនី​ហ្វេ​ស​ប៊ុ​ក​ផ្ទាល់ខ្លួន​ជា​មធ្យោបាយ ក្នុង​ការ​ទំនាក់ទំនង...

ផ្លូវល្បឿនលឿននឹងចាប់ផ្តើមស្ថាបនានៅចុងឆ្នំានេះ

បើ​តាម​លោកនាយក​រដ្ឋមន្ត្រី ហ៊ុន សែន ដែល​សរសេរ​បង្ហោះ​នៅ​លើ​បណ្តាញ​សង្គម​ហ្វេ​ស​ប៊ុ​កបាន​ឲ្យ​ដឹង​ថា ផ្លូវ​ល្បឿន​លឿន​ពី​រាជធានី​ភ្នំពេញ​ទៅ​ខេត្ត​ព្រះ​សីហ​នុ​ដែល​ចំណាយពេល​ត្រឹមតែ​២​ម៉ោង​នោះ នឹង​បើក​ការដ្ឋាន​សាងសង់​នៅ​ចុងឆ្នាំ​២០១៧​នេះ​។ គម្រោង​សាងសង់​ផ្លូវ​ល្បឿន​លឿន​ពី​រាជធានី​ភ្នំពេញ​ឆ្ពោះទៅ​កាន់​ខេត្ត​ព្រះ​សីហ​នុ ប្រវែង​១៩០​គីឡូម៉ែត្រ វិនិយោគ​ទឹកប្រាក់​ជា​ច្រើន​ពាន់​លាន​ដុល្លារ ដោយ​ក្រុមហ៊ុន China Communications Construction Company របស់​ប្រទេស​ចិន​៕

ហ៊ុន សែនថាប្រទេសអភិវឌ្ឍន៍ដោយសារ CPP

នៅ​ចំពោះ​មុខមន្ត្រី​រាជការ និង​កងកម្លាំងប្រដាប់អាវុធ​ទាំង​៣​ប្រភេទ​ជាង​៣​ពាន់​នាក់​នៅ​ក្នុង​ខេត្តកំពង់ស្ពឺ លោកនាយក​រដ្ឋមន្ត្រី ហ៊ុន សែន បាន​និយាយ​ថា​«​ការ​ប្រឹងប្រែង​របស់​យើង​ក្នុង​រយៈពេល​កន្លង​ទៅ សមិទ្ធផល​ដែល​យើង​ទទួល​បាន​ទាំង​សន្តិភាព ទាំង​ការ​អភិវឌ្ឍ​សេដ្ឋកិច្ច​សង្គម មិន​មាន​បក្ស​ណា​ផ្សេង​ក្រៅ​តែ​ពី​គណបក្ស​ប្រជាជន​កម្ពុជា​(CPP) ដែល​បាន​នាំ​មក​នូវ​លទ្ធផល​ទាំង​អស់នេះ ហើយ​ក៏​គ្មាន​បាតដៃ​បក្ស​ប្រឆាំង​បាន​ចូលរួម​ណាមួយ​សូ​ម្បី​តែ​បន្តិច ក្រៅ​តែ​ពី​ការ​បំផ្លិចបំផ្លាញ​៕

រថយន្តបុករថយន្តស្លាប់ពលករខ្មែរ៥នាក់នៅសៀម

យ៉ាង​ហោច​ណាស់​ពលករ​ខ្មែរ​០៥​នាក់​បាន​ស្លាប់​ភ្លាម​ៗ​នៅ​កន្លែង​កើតហេតុ និង​០៣​នាក់​រង​របួសធ្ងន់​ស្រាល ដោយសារ​គ្រោះថ្នាក់​ចរាចរណ៍​រថយន្ត​តាក់ស៊ី​បុក​រថយន្ត​ធុន​ធំ ុំ ឧបទ្ទវ​ហេតុនេះ​បាន​កើតឡើង​កាលពី​ថ្ងៃ​ទី​១៧ ខែឧសភា ឆ្នាំ​២០១៧​នៅ​លើ​កំណាត់​ផ្លូវ​លេខ​៣៣១ ត្រង់​ចន្លោះ​បង្គោលគីឡូម៉ែត្រ​លេខ​១២១ និង​១២២ ស្ថិត​នៅ​ត្រង់​ចំណុច​ណ​ង​អ៊ី​ថូន ភូមិ​១៤ ឃុំ​កោះ​ខ្នុរ ស្រុក​ភ្នំ​សារៈ​ខាម ខេត្ត​ឆាក់​ឈើ​ង​សៅ ប្រទេស​ថៃ ។ នៅ​ពេល​នេះ សាកសព​ទាំង​៥​នាក់​ដែល​មិន​ទាន់​ស្គាល់​អត្តសញ្ញាណ​បាន​ត្រូវ​អាជ្ញាធរ​ខ្មែរ​-​ថៃ​កំពុង​ស្រាវជ្រាវ​រក​សាច់ញាតិ​និង​ក្រុម​គ្រួសារ​ដើម្បី​ប្រគល់​យក​មក​ធ្វើបុណ្យ​តាម​ប្រពៃណី​ជាតិ ៕

ដេកគុកជាងកន្លះឆ្នំា រកមិនឃើញបទល្មើសដោះលែងវិញ

ចៅ​ក្រ​សាលាដំបូង​ខេត្តកណ្តាល​បាន​សម្រេច​ដោះ​លែង​យុវជន​ម្នាក់​ឲ្យ​មាន​សេរីភាព​ឡើង​វិញ បន្ទាប់​ពី​រក​មិនឃើញ​ធាតុ​ផ្សំ​នៃ​បទល្មើស​រំ​លោ​ព​សេពសន្ថវៈ ។ យ៉ាងណា​យុវជន​ដែល​ចៅក្រម​សាលាដំបូង​ខេត្តកណ្តាល លោក ផូង វណ្ណ ដោះ​លែង​នៅ​ព្រឹក​ថ្ងៃ​ទី​១៨ ខែឧសភា ឆ្នាំ​២០១៧​នេះ បាន​ជាប់​ព​ន្ឋ​នាគារ​រយៈពេល​ជិត​៧​ខែ ក្រោយ​តំណាង​អយ្យការ​ចោទ​ពី​បទ​រំលោភ​សេពសន្ថវៈ​ទៅ​លើ​ក្មេង​ស្រី​អាយុ​១៦​ឆ្នាំ​ម្នាក់ នៅ​ក្នុង​ឃុំ​ពុក​ប្ញ​ស្សី ស្រុក​ខ្យា​ច់​កណ្តាល ខេត្តកណ្តាល​កាលពី​ខែតុលា ឆ្នាំ​២០១៦ ។ យុវជន​ជាប់ចោទ​ឈ្មោះ សេង ឧស្សាហ៍ បាន​អះអាង​ក្នុង​សវនាការ​ព្រឹក​មិ​ញ​ថា ខ្លួន​(​សេង ឧស្សាហ៍​) មិន​បាន​ចាប់រំលោភ​នោះ​ទេ តែ​ជា​ការ​ព្រម​ព្រ​ង​គ្នា​ប៉ុណ្ណោះ ៕  

ចង់​ជិះ​កង់លំនឹងចល័ត​ស្វ័យប្រវត្ត​(balance wheel) មាននៅ​រមណីយដ្ឋាន​វត្ត​ភ្នំ

ភ្នំពេញ ៖ លោក​សាំ ពិសិដ្ឋ ប្រធាន​មន្ទីរ​សាធារណការ និង​ដឹក​ជញ្ជូន​រាជធានី​ភ្នំពេញ បានអោយ​ដឹង​នៅ​ថ្ងៃ​ទី​១៨ ឧសភា ២០១៧​នេះ​ថា ដោយ​មាន​សំណូមពរ​ពី​បងប្អូន និង​ភ្ញៀវ​ទេសចរណ៍ រដ្ឋបាល​រាជធានី​ភ្នំពេញ នឹង​រៀបចំ balance wheel ដាក់​បម្រើ​ជូន​ភ្ញៀវ​ទេសចរណ៍​ជាតិ និង​អន្តរជាតិ ដើម្បី​ជិះ​កម្សាន្ត​ទស្សនា​ក្នុង​បរិវេណ​រមណីយដ្ឋាន​វត្ត​ភ្នំ ។ សូម​បញ្ជាក់​ថា balance wheel គឺជា​ប្រភេទ​ទោចក្រយាន​ចល័ត​, ដែល​មាន​តុល្យភាព​លំនឹង​ដើរ​ដោយ​ថាមពល​ថ្ម​សាក ជា​ធម្មតា​វា​មាន​កង់ស្វ័យប្រវត្ត​២ នៅ​ពី​ម្ខាង​ទៅ​ម្ខាង អ្នក​ជិះ​កង់​ត្រូវ​ឈរ​កាន់ចង្កូត ។...

ព័ទ្ធ​ផ្ទះ​ឧកញ៉ា ថៃ ជា​ឈ្មួញ​ដ៏​ល្បី​នាំ​ឈើ​ប្រណី​តទៅ​ស្រុក​យួន

ស្ទឹង​ត្រែង ៖ ឧកញ៉ា ថៃ ដែល​គេ​ស្គាល់​ថា គឺជា​ឈ្មួញ​ដ៏​ល្បីល្បាញ​ខាង​ជំនួញ​ឈើ​ប្រណីត​នាំ​ចេញ​ទៅ​ប្រទេស​វៀតណាម​នោះ ត្រូវ​សមត្ថកិច្ច​ចម្រុះ​ខេត្តស្ទឹងត្រែង សហការ​ជាមួយ​លោក​ព្រះរាជអាជ្ញា​រង​បាន​ចុះ​ទៅ​ឡោម​ព័ទ្ធ និង​ឆែកឆេរ​ទីតាំង​ស្តុក​ឈើ​ប្រណីត​មួយ​កន្លែង នៅ​កណ្ដាល​ក្រុង​ស្ទឹង​ត្រែង រក​ឃើញ​ឈើ​ប្រណីត​រាប់​សិប​ដុំ ។ ប្រតិបត្តិការ​ចុះ​បង្ក្រាប​នេះ​ធ្វើ​ឡើង​កាលពី​យប់​ថ្ងៃ​ទី​១៥ ឧសភា ២០១៧ កន្លង​ទៅ​នេះ សមត្ថកិច្ច​ចម្រុះ​មួយ​ក្រុម​រួម​មាន​នគរបាល​សេដ្ឋកិច្ច អាវុធហត្ថ និង​មេព្រៃ​ខេត្ត​រួម​ជាមួយ​លោក​ព្រះរាជអាជ្ញា​រង​បាន​នាំ​កម្លាំង​ចុះ​ទៅ​ឡោម​ព័ទ្ធ​ទីតាំង​ផ្ទះ​មួយ​កន្លែង ដោយ​សង្ស័យ​ថា ជា​កន្លែង​ស្តុក​ឈើ​ប្រណីត​សម្រាប​នាំ​ចេញ​ទៅ​ប្រទេស​វៀតណាម ស្ថិត​នៅ​ក្នុងភូមិ​កណ្ដាល សង្កាត់​ស្ទឹង​ត្រែង ខេត្តស្ទឹងត្រែង ។ តាម​ប្រភព​ពី​កន្លែង​បង្ក្រាប​បាន​ទម្លាយ​អោយ​ដឹង​ថា ផ្ទះ​ស្តុក​ឈើ​នោះ គឺជា​របស់​ឧកញ៉ា...

មេចលនារណសិរ្សរំដោះជាតិខ្មែរគំរាមធ្វើភេរវកម្ម

ប្រធាន​ចលនា​រណសិរ្ស​រំដោះជាតិ​ខ្មែរ លោក សម សេរី បាន​ប្រកាស​ពី​ប្រទេស​ដា​ណឺ​ម៉ាក ដោយ​ទាមទារ​ឲ្យ​រដ្ឋាភិបាល ដោះ​លែង​សមាជិក​របស់​លោក​វិញ​ជា​បន្ទាន់ បើ​ពុំនោះ​ទេ លោក​មិន​ធានា​ថា​នឹង​មាន​អ្វី​កើតឡើង​ឡើយ​នៅ​ក្នុង​ប្រទេស​កម្ពុជា​។ នៅ​ព្រឹក​ថ្ងៃ​ទី​១៨ ខែឧសភា មិន​ទាន់​អាច​រក​ការ​សុំ​អត្ថាធិប្បាយ​បាន​ទេពី​មន្ត្រី​អ្នកនាំពាក្យ​ក្រសួងមហាផ្ទៃ ក៍​ដូច​ជា​ក្រសួងការពារជាតិ​ជុំវិញ​ការ​ប្រកាស​របស់​មេ​ចលនា​រណសិរ្ស​រំដោះជាតិ​ខ្មែរ​ខាងលើ​នេះ ។ ការ​ប្រកាស​របស់​លោក សម សេរី បាន​ធ្វើ​ឡើង​មួយ​ថ្ងៃ​ប៉ុណ្ណោះ​មុន​ពេល​សមាជិក​របស់​លោក​០៣​នាក់ បាន​ត្រូវ​សមត្ថកិច្ច​បញ្ជូន​ទៅ​សាលាដំបូង​រាជធានី​ភ្នំពេញ​នៅ​ថ្ងៃ​ទី​១៨ ខែឧសភា ឆ្នាំ​២០១៧ ។ មនុស្ស​០៣​នាក់ ដែល​ត្រូវ​បាន​សមត្ថកិច្ច​ចាប់ខ្លួន​នៅ​ស្នាក់​ការ​អង្គការ​ឧត្តមស្នងការ​អន្តរ​សាស្ត្រ កាល​នៅ​ព្រឹក​ថ្ងៃ​ទី​១៦ ឧសភា ២០១៧ នៅផ្ទះ​លេខ​៤៩៧ ផ្លូវ​៣៦៩ សង្កាត់​ព្រែក​ប្រា...

បញ្ជូនខ្លួនអ្នកបង្កើតរដ្ឋាភិបាលស្រមោលទៅតុលាការ

តាម​គម្រោង​នៅ​ថ្ងៃ​ទី​១៨ ខែឧសភា ឆ្នាំ​២០១៧​នេះ សមត្ថកិច្ច​នៃ​ស្នងការដ្ឋាន​នគរបាល​រាជធានី​ភ្នំពេញ នឹង​បញ្ជូន​មនុស្ស​០៣​នាក់​តំណាង​រណសិរ្ស​រំដោះជាតិ​ខ្មែរ និង​តំណាង​អង្គការ​ឧត្តមស្នងការ​អន្តរ​សាស្ត្រ​ទៅ​សាលាដំបូង​រាជធានី​ភ្នំពេញ ដើម្បី​ចាត់ការ​តាម​ច្បាប់ ។ មនុស្ស​០៣​នាក់ ដែល​ត្រូវ​បាន​សមត្ថកិច្ច​ចាប់ខ្លួន​នៅ​ស្នាក់​ការ​អង្គការ​ឧត្តមស្នងការ​អន្តរ​សាស្ត្រ កាល​នៅ​ព្រឹក​ថ្ងៃ​ទី​១៦ ឧសភា ២០១៧ នៅផ្ទះ​លេខ​៤៩៧ ផ្លូវ​៣៦៩ សង្កាត់​ព្រែក​ប្រា ខណ្ឌ​ច្បារ​អំពៅ ខណៈ​កំពុង​ធ្វើ​សន្និសីទកាសែត ដើម្បី​ទាមទារ​ឲ្យ​មានការ​ដោះ​លែង​អ្នកទោស​នយោបាយ រួម​មាន​សមាជិក​រណសិរ្ស​រំដោះជាតិ​ខ្មែរ និង​សកម្មជន​នយោបាយ រូ​ម​និង​មន្ត្រី​អង្គការ​សង្គម​ស៊ី​វិល​នោះ​រួម​មាន ឈ្មោះ ធុ​យ វី ឈ្មោះ ឃុន សាវៈ​ខែត្រ ...

សមាជិក​សភា​អាស៊ាន​ស្នើ​គ​.​ជ​.​ប​ចាត់ការ​ហ៊ុន សែន

សមាជិក​សភា​អាស៊ាន​ដើម្បី​សិទ្ធិ​មនុស្ស ហៅ​កាត់​ថា អេ​.​ភី​.​អេ​ច្ឆ​.​អា (APHR) បាន​ស្នើ​ដល់​គណៈកម្មាធិការ​ជាតិ​រៀបចំ​ការ​បោះ​ឆ្នោត (​គ​.​ជ​.​ប​) ចាត់វិធានការ​ទៅ​លើ​ការ​ថ្លែង​គំរាម​របស់​លោកនាយក​រដ្ឋមន្ត្រី ហ៊ុន សែន ដែល​ថា ប្រសិនបើ​គណបក្ស​ប្រជាជន​ចាញ់ឆ្នោត​នឹង​កើត​មាន​សង្គ្រាម ។ ក្រៅពី​ការ​ស្នើ​ដល់ គ​.​ជ​.​ប ចាត់វិធានការ​ទៅ​លើ​ការ​គំរាម​របស់​លោក ហ៊ុន សែន ប្រធាន​ក្រុម​សមាជិក​សភា​អាស៊ាន​ដើម្បី​សិទ្ធិ​មនុស្ស និង​ជា​សមាជិក​សភា​ម៉ា​ឡេ​ស៊ី លោក ឆា​លស៍ សាន​ទី​អេ​ហ្គោ (Charles Santiago) ក៍បាន​ចាត់​ទុក​ការ​គំរាម​របស់​លោក ហ៊ុន សែន​និង លោក...

​មន្ត្រី​ក្រសួង​អប់រំធ្លាប់​មានរឿង​អាស្រូវ​បៀតបៀន​នារី​បកប្រែ​កូរ៉េ ត្រូវបានឡើង​តំណែង

ភ្នំពេញ ៖ មិត្ត​អ្នក​អាន​ប្រហែលជា​នៅ​ចង​ចាំ​បាន​នូវ​រឿងអាស្រូវ​មួយរបស់​មន្ត្រីជាន់ខ្ពស់​នៃ​ក្រសួង​អប់រំ យុវជន និង​កីឡា ម្នាក់ដែលត្រូវ​បាន​ប៉ូលិស​កូរ៉េ​ឃាត់ខ្លួន​ពី​បទ​បៀតបៀន​នារី​អ្នកបកប្រែ អំឡុង​ដំណើរ​ទស្សនកិច្ច​ផ្លូវ​រដ្ឋ ដើម្បី​ចូលរួម​វេទិកា​ស្ដី​ពី​ការ​អភិវឌ្ឍន៍​ធនធានមនុស្ស​អាស៊ាន​បូក​៣ ឆ្នាំ​២០១៦ នៅ​ប្រទេស​កូរ៉េខាងត្បួង​កន្លងមកនោះ ស្រាប់តែនាពេលថ្មីៗនេះត្រូវបានរាជរដ្ឋាភិបាលចេញអនុក្រឹត្យ​សម្រេចដំឡើង​ឋានន្តរស័ក្តិ និង​ថ្នាក់ជូនលោក គ្រី ស៊ា​ង​ឡុ​ង ។ អនុក្រឹត្យ​សម្រេចដំឡើង​ឋានន្តរស័ក្តិ និង​ថ្នាក់នោះដោយសារ​លោក​បណ្ឌិត គ្រី ស៊ា​ង​ឡុ​ង នៅ​មានភ័ព្វ​សំណាង​មិន​ត្រូវ​បាន​លុបឈ្មោះ​ចេញពី​ក្របខ័ណ្ឌ​មន្ត្រីរាជការ​ស៊ី​វិល ទើប​លោក​បណ្ឌិត​រូប​នេះ ដែល​ឋិត​ក្នុង​ក្របខ័ណ្ឌ​គ្រូបង្រៀន​កម្រិត​ឧត្តម​ដើម​ខ្សែ​ថ្នាក់​លេខ​២ នៃ​ក្រសួង ហើយ​ថែម​តាំង​ទទួល​បានការ​ដំឡើង​ឋានន្តរស័ក្តិ និង​ថ្នាក់​ពី​គ្រូបង្រៀន​កម្រិត​ឧត្តម​ដើម​ខ្សែ​ថ្នាក់​លេខ​២ មក​ជា​គ្រូបង្រៀន​កម្រិត​ឧត្តមដើម​ខ្សែ​​ថ្នាក់​លេខ​១ ដោយ​អនុក្រឹត្យ​របស់​រាជរដ្ឋាភិបាល​លេខ​៣៤៣​អន​ក្រ​.​ត​ត ចុះ​ថ្ងៃ​ទី​២២...

ចាប់​បាន​ឡេ​ក្លែងក្លាយ និង​គ្រឿងសម្អាង​ជាង​៥០០​កេស នាំ​ចូល​ពី​យួន

ភ្នំពេញ ៖ ប្រតិបត្តិការ​ឆ្មក់​ចុះ​ទៅ​ឆែកឆេរ​លំនៅ​ឋាន​ស្តុក​ទុក​ទំនិញ​មួយ​កន្លែង លេខ​៧៤BEo ផ្លូវ​លេខ​២០២ សង្កាត់​ទឹកល្អក់​៣ ខណ្ឌទួលគោក នៅ​រសៀល​ម៉ោង​២​ថ្ងៃ​ទី​១៦ ខែឧសភា ឆ្នាំ​២០១៧ នេះ​សមត្ថកិច្ច​បាន​ឃាត់ខ្លួន​ឈ្មួញ​ជនជាតិ​វៀតណាម​ម្នាក់ បាន​នាំ​ទំនិញ​អត់​បង់ពន្ធ និង​ក្លែង​ក្លាយជា​ច្រើន​ប្រភេទ​ដូច​ជា ថ្នាំពេទ្យ ឡេ​ខាត់​ស្បែក​គ្រប់​ប្រភេទ ចូល​មក​ពី​ប្រទេស​វៀតណាម​ដោយ​ខុសច្បាប់ ដើម្បី​ចែកចាយ​លើ​ទីផ្សារ​ក្នុង​ព្រះរាជាណាចក្រ​កម្ពុជា ។ ប្រតិបត្តិការ​នេះ​មាន​ចូល​រួប​ពី​តំណាង​អយ្យការ​សាលាដំបូង​រាជធានី​ភ្នំពេញ​លោក ស្រី ម៉ាក់​នី ព្រះរាជអាជ្ញា​រង សហការ​ជាមួយ​លោក​ឧត្តមសេនីយ៍ទោ ឡុ​ង ស្រេង អនុប្រធាន​នាយកដ្ឋាន​ប្រឆាំង​បទល្មើស​សេដ្ឋកិច្ច និង​មន្ត្រី​ជំនាញ​នាយកដ្ឋាន​ឱសថ​នៃ​ក្រសួងសុខាភិបាល បាន​រក​ឃើញ​ផលិតផល​ក្លែងក្លាយ...

ក្មេង​ជំនាន់​ក្រោយ​មាន​សង្ឃឹម​ហើយ​…!

តាម​ការ​កត់សម្គាល់ មន្ត្រី​ចាស់​ៗ​វស្សា មិនដឹង​ពេល​ណា​គ្រប់​អាយុ​ចូល​និវត្តន៍​ទេ? បើ​ម្នាក់​ៗ​ខាំ​ស្មៅ​ក្រាញននៀល​យ៉ាងនេះ ។ ទោះបី​ក្មេង​ជំនាន់​ក្រោយ​ខំរៀន​ចប់​ហើយ ក៏​នៅ​ដាំចេក​សិន​ទៅ អានាង​! បើ​គ្មាន​ខ្សែ​ទុយោ​អី​គេ​នឹង កុំ​សង្ឃឹម​មាន​កៅអី​មន្ត្រី​អង្គុយ ប៉ុន្តែ​ក្តី​រំពឹង​របស់​អ្នក​ជំនាន់​ក្រោយ​ហាក់​មាន​សង្ឃឹម​ឡើង​វិញ ខណៈ​ដែល​មន្ត្រី​នគរបាល​គ្រាក់​ៗ​ជំនាន់​មុន ត្រូវ​បាន​ដាក់​ឲ្យ​ចូល​និវត្តន៍ ជា​បន្តបន្ទាប់ នា​ចុង​អាណត្តិ​នេះ នៅ​ពេល​ដែល​ការ​បោះ​ឆ្នោត​ខិត​ជិត​ចូល​មក​ដល់ ។ នា​អាណត្តិ​ចុង​ក្រោយ​នេះ រដ្ឋាភិបាល​ហាក់​មានការ​កែទម្រង់​គួរ​ឲ្យ​កត់សម្គាល់ ណាមួយ​គណបក្សកាន់អំណាច ក៏​ចង់បាន​ប្រជាប្រិយភាព និង​សន្លឹក​ឆ្នោត​ផង​តាម​មើល៍ ទើប​មានការ​ដាក់​ឲ្យ​មន្ត្រី​ចូល​និវត្តន៍​ជា​បន្តបន្ទាប់ ។ មិនតែប៉ុណ្ណោះ មន្ត្រី​ចូល​និវត្តន៍​ក៏​ត្រូវ​បាន ដំឡើង​ប្រាក់បៀវត្សរ៍​ទៀត​ផង គិត​ចាប់ពី​ថ្ងៃ​ទី​១...

ថ្ងៃនេះ នាយ​ហុង ដា ចេញ​វី​ដេ​អូ​ព្រមាន ​នាង ឃ្មឹ​ប

រាជធានី​ភ្នំពេញ ៖ ជា​ថ្មី​ម្តងទៀត នាយ​ហុង ដា បាន​ចេញ​នូវ​វី​ដេ​អូ​ផ្សាយ​ផ្ទាល់​មួយ​នៅ​មុន​នេះ​បន្តិច ព្រមាន​អ្នក​នាង​ឃ្មឹ​ប ដែល​ជា​អតីត​ភរិយា​ដ៏​ល្អ​លេខ​១​របស់​នាយ ឲ្យ​ចេញ​មុខ​បកស្រាយ​តាម​ការ​ឡាយ​វី​ដេ​អូ​ជា​សាធារណៈ ដើម្បី​សុំ​ទោស​ដល់​លោក​ទៅ នោះលោក​អត់ឱន​អោយ ។ ការ​ប្រតិកម្ម​នៅ​ព្រឹក​ថ្ងៃ​ទី​១៧ ឧសភា ជា​ថ្មី​ម្តងទៀត​នេះ បន្ទាប់​ពី​អ្នក​នាង​ឃ្មឹ​ប បាន​បរិយាយ​រូប​លោក​ពាក់ព័ន្ធ​នឹង​រឿង​អតីត ការ​លែងលះ​កាល​នេះ គឺ​មក​ពី​រស់​មិន​ចុះសំរុង​នឹង​គ្នា ដោយសារ​ការ​ប្រចណ្ឌ​នាយ​មាន​ស្រី និង​ញៀន​លេងល្បែង​ថែម​ទៀត​ផង ។ លោក​អឿ​ន សុខា ហៅ​នាយ ហុងដា បាន​ថ្លែង​បញ្ជាក់​ក្នុង​វី​ដេ​អូ​អោយ​ដឹង​ថា មើលទៅ​ឃើញ​ដដែល​ៗ​ពេក​..​ម្តង​ហើយ​...​ម្តងទៀត​..ៗ...