ម៉ាកាវចង់បើកកាស៊ីណូ​នៅ​ខេត្ត​សៀមរាប

ក្រុមហ៊ុន​កាស៊ីណូ Macau Legend Development ដែល​ចុះបញ្ជី​ក្នុង​ផ្សារ​ហ៊ុន​ហុងកុង​បាន​បង្ហាញ​ពី​គម្រោង​សាងសង់​មជ្ឈមណ្ឌល​កម្សាន្ត​ដែល​រួម​មាន​កាស៊ីណូ និង​សេវា​មិនមែន​ល្បែង​នៅ​ក្នុង​ទីក្រុង​ទេសចរណ៍​ប្រវត្តិសាស្ត្រ​ដ៏​ល្បីល្បាញ​របស់​កម្ពុជា​ដោយ​បញ្ជាក់​ថា ក្រុមហ៊ុន​កំពុង​ដំណើរការ​នីតិវិធី​ទិញ​ដី​សម្រាប់​គម្រោង​នេះ​។ នេះ​បើ​តាម​ការ​លើក​ឡើង​របស់​តំណាង​ក្រុមហ៊ុន​ក្នុង​កិច្ចប្រជុំ​ប្រចាំឆ្នាំ​កាលពី​ស​ប្តា​ហ៍​មុន​។ ទោះ​យ៉ាងនេះ​ក្តី​មន្ត្រី​ក្រសួង​សេដ្ឋកិច្ច​កម្ពុជា​ដែល​ជា​អ្នកគ្រប់គ្រង​អាជីវកម្ម​កាស៊ីណូ​បញ្ជាក់​កាលពី​ម្សិលមិញ​ថា ក្រសួង​មិន​ដែល​ទទួល​បានការ​ស្នើ​សុំ ឬ ចរចា​ណាមួយ​លើ​គម្រោង​បង្កើត​កាស៊ីណូ​នៅ​សៀមរាប​នោះ​ទេ ហើយ​បាន​បញ្ជាក់​ថា រដ្ឋាភិបាល​កម្ពុជា​នឹង​មិន​អនុញ្ញាត​ឲ្យ​មាន​អាជីវកម្ម​ល្បែង ឬ កាស៊ីណូ​នៅ​ខេត្តសៀមរាប​នោះ​ឡើយ​។ គេហទំព័រ​ព័ត៌មាន​របស់ GGR Asia ដែល​ជា​គេហទំព័រ​ព័ត៌មាន​អំពី​ឧស្សាហកម្ម​កាស៊ីណូ​បាន​រាយការណ៍​ថា​លោក Chow Kam Fai ប្រធាន​ប្រតិបត្តិ​ក្រុមហ៊ុន Macau Legend Development បាន​លើក​ឡើង​នៅ​ក្នុង​កិច្ចប្រជុំ​ប្រចាំឆ្នាំ​កាលពី​ថ្ងៃ​ព្រហស្បតិ៍​ដោយ​បញ្ជាក់​ថា នៅ​អំឡុង​ឆ្នាំ​នេះ​ក្រុមហ៊ុន​រំពឹង​ថា​នឹង​បញ្ចប់​កិច្ចព្រមព្រៀង​ទិញ​ដី​សម្រាប់​ទីតាំង​កាស៊ីណូ...

យុទ្ឋសាស្រ្តច្រែះស៊ីដែក យួនបោះទុន១ពាន់លានដុល្លារលើវិស័យកសិកម្ម

ក្រុមហ៊ុន​របស់​វៀតណាម​មួយ ឈ្មោះ FLC Group មាន​គម្រោង​នឹង​មក​បោះទុន​វិនិយោគ​ចំនួន ១​ពាន់​លាន​ដុល្លារ​ក្នុង​ឆ្នាំ​២០១៩ ខាង​មុខ ដើម្បី​វិនិយោគ​លើ​វិស័យ​កសិកម្ម ទេសចរណ៍ អាកាសចរណ៍ និង សណ្ឋាគារ​នៅ​ក្នុង​ប្រទេស​ខ្មែរ ។ គម្រោង​នេះ​ត្រូវ​បាន​បង្ហាញ​ឡើង​នៅ​ក្នុង​ជំនួប រវាង​លោក វេ​ង សា​ខុន រដ្ឋមន្ត្រី​ក្រសួងកសិកម្ម រុក្ខា​ប្រមាញ់ និង នេសាទ និង​តំណាង​ក្រុមហ៊ុន​វៀតណាម FLC Group ខាងលើ កាលពី​ថ្ងៃ​ទី ១០ ខែឧសភា...

អ្នកទិញដីខកចិត្ត ដោយសារគម្រោងសង់ព្រលានយន្តហោះថ្មីត្រូវពន្យារ

គម្រោង​សាងសង់​ព្រ​លាន​យន្តហោះ​ខ្នាត​អន្តរជាតិ​ថ្មី​មួយ​នៅ​ខេត្តកណ្តាល​នោះ ត្រូវ​បាន​គេ​អះអាង​ថា នឹង​ពន្យារ​ពេល​ផ្តើម​សាងសង់​នៅ​ឆ្នាំ​២០២៥ ធ្វើ​ឲ្យ​អ្នកទិញ​ដី​នៅ​តំបន់​ដែល​គេ​គ្រោង​នឹង​សាងសង់​ព្រ​លាន​យន្តហោះ​នោះ ខកចិត្ត​និង​មាន​អ្នកខ្លះ​ចង់​ចង​.​ក ព្រោះតែ​ខ្ចីបុល​ពី​ធនាគារ​រាប់​សែន​ដុល្លារ ។ យ៉ាងណា នៅ​រសៀល​ថ្ងៃ​ទី​១១ ខែឧសភា ឆ្នាំ​២០១៨​នេះ «​អង្រុត​»​នៅ​មិន​ទាន់​អាច​រក​ការ​សុំ​បញ្ជាក់​បន្ថែម​បាន​ទេពី​មន្ត្រី​រាជរដ្ឋាភិបាល​ខ្មែរ ។ អ្នក​រកស៊ី​ដី​មួយ​ចំនួន​បាន​និយាយ​នៅ​បណ្តាញ​សង្គម​ហ្វេ​ស​ប៊ុ​កថា​«​ខាត​ធ្ងន់​ហើយ​បើ​យូរ​យ៉ាងនេះ អស់ពី​ផ្អើល​ពី​ដំបូង​បន្តិច ឥឡូវ​ស្ងាត់ឈឹង ។ ចង់​វ៉ៃ​ចេញ​វិញ ក៏​រក​អ្នកទិញ​មិនឃើញ​។ ៧​ឆ្នាំ​ទៀត​មិនដឹង​ទ្រាំ​ចាំ​យ៉ាងម៉េច​។​»​។ ក្រៅពី​សរសេរ​យ៉ាង​ដូច្នេះ អ្នកទិញ​លក់​ដី​ខ្លះ​បាន​លើក​ឡើងជា​បទ​ពិសោធន៍​ដែរ​ថា​«​យូរ​ម្លឹ​ង​លំបាក​អ្នកទិញ​ដី​ជំពាក់​ធនាគារ​ហើយ​ពេល​នេះ អាសូរ​អ្នកទិញ​ដី​នៅ​ម្តុំ​ហ្នឹង​ណាស់ កប់​លុយ​ចោល ខំ​រក​លុយ​ធនាគារ​សង្ឃឹម​ដី​ឡើងថ្លៃ អភិវឌ្ឍន៍ សង្ឃឹម​ខ្យល់​ហើយ​។​» ឯ​អ្នកខ្លះ បាន​ចូល​ទៅ​ខម​មិន​( Comment) ដោយ​បញ្ឈឺ​ថា​«​អោយ​រាង...

៤ខែដើមឆ្នំានេះ ចំណូលពីលក់សំបុត្រចូលអង្គរបានជិត៥០លានដុល្លារ

ភ្ញៀវ​ទេសចរ​បរទេស ដែល​បាន​ចូល​មក​កម្សាន្ត​និង​ទស្សនា​រមណីយដ្ឋាន​អង្គរ​បាន​ជាង ១​លាន​នាក់ កើនឡើង​១១​ភាគរយ ខណៈ​ដែល​ប្រាក់​ចំណូល​ដែល​បាន​ពី​ការ​លក់​សំបុត្រ​ទទួល​បាន ៤៨ ២៥៥ ៣១៩ (​សែសិប​ប្រាំបី​លាន​ពីរ​សែន​ប្រាំ​ម៉ឺន​ប្រាំ​ពាន់​បី​រយ​ដប់​ប្រាំបួន​) ដុល្លារ​អា​មេ​រិ​ក​ក្នុង​រយៈពេល​៤​ខែ ឆ្នាំ​២០១៨​នេះ កើន​២៣% បើ​ធៀប​ទៅ​នឹង​រយៈពេល​ដូច​គ្នា​កាលពី​ឆ្នាំ​២០១៧ ។ បើ​តាម​របាយការណ៍​ប្រចាំឆ្នាំ​របស់​គ្រឹះស្ថាន​អង្គរ​បាន​ឲ្យ​ដឹង​ទៀត​ថា ចំណូល​ពី​ការ​លក់​ប័ណ្ណ​ចូល​ទស្សនា​អង្គរ​នៅ​ឆ្នាំ​២០១៧ បាន​ជាង​១០៧​លាន​ដុល្លា​អា​មេ​រិ​ក ដែល​កើនឡើង​ជាង​៧២​ភាគរយ​បើ​ធៀប​ទៅ​នឹង​ឆ្នាំ​២០១៧​ក្នុង​នោះ​ភ្ញៀវ​បរទេស​បាន​ជាង​២​លាន​៤​សែន​នាក់ ដែល​កើន​លើស​ឆ្នាំ​២០១៦ ជិត​១២​ភាគរយ​។ គួរ​រំលឹក​ផង​ដែរ​ថា បន្ទាប់​ពី​រដ្ឋាភិបាល​បាន​ដកហូត​អង្គរវត្ត​ពី​ការ​គ្រប់គ្រង​ដោយ ក្រុមហ៊ុន​លោក សុខ គង់ មក​វិញ​ចាប់ពី​ថ្ងៃ​ទី​១​ខែកុម្ភៈ​ឆ្នាំ​២០១៧ នោះ ការ​អនុវត្តន៍​តម្លៃ​ថ្មី​នៃ​ប័ណ្ណ​ចូល​ទស្សនា​អង្គរវត្ដ​បាន​កើនឡើង​។ តម្លៃ​ថ្មី​នៃ​សំបុត្រ​ចូល​ទស្សនា​មួយ​ថ្ងៃ​តម្លៃ​៣៧​ដុល្លារ...

តម្លៃសំាងហក់ឡើងយ៉ាងគំហុក ឯអ្នកនំាពាក្យថា..

អ្នកនាំពាក្យ​ក្រសួងពាណិជ្ជកម្ម លោក ឡុ​ង កែម​វិចិត្រ បាន​ថ្លែងប្រាប់​ប្រ​ព័​ន្ឋ​ផ្សព្វផ្សាយ​ក្នុង​ថា សាំង​ឡើងថ្លៃ​ដោយសារ​ទីផ្សារ​អន្តរជាតិ​កំពុង​ឡើង​ខ្ពស់ ។ ការ​ពន្យល់​បកស្រាយ​របស់​អ្នកនាំពាក្យ​ក្រសួងពាណិជ្ជកម្ម​ខាងលើ​នេះ បាន​ធ្វើ​ឡើង​បន្ទាប់​ពី​តម្លៃ​ប្រេងសាំង​បាន​ហក់​ឡើងជា​បន្ទាប់​នៅ​ក្នុង​ស​ប្តា​ហ៍​នេះ ។ ដោយឡែក​គិត​ត្រឹម​វេលា​ម៉ោង​៨​និង​៣០​នាទី​ព្រឹក​ថ្ងៃ​ទី​០៤ ខែឧសភា ឆ្នាំ​២០១៨​នេះ នៅ​ស្ថានីយ៍​ប្រេង​ឥ​ន្ឋ​នៈ​មួយ​ចំនួន​ក្នុង​រាជធានី​ភ្នំពេញ​សាំង​មាន​តម្លៃ​ដូច​តទៅ​៖ ស្ថានីយ៍​ប្រេង​កាល់​តិច តម្លៃ​សាំង​ស៊ុ​ពពែរ ៤៤៥០​រៀល​ក្នុង​១​លី​ត្រ សាំង​ធម្មតា ៤១០០​រៀល​ក្នុង​១​លី​ត្រ និង​ប្រេង​ម៉ា​ហ្ស៊ូ​ត ៣៩០០​រៀល​ក្នុង​លី​ត្រ ។ ស្ថានីយ៍​ប្រេង​តូ​តា​ល់ សាំង​ស៊ុ​ពពែរ​តម្លៃ ៤៤០០​រៀល​ក្នុង​១​លី​ត្រ​(​អាច​នឹង​ឡើង​ស្មើ​កាល់​តិច​) សាំង​ធម្មតា ៤១០០​រៀល​ក្នុង​លី​ត្រ និង​ប្រេង​ម៉ា​ហ្ស៊ូ​ត...

ព្រឹកនេះ រដ្ឋាភិបាលដាក់ឲ្យដំណើរការរថភ្លើងពីសិរីសោភ័ណ-បាត់ដំបង

កំណាត់​ផ្លូវដែក​ប្រវែង​ប្រមាណ ៦៥​គីឡូម៉ែត្រ​នេះ​ពី​ក្រុង​សិរី​សោភ័ណ​ខេត្តបន្ទាយមានជ័យ​ដល់​ក្រុង​បាត់ដំបង ត្រូវ​បាន​សម្ពោធ​ដាក់​ឲ្យ​ដំណើរ​ផ្លូវការ​ជា​បណ្តោះអាសន្ន​ហើយ​នៅ​ព្រឹក​ថ្ងៃ​ទី​២៩ ខែមេសា ឆ្នាំ​២០១៨​នេះ ក្រោម​អធិបតីភាព​លោក​ទេស​រដ្ឋមន្ត្រី ស៊ុន ចាន់​ថុ​ល រដ្ឋមន្ត្រីក្រសួង​សាធារណការ​និង​ដឹក​ជញ្ជូន​។ បើ​តាម​ក្រសួង​សាធារណការ និង​ដឹក​ជញ្ជូន​បាន​ឲ្យ​ដឹង​ថា កំណាត់​ផ្លូវដែក​ខាងលើ​ត្រូវ​ចំណាយ​ថវិកា​ជួសជុល និង​សាងសង់​ឡើង​វិញ​ជិត ៧៧​លាន​ដុល្លារ​អា​មេ​រិ​ក​។ ផ្លូវដែក​ចាប់ពី​សិរី​សោភ័ណ​-​បាត់ដំបង មាន​១០​ស្ថានីយ រួម​មាន​៖ សិរី​សោភ័ណ មង្គល​បូ​រី ចំការ​ចេក ភ្នំ​តូច ទួល​សំរោង ជ្រោយ​ស្តៅ ជណ្តើរស្វា អូរ​តា​គី សៀម និង​បាត់ដំបង ។ កំណាត់​ផ្លូវដែក​នេះ​មាន​ផ្លូវ​ឆ្លងកាត់​សរុប​ចំនួន ១១៣​កន្លែង...

ត្រីចិញ្ចឹមជាង១០តោនងាប់ដោយកម្តៅពេលទឹកស្រក

យ៉ាង​ហោច​ណាស់​ត្រី​ចិញ្ចឹម​តាម​ដង​ទន្លេ​ស្ថិត​ក្នុង​សង្កាត់​ខ្សា​ម និង​ផ្សារឆ្នាំង ខេត្តកំពង់ឆ្នាំង​ប្រមាណ​ជា ១២ ពាន់​គី​ឡួ​បាន​ងាប់​ក្នុង​រយៈពេល ៣ ថ្ងៃ ព្រោះតែ​ទឹកបាន​ស្រក​ចុះ​ជា​គំហុក និង​ក្ដៅ​ខ្លាំង​។ នេះ​បើ​យោង​តាម​ការ​រៀបរាប់​របស់​ប្រជា​នេសាទ​ក្នុង​តំបន់​នោះ​ដែល​មាន​ប្រមាណ​ជា ៧០ គ្រួសារ​។ អ្នកស្រី វ៉ា​ន ស្រី​អែម បាន​និយាយ​នៅ​ថ្ងៃ​ពុធ​ថា តំណាង​ប្រជា​សហគមន៍​នេសាទ​ទាំងនោះ​ដោយសារ​តែ​ជម្រៅ​ទឹកទន្លេ​បាន​ស្រក​ចុះ​មក​នៅ​ក្នុង​ចន្លោះ​ពី ១,៥ ម៉ែត្រ​ទៅ ៣ ម៉ែត្រ​រួម​ជាមួយនឹង​អាកាសធាតុ​ក្ដៅ​ខ្លាំង​នា​ប៉ុន្មាន​ថ្ងៃ​កន្លង​មកនេះ​បាន​ធ្វើ​ឲ្យ​ត្រី​ដែល​ពួក​គាត់​ចិញ្ចឹម​នៅ​ក្នុង​បែ​ត្រី​ក្នុង​ដង​ទន្លេ​នេះ​បាន​ពុល​ងាប់​ជា​បន្តបន្ទាប់ ដែល​យ៉ាង​ហោច​ណាស់​ក្នុង​មួយ​គ្រួសារ​ងាប់​ត្រី​អស់​ប្រមាណ​ពី ១០០ គីឡូក្រាម​ទៅ ២០០ គីឡូ​ហើយ​ត្រី​ដែល​ពួក​គាត់​ចិញ្ចឹម​បាន​ប្រឈម​នឹង​ការ​ងាប់​ជា​បន្តបន្ទាប់​នា​ពេល​ថ្មី​ៗ​នេះ​គឺជា​ប្រភេទ​ត្រី​ខ្យា ត្រី​ប្រា ត្រី​ព្រលូង...

រដ្ឋាភិបាលគ្រោងបង្កើតតំបន់ជ្រៃធំនៅកោះធំជាទីក្រុង

រដ្ឋាភិបាល​គ្រោង​បង្កើត​តំបន់​ជ្រៃ​ធំ​ជាទី​ក្រុង​ថ្មី​មួយ ស្ថិត​នៅ​ព្រំប្រទល់​ប្រទេស​វៀតណាម ដើម្បី​ពង្រីក​សក្តានុពល​និង​អភិវឌ្ឍន៍​នៅ​តំបន់​នេះ​នា​ពេល​ខាង​មុខ​។ លោក​បណ្ឌិត​វ៉ា​ន់ វ៉ា​ត​អនុប្រធាន​មន្ទីរ​រៀបចំ​ដែនដី នគរូបនីយកម្ម និង​សំណង់​ខេត្តកណ្តាល​បាន​ថ្លែង​ឲ្យ​ដឹង​កាលពី​ពេល​ថ្មី​ៗ​នេះ​ថា រដ្ឋាភិបាល​គ្រោង​បង្កើត​តំបន់​ជ្រៃ​ធំ ស្ថិត​ក្នុង​ឃុំ​សំពៅ​ពូន ស្រុក​កោះធំ ខេត្តកណ្តាល ជាទី​ក្រុង​ថ្មី​មួយ ដោយសារ​ប្លង់​គោល​តំបន់​នេះ​បាន​រៀបចំ​រួច​ហើយ ដើម្បី​ធ្វើ​យ៉ាងណា​ឲ្យ​ការ​អភិវឌ្ឍ​នៅ​តំបន់​នេះ ធ្វើ​ឡើង​តាម​គោលការណ៍​ប្រើប្រាស់​ដី​ឲ្យ​មាន​និរន្តរភាព​។ លោក​បន្ត​ថា រដ្ឋាភិបាល​មិន​ត្រឹមតែ​គ្រោង​រៀបចំ​តំបន់​នេះ​ជាទី​ក្រុង​ទេ តែ​គ្រោង​បង្កើត​ទីក្រុង​ថ្មី​ៗ​នៅ​តាម​បណ្តា​ស្រុក​និ​មួយ​ៗ​ផង​ដែរ​។ លោក​បន្ត​ថា “​ការ​បង្កើត​ទីក្រុង​នៅ​តំបន់​ជ្រៃ​ធំ ដើម្បី​ពង្រីក​ការ​អភិវឌ្ឍ ក៏​ដូច​ជា​ដើម្បី​ការពារ​បូរណភាព​ដែនដី និង​ដែន​អធិបតេយ្យភាព​កម្ពុជា​ផង​ដែរ​”​។ លោក​បណ្ឌិត​វ៉ា​ន់ វ៉ា​ត​បាន​បន្ត​ថា ការ​បង្កើត​ទីក្រុង​កាន់តែ​ច្រើន​ជា​រឿង​ល្អ​ប្រសើរ ដើម្បី​ជំរុញ​ការ​អភិវឌ្ឍ និង​លើកកម្ពស់​ជីវភាព​របស់​ប្រជាពលរដ្ឋ ព្រោះ​នៅ​ពេល​មានការ​រៀបចំ​ជាទី​ក្រុង និង​មានការ​អភិវឌ្ឍ​និង​រៀបចំ​ហេ​ដ្ឋា​រចនា​សម្ព័​ន្ឋ​សម​ស្រប ដើម្បី​ក្លាយជា​ទីក្រុង​មួយ​ប្រកបដោយ​ភាព​ស៊ី​វិ​ល័យ​។ កាលពី​ពេល​ថ្មី​ៗ​នេះ​លោក​ឧបនាយករដ្ឋមន្ត្រី...

ហ៊ុន សែន បញ្ជាឲ្យដកយកកោះទន្សាយមកគ្រប់គ្រងវិញ

កន្លង​មក​រដ្ឋាភិបាល​បាន​ប្រគល់​អោយ​ក្រុមហ៊ុន​វិនិយោគ​ក្នុងស្រុក​ចំនួន​២​បាន​ទទួល​សិ​ទ្ឋិ​សម្រាប់​ការ​អភិវឌ្ឍ​កោះទន្សាយ​លើ​ផ្ទៃដី​ជាង​៥០​ហិ​កតា ដើម្បី​សាងសង់​តំបន់​ទេសចរណ៍​កំរិត​ផ្កាយ​ប្រាំ ប៉ុន្តែ​នៅ​ថ្ងៃនេះ​លោកនាយក​រដ្ឋមន្ត្រី ហ៊ុន សែន បាន​ប្រកាស​និង​បញ្ជា​ឲ្យ​ដកហូត​កោះទន្សាយ​ពី​ក្រុមហ៊ុន​ឯកជន​យក​មក​គ្រប់គ្រង​វិញ ដោយសារ​ក្រុមហ៊ុន​មិន​ទាន់​ធ្វើ​អ្វី​ទាំងអស់​។ នៅ​ក្នុង​ពិធី​សម្ពោធ​បាន​បើក​ឲ្យ​ដំណើរការ​ជា​ផ្លូវការ​នូវ​សណ្ឋាគារ​លំដាប់​ផ្កាយ​៥ «​ដឹ​រ៉ូ​យ៉ា​ល់ សេន កោះ​រ៉ុ​ង​» របស់​លោក​ឧកញ៉ា គិត ម៉េ​ង ស្ថិត​ភូមិ​សុខសាន្ដ សង្កាត់​កោះ​រ៉ុ​ង ខេត្ត​ព្រះ​សីហ​នុ នា​ព្រឹក​ថ្ងៃ​ទី​២៣ ខែមេសា ឆ្នាំ​២០១៨​នេះ លោក ហ៊ុន សែន ក៍បាន​ព្រមាន​ដក​យក​កោះ​ចំនួន​៣០​ពី​ក្រុមហ៊ុន​ឯកជន​ត្រឡប់​មក​វិញ ដោយសារ​តែ​មិន​មានការ​អភិវឌ្ឍ បន្ទាប់​ពី​រដ្ឋាភិបាល​ផ្តល់​សិទ្ធិ​ឱ្យ​គ្រប់គ្រង​។ លោក​ប្រមុខ​រាជរដ្ឋាភិបាល​ដែល​កាន់​អំណាច​ជាង​៣០​ឆ្នាំ​រូប​នេះ ក៍បាន​ប្រកាស​ដែរ​ថា ដី​នៅ​លើ​កោះ​រ៉ុ​ង...

ហ៊ុន សែន ថាកម្ពុជាជាខ្លាសេដ្ឋកិច្ចថ្មីមួយនៅតំបន់អាស៊ី

លោកនាយក​រដ្ឋមន្ត្រី ហ៊ុន សែន បាន​សម្តែង​មោទនភាព​ដោយ​ថា ប្រទេស​កម្ពុជា​បាន​រួច​ផុត​ពី​ភាព​ក្រីក្រ និង​ត្រូវ​បាន​គេ​ស្គាល់​និង​ចាត់ទុកជា​ខ្លា​សេដ្ឋកិច្ច​ថ្មី​មួយ​នៅ​តំបន់​អាស៊ី ។ បើ​តាម​លោក ហ៊ុន សែន នៅ​ឆ្នាំ​២០៣០​កម្ពុជា​នឹង​ក្លាយជា​ប្រទេស​មាន​ចំណូល​មធ្យម​កម្រិត​ខ្ពស់ ហើយ​ឆ្នាំ​២០៥០ កម្ពុជា​នឹង​ក្លាយទៅជា​ប្រទេស​ដែល​មាន​ចំណូល​ខ្ពស់​តែ​ម្តង​។ ការ​លើក​ឡើង​របស់​លោក​ប្រមុខ​រាជរដ្ឋាភិបាល​ខាងលើ​នេះ បាន​ធ្វើ​ឡើង​នៅ​ក្នុង​កិច្ចប្រជុំ​ត្រួតពិនិត្យ​ប្រចាំឆ្នាំ​២០១៧ និង​ការ​វាយតម្លៃ​ស​មិ​ទ្ឋ​ផល​៥​ឆ្នាំ នៃ​ការ​អនុវត្ត​កម្មវិធី​កែទម្រង់​ការ​គ្រប់គ្រង​ហិរញ្ញវត្ថុ​សាធារណៈ​កាលពី​ថ្ងៃ​ទី​២០ ខែមេសា ឆ្នាំ​២០១៨ ។ ពាក់​ព័​ន្ឋ​នឹង​ការ​លើក​ឡើង​របស់​លោក ហ៊ុន សែន ខាងលើ​នេះ ទីប្រឹក្សា​ជាន់ខ្ពស់​ផ្នែក​សេដ្ឋកិច្ច​និង​អភិវឌ្ឍ​នៃ​ក្រុមហ៊ុន EMC លោក ងែ​ត ជូ បាន​មាន​ប្រសាសន៍​ថា...

រកឃើញកំណប់រ៉ែមាសបន្ថែមនៅខេត្តព្រះវិហារ

រ៉ែ​មាស​និង ស្ពាន់ ត្រូវ​បាន​ក្រុមហ៊ុន​រុករក​រ៉ែ Geopacific Resources មាន​មូលដ្ឋាន​នៅ​ប្រទេស​អូស្ដ្រាលី បាន​រក​ឃើញ​នៅ​ការដ្ឋាន​ខួង​រក​រ៉ែ​របស់​ខ្លូ​ន​នៅ​ភាគ​ខាងជើង​ប្រទេស​កម្ពុជា​។ បើ​តាម​ភ្នំពេញ​ប៉ុស្តិ៍ ក្រុមហ៊ុន Geopacific បាន​ប្រកាស​កាលពី​ថ្ងៃ​ពុធ​ថា តំបន់​ថ្មី​នៃ​កំណប់​រ៉ែ​មាស និង​ស្ពាន់ ត្រូវ​បាន​រក​ឃើញ​នៅ​ក្នុង​ការដ្ឋាន​អណ្ដូងរ៉ែ​១១៨ របស់​ខ្លួន នៅ​គម្រោង Kou Sa របស់​ក្រុមហ៊ុន​នៅ​ខេត្តព្រះវិហារ ជា​ការ​រក​ឃើញ​លើក​ទី​ពីរ​នៅ​ឆ្នាំ​នេះ បន្ទាប់​ពី​ការ​រក​ឃើញ​ផ្សេង​ទៀត​ត្រូវ​បាន​ប្រកាស​កាលពី​ខែមករា​។ រ៉ែ​មាស និង​ស្ពាន់ ដែល​បាន​រុករក​រហូត​មក​ដល់​ពេល​នេះ ត្រូវ​បាន​រក​ឃើញ​នៅ​ក្នុង​អណ្ដូងរ៉ែ​ជម្រៅ​រាក់ ដែល​ជា​ធម្មតា​មាន​ទំហំ​តូច ប៉ុន្តែ​មាន​រ៉ែ​កម្រិត​ខ្ពស់​។ កំណប់​រ៉ែ​ប្រភេទ​នេះ​ទំនងជា​កើត​ចេញពី​ការ​ចរាចរណ៍​ទឹក​ស្រទាប់​ខាងក្រោម ដែល​បំបែក​ភាគ​ផ្សំ​សរីរាង្គ​នៅ​ក្នុង​ដី...

តោះស្អែកទៅជិះកាណូតដឹកអ្នកដំណើរភ្នំពេញ-តាខ្មៅ

បើ​មិន​មាន​អ្វី​ប្រែប្រួល​នោះ​ទេ កាណូត​ដឹក​អ្នកដំណើរ​របស់​ក្រសួង​សាធារណការ​និង​ដឹក​ជញ្ជូន នឹង​ដាក់​ឲ្យ​ដំណើរ​បណ្តោះអាសន្ន​នៅ​ថ្ងៃ​ទី​០៦ ខែមេសា ស្អែក​នេះ ។ បើ​តាម​រដ្ឋមន្ត្រីក្រសួង​សាធារណការ​និង​ដឹក​ជញ្ជូន លោក ស៊ុន ចាន់​ថុ​ល បាន​ប្រាប់​ប្រ​ព័​ន្ឋ​ផ្សព្វផ្សាយ​ក្នុងស្រុក​ឲ្យ​ដឹង​ថា កាណូត​ដឹក​អ្នកដំណើរ តាម​ផ្លូវទឹក​ចេញពី​ខណ្ឌ​ព្រែក​ព្នៅ ឆ្ពោះទៅ​ក្រុង​តា​ខ្មៅ ខេត្តកណ្ដាល តាម​បណ្ដោយ​ទន្លេសាប និង​ទន្លេបាសាក់ ត្រូវ​ដាក់​ឲ្យ​ដំណើរការ​បណ្តោះអាសន្ន នៅ​ថ្ងៃស្អែក​នេះ ដោយ​មាន​កំពង់​ផែ​៦​ទីតាំង និង​កាណូត​ចំនួន​២​គ្រឿង នាំ​ចូល​ពី​ប្រទេស​វៀតណាម និង​ក្រៅពី​នោះ​ក៏​មាន​កាណូត​ចាស់​ៗ​ចំនួន​២​គ្រឿង​ទៀត ដែល​សរុប​ទាំងអស់​មាន​ចំនួន​៤​គ្រឿង​។ ទីតាំង​សម្រាប់​ចំណត​នាវា​អ្នកដំណើរ​រវាង​រាជធានី​ភ្នំពេញ ទៅ​ក្រុង​តា​ខ្មៅ ខេត្តកណ្តាល ស្ថិត​នៅ​ក្នុង​ដំណើរការ​សាងសង់ រួម​មាន​៖...

Washington Post សរសេរអ្វីខ្លះពីខេត្តព្រះសីហនុ ?

នៅ​ថ្ងៃ​ទី​២៩ ខែមីនា​នេះ សារព័ត៌មាន​របស់​សហរដ្ឋអាមេរិក The Wahington Post បាន​ចុះ​ផ្សាយ​អត្ថបទ​ដ៏​ភ្ញាក់ផ្អើល​មួយ ពាក់ព័ន្ធ​នឹង​វត្តមាន​របស់​ជនជាតិចិន​នៅ​ក្រុងព្រះសីហនុ របស់​ប្រទេស​កម្ពុជា ដោយ​ដាក់​ចំណងជើង​ថា “This Cambodian city is turning into a Chinese enclave, and not everyone is happy” ដែល​មាន​ន័យ​ថា "​ទីក្រុង​របស់​កម្ពុ​ជាមួយ​នេះ បាន​ក្លាយជា​គោលដៅ​របស់​ជនជាតិ​ចិន...

អ្នកនំាពាក្យថាតម្លៃប្រេងសំាងសព្វថ្ងៃមិនទាន់ធ្ងន់ធ្ងរទេ

ឆ្លើយ​តប​ទៅ​នឹង​សំណួរ​របស់​វិទ្យុ​បារាំង​អន្តរជាតិ (RFI) ជា​ខេមរភាសា​អំពី​តម្លៃ​ប្រេង​ដែល​អ្នក​ប្រើប្រាស់​ថា​កំពុង​តែ​ឡើងថ្លៃ​នា​ពេល​បច្ចុប្បន្ន​នេះ លោក ស៊ា​ង ថៃ អ្នកនាំពាក្យ​ក្រសួងពាណិជ្ជកម្ម​បាន​លើក​ឡើង​ថា បញ្ហា​តម្លៃ​ប្រេង​នា​ពេល​នេះ​មិន​ទាន់​ធ្ងន់ធ្ងរ​នោះ​នៅឡើយ​ទេ ហើយក៍​មិន​ទាន់​ពេល​ដែល​រាជរដ្ឋាភិបាល​ត្រូវ​លូកដៃ​ចូល​អន្តរាគមន៍​ដើម្បី​កំណត់​តម្លៃ​ប្រេង​នៅ​លើ​ទីផ្សារ​នោះ​ដែរ ។ ដោយឡែក ទាក់ទង​ទៅ​នឹង​ស្ថានីយ៍​ប្រេង​មួយ​ចំនួន​រង​ការ​ចោទ​ថា​ចាក់​មិន​គ្រប់​ចំណុះ​នោះ ត្រូវ​បាន​អ្នកនាំពាក្យ​ក្រសួងពាណិជ្ជកម្ម​ដដែល​នេះ​បញ្ជាក់​ថា បញ្ហា​នេះ អគ្គនាយក​កាំកុងត្រូល​នៃ​ក្រសួងពាណិជ្ជកម្ម កំពុង​ស្នើ​សុំ​ឲ្យ​រដ្ឋមន្ត្រី ដើម្បី​ឈាន​ទៅ​បិទ​ស្ថានីយ៍​ប្រេងឥន្ធនៈ​មួយ​ចំនួន ដែល​មិន​កែប្រែ​ឥរិយាបថ​របស់​ខ្លួន​(​ស្ថានីយ៍​ដែល​ចាក់​មិន​គ្រប់​លី​ត្រ ឬ​ចំណុះ​។ បើ​តាម​សេចក្ដី​ប្រកាស​ព័ត៌មាន​របស់​ក្រសួងពាណិជ្ជកម្ម​ស្ដី​ពី​ការ​កំណត់​ថ្លៃ​លក់រាយ​ប្រេង​ឥន្ទ​នៈ នៅ​តាម​ស្ថានីយ​ទាំងអស់ ដែល​តម្លៃ​សាំង​ធម្មតា​ត្រូវ​លក់​មិន​ឲ្យ​លើស​ពី ៣,៨៥០​រៀល ក្នុង​១​លី​ត្រ និង​ម៉ា​ស៊ូ​ត ត្រូវ​លក់​មិន​ឲ្យ​លើស​ពី​ថ្លៃ ៣,៦០០​រៀល ក្នុង​១​លី​ត្រ ដែល​តម្លៃ​នេះ...

ក្រុម​​ហ៊ុន​​​​របស់​​អា​មេ​រិក​ បដិ​សេធ​ថាខ្លួន​​មិន​​បាន​​បង្កើន​​ការ​​បញ្ជា​​ទិញ​​នោះ​ទេ

នៅ​ក្នុង​ករណី​ដ៏​កម្រ​មួយ ក្រុមហ៊ុន​អ្នកបញ្ជា​ទិញ​សម្លៀក​បំពាក់​ដ៏​ធំ​មួយ របស់​អា​មេ​រិ​ក បាន​បដិសេធ ចំពោះ​ការ​លើក​ឡើង​របស់​ក្រសួង​ការងារ ដែល​ថា ក្រុមហ៊ុន បាន​សរសើរ​កិច្ច​ខិតខំ​ប្រឹងប្រែង​របស់​រដ្ឋាភិបាល ក្នុង​ការ​ធ្វើ​ឲ្យ​ប្រសើរ​ឡើង នូវ​សិទ្ធិ​របស់​កម្មករ និង​ថា ក្រុមហ៊ុន បាន​បង្កើន​ការ​បញ្ជា​ទិញ​ដូច​ការ​អះអាង​នោះ​ទេ​។ នៅ​ក្នុង​សេចក្តីថ្លែងការណ៍​មួយ អ្នកនាំពាក្យ​ក្រុមហ៊ុន VF Corporation លោក Craig Hodges បាន​ថ្លែង​ថា ការ​ចុះ​ផ្សាយ​ព័ត៌មាន​ដែល​ថា ក្រុមហ៊ុន​បាន​សម្ដែង​ការ​ពេញចិត្ត ចំពោះ​កិច្ច​ខិតខំ​ប្រឹងប្រែង​របស់​រដ្ឋាភិបាល​ក្នុង​ការ​កែ​លម្អ​សិទ្ធិ​កម្មករ «​គឺជា​ការ​បង្ហាញ​ខុស​ធំ​មួយ​» អំពី​ជំហរ​របស់​ក្រុមហ៊ុន​។ លោក Hodges បាន​ថ្លែង​ថា...

ពលរដ្ឋអាចនឹងលែងបានជិះរថយន្តជជុះដែលផលិតក្រោមឆ្នំា២០០០

រាជរដ្ឋាភិបាល​មិន​ហាមឃាត់​ចំពោះ ការ​នាំ​ចូល​រថយន្ត​ប្រភេទ​មួយ​ទឹក​(​ជជុះ​) នោះ​ទេ តែ​គ្រោង​នឹង​ដាក់បន្ទុក​ខ្លះ​ៗ​បន្ថែម ទៅ​លើ​ប្រភេទ​រថយន្ត​ចាស់​ៗ​ជ្រុល​ពេក ពោល​គឺ​រថយន្តដែល​ផលិត​ក្រោម​ឆ្នាំ​២០០០ ដើម្បី​កុំឱ្យ​បន្ត​នាំ​ចួ​ល​ទៀត​ព្រោះ​វា​នាំ​ឱ្យ ប៉ះពាល់​ដល់​បរិស្ថាន និង ប្រឈម​ចំពោះ​បញ្ហា​សុវត្ថិភាព​ផង​ដែរ ។ នេះ​បើ​យោង​តាម លោក គុណ ញឹ​ម ប្រតិភូ​រាជរដ្ឋាភិបាល ទទួល​បន្ទុក អគ្គនាយក នៃ​អគ្គនាយកដ្ឋាន​គយ និង រដ្ឋាករ​កម្ពុជា ។ នៅ​ក្នុង​ពិធី​តាំងពិព័រណ៍​រថយន្ត​ឆ្នាំ​២០១៨ ដែល​បាន​និង​កំពុង​ធ្វើ​ឡើង​រយៈពេល​៣​ថ្ងៃ គឺ ចាប់ពី​ថ្ងៃ​ទី​២៣ ដល់ទី​២៥ ខែមីនា នៅ​ផ្សារ​ទំនើប​អ៊ី​អន​ម៉​ល​ជាន់​ផ្ទាល់​ដី...

ខ្មែរនឹងប្រឈមនឹងកង្វះខាតអំបិលនៅឆ្នំាក្រោយ

ការផលិត​អំបិល​របស់​កម្ពុជា​កំពុង​ប្រឈម​នឹង​បញ្ហា ខណៈ​ឆ្នាំ​នេះ​មិន​ទាន់​មាន​ការប្រមូលផល​នៅ​ឡើយ បើ​ទោះបី​រដូវ​ប្រមូលផល​បាន​ចាប់ផ្តើម​តាំងពី​ខែ​មករា​មក​ក្តី​។ នេះ​បើ​យោង​តាម​សមាគម​ផលិត​អំបិល​កម្ពុជា​។ គិត​មក​ដល់​ពេល​នេះ​កសិករ​ប្រហែល ២០០ គ្រួសារ​ដែល​ផលិត​អំបិល​នៅ​ខេត្ត​កំពត និង​ខេត្ត​កែប​មិន​ទាន់​អាច​ប្រមូល​ផល​អំបិល​បាន​ទេ ដោយសារ​តែ​ភ្លៀង​ច្រើន​ក្នុង​អំឡុង​រដូវប្រាំង​។ នេះ​បើ​យោង​តាម​លោក ប៊ុន ណារិន ប្រធាន​បច្ចេកទេស​សហគមន៍​ផលិត​អំបិល​កែប​កំពត (KKPC)​។ រដូវ​ប្រមូលផល​អំបិល​ត្រូវ​បាន​ចាប់ផ្ដើម​ពី​ខែ​មករា​ដល់​ខែ​មេសា​នៅ​លើ​ផ្ទៃដី​ស្រែអំបិល​ជាង ៥០០០ ហិកតា​នៅក្នុង​ខេត្ត​ទាំង​ ២ ​នេះ​។ លោក ប៊ុន ណារិន បាន​ប្រាប់​ភ្នំពេញ​ប៉ុស្តិ៍​កាលពី​ថ្ងៃ​ម្សិលមិញ​ថា ក្នុង​អំឡុង​រដូវ​ក្ដៅ កសិករ​អាច​ប្រមូល​ផល​អំបិល​បាន​រហូត​ដល់ ១០០ ០០០ តោន​ត្រឹម​ពាក់​កណ្ដាល​ខែ​មីនា​។ លោក​ថ្លែង​ថា​៖ «​យើង​មិន​អាច​ប្រមូល​អំបិល​ចាប់ពី​ខែ​មករា​រហូត​ដល់​ពេល​នេះ​បាន​ទេ...

ឆ្នំា២០១៧ វិស័យទេសចរណ៍រកចំណូលបានជាង៣ពាន់លានដុល្លារ

ក្រសួងទេសចរណ៍​បានឱ្យ​ដឹង​ថា វិស័យ​ទេសចរណ៍​នៅ​កម្ពុជា អាច​រក​ចំណូល​បាន​ជាង ៣​ពាន់​លាន​ដុល្លារ​សហរដ្ឋអាមេរិក កាលពី​ឆ្នាំ​មុន ដែល​កើនឡើង​ជាង ១៣% ហើយ​ភ្ញៀវ​ទេសចរ​ដែល​មក​កាន់​កម្ពុជា បាន​ចំណាយ​លុយ​ជាង ៥​លាន​ដុល្លារ​សហរដ្ឋអាមេរិក ឬ​ស្មើនឹង​ជិត ១២% ច្រើន​ជាង​ឆ្នាំ​២០១៦ កន្លង​ទៅ​។ មន្ត្រីជាន់ខ្ពស់​នៃ​ក្រសួងទេសចរណ៍​ឲ្យ​ដឹង​ថា ចំនួន​ភ្ញៀវ​ទេសចរ និង​ប្រាក់​ដែល​កើនឡើង​នេះ ភាគច្រើន​មក​ពី​ប្រទេស​ចិន​។ ចំនួន​ភ្ញៀវ​ទេសចរ​ចិន មក​កម្ពុជា ស្ថិត​នៅ​លេខ​រៀង​ទី​១ ហើយ​ទី​២ គឺ​ភ្ញៀវ​ទេសចរ​វៀតណាម ហើយ​បន្ទាប់​មក​គឺ​ឡាវ ថៃ និង​កូរ៉េ​ខាងត្បូង​។ កាសែត ឌឹ ខ្មែរ...

ក្រុមហ៊ុន​ចិន ​ស្នើ​ចរចា​លើ​ប្លុក D ជាមួយ​រដ្ឋាភិបាលខ្មែរ

ក្រុមហ៊ុន​រុករក​រ៉ែ​មាន​មូលដ្ឋាន​នៅ​ប្រទេស​ចិន និង​ជា​ដៃគូ​ប្រទេស​កា​ណា​ដា បាន​ចូល​ក្នុង​ការ​ចរចា​បឋម​ជាមួយ​រដ្ឋាភិបាល​កម្ពុជា​ដើម្បី​ទទួល​បាន​អាជ្ញាប័ណ្ណ​រុករក​នៅ​ប្លុក D (Block D) នៅ​ឈូង​សមុទ្រ​ថៃ​។ នេះ​បើ​យោង​តាម​អ្នកនាំពាក្យ​រដ្ឋាភិបាល​។ លោក ជៀប សួរ អ្នកនាំពាក្យ​ក្រសួង​រ៉ែ និង​ថាមពល​ដែល​ទទួល​បន្ទុក​ប្រេងកាត​បាន​ថ្លែង​ថា រដ្ឋាភិបាល​បាន​យល់ព្រម​លើ​ការ​ដាក់​ពាក្យសុំ​ពី​ក្រុមហ៊ុន Cambodian Resource Energy Development Co. Ltd ហើយ​នៅ​ពេល​នេះ​កំពុង​ស្ថិត​ក្នុង​ដំណើរការ​នៃ​ការ​បង្កើត​គណៈកម្មាធិការ​អន្តរក្រសួង​ដើម្បី​ចរចា​ជាមួយ​ក្រុមហ៊ុន​។ លោក​ថ្លែង​ថា​៖ «​ប្រសិនបើ​យើង​ចរចា​លើ​កិច្ចព្រមព្រៀង​នេះ​ដោយ​ជោគជ័យ បន្ទាប់​មក​យើង​នឹង​ចុះហត្ថលេខា​លើ​កិច្ចព្រមព្រៀង​នេះ​ដើម្បី​ក្រុមហ៊ុន​អាច​ចាប់ផ្ដើម​ការងារ​របស់​ពួក​គេ​បាន​»​។ លោក​បន្ថែម​ថា​ការ​ចរចា «​កំពុង​ស្ថិត​ក្នុង​ដំណាក់កាល​ដំបូង​នៅឡើយ​»​។ គេហទំព័រ​របស់​ក្រសួងពាណិជ្ជកម្ម​បង្ហាញ​ថា ក្រុមហ៊ុន Cambodian Resource...

រដ្ឋាភិ​បាល​ថា​ ២០១៨ ​ជា​ឆ្នាំ​នៃ​ការ​វិនិ​យោគ​លើ​វិស័យ​រ៉ែ ​និង​ថាម​ពល​

រដ្ឋមន្ត្រីក្រសួង​រ៉ែ និង​ថាមពល​បាន​ឲ្យ​ដឹង​ថា លំហូរ​ទុន​វិនិយោគ​ពី​បរទេស​មក​កម្ពុជា​នៅ​ឆ្នាំ ២០១៨ និង ២០១៩ នឹង​គ្របដណ្តប់​ដោយ​វិស័យ​រ៉ែ និង​ថាមពល​។ លោក ស៊ុ​យ សែ​ម រដ្ឋមន្ត្រីក្រសួង​រ៉ែ និង​ថាមពល បាន​ឲ្យ​ដឹង​ក្នុង​ការ​បើក​ស​ន្និ​បាទ​បូក​សរុប​ការងារ​រយៈពេល ៣ ឆ្នាំ ពី​ឆ្នាំ ២០១៤-២០១៧ កាលពី​ថ្ងៃ​ម្សិលមិញ​ថា ជាមួយ​គម្រោង​វិនិយោគ​ថ្មី​ៗ​បន្ថែម​ក្នុង​វិស័យ​ថាមពល លំហូរ​ទុន​វិនិយោគ​ពីរ​បរទេស​សរុប មក​កម្ពុជា​សម្រាប់​ឆ្នាំ ២០១៨-២០១៩ ខាង​មុខ​នេះ នឹង​គ្របដណ្ដប់​យ៉ាង​ធំធេង​ដោយ វិស័យ​រ៉ែ និង​ថាមពល​។ លោក​ថ្លែង​ថា​៖ «​សម្រាប់​ឆ្នាំ...

ក្រុម​ហ៊ុន​អាកាស​ចរណ៍​ថ្មីបី​នឹង​ដំណើរ​ការ​នៅ​កម្ពុជា​ឆ្នាំ​នេះ​

ប្រទេស​កម្ពុជា​ស្វែងរក​ការ​បន្ថែម​ក្រុមហ៊ុន​អាកាសចរណ៍​ថ្មី ៣ នៅ​ឆ្នាំ​នេះ ដែល​ធ្វើ​ឲ្យ​ចំនួន​ក្រុមហ៊ុន​អាកាសចរណ៍​សរុប​ដែល​កំពុង​ប្រតិបត្តិការ​នឹង​កើនឡើង​ដល់ ១០ ក្រុមហ៊ុន ជា​ចំនួន​គ្មាន និរន្តរភាព​នៅ​ក្នុង​រយៈពេល​វែង​។ នេះ​បើ​យោង​តាម​ការ​ស្រាវជ្រាវ​ដែល​បាន​ចេញផ្សាយ​នៅ​ថ្ងៃនេះ​ដោយ​មជ្ឈមណ្ឌល​អាកាសចរណ៍​អាស៊ី​ប៉ា​ស៊ី​ហ្វិ​ក ( CAPA)​។ ក្រុមហ៊ុន​អាកាសចរណ៍ កម្ពុជា អ៊ែ​រ​វ៉េ ក្រុមហ៊ុន​អាកាសចរណ៍ KC International Airline ដែល​គាំទ្រ​ដោយ​វិនិយោគិន​ចិន និង​ក្រុមហ៊ុន​អាកាសចរណ៍ សៀមរាប​អ៊ែ​រ គាំទ្រ​ដោយ​វិនិយោគិន​ថៃ​គ្រោង​នឹង​ចូល​ក្នុង​ទីផ្សារ​នេះ​។ ក្រុមហ៊ុន​ទាំង​៣​នេះ​កំពុង​ស្ថិត​ក្នុង​ដំណើរការ​ការ​ដាក់​ពាក្យសុំ​វិញ្ញាបនបត្រ​ហោះហើរ​នៅ​ក្នុង​ប្រទេស​កម្ពុជា​។ វិស័យ​អាកាសចរណ៍​របស់​កម្ពុជា​បាន​មើលឃើញ​កំណើន​រហ័ស​ក្នុង​រយៈពេល​ប៉ុន្មាន​ឆ្នាំ​ថ្មី​ៗ ដែល​បាន​ចាប់ពី​ក្រុមហ៊ុន​អាកាសចរណ៍​ពីរ​មាន​យន្តហោះ ៧ គ្រឿង​កាលពី​ឆ្នាំ ២០១៣ រហូត​ដល់ ៧ ក្រុមហ៊ុន​នៅ​ពេល​បច្ចុប្បន្ន ដែល​មាន​យន្តហោះ...

អ្នក​វិនិយោគ​ចិន​ ​កំពុង​លឹបលៗ​ នៅ​ខេត្ត​សៀមរាប

ខណៈ​ខេត្តសៀមរាប​មាន​សក្តានុពល​ផ្នែក​ទេសចរណ៍ និង​ជា​ប៉ូ​ល​ទេសចរណ៍​ទី ១ នៅ​កម្ពុជា​នោះ​អ្នក​វិនិយោគ​ចិន​ហាក់​លឹប​ល​ៗ និង​មិន​ទាន់​មានការ​វិនិយោគ​អ្វី​ជា​ដុំ​កំភួន​នៅ​ខេត្តសៀមរាប​នៅឡើយ​ទេ​។ លោក ចៅ សេង​ថៃ អគ្គនាយក​ក្រុមហ៊ុន Goal Property Service ដែល​មាន​មូលដ្ឋាន​នៅ​ខេត្តសៀមរាប​បាន​មាន​ប្រសាសន៍​កាលពី​ថ្ងៃ​អង្គា​រថា បច្ចុប្បន្ន​មិន​ទាន់​មាន​ក្រុមហ៊ុន​ចិន​ច្រើន​បាន​ចូល​មក​វិនិយោគ​នៅ​ខេត្តសៀមរាប ក្រៅពី​ក្រុមហ៊ុន​សាងសង់​ព្រ​លាន​យន្តហោះ​អន្តរជាតិ​ថ្មី​ដែល​ស្ថិត​ក្នុងស្រុក​សូទ្រនិគម​នោះ​ទេ​។ លោក​បន្ត​ថា សម្រាប់​ក្រុមហ៊ុន​ចិន​មួយ​ចំនួន​ដែល​បាន​ចាប់​ដៃគូ​ជាមួយ​អ្នក​វិនិយោគ​ក្នុងស្រុក​បាន​ទិញ​ដី​ពុះ​ឡូត៍​លក់ ហើយ​គ្រោង​បង្កើត China Town នៅ​ក្នុង​ឃុំ​បាគង ស្រុក​ប្រាសាទបាគង ខេត្តសៀមរាប នា​ពេល​នេះ​ហាក់​មិន​មាន​សកម្មភាព​អ្វី​ធំ​ដំ​នៅឡើយ​ទេ​។ លោក​និយាយ​ថា​៖ «​ខ្ញុំ​ឮ​មាន​គម្រោង​វិនិយោគ​របស់​ចិន ប៉ុន្តែ​បើ​តាម​ការ​សង្កេត​មើល​គឺ​គ្រាន់តែ​ទិញ​ដី​ទុក​ចោល​មិន​មាន​សកម្មភាព​សាងសង់​អ្វី​នោះ​ទេ​»​។ អគ្គនាយក​ក្រុមហ៊ុន Goal Property Service...

តោះទៅមើលចំណូលប្រចំាឆ្នំារបស់កាស៊ីណូ Naga និងចំណូលពន្ឋរដ្ឋ

ទឹកប្រាក់​ភ្ញៀវ​ថ្នាក់​វី​អាយ​ភី​ដែល​បាន​លេង​ភ្នាល់​នៅ​កាស៊ីណូ NagaWorld ក្នុង​ទីក្រុង​ភ្នំពេញ​កាលពី​ឆ្នាំ ២០១៧ មាន​ចំនួន​លើស​ពី​ផលិតផល​ក្នុងស្រុក​សរុប​ឆ្នាំ ២០១៦ របស់​ប្រទេស​កម្ពុជា ខណៈ​កាស៊ីណូ​ផ្ដាច់មុខ​របស់​ទីក្រុង​ភ្នំពេញ​មួយ​នេះ​បាន​បង្ហាញ​ពី​កំណើន​ប្រាក់​ចំណេញ និង​ប្រាក់​ចំណូល​ខ្ពស់ ដោយសារ​កំណើន​ដ៏​រឹង​មាំ​ក្នុង​ការ​លេងល្បែង​តម្លៃ​ខ្ពស់​។ NagaCorp ជា​ក្រុមហ៊ុនមេ​របស់ NagaWorld ដែល​ត្រូវ​បាន​ចុះបញ្ជី​នៅ​ផ្សារ​ហ៊ុន​ហុងកុង និង​បាន​ចេញផ្សាយ​របាយការណ៍​ហិរញ្ញវត្ថុ​ប្រចាំឆ្នាំ​របស់​ខ្លួន ដោយ​បង្ហាញ​កំណើន ៨៥ ភាគរយ​ជា​ប្រាក់​ចំណូល​ដុល​ពី​ការ​លេងល្បែង Gross Gaming Revenue (GGR) ដល់ ៩២៦ លាន​ដុល្លារ និង​កំណើន​ប្រាក់​ចំណេញ ៣៩ ភាគរយ​ដល់...

ចិន​ជំរុញកម្ពុជា​ឲ្យ​ប្រើ​លុយ​យ័ន​ក្នុង​ការ​ធ្វើ​ពាណិជ្ជកម្ម​ជា​មួយ​ខ្លួន

រដ្ឋ​ប្រជាមានិត​ចិន​ជំរុញ​កម្ពុជា​ឲ្យ​ប្រើប្រាស់​លុយ​យ័ន​ក្នុង​ទំនាក់ទំនង​ពាណិជ្ជកម្ម​ទ្វេរ​ភាគី​ជាមួយ​ខ្លួន ដោយ​ថា​ដើម្បី​រក្សា​ស្ថិរភាព​សេដ្ឋកិច្ច​ក្នុង​តំបន់​។ គេហទំព័រ​របស់​ក្រសួងពាណិជ្ជកម្ម​បាន​ឲ្យ​ដឹង​ថា រដ្ឋមន្ត្រីក្រសួង​នេះ​លោក ប៉ាន សូរ​ស័​ក្កិ ទៅ​ប្រទេស​ចិន​កាលពី​ថ្ងៃ​ទី​២​កុម្ភៈ ហើយ​ជូ​ប​ជាមួយ អភិបាលរង​ខេត្ត​ក្វា​ង​ទុង លោក អ៊ៅ​យ៉ាង វ៉ី​មីង​។ អភិបាលរង​ខេត្ត​ក្វា​ង​ទុង​រូប​នេះ បាន​ស្នើ​ឲ្យ​កម្ពុជា​ជួយ​គាំទ្រ និង​ធ្វើ​ពាណិជ្ជកម្ម​ជាមួយ​ប្រទេស​ចិន​ជា​ប្រាក់​យ័ន ដើម្បី​រក្សា​ស្ថិរភាព​សេដ្ឋកិច្ច​ក្នុង​តំបន់​។ វី​អូ​ឌី​មិន​អាច​ទាក់ទង​អ្នកនាំពាក្យ​ក្រសួងពាណិជ្ជកម្ម​លោក ស៊ា​ង ថៃ ដើម្បី​បញ្ជាក់​បន្ថែម​បាន​នោះ​ទេ ដោយ​ទូរស័ព្ទ​លោក​ចុច​ចូល​ជា​ច្រើន​លើក​តែ​គ្មាន​អ្នក​ទទួល​។ លំហូរ​លុយ​ដុល្លារ​បាន​ហូរ​ចូល​កម្ពុជា​តាម​រយៈ​អ៊ុ​ន​តាក់​ចាប់ពី​ឆ្នាំ​១៩៩១​មករ​ហូត​ដល់​ប្រាក់​នេះ​បាន​ក្លាយជា​ប្រាក់​ទី​ពីរ​បន្ទាប់​ពី​ប្រាក់​រៀល​ខ្មែរ​។ មក​ដល់​ពេល​នេះ​បើ​ទោះបីជា​ទំនាក់ទំនង​ពាណិជ្ជកម្ម​កម្ពុជា ចិន​ហាក់​កើនឡើង​ច្រើន​មែន​តែ​ប្រាក់​ដុល្លារ​នៅ​តែ​មាន​ឥទ្ធិពល​ក្នុង​ការ​ទូរ​ទាត់​ប្រាក់​នៅ​ប្រទេស​កម្ពុជា​ដដែល​។ អ្នកជំនាញ​សេដ្ឋកិច្ច​លោក យ៉ង ប៉ាក់ មាន​ប្រសាសន៍​ថា វា​ជា​រឿង​ល្អ​ដែល​ប្រើប្រាស់​ប្រាក​យ័ន​ធ្វើ​ទំនាក់ទំនង​រវាង​ប្រទេស​កម្ពុជា និង​ចិន​ដោយ​ថា​វា​ចំណេញ​បាន​ច្រើន​ជាង​ប្រាក់​ដុល្លារ​។ តែ​លោក​ថា​កម្ពុជា​គួរ​មាន​លក្ខខណ្ឌ​ទៅ​ចិន​វិញ​ផង​ដែរ​ក្នុង​ទំនាក់ទំនង​ពាណិជ្ជកម្ម​នេះ...

សំាងឡើងថ្លៃ ទាល់តែហ៊ុន សែនស្រែកហើយមើលទៅ !

តម្លៃ​ប្រេងសាំង​លក់រាយ​នៅ​ថ្ងៃនេះ បាន​ហក់​ឡើង​រហូត​ដល់​៤៣០០​រៀល​ហើយ​ក្នុង​មួយ​លី​ត្រ (​សាំង​ស៊ុប​ពែរ​) ។ ក្នុង​រយៈពេល​ប៉ុន្មាន​ខែ​ចុង​ក្រោយ​នេះ​តម្លៃ​ប្រេងសាំង​លក់រាយ​បាន​បន្ត​កើន​ឡើងជា​បន្តបន្ទាប់ ។ ក្រៅពី​តម្លៃ​សាំង​ឡើងថ្លៃ ប្រជាពលរដ្ឋ​មួយ​ចំនួន បាន​រអ៊ូរទាំ​ពី​ការ​ចាក់​មិន​គ្រប់​លី​ត្រ នៅ​តាម​ស្ថានីយ៍​ប្រេង​ធំ​ៗ នោះ​ថែម​ទៀត ។ ប្រជាពលរដ្ឋ​បាន​ស្នើ​ដល់​សមត្ថកិច្ច​ពាក់ព័ន្ធ ពិសេស​មន្ត្រី​កាំកុងត្រូល មេត្តា​ចុះ​ពិនិត្យ​ចំណុះ​នៅ​តាម​ស្ថានីយ៍​ប្រេង​ធំ​ៗ​មួយ​ចំនួន​ផង​ដែរ ។ មក​ទល់​យប់​ថ្ងៃ​ទី​០៦ ខែកុម្ភៈ ឆ្នាំ​២០១៨​ដដែល​នេះ មិន​ទាន់​មានការ​បកស្រាយ​ណាមួយ​ពី​មន្ត្រី​ជំនាញ​ពាក់​ព័​ន្ឋ​នៅឡើយ​ទេ មើលទៅ​ទាល់តែ​លោកនាយក​រដ្ឋមន្ត្រី ហ៊ុន សែន ចេញ​អន្តរាគមន៍​ហើយ ទើប​មន្ត្រី​ជំនាញ​រត់​ជាន់​ជើង​គ្នា ។ សង្ឃឹមថា នៅ​ក្នុង​ជំនួប​ជាមួយ​កម្មករ​នា​ព្រឹកស្អែក លោក​ប្រមុខ​រាជរដ្ឋាភិបាល រហ័ស​នាម​«​បុរស​ខ្លាំង​នៅ​កម្ពុជា​» នឹង​លើក​ឡើង​អំពី​បញ្ហា​តម្លៃ​សាំង​នេះ ៕

តម្លៃសំាងហក់ឡើង៤០០០រៀលហើយក្នុង១លីត្រ

តម្លៃ​ប្រេងសាំង​លក់រាយ​នៅ​កម្ពុជា បាន​បន្ត​ហក់​ឡើង​រហូត​ដល់ ៤ ០០០ រៀល​ក្នុង​មួយ​លី​ត្រ​សម្រាប់​ការ​លក់​រយៈពេល ១០ ថ្ងៃ​បន្ទាប់​។ នេះ​បើ​យោង​តាម​សេចក្តីជូនដំណឹង​របស់​ក្រសួងពាណិជ្ជកម្ម​នៅ​ថ្ងៃ​ព្រ​ហ​ស្ប​ត្តិ៍​នេះ​។ សេចក្តីជូនដំណឹង​បាន​ឲ្យ​ដឹង​ថា ចាប់ពី​ថ្ងៃ​ទី​២ ដល់​ថ្ងៃ​ទី ១១ កុម្ភៈ ឆ្នាំ ២០១៨ តម្លៃ​ប្រេងសាំង​ដែល​លក់​នៅ​តាម​ស្ថាន​យ៍​ប្រេង​ឥន្ទ​នៈ​ទាំងអស់​នៅ​ទូ​ទាំង​ប្រទេស​នឹង​លក់​ក្នុង​តម្លៃ ៤ ០០០ រៀល​ក្នុង​មួយ​លី​ត្រ សម្រាប់​ប្រេងសាំង​ធម្មតា និង ៣ ៨០០ រៀល​សម្រាប់​សាំង​ម៉ា​ស៊ូ​ត​។ យោង​តាម​សេចក្តី​ប្រកាស​ព័ត៌មាន​របស់​ក្រសួងពាណិជ្ជកម្ម តម្លៃ​ប្រេងសាំង​នៅ​ពេល​នេះ​បាន​ហក់​ឡើង​ពី ៣ ៩៥០ រៀល​ក្នុង​មួយ​លី​ត្រ​កាលពី​ម្សិលមិញ​។ ដោយឡែក​សម្រាប់​តម្លៃ​សាំង​សូ​ពែរ...

ក្រុមហ៊ុនយួនបើករោចក្រកែច្នៃកៅស៊ូនៅកំពង់ធំ

ក្រុមហ៊ុន Vietnam Rubber Group (VRG) បាន​បើក​សម្ពោធ​រោងចក្រ​កែ​ច្នៃ​ជ័រកៅស៊ូ​របស់​ខ្លួន​នៅ​កម្ពុជា​កាលពី​ចុង​ស​ប្តា​ហ៍​មុន​។ នេះ​បើ​យោង​តាម​គេហទំព័រ vietnamplus.vn របស់​វៀតណាម​។ រោងចក្រ Chu Se Kampong Thom ដែល​មា​នទី​តាំងនៅ​ខេត្តកំពង់ធំ​នេះ គឺជា​រោងចក្រ​មួយ​ក្នុង​ចំណោម​រោងចក្រ​កែ​ច្នៃ​ជ័រកៅស៊ូ​ធំ​ជាងគេ​នៅ​តំបន់​អាស៊ី​អាគ្នេយ៍​។ គេហទំព័រ​នេះ​បាន​រាយការណ៍​ថា នៅ​ក្នុង ព្រឹត្តិការណ៍​បើក​សម្ពោធ​នេះ លោក Tran Ngoc Thuan នាយក​ប្រតិបត្តិ​ក្រុមហ៊ុន VRG បាន​ឲ្យ​ដឹង​ថា ការ​សម្ពោធ​រោងចក្រ​កែ​ច្នៃ​ជ័រកៅស៊ូ​នេះ នឹង​បង្កើត​បានជា​ផ្នែក​នៃ​សកម្មភាព​មួយ​ចំនួន...

គណៈ​​កម្ម​ការ​​មូល​​បត្រ​​កម្ពុជា​​ព្រ​មាន​​ពី​ហា​​និភ័យ​​រូបិយ​​ប័ណ្ណ​​អេឡិច​​ត្រូ​និក​

គណៈកម្មការ​មូល​ប​ត្រ​កម្ពុជា (​គ​.​ម​.​ក​) បាន​ប្រកាស​ក្រើនរំឭក​ដល់​សាធារណជន​ឲ្យ​បង្កើន​ការ​ប្រុង​ប្រយ័ត្ន ឬ​ចៀសវាង​ការ​ជួញដូរ​រូបិយប័ណ្ណ​អេ​ឡិច​ត្រូ​និក (Cryptocurrencies) ដោយ​បញ្ជាក់​ថា វា​មាន​ហានិភ័យ​ខ្ពស់ ខណៈ​មិន​ទាន់​មា​នប​ទប្ប​ញ្ញាត្តិ​គ្រប់គ្រង​ត្រឹមត្រូវ​នៅឡើយ​។ នេះ​បើ​យោង​តាម​សេចក្តីជូនដំណឹង​របស់ គ​.​ម​.​ក កាលពី​ថ្ងៃ​ទី១៦ ខែមករា ឆ្នាំ២០១៨។ Cryptocurrencies ជា​រូបិយប័ណ្ណ​អេ​ឡិច​ត្រូ​និក​ថ្មី​មួយ​ដែល​គ្មាន​រូបរាង​ហើយ​មាន​តែ​តួលេខ ដែល​ត្រូវ​បាន​គ្រប់គ្រង​ដោយ​ប្រព័ន្ធ​បច្ចេកវិទ្យា​ព័ត៌មានវិទ្យា​។ រូបិយប័ណ្ណ​ប្រភេទ​នេះ​មាន​ច្រើន​ប្រភេទ​ផ្សេង​ៗ​គ្នា ហើយ​ត្រូវ​បាន​ក្លាយជា​មធ្យោបាយ​ទូទាត់​នៅ​ប្រទេស​មួយ​ចំនួន និង​ត្រូវ​បាន​គេ​ទិញ​លក់​ដើម្បី​ចំណេញ​។ ក្នុង​ចំណោម Cryptocurrencies ជា​ច្រើន Bitcoin ជា​រូបិយប័ណ្ណ​អេ​ឡិច​ត្រូ​និក​មួយ​ដែល​កំពុង​មាន​ប្រជាប្រិយភាព​ជាងគេ​តែ​យ៉ាងណា​ក៏​ដោយ​វា​ត្រូវ​បាន​ហាមឃាត់​តាម​បណ្តា​ប្រទេស​ធំ​ៗ​ជា​ច្រើន​។ សេចក្តីជូនដំណឹង​បាន​លើក​ឡើង​ថា មន្ត្រី គ​.​ម​.​ក បាន​សង្កេត​ឃើញ​ការ​ផ្សព្វផ្សាយ​យ៉ាង​សកម្ម​តាម​ប្រព័ន្ធ​អ៊ីនធឺណិត និង​ប្រព័ន្ធ​ផ្សព្វផ្សាយ​ផ្សេង​ៗ​អំពី​ការ​បោះផ្សាយ និង​ជួញដូរ​រូបិយប័ណ្ណ​អេ​ឡិច​ត្រូ​និក​នេះ​ថា​ជា​ឧបករណ៍​ហិរញ្ញវត្ថុ​ថ្មី​។ សេចក្តីជូនដំណឹង​បញ្ជាក់​ថា​៖...

ខ្មែរ-យួនបើកការដ្ឋានសាងសង់ផ្សារគំរូនៅព្រំដែន

ផ្សារ​គំរូ​ព្រំដែន​កម្ពុជា​-​វៀតណាម ដែល​ស្ថិត​នៅ​តំបន់​ព្រំដែន​រវាង​ខេត្ត​ត្បូងឃ្មុំ​របស់​ប្រទេស​កម្ពុជា និង​ខេត្ត​តៃ​និ​ញ​របស់​ប្រទេស​វៀតណាម ត្រូវ​បាន​បើក​ការដ្ឋាន​សាងសង់​ហើយ​នៅ​ថ្ងៃនេះ​។ នេះ​បើ​យោង​តាម​ទំព័រ​ហ្វេ​ក​ប៊ុ​ក​ផ្លូវការ​របស់​ក្រសួងពាណិជ្ជកម្ម​កម្ពុជា​ដែល​ចេញ​ផ្សារ​នៅ​ព្រឹក​ថ្ងៃនេះ​។ ថ្លែង​ក្នុង​ពិធី​បញ្ចុះ​បឋមសិលា និង​បើក​ការដ្ឋាន​សាងសង់​ផ្សារ​គំរូ​ដែល​មានឈ្មោះ​ថា «​ផ្សារ​ដា​» ដែល​មាន​ទីតាំង​ស្ថិត​នៅ​ក្នុង​ឃុំ​ដារ ស្រុក​មេមត់ លោក ប៉ាន សូរ​ស័ក្តិ រដ្ឋមន្ត្រីក្រសួង​ពាណិជ្ជកម្ម​កម្ពុជា បាន​បង្ហាញ​ជំនឿ​ថា ផ្សារ​គំរូ​ព្រំដែន​នេះ​នឹង​ជួយ​បង្កើន​ទំហំ​ពាណិជ្ជកម្ម​នៅ​តាម​ព្រំដែន និង​លើកកម្ពស់​ជីវភាព​ប្រជាជន​កម្ពុជា​-​វៀតណាម​។ លោក​រដ្ឋមន្ត្រី​បាន​ថ្លែង​ថា​៖ «​ការ​បង្កើត​ផ្សារ​គំរូ​នេះ គឺជា​ការ​ចាប់ផ្តើម​ទំព័រ​សករាជ​ថ្មី​មួយទៀត​នៃ​ការ​ពង្រឹង​កិច្ចសហការ និង​សម្រួល​ពាណិជ្ជកម្ម​នៅ​តាម​ព្រំដែន​នៃ​ប្រទេស​ទាំង​ពីរ ឱ្យ​កាន់តែ​មាន​ភាព​ងាយស្រួល និង​ជិត​ប្រជាពលរដ្ឋ ជា​ពិសេស​ឈាន​ទៅ​សម្រេច​ឲ្យ​បាន​នូវ​ទំហំ​ពាណិជ្ជកម្ម​ចំនួន ៥ ០០០​លាន​ដុល្លារ តាម​ផែនការមេ​ដែល​បាន​គ្រោងទុក​ក្នុង​ពេល​អនាគត​»​។ លោក​បាន​បន្ថែម​ថា​៖ «​ខ្ញុំ​សង្ឃឹមថា ផ្សារ​នេះ...

អត្រា​ជួល​អាផាតមិន​​ធ្លាក់​ចុះ តែការផ្គត់ផ្គង់កើនឡើងខ្ពស់

ទីផ្សារ​អា​ផាត​មិន​នៅ​កម្ពុជា នា​ពេល​បច្ចុប្បន្ន​កំពុង​ប្រឈម​មុខ​នឹង​ការ​ប្រកួតប្រជែង​កាន់តែ​ខ្លាំង​ឡើង​ៗ​ដោយសារ​ការ​ផ្គត់ផ្គង់​បាន​កើន​ឡើងជា​លំដាប់ ដែល​ជា​ហេតុ​ធ្វើ​ឲ្យ​អត្រា​ជួល​ជា​ទូទៅ​ក្នុង​វិស័យ​នេះ​ធ្លាក់​ចុះ​មួយ​ចំនួន​។ របាយការណ៍​របស់​ក្រុមហ៊ុន ប៊ុ​ណ្ណា រៀល​ធី គ្រុប ដែល​បង្ហាញ​កាលពី​ពេល​ថ្មី​ៗ​នេះ បាន​ឲ្យ​ដឹង​ថា ចំនួន​អគារ​អា​ផាត​មិន​នៅ​ក្នុង​រាជធានី​ភ្នំពេញ​បាន​កើនឡើង​ប្រមាណ ២០ ភាគរយ បើ​ធៀប​ទៅ​នឹង​រយៈពេល​ដូច​គ្នា កាលពី​ឆ្នាំ​កន្លង​ទៅ​។ ទន្ទឹម​នឹង​ចំនួន​នៃ​ការ​កើនឡើង​នេះ​ក៏​បាន​ធ្វើ​ឲ្យ​អត្រា​នៃ​ការ​ជួល​ស្នាក់​នៅ​ក៏​ដូច​ជា​ជួល​សម្រាប់​បើក​ការិយាល័យ​ផ្សេង​ៗ​មានការ​ថយ​ចុះ​ប្រមាណ​៨​ភាគរយ​។ លោក​ឧកញ៉ា នួន រិ​ទ្ធី អគ្គនាយក​ក្រុមហ៊ុន Khmer Foundation Appraisal ដែល​បាន​វិនិយោគ​លើ​វិស័យ​នេះ​ផ្ទាល់​នៅ​តែ​មាន​សុទិដ្ឋិនិយម​ដោយ​លោក​ឧកញ៉ា​បាន​និយាយ​កាលពី​ថ្ងៃ​អង្គា​រថា ការ​ផ្គត់ផ្គង់​អា​ផាត​មិន​មានការ​កើនឡើង​ច្រើន ខណៈ​ដែល​អត្រា​ជួល​បាន​ថមថយ​តិចតួច​តែ​ទោះបីជា​យ៉ាងណា​បញ្ហា​ទាំង​អស់នេះ​មិន​មាន​សញ្ញា​អ្វី​ដែល​គួរ​ឲ្យ​ព្រួយបារម្ភ​នោះ​ទេ​។ លោក​ឧកញ៉ា នួន រិ​ទ្ធី មាន​ប្រសាសន៍​ថា ៖...

ចិន ​គ្រោង​ហក់​ចូល​ទីផ្សារ​លំនៅឋាន​តម្លៃ​សមរម្យ​នៅ​កម្ពុជា

ក្រុមហ៊ុន​មក​ពី​ប្រទេស​ចិន China Construction Development Corporation (CCDC) កាលពី​ពេល​ថ្មី​ៗ​នេះ​បាន​បង្ហាញ​ពី​ចំណាប់អារម្មណ៍​របស់​ខ្លួន​ក្នុង​ការ​ចូល​មក​វិនិយោគ​លើ​គម្រោង​លំនៅ​ឋាន​តម្លៃ​សមរម្យ​នៅ​កម្ពុជា ដើម្បី​រួមចំណែក​កាត់​បន្ថយ​ភាព​ក្រីក្រ និង​ផ្តល់​លំនៅ​ឋាន​សម្រាប់​ប្រជាជន​ខ្មែរ​។ ក្នុង​ជំនួប​ជាមួយ​លោក ជា សុ​ផា​រ៉ា ទេស​រដ្ឋមន្ត្រី និង​ជា​រដ្ឋមន្ត្រីក្រសួង​រៀបចំ​ដែនដី នគរូបនីយកម្ម និង​សំណង់ កាលពី​ថ្ងៃ​អង្គារ លោក Gu Shan និង​គណៈប្រតិភូ​ជា​ច្រើន​រូប​ទៀត បាន​បង្ហាញ​ពី​បំណង​ក្នុង​ការ​វិនិយោគ​លើ​ប្រភេទ​លំនៅ​ឋាន​មាន​តម្លៃ​សមរម្យ​នៅ​កម្ពុជា ដោយ​លោក​បាន​អះអាង​ថា ដើម្បី​ចូលរួម​ក្នុង​ការ​អភិវឌ្ឍ​ប្រទេស​កម្ពុជា​ឲ្យ​ឆ្លើយ​តប​ទៅ​នឹង​តម្រូវការ​ជាក់ស្តែង​នា​ពេល​បច្ចុប្បន្ន​។ លោក​បាន​ប្រាប់​ទៀត​ថា ក្រុមហ៊ុន​របស់​លោក​មាន​ឯកទេស​វិនិយោគ​លើ​វិស័យ​សំណង់​ព្រ​លាន​យន្តហោះ សំណង់​អគារ​ខ្ពស់​ៗ និង​ផ្សារ​ទំនើប ជា​ពិសេស​ការ​សាងសង់​លំនៅ​ឋាន​មាន​តម្លៃ​សមរម្យ​ជូន​ប្រជាជន​ដែល​មាន​ចំណូល​ទាប...

ព្រលានយន្តហោះថ្មីតម្លៃ១៥០០លានដុល្លារនឹងសង់នៅក្រុងតាខ្មៅ

គម្រោង​សាងសង់​ព្រ​លាន​យន្តហោះ​ថ្មី​លំដាប់ថ្នាក់​អន្តរជាតិ​លំដាប់ 4F មាន​តម្លៃ​ទុន​វិនិយោគ​សរុប​១៥០០​លាន​ដុល្លារ នឹង​សាងសង់​លើ​ផ្ទៃដី​២៦០០​ហិ​កតា ស្ថិត​នៅ​ក្រុង​តា​ខ្មៅ ស្រុក​កណ្តាល ខេត្តកណ្តាល ។ នេះ​បើ​យោង​តាម​លិខិត​របស់​ឧបនាយករដ្ឋមន្ត្រី​ប្រចាំការ និង​ជា​រដ្ឋមន្ត្រី​ទទួល​បន្ទុក​ទីស្តីការគណៈរដ្ឋមន្ត្រី ផ្ញើ​ជូន​រដ្ឋមន្ត្រីក្រសួង​សេដ្ឋកិច្ច​និង​ហិរញ្ញវត្ថុ និង​រដ្ឋលេខាធិការ​អាកាសចរណ៍​ស៊ី​វិល ចុះ​ថ្ងៃ​ទី​២១ ខែធ្នូ ឆ្នាំ​២០១៧​។ បើ​តាម​លិខិត​ដែល​ត្រូវ​បាន​បែកធ្លាយ​នៅ​តាម​ប្រ​ព័​ន្ឋ​ផ្សព្វផ្សាយ​ក្នុងស្រុក​នៅ​ថ្ងៃ​សុក្រ ១១​រោច ខែបុស្ស ឆ្នាំរកា នព្វស័ក ព​.​ស ២៥៦១ ត្រូវ​នឹង​ថ្ងៃ​ទី​១២ ខែមករា ឆ្នាំ​២០១៨​នេះ បាន​ឲ្យ​ដឹង​ទៀត​ថា ព្រ​លាន​យន្តហោះ​អន្តរជាតិ​នេះ វិនិយោគ​ដោយ​ក្រុមហ៊ុន «​ខេ​ម​បូ​ឌា...

ព្រលានយន្តហោះថ្មី តម្លៃជិត១ពាន់លានដុល្លារ គ្រោងចុះហត្ថលេខាឆាប់ៗនេះ

ប្លង់​ស្ថាបត្យកម្ម​នៃ​ព្រ​លាន​យន្តហោះ​ថ្មី​ខេត្តសៀមរាប ដែល​មាន​តម្លៃ​វិនិយោគ​ប្រមាណ ៩០០ លាន​ដុល្លារ ត្រូវ បាន​បង្ហាញ និង ដាក់​ឆ្លង​លោកនាយក ហ៊ុន សែន ដើម្បី​ចុះហត្ថលេខា​ក្នុង​ពេល​ដំណើរ​ទស្សនកិច្ច​របស់ លោកនាយក​រដ្ឋមន្ត្រី​ចិន លឺ ខឺ ឈាង នាយក​រដ្ឋមន្ត្រី​ចិន​មក​បំពេញ​ទស្សនកិច្ច​នៅ​កម្ពុជា​ចាប់ពី​ថ្ងៃ​ទី​១០ ដល់ ១២ ខែមករា ឆ្នាំ​២០១៨ ។ ប្រភព​បន្ត​ថា​ព្រ​លាន​យន្តហោះ​ថ្មី​នៅ​ខេត្តសៀមរាប​នេះ គ្រោង​ស្ថាបនា​នៅ​លើ​ផ្ទៃដី​ជាង ៧០០ ហិ​កតា ដោយ បោះទុន​វិនិយោគ​លើ​ទឹកប្រាក់ ៨៨០...

ឆ្នេរអូរឈើទាលជិតក្លាយជាកម្មសិទ្ឋិពីការវិនិយោគរបស់ក្រុមហ៊ុនចិន

ក្រុម​អាជីវករ​លក់ដូរ​នៅ​តំបន់ឆ្នេរ​មួយ​ផ្នែក​នៃ​ឆ្នេរ​អូរ​ឈើទាល​ដ៏​មាន​ប្រជាប្រិយភាព​របស់​ក្រុងព្រះសីហនុ បាន​រុះរើ​តូប​លក់ដូរ​របស់​ពួក​គេ ដោយសារ​កិច្ចសន្យាជួល​បាន​ផុតកំណត់ ហើយ​ជំនួស​មក​វិញ​ជាមួយនឹង​គម្រោង​វិនិយោគ​របស់​ក្រុមហ៊ុន​ចិន​។ នេះ​បើ​តាម​ប្រភព​នៅ​ខាងក្នុង​បាន​ឲ្យ​ដឹង​កាលពី​ម្សិលមិញ​។ លោក ប្រាក់ វិសាល នាយករង​ផ្នែក​រដ្ឋបាល​នៃ​សាលាខេត្ត​ព្រះ​សីហ​នុ​បាន​ឲ្យ​ដឹង​ថា គម្រោង​ថ្មី​នេះ​កើតឡើង​ដោយសារ​ការ​វិនិយោគ​រួម​គ្នា​ដោយ​ក្រុមហ៊ុន​ចិន ដែល​មិន​បាន​បង្ហាញ​ឈ្មោះ​ជាមួយ​ក្រុមហ៊ុន​កម្ពុជា Royal Group ដែល​មាន​លោក​មហាសេដ្ឋី គិត ម៉េ​ង ជា​ប្រធាន​។ លោក​បាន​ថ្លែង​ថា​៖ «​ឥឡូវ ក្រុមហ៊ុន​កំពុង​ចាប់ផ្តើម​រុះរើ​ហាង​ចាស់​ៗ​ចេញ​ជា​មុន​សិន ដោយ​បាន​បញ្ចប់​កិច្ចសន្យា​ជាមួយ​ក្រុម​អ្នកលក់​»​។ លោក​បាន​បន្ថែម​ថា​៖ «​នេះ​មិន​បាន​បង្ក​បញ្ហា​ណាមួយ​នោះ​ទេ ពីព្រោះ​ការ​ចាកចេញ​នេះ​មាន​មូលដ្ឋាន​លើ​ការ​បញ្ចប់​កិច្ចសន្យាជួល​ជាមួយ​ម្ចាស់​អាជីវកម្ម​»​។ លោក​បាន​បន្ថែម​ថា ការ​រុះរើ​សំណង់​លក់ដូរ​នៅ​តាម​តំបន់ឆ្នេរ​នេះ​បាន​ចាប់ផ្តើម​កាលពី​ចុងខែ​មុន​។ លោក​បាន​បន្ថែម​ថា អាជីវកម្ម​ភាគច្រើន​ដែល​បាន​បាត់បង់​កិច្ចសន្យាជួល​របស់​ពួក​គេ នៅ​តាម​ឆ្នេរ​អូរ​ឈើទាល គ្រោង​ផ្លាស់​ប្តូរ​ប្រតិបត្តិការ​លក់ដូរ​របស់​ពួក​គេ​ទៅ​កាន់​តំបន់ឆ្នេរ​អូរ​ឈើទាល​ដដែល​ដែល​នៅ​ក្បែរ​នោះ ហើយ​មាន​តែ​២-៣​គ្រួសារ​ប៉ុណ្ណោះ​ដែល​ឈ្លោះប្រកែក​គ្នា​នៅ​ពេល​ដែល​លិខិត​បណ្តេញចេញ​បាន​ទៅ​ដល់​។ លោក​បាន​ថ្លែង​ថា លោក​សង្ឃឹមថា...

ធនាគារ​ជាតិ​បញ្ចេញ​ជិត១ពាន់លានដុល្លារ​ដើម្បី​រក្សា​ស្ថិរភាព​អត្រា​ប្តូរប្រាក់

ធនាគារជាតិ​នៃ​កម្ពុជា​កាលពី​ឆ្នាំ​២០១៧ បាន​បញ្ចេញ​ប្រាក់​រៀល​ដែល​មាន​តម្លៃ​ស្មើ ៩១៥​លាន​ដុល្លារ ក្នុង​ការ​ធ្វើ​អន្តរាគមន៍​រក្សា​ស្ថិរភាព​អត្រា​ប្តូរ​ប្រាក់​រៀល ធៀប​នឹង​ប្រាក់​ដុល្លារ តាម​រយៈ​ការ​ទិញ​យក​ប្រាក់​ដុល្លារ​ពី​ទីផ្សារ​។ នេះ​បើ​តាម​ទិន្នន័យ​ដែល​ធនាគារជាតិ​ចេញផ្សាយ​លើ​ទំព័រ Facebook ផ្លូវការ​របស់​ខ្លួន​។ ទំហំ​ទឹកប្រាក់​នេះ​បង្ហាញ​ពី​កំណើន ១១​ភាគរយ​ធៀប​នឹង​ឆ្នាំ​២០១៦​។ ការ​បញ្ចេញ​ប្រាក់​រៀល​ទិញ​យក​ប្រាក់​ដុល្លារ​ពី​ទីផ្សារ​នេះ ត្រូវ​បាន​ធ្វើ​ឡើង​ដើម្បី​ឆ្លើយ​តប​ទៅ​នឹង​កំណើន​តម្រូវការ​ទីផ្សារ និង​ស្ថានភាព​សេដ្ឋកិច្ច ដែល​ធនាគារកណ្តាល​មួយ​នេះ​បាន​ប៉ាន់​ប្រមាណ​ថា​បាន​កើនឡើង​ប្រហែល ៦,៩​ភាគរយ​នៅ​ឆ្នាំ​២០១៧ ដែល​គាំទ្រ​ជា​ចម្បង​ដោយ​វិស័យ​កាត់ដេរ សំណង់ ទេសចរណ៍ និង​វិស័យ​ធនាគារ​។ ធនាគារជាតិ​បាន​ឲ្យ​ដឹង​លើ​ទំព័រ Facebook ផ្លូវការ​របស់​ខ្លួន​ថា កំណើន​នេះ​បាន​ឆ្លុះ​បញ្ចាំង​ឲ្យ​ឃើញ​ពី​កំណើន​តម្រូវការ​ប្រាក់​រៀល​ក្នុង​ពេល​ដែល​សកម្មភាព​សេដ្ឋកិច្ច​មានការ​រីក​ចម្រើន និង​កំណើន​ជឿ​ទុកចិត្ត​របស់​សាធារណៈជន​មក​លើ​ប្រាក់​រៀល​។ ធនាគារ​នេះ​បាន​បន្ត​ថា អន្តរាគមន៍​នេះ​បាន​ជួយ​ឲ្យ​អត្រា​ប្តូរ​ប្រាក់​រៀល​ធៀប​នឹង​ប្រាក់​ដុល្លារ​មាន​ស្ថិរភាព ដែល​ស្ថិត​ក្នុង​អត្រា​ជា​មធ្យម ៤០៥០ រៀល​ក្នុង​មួយ​ដុល្លារ​អាមរ​រិ​ក ដែល​បាន​បង្ហាញ​ពី​កំណើន...

ក្រុម​ហ៊ុនចិន​​មួយ​ គ្រោង​បង្កើត​រោងចក្រ​វេច​ខ្ចប់​ស្វាយ

ក្រសួងកសិកម្ម​កម្ពុជា នឹង​ចុះហត្ថលេខា​លើ​អនុស្សា​រណៈ​នៃ​ការ​យោគយល់​គ្នា​( MOU) ជាមួយ​ក្រុមហ៊ុន​ចិន​នៅ​ខែ​ក្រោយ ស្ដី​ពី​ការ​នាំ​ចេញ​ផ្លែស្វាយ​ពី​ប្រទេស​កម្ពុជា​ទៅ ជប៉ុន និង​ចិន​។ នេះ​បើ​យោង​តាម​លោក​រដ្ឋមន្ដ្រី វេ​ង សា​ខុន​។ ការ​លើក​ឡើង​នេះ​ធ្វើ​ឡើង​ក្នុង​ជំនួប​រវាង លោក វេ​ង សា​ខុន និង​ក្រុមហ៊ុន ចិន Weighai Dragoin Union Agriculture Co.,Ltd នៅ​ប្រទេស​ចិន កាលពី​ស​ប្ដា​ហ៍​មុន​។ ក្នុង​អំឡុង​កិច្ចប្រជុំ​នេះ ក្រុមហ៊ុន​ចិន បាន​បង្ហាញ​ផែនការ​ក្នុង​ការ​វិនិយោគ​ទឹកប្រាក់​ប្រមាណ ៤០ លាន​ដុល្លារ ដើម្បី​បង្កើត​រោងចក្រ​វេច​ខ្ចប់​ក្នុង​ការ​នាំ​ចេញ​ផ្លែស្វាយ​ទៅ​ប្រទេស...

បើ EU ដកប្រព័ន្ឋអនុគ្រោះពន្ឋ ខ្មែរខាតមួយឆ្នំាប្រមាណ៦៧៦លានដុល្លារ

យោង​តាម​របាយការណ៍​ចុះ​ថ្ងៃ​ទី​០៤ ខែធ្នូ ឆ្នាំ​២០១៧​របស់​ក្រសួងពាណិជ្ជកម្ម​ដែល​បាន​គោរព​រាយការណ៍​ជូន​លោកនាយក​រដ្ឋមន្ត្រី ហ៊ុន សែន បាន​បង្ហាញ​ឲ្យ​ឃើញ​ថា រយៈពេល​៥​ឆ្នាំ ចាប់ពី​ឆ្នាំ​២០១២​រហូត​ដល់​ឆ្នាំ​២០១៦​កម្ពុជា​បាន​នាំ​ចេញ​ទំនិញ​ទៅ​កាន់​ទីផ្សារ​សហភាព​អឺរ៉ុប (EU) មាន​ទំហំ​ទឹកប្រាក់​ចំនួន​២៣ ៥៨២ ៦៩៥ ០០០​ដុល្លារ​អា​មេ​រិ​ក ដែល​ក្នុង​នោះ​សម្រាប់​ឆ្នាំ​២០១៦​មាន​ទំហំ​ទឹកប្រាក់​ចំនួន​៦ ២៥៩ ២៧៧ ០០០​ដុល្លារ​អា​មេ​រិ​ក ក្រោម​រូបភាព​អនុគ្រោះ​ពន្ធគយ​ទាំងស្រុង (​មិន​បង់ពន្ធ​) ។ នៅ​ក្នុង​របាយការណ៍ លោក ប៉ាន សូរ​ស័ក្តិ រដ្ឋមន្ត្រីក្រសួង​ពាណិជ្ជកម្ម​បាន​គោរព​រាយការណ៍​ជូន​ប្រមុខ​រាជរដ្ឋាភិបាល​កម្ពុជា​ឲ្យ​ដឹង​ថា មុខទំនិញ​សំខាន់​ៗ​ដែល​កម្ពុជា​នាំ​ចេញ​ទៅ​កាន់​ទីផ្សារ​សហភាព​អឺរ៉ុប រួម​មាន ៖...

ប៉ាន សូរ​ស័ក្កិ ឲ្យយោបល់ ហ៊ុន សែន បញ្ចុះបញ្ចូល EU ទប់​ស្កាត់​ការ​ព្យួរ​ការ​អនុគ្រោះ​ពន្ឋ

ក្រសួង​ពាណិជ្ជកម្ម​បាន​ស្នើ​ទៅ​លោក​នាយក​រដ្ឋមន្ត្រី ហ៊ុន សែន ថា កម្ពុជា​គួរ​បញ្ចុះបញ្ចូល​បណ្ដា​ប្រទេស​សហភាព​អឺរ៉ុប​ដើម្បី​ទប់​ស្កាត់​ការព្យួរ​សម្បទាន​ពន្ធគយ​ណាមួយ​ជាយថាហេតុ​។ នេះ​បើ​យោងតាម​លិខិត​របស់​ក្រសួង​ ពាណិជ្ជកម្ម ផ្ញើជូន​លោក​នាយក​រដ្ឋ​មន្ត្រី​ហ៊ុន សែន ដែល​ត្រូវ​បាន​គេ​បង្ហោះ​ចែកចាយ​នៅ​បណ្តាញ​សង្គម​ ហ្វេ​ស​ប៊ុ​ក កាលពី​រសៀល​ថ្ងៃ​អាទិត្យ​។ លិខិត​ចុះ​កាល​បរិច្ឆេទ​ថ្ងៃទី​ ៤ ខែធ្នូ ឆ្នាំ​ ២០១៧ ដែល​ចុះ​ហត្ថលេខា​ដោយ​រដ្ឋ​មន្ត្រី ក្រសួង​ពាណិជ្ជកម្ម លោក ប៉ាន សូរ​ស័ក្កិ ក៏​បាន​ផ្តល់​យោបល់​ឲ្យ​រដ្ឋាភិបាល​ក្នុង​ជម្រើស​ផ្សេង​ទៀត គួរ​ពិភាក្សា​ក្នុង​កិច្ចប្រជុំ​ចង្អៀត​នៃ​គណៈកម្មាធិការ​គោល​នយោបាយ​សេដ្ឋកិច្ច និង​ ហិរញ្ញវត្ថុ ដោយ​មាន​ការ​ចូលរួម​ពី​ក្រសួង ស្ថាប័ន...

សង្ស័យមានមេរោគក្នុងម្សៅទឹកដោះគោ AD និង Mama

ក្រុម​ហ៊ុ ន​អង្គរ ដា​វ័​ណ្ណ (​ខេ​ម​បូ​ឌា​) ឲ្យ​ដឹង​ថា ខ្លួន​កំពុង​ប្រមូល​ម្សៅ​ទឹកដោះគោ​ទារក​ចំនួន​ពីរ​ប្រភេទ ពី​ទីផ្សារ​នៅ​ទូ​ទាំង​ប្រទេស​កម្ពុជា មក​វិញ ដែល​អាច​សង្ស័យ​ថា មាន​ប្រឡាក់​មេរោគ​។ នេះ​បើ​យោង​តាម​នាយក​ប្រតិបត្តិ​ក្រុមហ៊ុន​ដែល​បាន​ប្រាប់​ភ្នំពេញ ប៉ុស្តិ៍​នៅ​ថ្ងៃនេះ​។ ការ​ប្រមូល​នេះ​ធ្វើ​ឡើង​បន្ទាប់​ពី​ក្រុមហ៊ុន Lactalis ដែល​ជា​ក្រុមហ៊ុន​ផលិត​ម្សៅ​ទឹកដោះគោ​ធំ​មួយ​នៅ​ក្នុង​ពិភពលោក និង​អាជ្ញាធរ​បារាំង បាន​បញ្ជា​ឲ្យ​ក្រុមហ៊ុន​នាំ​ចូល​ផលិតផល​ទឹកដោះគោ Lactalis ទូ​ទាំង​ពិភពលោក​ប្រមូល​ផលិត​ទាំងនោះ​ពី​ទីផ្សារ​មក​វិញ បន្ទាប់​ពី​រក​ឃើញ​ថា ផលិតផល​ខ្លះ​របស់​ក្រុមហ៊ុន​នេះ មាន​មេរោគ​និង​ខ្លះ​ទៀត​សង្ស័យ​ថា មាន​ប្រឡាក់​មេរោគ​។ ក្រុមហ៊ុន​អង្គរ ដា​វ័​ណ្ណ (​ខេ​ម​បូ​ឌា​) បាន​ឲ្យ​ដឹង​ថា ក្រុមហ៊ុន​បាន​នាំ​ចូល​ម្សៅ​ទឹកដោះគោ Celia...

អ៊ីតាលី​ជំរុញ​ឲ្យ ​EU ​កំហិត​ការ​នាំ​ចូល​អង្ករ​កម្ពុជា

ប្រទេស​អ៊ី​តា​លី នៅ​តែ​បន្ត​ទាមទារ​ឲ្យ​គណៈកម្មការ​សហភាព​អឺរ៉ុប (EU) កម្រិត​ការ​នាំ​ចូល​អង្ករ​ពី​ប្រទេស​កម្ពុជា ក្នុង​ហេតុផល​ដើម្បី​ការពារ​ឧស្សាហកម្ម​អង្ករ​របស់​ខ្លួន និង​សហភាព​អឺរ៉ុប​ទាំងមូល​។ ការ​ទាមទារ​នេះ​ត្រូវ​បាន​ធ្វើ​ឡើង​ពី​ថ្ងៃ​ទី ២៤ ខែវិច្ឆិកា ប៉ុន្តែ​ពេល​នេះ​អ៊ី​តា​លី​បាន​ចូលរួម​ជាមួយ​ប្រទេស ៦ ផ្សេង​ទៀត​។ នេះ​បើ​តាម​ការ​ចុះ​ផ្សាយ​របស់ EURACTIV.com​។ បើ​ទោះបី​យ៉ាងនេះ​ក្តី អ្នក​នៅ​ក្នុង​ឧស្សាហកម្ម​អង្ករ​កម្ពុជា មិន​បាន​ដាក់​ក្តី​បារម្ភ​ចំពោះ​សំណើ​របស់​ប្រទេស​អ៊ី​តា​លី​នោះ​ទេ ដោយ​ចាត់​ទុក​ថា​នេះ​មិនមែន​ជា​រឿង​ថ្មី និង​មិន​ប៉ះពាល់​ដល់​អង្ករ​កម្ពុជា​ឡើយ​។ របាយការណ៍​បាន​ឲ្យ​ដឹង​ថា ក្នុង​រយៈពេល ៥ ឆ្នាំ​កន្លង​មកនេះ ការ​នាំ​ចូល​អង្ករ​របស់​អឺរ៉ុប​ពី​ប្រទេស​កម្ពុជា​បាន​កើនឡើង​ជាង ២ ដង ដែល​ប៉ះពាល់​អវិជ្ជមាន​ដល់​តុល្យភាព​ពាណិជ្ជកម្ម​របស់ EU ជាមួយ​ប្រទេស​នេះ​។ ស្ថិត​ក្រោម «​លក្ខខណ្ឌ​ការពារ​»...

ខណ្ឌ​ចំការមន​ជាតំបន់​ពាណិជ្ជកម្មនិង​អគារ​ស្នាក់​នៅ​ទំនើប

ខណ្ឌចំការមន គឺជា​ខណ្ឌ​មួយ​ដែល​មាន​ភាព​ទាក់ទាញ​ការ​វិនិយោគ​វិស័យ​អចលនទ្រព្យ នៅ​ក្នុង​ចំណោម​ខណ្ឌ​ទាំង​១២ នៃ​រាជធានី​ភ្នំពេញ​។ ជា​កា​ពិត ការ​រីក​ចម្រើន​នៃ​ទីក្រុង​មួយ​វា​បង្ហាញ​តាម​រយៈ​សម្ទុះ​នៃ​ការ​អភិ​វ​ឌ្ប​លើ​គ្រប់​វិស័យ​ព្រម​ៗ​គ្នា​ពិតមែន ជា​ពិសេស​វិស័យ​សាងសង់ សំណង់​អចលនទ្រព្យ ហេដ្ឋារចនាសម្ព័ន្ធ​ទូទៅ វា​គឺជា​ទិដ្ឋភាព​ជាក់ស្តែង​នៃ​ដំណើរ​អភិវឌ្ឍន៍​។ ខណ្ឌចំការមន មាន​ផ្ទៃក្រឡា​ប្រមាណ​១១​គីឡូ​ម៉ែត្រការ៉េ បាន​បង្ហាញ​ពី​សក្តានុពល​យ៉ាង​ខ្លាំង​ពី​ការ​កើនឡើង​នៃ​សំណង់​អគារ​ស្នាក់​នៅ​ចម្រុះ អគារ​សហកម្មសិទ្ធិ​(​ខុន​ដូ​) ផ្សារ​ទំនើប ដែល​បន្ត​រីក​ដុះ​ឡើង​ដូច​ផ្សិត​ក្នុង​រយៈពេល​ប៉ុន្មាន​ឆ្នាំ​ចុង​ក្រោយ​នេះ​។ លោក ប៊ុ​ន សុ​ភ័ក្ត្រ អភិបាលរង​ខណ្ឌចំការមន មាន​ប្រសាសន៍​ថា ៖ «​ការ​អភិវឌ្ឍ​មាន​គ្រប់​វិស័យ​ទាំង​ការ​សាងសង់​ប្រព័ន្ធ​ហេដ្ឋារចនាសម្ព័ន្ធ និង​កា​រប​ញ្ច្រា​ប​ចំណេះដឹង​ជំនាញ​។ ទាក់ទង​ទៅ​នឹង​ហេដ្ឋារចនាសម្ព័ន្ធ​មិន​សំដៅ​ទៅ​លើ​តែ​សំណង់​ខ្ពស់​ៗ​ធំ​ៗ​នោះ​ទេ ប៉ុន្តែ​ក្នុង​ការ​អភិវឌ្ឍ​ប្រទេស​ជាតិ គឺ​សំដៅ​ទៅ​លើ​គ្រប់​វិស័យ​ទាំង​ការ​អភិវឌ្ឍ​ស្ពាន ផ្លូវថ្នល់ ប្រព័ន្ធ​លូ សំណង់​នានា...

​វិបត្តិ​នយោបាយ​នឹង​ប៉ះពាល់​ការ​នាំ​ចេញ​ផ្នែក​​វាយនភណ្ឌ

អ្នកជំនាញ​ខាង​សេដ្ឋកិច្ច និង​សហជីព​លើក​ឡើង​ថា ការ​នាំ​ចេញ​វិស័យ​សំលៀក​បំពាក់ និង​ស្បែកជើង​មាន​ចំនួន​កើនឡើង ឬ​ធ្លាក់​ចុះ​នោះ អាស្រ័យ​លើ​ស្ថានភាព​នយោបាយ​ល្អ ឬ​អាក្រក់​នៅ​កម្ពុជា​។ ក្រុម​សហជីព​លើក​ឡើង​ថា នៅ​រៀង​រាល់​ស្ថានភាព​នយោបាយ​ជាប់​គាំង ឬ​មិនល្អ​នោះ ទំហំ​នៃ​ការ​នាំ​ចេញ​ក៏​ធ្លាក់​ចុះ​ដែរ​។ អ្នកជំនាញ​ខាង​សេដ្ឋកិច្ច និង​តំណាង​សហជីព​សម្ដែង​ការ​ព្រួយបារម្ភ​អំពី​ផល​ប៉ះពាល់​ការ​នាំ​ចេញ​វិស័យ​វាយ​ន​ភណ្ឌ​កាត់ដេរ និង​ស្បែកជើង​នេះ ស្រប​ពេល​ការ​នាំ​ចេញ​នៅ​ដើមឆ្នាំ​២០១៧ មាន​ចំនួន​កើនឡើង​តិច​តូច​នៅឡើយ​។ នេះ​បើ​យោង​តាម​របាយការណ៍​របស់​ក្រសួង​ការងារ និង​បណ្ដុះបណ្ដាល​វិជ្ជាជីវៈ​។ ក្រសួង​ការងារ និង​បណ្ដុះបណ្ដាល​វិជ្ជាជីវៈ កាលពី​ថ្ងៃ​ទី​៧ ខែវិច្ឆិកា បាន​ចេញ​របាយការណ៍​នាំ​ចេញ​សំលៀក​បំពាក់ និង​ស្បែកជើង​ក្នុង​រយៈពេល ៦​ខែ ដើមឆ្នាំ​២០១៧ គិត​ជា​ទឹកប្រាក់​មាន​ចំនួន​ជាង ៣.៧០០​លាន​ដុល្លារ (៣.៧៣០,៣)​។...

ខ្មែរនំាទំនិញទៅកាន់​ជប៉ុន ​មាន​តម្លៃជិត​ ១ ពាន់​លានដុល្លារ

កម្ពុជា​បាន​នាំ​ចេញ​ទំនិញ​ទៅ​ជប៉ុន មាន​តម្លៃ​ជា​ទឹកប្រាក់ ៩៥៤ លាន​ដុល្លារ​ក្នុង​រយៈពេល ៩ ខែ​ដំបូង​ឆ្នាំ ២០១៧ នេះ​កើនឡើង ២ ភាគរយ​ធៀប​នឹង​រយៈពេល​ដូច​គ្នា​កាលពី​ឆ្នាំ​មុន ជា​កំណើន​ទាប​បំផុត​មិន​ធ្លាប់​មាន​គិត​ចាប់ពី​ឆ្នាំ ២០០៨ មក​។ នេះ​បើ​តាម​ទិន្នន័យ​ពាណិជ្ជកម្ម​ពី​អង្គការ​ពាណិជ្ជកម្ម​ក្រៅប្រទេស​ជប៉ុន (JETRO)​។ នេះ​ជា​លើក​ដំបូង​ដែល​កម្ពុជា​ទទួល​បាន​កំណើន​នៃ​ការ​នាំ​ចេញ​ទៅ​ជប៉ុន​តែ​មួយ​ខ្ទង់ ខណៈ​ទិន្នន័យ JETRO បង្ហាញ​ថា កន្លង​មក​ទឹកប្រាក់​នៃ​ការ​នាំ​ចេញពី​កម្ពុជា​ទៅ​ជប៉ុន​តែង​មាន​កំណើន​ប្រចាំឆមាស និង ប្រចាំឆ្នាំ​ដល់​ទៅ ២ ខ្ទង់​លើកលែងតែ​ឆ្នាំ ២០០៨ ដែល​មានការ​ប៉ះពាល់​ដោយសារ​វិបត្តិ​សេដ្ឋកិច្ច​ពិភពលោក​។ បើ​គិត​ពី​ទឹកប្រាក់​នៃ​ការ​នាំ​ចេញ​ទៅ​ជប៉ុន​រយៈពេល ៩ ខែ​ដំបូង​ឆ្នាំ...

ថៃធ្វើអ្វីតាមចិត្ត ព្រោះតែខ្មែរអន់ ?

ចាប់ពី​ថ្ងៃ​ទី​១៣ ខែវិច្ឆិកា ឆ្នាំ​២០១៧​តទៅ ប្រទេស​ថៃ​នឹង​មិន​អនុញ្ញាត​ឲ្យ​មានការ​ដឹក​ជញ្ជូន​ទំនិញ​តាម​ផ្លូវគោក​ពី​ប្រទេស​ដទៃ​ឆ្លងកាត់​ប្រទេស​ថៃ​ចូល​មក​កម្ពុជា ឬ ដឹក​ទំនិញ​ពី​កម្ពុជា ឆ្លងកាត់​ប្រទេស​ថៃ ទៅ​កាន់​ប្រទេស​ដទៃ​ទៀត​នោះ​ឡើយ​។ នេះ​បើ​យោង​តាម​សេចក្តីជូនដំណឹង​របស់​អគ្គនាយកដ្ឋាន​គយ និង​រដ្ឋាករ នៃ​ក្រសួង​សេដ្ឋកិច្ច​និង​ហិរញ្ញវត្ថុ របស់​ប្រទេស​ខ្មែរ ចុះ​ថ្ងៃ​ទី​៣១ ខែតុលា ឆ្នាំ​២០១៧​នេះ​។ បើ​តាម​សេចក្តី​សេចក្តីជូនដំណឹង​ដដែល​បាន​ឲ្យ​ដឹង​ថា ការណ៍​ដែល​ប្រទេស​ថៃ​មិន​អនុញ្ញាត​ឲ្យ​ដឹក​ជញ្ជូន​ទំនិញ​ពី​កម្ពុជា ទៅ​កាន់​ប្រទេស​ដទៃ ឬ​ពី​ប្រទេស​ដទៃ​ចូល​មក​កម្ពុជា​នេះ ដោយសារ​តែ​ច្បាប់​គយ​ថ្មី​របស់​ប្រទេស​ថៃ បាន​ហាមឃាត់​មិន​ឲ្យ​មានការ​ដឹក​ទំនិញ​ពី​បណ្តា​ប្រទេស​នានា​តាម​ផ្លូវគោក​ឆ្លងកាត់​ប្រទេស​ថៃ​នោះ​ឡើយ​។ យ៉ាងណា​ក៍ដោយ អគ្គនាយកដ្ឋាន​គយ និង​រដ្ឋាករ​ខ្មែរ​បាន​និង​កំពុង​ប្រឹងប្រែង​រៀបចំ​អនុស្សា​រណៈ​នៃ​ការ​យោគយល់​គ្នា​មួយ ស្តី​ពី​ការ​ដឹក​ជញ្ជូន​ទំនិញ​ឆ្លងកាត់ តែ​រហូត​មក​ដល់​ពេល​នេះ អនុស្សា​រណៈ​នៃ​ការ​យោគ​យល់​គ្នា​នេះ កំពុង​រង់ចាំ​សេចក្តីសម្រេច​ពី​ភាគី​ថៃ​។ អគ្គនាយករ​ដ្ឋា​ន​គយ និង​រដ្ឋាករ​កម្ពុជា បាន​អះអាង​ថា...

បំណុល​ខ្មែរកើន​ដល់ ​$៦,២​ពាន់​លាន ខណៈ​គ្រោង​ខ្ចី​$១,៤​ពាន់​លាន

រដ្ឋាភិបាល​គ្រោង​ខ្ចីប្រាក់​១​ពាន់​លាន SDR ឬ ១,៤​ពាន់​លាន​ដុល្លារ ដើម្បី​សម្រេច​បាន​ទិស​ដៅ​ថវិកា ដែល​គ្រោងទុក​របស់​ខ្លួន​សម្រាប់​ឆ្នាំ​ក្រោយ ដែល​នឹង​ធ្វើ​ឲ្យ​បំណុល​ជាតិ​សរុប​កើនឡើង​ដល់​៧,៦​ពាន់​លាន​ដុល្លារ​នៅ​ត្រឹម​ចុងឆ្នាំ​២០១៨ ខណៈ​កម្រិត​បំណុល​បច្ចុប្បន្ន​គិត​ត្រឹម​ខែមិថុនា​ឆ្នាំ ២០១៧ មាន​ជាង ៦,២​ពាន់​លាន​ដុល្លារ​។ នេះ​បើ​យោង​តាម​សេចក្ដី​ព្រាង​ថវិកាជាតិ​ឆ្នាំ​២០១៨ ដែល​បាន​ចេញផ្សាយ​កាលពី​ថ្ងៃ​សុក្រ​។ សេចក្ដី​ព្រាង​ថវិកាជាតិ​ដែល​បាន​រៀបចំ​ដោយ​ក្រសួង​សេដ្ឋកិច្ច និង​ហិរញ្ញវត្ថុ​(MEF) បង្ហាញ​ថា កម្ចី​រហូត​ដល់ ១,៤​ពាន់​លាន​ដុល្លារ​កើតមក​ពី​គម្រោង​ដែល​បាន​អនុម័ត​២៦ ដែល​ចុះហត្ថលេខា​ជាមួយ​ធនាគារពិភពលោក ធនាគារអភិវឌ្ឍន៍អាស៊ី​( ADB) ប្រទេស​ចិន ជប៉ុន កូរ៉េ​ខាងត្បូង បារាំង និង​ឥណ្ឌា​។ គម្រោង​ទាំងនេះ​ភាគច្រើន​ទាក់ទង​នឹង​ការ​អភិវឌ្ឍ​វិស័យ​ថាមពល និង​ហេដ្ឋារចនាសម្ព័ន្ធ ជាមួយនឹង​ការ​កំណត់​ទិស​ដៅ​ទេសចរណ៍​មួយ​ចំនួន...

ធនប័ត្រ​ប្រភេទ​ថ្មី ១​ពាន់​រៀល និង​៥​ពាន់​រៀល

ភ្នំពេញ ៖ ដើម្បី​ចូលរួម​អបអរសាទរ​ព្រះ​រាជពិធី​បុណ្យខួប​ នៃ​ការ​យាង​គ្រង​ព្រះ​បរម​រាជសម្បត្តិ​ របស់ព្រះករុណា​ព្រះបាទ​សម្តេចព្រះ​បរមនាថ នរោត្តម សីហ​មុនី ព្រះមហាក្សត្រ នៃ​ព្រះរាជាណាចក្រ​កម្ពុជា ធនាគារជាតិ​នៃ​កម្ពុជា​មាន​សេចក្តី​សោមនស្ស​រីករាយ​សូម​ប្រកាស​ពី​ការ​ដាក់​ឱ្យ​ចរាចរ​ប្រភេទ​ក្រដាសប្រាក់ ៥០០០ រៀល និង​១០០០ រៀល​ថ្មី ជា​ផ្លូវការ​ចាប់ពី​ថ្ងៃ​ទី​២៥ ខែតុលា ឆ្នាំ​២០១៧ នេះ​តទៅ ​។  

IMF៖រដ្ឋាភិបាលប្រឈមនឹងវិបត្តិហិរញ្ញវត្ថុ

យោង​តាម​របាយការណ៍​របស់​មូលនិធិ​រូបិយ​វត្ថុ​អន្តរជាតិ​(IMF)​ស្ដី​ពី​ស្ថានភាព​ហិរញ្ញវត្ថុ​នៅ​កម្ពុជា​បាន​ឲ្យ​ដឹង​ថា ដោយសារ​រដ្ឋាភិបាល​កម្ពុជា​បាន​ដំឡើង​ប្រាកបៀវត្សរ៍​ដល់​មន្ត្រីរាជការ និង​ការ​ចំណាយ​សម្រាប់​ការ​រៀបចំ​បោះ​ឆ្នោត​ក្រុមប្រឹក្សា​ឃុំ​-​សង្កាត់ ក្នុង​ឆ្នាំ​២០១៧ បាន​ធ្វើ​ឲ្យ​ចំណាយ​ខ្ពស់​ជាង​ចំណូល​។ មូលនិធិ​រូបិយ​វត្ថុ​អន្តរជាតិ​ក៍បាន​ធ្វើការ​ព្រមាន​ថា កម្ពុជា​គួរ​ត្រៀមខ្លួន ក្នុង​លក្ខខណ្ឌ​ដែល​ប្រឈម​នឹង​វិបត្តិ​ហិរញ្ញវត្ថុ ដោយសារ​កំណើនសេដ្ឋកិច្ច​ធ្លាក់​ចុះ​។ បើ​តាម​របាយការណ៍​ដដែល ការ​ចំណាយ​លើស​ប្រាក់​ចំណូល ជា​ហេតុ​នាំ​ឲ្យ​មាន​ឱនភាព​ប្រចាំឆ្នាំ​ធ្លាក់​ចុះ ដោយសារ​ផលិតផល​ក្នុងស្រុក​សរុប GDP ក្នុង​ឆ្នាំ​២០១៦ ធ្លាក់​ចុះ ២,៨% បើ​ប្រៀបធៀប​ទៅ​នឹង​ឆ្នាំ​មុន គឺ​អត្រា ១,៦%​។ បន្ថែម​ពី​នេះ​គឺ​ដោយសារ​ការ​ធ្លាក់​ចុះ​នៃ​វិនិយោគិន​បរទេស​។ មូលនិធិ​រូបិយ​វត្ថុ​អន្តរជាតិ ក៍​ស្នើ​ដល់​ស្ថាប័ន​ជាតិ​ពាក់​ព័​ន្ឋ​ទាំងអស់ ត្រូវ​ពង្រឹង​ការ​យកចិត្តទុកដាក់​ផ្នែក​ហិរញ្ញវត្ថុ និង​ធ្វើការ​កែទម្រង់​បន្ថែម​ទៀត ដើម្បី​លើក​ស្ទួយ​ឲ្យ​មាន​បរិយាកាស​ល្អ ក្នុង​ការ​ប្រកួតប្រជែង​ផ្នែក​ពាណិជ្ជកម្ម​។ កំណើនសេដ្ឋកិច្ច​នៅ​ពាក់កណ្ដាល​ឆ្នាំ​២០១៧​នេះ គឺ​អត្រា​ប្រមាណ​ជា ៦% ដែល​ផ្ទុយ​ពី​ការ​រំពឹង​ទុក​ពី​មុន...

ខ្មែរ​នឹង​ក្លាយជា​ប្រទេស​ផលិត​ប្រេង​មួយ​ក្នុង​រយៈពេល​២៤​ខែ​ទៀត

ក្រុមហ៊ុន KrisEnergy របស់​សិង្ហ​បុរី ដែល​ជា​ប្រតិបត្តិ​ករ​អណ្ដូងប្រេង​ក្នុង Block A របស់​កម្ពុជា​បាន​ប្រកាស​ពី​ការ​សម្រេចចិត្ត​ចុង​ក្រោយ​ក្នុង​ការ​វិនិយោគ​លើ​ការ​បូម​ប្រេង​នៅ​កម្ពុជា នៅ​អណ្ដូងប្រេង​អប្សរា​ដោយ​អះអាង​ថា កម្ពុជា​នឹង​ក្លាយជា​ប្រទេស​ផលិត​ប្រេង​មួយ​ក្នុង​រយៈពេល​២៤​ខែ​ទៀត​។ ក្រុមហ៊ុន​នេះ​ប៉ាន់​ប្រមាណ​ថា ដំណាក់កាល​1A (Phase 1A) របស់​គម្រោង​នេះ​នឹង​មិន​ប្រើប្រាស់​កម្លាំង​មនុស្ស​ទេ ប៉ុន្តែ​គេ​នឹង​ប្រើ​ឧបករណ៍​បូម​ប្រេង​២៤​គ្រឿង​ដែល​មាន​សមត្ថភាព​ដំណើរការ​បាន​រហូត​ដល់​៣០ ០០០​បារ៉ែល​ក្នុង​មួយ​ថ្ងៃ​ជាមួយ​ឧបករណ៍​បំបែក​ឧស្ម័ន ប្រេង និង​ទឹក​។ ប្រេង​នឹង​ត្រូវ​បាន​បញ្ចូល​តាម​រយៈ​បំពង់​បង្ហូរ​ប្រវែង​១,៥​គីឡូម៉ែត្រ​សម្រាប់​ស្ដុក​លើ​នាវា​បណ្ដែត​ទឹក​ដែល​ចត​ជា​អចិន្ត្រៃយ៍​។ លោក Kelvin Tang អគ្គនាយក​ក្រុមហ៊ុន KrisEnergy និង​ប្រធាន​ប្រតិបត្តិការ​នៅ​កម្ពុជា​ឲ្យ​ដឹង​ថា ការ​សម្រេចចិត្ត​វិនិយោគ​ចុង​ក្រោយ​(FID) បាន​ដាក់​ក្រុមហ៊ុន​នេះ​មួយ​ជំហាន​កាន់តែ​កៀក​នឹង​ការ​ទាញ​យក​ប្រេង បន្ទាប់​ពី​ក្រុមហ៊ុន​នេះ​បាន​ចុះហត្ថលេខា​ជា​ផ្លូវការ​លើ​កិច្ចព្រមព្រៀង​បែងចែក​ប្រាក់​ចំណូល​ប្រេង​ជាមួយ​រដ្ឋាភិបាល​កម្ពុជា​កាលពី​ចុងខែ​សីហា​។ លោក​ថ្លែង​ថា​៖...

​ទំនិញ​គេច​ពន្ធ​បន្ត​នាំចូល​តាម​ច្រក​ព្រំដែន​ខេត្ត​កោះកុង

អ្នក​ឃ្លាំមើល​ការ​អភិវឌ្ឍ​សង្គម និង​ប្រជាពលរដ្ឋ​រស់នៅ​ខេត្តកោះកុង ស្នើ​ឲ្យ​មន្ត្រី​ជំនាញ​ស្ថាប័ន​ពាក់ព័ន្ធ ប្រចាំការ​នៅ​ច្រក​ទ្វារ​អន្តរជាតិ​កម្ពុជា​-​ថៃ ច្រក​ចាំ​យាម ពង្រឹង​ការ​ត្រួតពិនិត្យ​ទំនិញ​គ្រប់​ប្រភេទ ដែល​នាំ​ចូល​ពី​ប្រទេស​ថៃ ឲ្យ​បាន​ត្រឹមត្រូវ ដើម្បី​ទប់ស្កាត់​ទំនិញគេចពន្ធ និង​ខូចគុណភាព​ឲ្យ​មាន​ប្រសិទ្ធភាព​។ មន្ត្រី​អង្គការក្រៅរដ្ឋាភិបាល​មួយ​ចំនួន មាន​សមាគម​អា​ដ​ហុ​ក (Adhoc) និង​អង្គការ​លី​កាដូ (Licadho) ឲ្យ​អាស៊ី​សេរី​ដឹង​នៅ​ថ្ងៃ​សុក្រ ទី​២០ ខែតុលា ថា ពួក​គេ​បាន​ទទួល​ព័ត៌មាន​ទាក់ទង​សកម្មភាព​នាំ​ចូល​ទំនិញគេចពន្ធ និង​ខូចគុណភាព បន្ត​កើត​មាន​តាម​ច្រករបៀង តាម​សមុទ្រ ពិសេស​តាម​ច្រក​ទ្វារ​អន្តរជាតិ​កម្ពុជា​-​ថៃ ច្រក​ចាំ​យាម​ខេត្តកោះកុង​។ អ្នកសម្របសម្រួល​សមាគម​អា​ដ​ហុ​ក ប្រចាំ​ខេត្តកោះកុង លោក ញៀប...

រយៈពេល២៤ឆ្នំា ខ្មែរជំពាក់បំណុលបរទេសជិត១ម៉ឺនលានដុល្លារ

គិត​ចាប់ពី​ឆ្នាំ ១៩៩៣ មក​ដល់​ឆមាស​ទី​១​នៃ ឆ្នាំ ២០១៧​នេះ រាជរដ្ឋាភិបាល​បាន​ចុះ​កិច្ចព្រមព្រៀង​ខ្ចី​ឥណទាន សម្បទាន​ជាមួយ​ដៃគូ​អភិវឌ្ឍន៍​នានា សរុប​ជា​ទឹកប្រាក់​ចំនួន​ប្រមាណ ៩២៩៤​លាន​ដុល្លារ​អា​មេ​រិ​ក​។ ក្នុង​រយៈពេល​ដដែល​នេះ​ដែរ ( ពី ១៩៩៣​ដល់ ២០១៧) រាជរដ្ឋាភិបាល​កម្ពុជា បាន​ទូទាត់​សេវា​បំណុល (​ប្រាក់​ខ្ចី​គេ​) ជូន​ទៅ​ដៃគូ​អភិវឌ្ឍន៍​វិញ បាន​ចំនួន ១០១០​លាន​ដុល្លារ​អា​មេ​រិ​ក​។ ចំពោះ​ប្រាក់​កម្ចី ដែល​រដ្ឋាភិបាល​បាន​ខ្ចី​ក្នុង​រយៈពេល ២៤​ឆ្នាំ បាន​យក​មក​អភិវឌ្ឍន៍ ក្នុង​វិស័យ​ហេ​ដ្ឋា​រ​ច​ន​សម្ព័ន្ធ ប្រមាណ​ជា ៨៧.១២​ភាគរយ និង វិស័យ​ផ្សេង​ៗ​ទៀត​ចំនួន...