លោកឃួង ស្រេង ឡើងជាចៅហ្វាយក្រុងភ្នំពេញ ជាផ្លូវការ
ភ្នំពេញ ៖ ពិធីប្រកាសចូលកាន់តំណែងជាអភិបាល និងអភិបាលរង រាជធានីភ្នំពេញ ប្រព្រឹត្តិទៅក្រោមអធិបតីភាពលោក ស ខេង ឧបនាយករដ្ឋមន្ដ្រី និងជារដ្ឋមន្ដ្រីក្រសួងមហាផ្ទៃ និងមានការចូលរួមពីមន្ដ្រីរាជការ កងកម្លាំងប្រដាប់អាវុធជាច្រើននាក់ទៀត នៅរសៀលថ្ងៃទី២៨ មិថុនា ២០១៧ នេះ ។
លោក ឃួង ស្រេង ត្រូវបានប្រកាសឲ្យចូលកាន់តំណែង ជាអភិបាលរាជធានីភ្នំពេញ ជំនួសលោក ប៉ា សុជាតិវង្ស ដែលត្រូវចូលនិវត្តន៍ ។ ចំណែកលោក...
អ្នកនយោបាយរវល់តែជេរគ្នា ឯកសិករយំព្រោះកសិផលធ្លាក់ថ្លៃ
ប៉ុន្មានថ្ងៃនេះ មេដឹកនាំនិងអ្នកយោបាយមួយចំនួន ពិសេសអ្នកនយោបាយកាន់អំណាចនិងបក្សប្រឆាំងបាននិយាយដៀមដាម ជេរបង្អាប់គ្នា និងកំពុងឈានទៅសង្គ្រាមពាក្យសម្តីដែលទំនងជាគ្មានថ្ងៃនឹងបញ្ចប់ពីពេលនេះរហូតដល់ចុងបញ្ចប់នៃការបោះឆ្នោតជ្រើសតាំងតំណាងរាស្ត្រនីតិកាលទី៦ (អាណត្តិទី៦) ឆ្នាំ២០១៨ខាងមុខ ឯកសិករ ឬ អ្នកចំការឯណោះវិញ គិតតែពីស្រែកនិងយំ ព្រោះតែខាតឡុងចុងដោយសារកសិផលធ្លាក់ថ្លៃយ៉ាងគំហុក គ្មានវត្តមានអ្នកនយោបាយចេញមុខជួយដោះស្រាយ ។
ប្រភពពីកសិករបាននិយាយថា កសិផលដែលបាននិងកំពុងគ្មានទីផ្សារលក់និងធ្លាក់ថ្លៃនាពេលបច្ចុប្បន្ននោះរួមមាន៖ ម្រេច ពោត ដំឡូងមី និងកៅស៊ូ ជាដើម ។
សេចក្តីរាយការណ៍បានបន្តថា តម្លៃដំឡូងមីស្រស់បានធ្លាក់ថ្លៃអាក្រក់បំផុតមិនធ្លាប់មានដោយក្នុងមួយគីឡូធ្លាក់ចុះមកត្រឹម១០០រៀល ឬ ១តោនស្ថិតនៅក្នុងតម្លៃ១១០ដុល្លារ ខណៈដែលឆ្នាំទៅមិញ១តោនមានតម្លៃ១៧០ដុល្លារ។ ។
បើតាមកសិករ តម្លៃម្រេចបច្ចុប្បន្នស្ថិតក្នុងចន្លោះ...
អ្នកនយោបាយរវល់តែជេរគ្នា ឯកសិករយំព្រោះកសិផលធ្លាក់ថ្លៃ
ប៉ុន្មានថ្ងៃនេះ មេដឹកនាំនិងអ្នកយោបាយមួយចំនួន ពិសេសអ្នកនយោបាយកាន់អំណាចនិងបក្សប្រឆាំងបាននិយាយដៀមដាម ជេរបង្អាប់គ្នា និងកំពុងឈានទៅសង្គ្រាមពាក្យសម្តីដែលទំនងជាគ្មានថ្ងៃនឹងបញ្ចប់ពីពេលនេះរហូតដល់ចុងបញ្ចប់នៃការបោះឆ្នោតជ្រើសតាំងតំណាងរាស្ត្រនីតិកាលទី៦ (អាណត្តិទី៦) ឆ្នាំ២០១៨ខាងមុខ ឯកសិករ ឬ អ្នកចំការឯណោះវិញ គិតតែពីស្រែកនិងយំ ព្រោះតែខាតឡុងចុងដោយសារកសិផលធ្លាក់ថ្លៃយ៉ាងគំហុក គ្មានវត្តមានអ្នកនយោបាយចេញមុខជួយដោះស្រាយ ។
ប្រភពពីកសិករបាននិយាយថា កសិផលដែលបាននិងកំពុងគ្មានទីផ្សារលក់និងធ្លាក់ថ្លៃនាពេលបច្ចុប្បន្ននោះរួមមាន៖ ម្រេច ពោត ដំឡូងមី និងកៅស៊ូ ជាដើម ។
សេចក្តីរាយការណ៍បានបន្តថា តម្លៃដំឡូងមីស្រស់បានធ្លាក់ថ្លៃអាក្រក់បំផុតមិនធ្លាប់មានដោយក្នុងមួយគីឡូធ្លាក់ចុះមកត្រឹម១០០រៀល ឬ ១តោនស្ថិតនៅក្នុងតម្លៃ១១០ដុល្លារ ខណៈដែលឆ្នាំទៅមិញ១តោនមានតម្លៃ១៧០ដុល្លារ។ ។
បើតាមកសិករ តម្លៃម្រេចបច្ចុប្បន្នស្ថិតក្នុងចន្លោះ...
ក្រុមហ៊ុនទូរស័ព្ទយួន Metfone បោកប្រាស់អតិថិជន
អតិថិជនម្នាក់រស់នៅឃុំត្រើយស្លា ស្រុកស្អាង ខេត្តកណ្តាល បានសម្តែងនូវក្តីខឹងសម្បា និងអន់ចិត្តយ៉ាងខ្លាំងទៅលើក្រុមហ៊ុនMetfone ដែលខ្វះទំនួលខុសត្រូវ និងមានបំណងកេងប្រវ័ញ្ចលើអតិថិជន ចំពោះការតភ្ជាប់បណ្តាញអ៊ីនធឺណេតប្រើប្រាស់តាមផ្ទះ(WI-FI) ។
លោក ជឺ គឹមហុង អាយុ៣០ឆ្នាំ មានទីលំនៅភូមិព្រែកតាប្រាក់ ឃុំតាលន់ ស្រុកស្អាង ខេត្តកណ្តាល បច្ចុប្បន្នស្នាក់នៅភូមិលេខ៣ ឃុំត្រើយស្លា ស្រុកស្អាង បាននិយាយប្រាប់គេហទំព័រក្នុងស្រុកអោយដឹងទៀតថា ដោយតម្រូវការចាំបាច់ប្រើប្រាស់អ៊ីនធឺណេតនៅផ្ទះរបស់លោកច្រើនជាចាំបាច់រាល់ថ្ងៃ ទើបលោកសម្រេចចិត្តទំនាក់ទំនងទៅកាន់ក្រុមហ៊ុន Metfone សួរព័ត៌មានដើម្បីតភ្ជាប់បណ្តាញប្រើប្រាស់ ព្រោះថាលោកមានទំនុកចិត្តទៅនឹងល្បឿនអ៊ីនធីណេតរបស់ក្រុមហ៊ុនMetfone ។
បន្ទាប់ពីសួរព័ត៌មានរួចលោក ក៏បានសម្រេចចិត្តជ្រើសរើសយកបណ្តាញ...
ជួយចំាគ្នា! ឃួង ស្រេងថានឹងបង្រ្កាបគ្រឿងញៀននៅត្រពំាងឈូកឲ្យអស់
ពីរថ្ងៃមុនពេលពេលប្រកាសចូលកាន់តំណែងនៅថ្ងៃទី២៨ មិថុនាស្អែកនេះ លោក ឃួង ស្រេង ដែលត្រូវបានព្រះមហាក្សត្រតែងតាំងជាអភិបាលនៃគណៈអភិបាលរាជធានីភ្នំពេញ តាមសំណើរបស់លោកនាយករដ្ឋមន្ត្រី ហ៊ុន សែននោះ បានសន្យាថានឹងបង្ក្រាបគ្រឿងញៀននៅភូមិត្រពាំងឈូក សង្កាត់ទឹកថ្លា ខណ្ឌសែនសុខឲ្យអស់ពីមូលដ្ឋានភូមិត្រពាំងឈូក ។
ការប្រកាសរបស់លោក ឃួង ស្រេង ខាងលើបែបនេះ បានធ្វើឡើងកាលពីព្រឹកថ្ងៃទី២៦ ខែមិថុនា ឆ្នាំ២០១៧ក្នុងពិធីអបអរសាទរទិវាអន្តរជាតិប្រយុទ្ធប្រឆាំងគ្រឿងញៀន និងការដុតកម្ទេចគ្រឿងញៀនជាង ១២០គីឡូក្រាម នៅមជ្ឈមណ្ឌលកោះពេជ្រ ក្នុងខណ្ឌចំការមន ។
បើតាមលោក ឃួង ស្រេង "បើទោះបីតំបន់បឹងឈូកនេះជាតំបន់ស្មុគស្មាញមួយត្រូវដោះស្រាយឱ្យបានរៀបរយហើយក្តី...
មេៗ៣នាក់នៅក្រសួងប្រៃសណីយ៍ ពុករលួយរហូតទិញ៥៧០បង្អួតគ្នា?
បក្ខពួកនិយម ការប្រព្រឹត្តអំពើពុករលួយនិង ការកិបកេងថវិការដ្ឋ បានកំពុងផ្ទុះឡើងជាថ្មីក្នុងអង្គភាពបញ្ញត្តិករទូរ គមនាគមន៍កម្ពុជា។
ការប្រព្រឹត្តអំពើពុករលួយជាថ្មីនេះគឺដឹកនាំដោយក្រុមឆ្លៀតឱកាសនិយមមួយក្តាប់តូចរួមមានលោក សារ៉ាក់ ខាន់ រដ្ឋលេខាធិការក្រសួងប្រៃសនីយ៏និងទូរគមនាគមន៏ លោក ម៉ូវ ចរិយា អគ្គនាយកអង្គភាពបញ្ញត្តិករទូរគមនាគម ន៏កម្ពុជា និងលោក សុង ឡេង នាយកលេខាធិការដ្ឋានបញ្ញត្តិករ ទូរគមនាគមន៏កម្ពុជា ដែលទើបតែត្រូវបាន តែងតាំងជាអគ្គនាយកនៃលេខាធិការដ្ឋានក្រសួងប្រៃសនីយ៏ និងទូរគមនាគមន៏ ហើយក្រុមនេះបានកំពុងចាប់ ផ្តើមបន្តប្រព្រឹត្តអំពើពុករលួយជាថ្មីឡើងវិញ ដោយម្នាក់ៗយកច្បាប់បញ្ញត្តិករ ទៅគំរាមកំហែងកៀប យកលុយ ពីប្រតិបត្តិករក្រុមហ៊ុនឯកជន...
លោកសៅ សុខា ត្រៀមខ្លួនចំពោះមុខច្បាប់ បើមានភស្តុតាងបង្ហាញតុលាការ
ភ្នំពេញ ៖ លោកឧត្តមសេនីយ៍ អេង ហ៊ី អ្នកនាំពាក្យកងរាជអាវុធហត្ថលើផ្ទៃប្រទេស បានធ្វើការបដិសេធ បន្ទាប់ពីសារព័ត៌មានក្នុងស្រុកមួយបានចុះផ្សាយនៅថ្ងៃទី២៤ ខែមិថុនា ឆ្នាំ២០១៧ វេលាម៉ោង៨និង២១នាទី ក្រោមចំណងជើងថា «នាយឧត្តមសេនីយ៍ សៅ សុខា ត្រូវបានគេសង្ស័យថា ជាអ្នកនៅពីក្រោយខ្នងប៉េអឹមរកស៊ីដឹកឈើគ្រញូងម្នាក់?» ។
អ្នកនាំពាក្យកងរាជអាវុធហត្ថបានបញ្ជាក់ថា បើមានភស្តុតាងបញ្ជាក់ថា នាយឧត្តមសេនីយ៍ សៅ សុខា ជាអ្នកនៅពីក្រោយខ្នងប៉េអឹមរកស៊ីដឹកឈើក្រញូងម្នាក់មែន សូមបង្ហាញភស្តុតាង នៅចំពោះមុខតុលាការ នោះលោក សៅ...
តែងតំាងកូនប្រុស ទៀ បាញ់ ជាអភិបាលរងខេត្តសៀមរាប
កូនប្រុសលោកឧបនាយករដ្ឋមន្ត្រី ទៀ បាញ់ រដ្ឋមន្ត្រីក្រសួងការពារជាតិ គឺលោក ទៀ សីហា ជាឧត្តមមន្ត្រីថ្នាក់លេខ៣ នៃក្របខណ្ឌមន្ត្រីគ្រប់គ្រងរដ្ឋបាល ត្រូវបានតែងតាំងជាអភិបាលរងខេត្តសៀមរាប ជំនួសលោក គឹម ឆៃហៀង ដែលត្រូវផ្ទេរភារកិច្ចទៅបម្រើការងារនៅទីស្តីការគណៈរដ្ឋមន្ត្រី ។
នេះបើយោងតាមអនុក្រឹត្យរបស់រាជរដ្ឋាភិបាលដែលចុះហត្ថលេខាដោយលោកនាយករដ្ឋមន្ត្រី ហ៊ុន សែន កាលពីថ្ងៃទី២០ ខែមិថុនា ឆ្នាំ២០១៧ និងដែលទើបត្រូវបានបែកធ្លាយព័ត៌មាននៅថ្ងៃទី២៦ មិថុនានេះ ។
យ៉ាងណា បើតាមអនុក្រឹត្យលេខ៦៥៩ អនុក្រ.តត.ស្តីពីការផ្ទេរភារកិច្ចនិងតែងតាំងមន្ត្រីរាជការ មិនបានបញ្ជាក់អំពីមូលហេតុនៃការផ្លាស់ប្តូរនិងផ្ទេរភារកិច្ចខាងលើនេះទេ គ្រាន់តែបញ្ជាក់ថា...
ជីកជិតទៅដល់ខ្លួនប្រែតហើយ
កន្លងមកគេឮត្រឹមតែពាក្យថារណ្តៅដីជម្រៅដល់ក្បាលប្រែត ឥឡូវនេះរណ្តៅដីចំនួន៣កន្លែង ស្ថិតក្នុងភូមិឈូកធំ ឃុំឆក់ឈើនាង ស្រុកអង្គស្នួល ខេត្តកណ្ដាល បានត្រូវប្រជាពលរដ្ឋនិងមជ្ឈដ្ឋានដែលបានឃើញរណ្តៅដីនោះថា ជីកជិតដល់ខ្លួនប្រែតហើយ ។
ដោយបារម្ភអំពីផលប៉ះពាល់នៃការជីករណ្តៅទាំង៣កន្លែងរបស់ឈ្មួញឈ្មោះ ណាត ឈ្មោះ ស៊ីឡៅ ក្រុមអ្នកភូមិបានអំពាវនាវដល់អាជ្ញាធរមូលដ្ឋាន ពិសេសក្រសួងរ៉ែនិងថាមពល ក៍ដូចជាក្រសួងជំនាញពាក់ព័ន្ឋនានា ចុះត្រួតពិនិត្យរណ្តៅដីរបស់ឈ្មួញខាងលើ ព្រោះពេលនេះគេនៅតែបន្តជីកជ្រៅទៅៗ និងដឹកជញ្ជូនអាចម៍ដីហុយពេញផ្លូវនិងក្នុងភូមិ។
នៅរសៀលថ្ងៃទី២៦ ខែមិថុនា ឆ្នាំ ២០១៧នេះ «អង្រុត»មិនអាចរកការសុំអត្ថាធិប្បាយឆ្លើយតបបានទេពីឈ្មួញជីករណ្តៅដីនៅក្នុងភូមិឈូកធំ ឃុំឆក់ឈើនាង ស្រុកអង្គស្នួល ខេត្តកណ្ដាល ក៍ដូចជាមន្ត្រីជំនាញពាក់ព័ន្ឋនានា៕
កសិករចិញ្ចឹមជ្រូកក្នុងស្រុកមិននឹកស្មានថា ឆ្នាំនេះរលាយដូចអំបិលត្រូវទឹក
ប្រជាកសិករចិញ្ចឹមជ្រូកលក្ខណៈគ្រួសារ និងម្ចាស់កសិដ្ឋានខ្នាតតូច បានចាប់ផ្ដើមបោះបង់ការចិញ្ចឹមជ្រូកបណ្តើរៗហើយ បច្ចុប្បន្ននេះការចិញ្ចឹមរបស់ពួកគេកំពុងជួបផលលំបាកយ៉ាងខ្លាំង ដោយសារជ្រូកក្រហម ត្រូវបានឈ្មួញនាំពីប្រទេសជិតខាងតាមចិត្តចូលមកប្រទេសកម្ពុជា ជាហេតុធ្វើឲ្យតម្លៃជ្រូកក្នុងស្រុកមានតម្លៃថោក ហើយមិនសូវមានឈ្មួញមករកទិញតាមផ្ទះ ដូចកាលពីមុននោះទេ ។
ជាក់ស្តែងនៅលើគណនីហ្វេសប៊ុករបស់ប្រជាកសិករខ្មែរជាអ្នកចិញ្ចឹមជ្រូកខ្នាតតូច បានសរសេរដោយភ្ជាប់រូបភាពមួយចំនួនផង អោយដឹងថា នេះគឹជាលទ្ធផលទីផ្សារសេរី ប្អូនៗខ្ញំបានចិញ្ចឹមជ្រូកជាច្រើនឆ្នាំមកហើយ តែមិននឹកស្មានថា ឆ្នាំនេះរលាយដូចអំបិលត្រូវទឹក ។ លោកបន្តថា ពេលនេះរាជរដ្ឋាភិបាលកំពុងអនុវត្តន៍ទីផ្សារសេរី ដោយផលិតផលក្នុងស្រុក ត្រូវប្រកួតជាមួយផលិតផលនាំចូលពីក្រៅប្រទេស តើកសិករខ្នាតតូចអាចយល់អំពីប្រព័ន្ធទីផ្សារសេរីនេះ ដែរឫទេ ? តើកសិករគួរទៅទួញសោកប្រាប់នរណា ពេលជួបវិបត្តិដូចនេះ ។ ពេលនេះមានតែកសិករខ្នាតធំទេ...
មុននេះបន្តិច ហ៊ុន សែនថាមន្រ្តីរាជការជាខ្ញុំកញ្ចះរបស់ពលរដ្ឋ
ជាថ្មីម្តងទៀត លោកនាយករដ្ឋមន្ត្រី ហ៊ុន សែន បានបញ្ជាក់ជាថ្មីនិងដាស់តឿនមន្ត្រីរាជការកុំភ្លេចខ្លួន ហើយត្រូវចាំថា មន្ត្រីរាជការមិនមែនជាចៅហ្វាយរបស់ប្រជាពលរដ្ឋនោះទេ ផ្ទុយទៅវិញមន្ត្រីរាជការគឺជាខ្ញុំកញ្ចះរបស់ប្រជាពលរដ្ឋ និងជាអ្នកបម្រើប្រជាពលរដ្ឋដោយភាពស្មោះត្រង់។
លោក ហ៊ុន សែន រំឮកមន្ត្រីរាជការជាថ្មីម្តងទៀតខាងលើនេះ បានធ្វើឡើងនៅក្នុងពិធីប្រគល់វិញ្ញាបនបត្រដល់សិស្សសាលាភូមិន្ទរដ្ឋបាលជា៧០០នាក់នៅវិទ្យាស្ថានជាតិអប់រំ ក្បែរវិមានឯករាជ្យ នាព្រឹកថ្ងៃទី២៦ ខែមិថុនា ឆ្នាំ ២០១៧ ៕
ក្រោយចាប់ខ្លួនអ្នកកាសែត៤នាក់ ឈើចេញទៅយួនដូចហែកឋិន
ពីខេត្តរតនគិរីមានសេចក្តីរាយការណ៍មកថា ក្រុមឈ្មួញមួយចំនួនដែលមានឥទ្ឋិពលបានសម្រុកដឹកជញ្ជូនឈើទៅលក់នៅក្នុងប្រទេសវៀតណាមតាមច្រកច្រកទ្វារអន្តរជាតិអូរយ៉ាដាវ និងច្រករបៀងជាច្រើនទៀត បន្ទាប់ពីអវត្តមានអ្នកកាសែត ព្រោះតែអ្នកកាសែតមានការខ្លាចរអា ក្រោយអ្នកកាសែត៤នាក់ត្រូវចាប់ខ្លួននិងកំពុងជាប់ពន្ឋនាគារតាមបណ្តឹងរបស់ក្រុមឈ្មួញ ។
ប្រភពបន្តថា នៅពេលនេះ ក្រុមឈ្មួញបានដឹកជញ្ជូនឈើដូចហែកឋិន ដោយពុំមានការរារាំងណាមួួពីសំណាក់សមត្ថកិច្ចជំនាញពាក់ព័ន្ឋនានា ព្រោះតែពួកគេ(សមត្ថកិច្ច)ទទួលបានប្រយោជន៍ផ្ទាល់ខ្លួន ។
សេចក្តីរាយការណ៍បញ្ជាក់ទៀតថា ឈ្មួញបានបង្វែរមធ្យោបាយដឹកជញ្ជូនឈើពីដឹកតាមរថយន្តធុនធំមកដឹកតាមរថយន្តវីហ្គោ លុចស៊ីស រថយន្តសាំយ៉ុង កាមរីនិងតាមម៉ូតូ ដោយរថយន្តចេញតាមជ្រកទ្វារអន្តរជាតិអូរយ៉ាដាវ ចំណែកម៉ូតូចេញតាមច្រករបៀង ដូចជាច្រករបៀង១៩និងច្រករបៀងជាច្រើនទៀត ។
គួររំឮកថា អ្នកកាសែត៤នាក់ត្រូវបានមន្ត្រីកងរាជអាវុធហត្ថខត្តរតនគិរីចាប់ខ្លួនកាលពីថ្ងៃទី១៤ ខែមិថុនា ឆ្នាំ២០១៧ តាមពាក្យបណ្តឹងរបស់ឈ្មោះ ជីវ៉ៃ ឈ្មួញឈើដ៍ល្បីឈ្មោះនិងមានឥទ្ឋិពលម្នាក់នៅក្នុងអាណាចក្រខេត្តរតនគិរី ។
ក្រោយមកពីរថ្ងៃបន្ទាប់ពីការចាប់ខ្លួនអ្នកកាសែតទាំង៤នាក់នោះ...
ពលរដ្ឋខ្មែរ២នាក់ទៀតហើយ ត្រូវទាហានថៃបាញ់
បុរសខ្មែរ២នាក់បានរងរបួសធ្ងន់ធ្ងរ កំពុងសង្គ្រោះបន្ទាន់និងសម្រាកព្យាបាលនៅក្នុងបន្ទាយ គ៧ ក្នុងខេត្តឧត្តរមានជ័យ ដោយសារទាហានថៃបាញ់ ខណៈជនរងគ្រោះទាំង២នាក់ក្នុងចំណោម១៩នាក់ បានឆ្លងដែនចូលទៅកាប់ឈើគ្រញូងក្នុងទឹកដីថៃ ។
បើតាមគេហទំព័រប៉ូលិសបានបញ្ជាក់ទៀតថា ជនរងគ្រោះមានឈ្មោះ អឿន កំសាន ភេទប្រុស អាយុ២៧ឆ្នាំ ទាហានសឹករងអន្លង់វែង អង្គភាពខ១/គ៧ របួសដៃស្តាំ រត់រួចក្នុងថ្ងៃកើតហេតុ ។
បច្ចុប្បន្ន ដេកសំរាកព្យាបាលក្នុងបន្ទាយ គ៧ និងឈ្មោះ ហន់ ដានិត ភេទប្រុស អាយុ ១៧ឆ្នាំ ត្រូវរបួសជើងខាងស្តាំពីរកន្លែង(បាញ់ត្រូវលើក្បាលជង្គង់០១គ្រាប់...
យុវជនជាង៥ម៉ឺននាក់ចង់ទៅធ្វើការនៅកូរ៉េ
យុវជនកម្ពុជា ប្រមាណជាង ៥ម៉ឺននាក់ បានចូលរួមប្រឡងតេស្ដសមត្ថភាពភាសាកូរ៉េ រយៈពេលពីរថ្ងៃ ចាប់ពីថ្ងៃទី២៤ ដល់ថ្ងៃទី២៥ ខែមិថុនា ដើម្បីបានទៅធ្វើការនៅប្រទេសកូរ៉េខាងត្បូង។ បេក្ខជនមួយចំនួនអះអាងថា បញ្ហាជីវភាពគឺជាកត្តាចម្បងដែលជំរុញឲ្យពួកគាត់ប្រាថ្នាចង់ទៅធ្វើការនៅក្រៅប្រទេស។ អ្នកសិក្សាស្រាវជ្រាវការអភិវឌ្ឍសង្គម យល់ថា រដ្ឋាភិបាលគួរតែរកវិធីសាស្ត្ររក្សាកម្លាំងយុវជនឲ្យចូលរួមអភិវឌ្ឍប្រទេសជាតិខ្លួនឯង ប្រសើរជាងបញ្ជូនពួកគាត់ចេញទៅក្រៅប្រទេស។
ក្នុងចំណោមបេក្ខជនចូលរួមប្រឡងដែលសុទ្ធតែជាយុវជនពេញកម្លាំងប្រមាណជាង ៥ម៉ឺននាក់នោះ (៥០.៩៦៤នាក់) គឺប្រទេសកូរ៉េខាងត្បូង នឹងជ្រើសរើសយកតែជាង ៣.៦០០នាក់ ក្នុងនោះវិស័យឧស្សាហកម្មចំនួន ១.៣០០នាក់ វិស័យសំណង់ចំនួន ១.៨០០នាក់ និងវិស័យកសិកម្ម ៥០០នាក់។ នេះបើយោងតាមទំព័រហ្វេសប៊ុក...
ជនជាតិយួនសុំលុយភ្ញៀវទេសចរបរទេសបានកម្រើកឡើងវិញ
ជនជាតិយួនមួយចំនួននៅក្នុងសហគមន៍ជនជាតិយួនរាប់ពាន់គ្រួសារដែលរស់នៅលើផ្ទះបណ្តែតទឹកក្នុងផ្ទៃទឹកនៅក្នុងតំបន់ចុងឃ្នាស ខេត្តសៀមរាបបានដើរសុំទាន សុំលុយ ឬរបស់របរបរទេស និងកំពុងធ្វើឲ្យប៉ះពាល់ដល់កំណើនភ្ញៀវទេសចរបរទេសដែលទៅលេងកម្សាន្តមើលថ្ងៃលិច ក៍ដូចជាជិះទូកទេសចរណ៍ដើរកម្សាន្តនៅលើផ្ទៃទឹកនៃបឹងទន្លេសាប ។
នេះបើយោងតាមគណនីហ្វេសប៊ុកឈ្មោះ Sovanna Angkor ដែលសរសេរបង្ហោះនៅលើបណ្តាញសង្គមហ្វេសប៊ុគកាលពីថ្ងៃទី២៣ ខែមិថុនា ឆ្នាំ២០១៧ ។
ក្រៅពីការអះអាងថា តំបន់ចុងឃ្នាសជាតំបន់ទេសចរណ៍មួយដ៍មានសក្កតានុពលក្នុងការទាក់ទាញភ្ញៀវទេសចរបរទេសបន្ទាប់ពីតំបន់អង្គរនោះ គណនីហ្វេសប៊ុកដដែលក៍បានអំពាវនាវដល់សមត្ថកិច្ចពាក់ព័ន្ឋនានា ពិសេសអាជ្ញាធរនៅតំពន់ចុងឃ្នាសទប់ស្កាត់កុំឲ្យរាលដាលធំដូចមុនទៀត ។
មិនអាចរកការសុំអត្ថាធិប្បាយបានទេពីមន្ត្រីអាជ្ញាធរដែនដី ជុំវិញសេចក្តីរាយការណ៍ខាងលើនេះ ៕
អនិច្ចារណាស់កំពុងព្រួសស្រូវរន្ទះបាញ់ស្លាប់
បុរសម្នាក់បានស្លាប់ភ្លាមៗកណ្តាលវាលស្រែរបស់ខ្លួនដោយសាររន្ទះបាញ់ ខណៈជនរងគ្រោះកំពុងព្រួសស្រូវពេលមេឃកំពុងភ្លៀង ។
បើតាមសមត្ថកិច្ចខេត្តពោធិសាត់បាននិយាយឲ្យដឹងថា ហេតុការណ៍គ្រោះធម្មជាតិខាងលើបានកើតឡើងកាលពីរសៀលថ្ងៃទី២៤ ខែមិថុនា ឆ្នាំ២០១៧ និងថាបុរសរងគ្រោះឈ្មោះ ខ្លូត ព្រឿន អាយុ៥៣ឆ្នាំ ជាប្រជាកសិកររស់នៅក្នុងភូមិខ្នាចរមាស ឃុំអន្លង់វិល ស្រុកកណ្តៀង ខេត្តពោធិសាត់ ៕
អ្នកនំាពាក្យថាព្រះតេជគុណ ប៊ុត ប៊ុនតិញ អាចមានទោស
អ្នកនាំពាក្យក្រសួងយុត្តិធ៌ម លោក គឹម សន្តិភាព បានអះអាងថា ព្រះតេជគុណ ប៊ុត ប៊ុនតេញ កំពុងបង្កើតឲ្យមានការភ័ន្តច្រឡំ និងដាក់សម្ពាធលើស្ថាប័នតុលាការ ហើយសកម្មភាពដែលបង្កើតឲ្យមានការភ័ន្តច្រលំ ឬដាក់សម្ពាធលើស្ថាប័នតុលាការ ពុំផ្តល់ផលប្រយោជន៍ណាមួយដល់ជនត្រូវចោទនោះទេ ផ្ទុយទៅវិញសកម្មភាពនេះអាចប្រឈមនឹងបទល្មើស ។
អ្នកច្បាប់រូបនេះបានប្រាប់គេហទំព័រក្នុងស្រុកចេញផ្សាយនៅរសៀលថ្ងៃទី២៤ ខែមិថុនានេះដោយសង្កត់ធ្ងន់ទៀតថា«ប្រសិនដូចការចោទប្រកាន់របស់តេជគុណថា លេងកាំភ្លើងជ័រមានទោស ប្រហែលពេលនេះតេជគុណ ក៏កំពុងស្ថិតក្រោមចំណាត់ការរបស់សមត្ថកិច្ចផងដែរ!»។
បើតាមលោក គឹម សន្តិភាព តំណាងអយ្យការផ្តើមចោទប្រកាន់ទៅលើជនសង្ស័យដែលមានពាក់ព័ន្ធថា បានប្រព្រឹត្តអំពើល្មើសព្រហ្មទណ្ឌណាមួយ ហើយចៅក្រមស៊ើបសួរជាអ្នកស្វែងរកភស្តុតាងដាក់បន្ទុកផង និងដោះបន្ទុកផងពាក់ព័ន្ធនឹងអំពើរបស់ជនត្រូវចោទនោះ។ ដោយឡែកករណីជនត្រូវចោទឈ្មោះ ហន...
ខណៈនេះ ភ្លៀងខ្លំាងកំពុងវាយប្រហាររាជធានីភ្នំពេញ
គិតត្រឹមវេលាម៉ោង៣និង៣០នាទីរសៀលថ្ងៃទី២៤ ខែមិថុនា ឆ្នាំ២០១៧នេះ នៅភូមិសាស្ត្រមួយចំនួនក្នុងរាជធានីភ្នំពេញភ្លៀងបាននិងកំពុងធ្លាក់ខ្លាំង ជាពិសេសក្នុងខណ្ឌពោធិសែនជ័យ ប៉ុន្តែតំបន់ខ្លះសេចក្តីរាយការណ៍ថាពុំមានខ្យល់កន្ត្រាក់និងរន្ទះកើតឡើងនោះទេ ។
គិតត្រឹមវេលាខាងលើនេះដែរ ក៍មិនទាន់មានសេចក្តីរាយការណ៍បឋមពីអាជ្ញាធរនិងពលរដ្ឋពាក់ព័ន្ឋនឹងទឹកលិចធ្ង់ធ្ងរនៅឡើយទេ ចំណែកមនុស្សសត្វនិងផ្ទសម្បែងក៍ពុំទាន់មានទទួលរងគ្រោះថ្នាក់ ឬបែកបាក់នោះដែរ ។
ប្រសិនបើមានព័ត៌មានផ្សេងៗទៀតពាក់ព័ន្ឋនឹងការលិចទឹកភ្លៀងធ្ងន់ធ្ងរ ឬយ៉ាងណានោះ «អង្រុត»នឹងធ្វើសេចក្តីរាយការណ៍ជាបន្តបន្ទាប់ទៀតនាពេលខាងមុខបនតិចទៀត ៕
ដាច់ចរន្តអគ្គិសនី នៅទីតាំងមួយចំនួនតាមផ្លូវជាតិលេខ២
ភ្នំពែញ ៖ នៅមុននេះបន្តិច នៅថ្ងៃទី២៣ មិថុនា ២០១៧ នេះ ចរន្តអគ្គិសនីត្រូវបានដាច់ នៅទីតាំងមួយចំនួនដែលស្ថិតនៅផ្លូវជាតិលេខ២ និងផ្លូវទន្លេបាសាក់ ខណៈអាជ្ញាធរអគ្គិសនី បាននិងកំពុងធ្វើការស្វែងរកកំហូច ដើម្បីជួសជុល និងផ្គត់ផ្គង់ចរន្តអគ្គិសនីឡើងវិញ ជូនអតិថិជនប្រើប្រាស់ ។
យោងសេចក្ដីជូនដំណឹងរបស់អគ្គិសនីកម្ពុជា សូមជម្រាបជូនថា នៅវេលាម៉ោង៤និង២០នាទីល្ងាច មានករណីដាច់ចរន្តអគ្គិសនីពីអនុស្ថានីយទី7 (GS7-F10) ដែលបណ្តាលឲ្យដាច់ចរន្តអគ្គិសនីនៅទីតាំងមួយចំនួនដែលស្ថិតនៅ (1)ផ្លូវជាតិលេខ2 សង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ ។ និង(2)ផ្លូវទន្លេបាសាក់...
ព្រហ្ម ម៉ាញ ថានៅឆ្នំា៧៩ គេកំណត់ខ្លឹមសារឲ្យច្រៀង
សិល្បករជើងចាស់និងល្បីខាងច្រៀងអាយ៉ៃឆ្លើយឆ្លងលោក ព្រហ្ម ម៉ាញ បាននិយាយថា នៅឆ្នាំ៧៩(១៩៧៩) និងក្រោយនោះបន្តបន្ទាប់មកទៀត ការច្រៀងអាយ៉ៃឆ្លើយឆ្លង គេកំណត់ខ្លឹមសារឲ្យច្រៀង គឺ៧០ភាគរយត្រូវច្រៀងតាមខ្លឹមសាររបស់បក្សនិងរដ្ឋ ។
ការលើកឡើងរបស់លោក ព្រហ្ម ម៉ាញ ខាងលើនេះ បានធ្វើឡើងនៅក្នុងកម្មវិធីចម្រៀងមួយរបស់ទូរទស្សន៍ CTN ។
«គេ»ដែលលោក ព្រហ្ម ម៉ាញ សំដៅនោះ គឺបក្សនិងរដ្ឋ ។
មានការនិយាយតៗគ្នានាសម័យរដ្ឋកម្ពុជាដែលប្តូរពីសម័យសាធារណរដ្ឋប្រជាមានិតកម្ពុជាថា លោក ព្រហ្ម ម៉ាញ ធ្លាប់រត់ទៅក្រៅប្រទេស ដោសសារលោកបាននិយាយរិះគន់នៅលើឆាកសម្តែងថា«នៅស្រុកខ្មែរសម្បូរជនជាតិយួនផ្សារស្បែកជើង» ។
លោកព្រហ្ម...
កំពុងស្ទះផងថែមរថយន្តក្រុង១០០ទៀត?
នេះជាការចោទសួររបស់មជ្ឈដ្ឋានប្រជាពលរដ្ឋក្នុងរាជធានីភ្នំពេញ ជុំវិញសាលារាជធានីភ្នំពេញបន្ថែមខ្សែរត់រថយន្តក្រុងនិងបន្ថែមរថយន្តក្រុង១០០គ្រឿងទៀត ។
បើតាមប្រធានមន្ទីរសាធារណការនិងដឹកជញ្ជូនរាជធានីភ្នំពេញ លោក សាំ ពិសិដ្ឋ បានឲ្យដឹងថា រថយន្តក្រុងចំនួន ១០០គ្រឿង ដែលជាជំនួយរបស់រដ្ឋាភិបាលនៃសាធារណរដ្ឋប្រជាមានិតចិន ផ្តល់ជូនសាលារាជធានីភ្នំពេញសម្រាប់បំរើការដឹកជញ្ជូនសាធារណៈក្នុងរាជធានីភ្នំពេញ បានចាកចេញពីកំពង់ផែប្រទេសចិនហើយកាលពីព្រឹកថ្ងៃទី២២ ខែមិថុនា ឆ្នាំ២០១៧ ដែលតាមគម្រោងនឹងមកដល់កំពង់ផែក្រុងព្រះសីហនុនៅថ្ងៃទី២៥ ខែមិថុនាខាងមុខនេះ ។
មិនទាន់មានប្រតិកម្មភ្លាមៗនៅឡើយទេពីអ្នកនាំពាក្យសាលារាជធានីភ្នំពេញ ជុំវិញការលើកឡើងសម្តែងការព្រួយបារម្ភអំពីការកកស្ទះចរាចរណ៍ថែមទៀត បន្ទាប់ពីសាលាក្រុងបន្ថែមខ្សែរត់រថយន្តក្រុងនិងបន្ថែមរថយន្ត១០០គ្រឿងខាងលើនេះ ៕
តើសង្ឃកាន់កំាភ្លើង ជាប់គុកដោយសារកំហុសអ្វីពិតបា្រកដ?
ទីបំផុតទៅមន្ត្រីសាលាដំបូងខេត្តបាត់ដំបង បានសម្រេចបញ្ជូនភិក្ខសង្ឃ ហន សុផាន្នី ទៅឃុំនៅពន្ធនាគារកាលពីរសៀលថ្ងៃទី២២ ខែមិថុនា ឆ្នាំ២០១៧ ដោយចោទប្រកាន់ពីបទដឹកជញ្ជូនអាវុធ កាន់កាប់ដោយខុសច្បាប់ និងញុះញង់ឲ្យប្រព្រឹត្តបទឧក្រិដ្ឋ។
មុនពេលចាប់ព្រះកាយនិងផ្សឹកព្រះអង្គ ហន សុផាន្នី ព្រះជន្ម២៤ព្រះវស្សា មានទីលំនៅភូមិសិរិសុខា ឃុំថ្មអណ្តើក ស្រុកចិត្តបុរី ខេត្តក្រចេះ និងបច្ចុប្បន្នស្នាក់នៅកុដិលេខ១២ ក្នុងវត្តដំរីស ក្រុង-ខេត្តបាត់ដំបង ។
បើតាមសមត្ថកិច្ច ភិក្ខុ ហន សុផាន្នី ធ្លាប់បានប្រព្រឹត្តល្មើសនៅក្នុងវត្តដំរី.ស ក្នុងក្រុងបាត់ដំបង និងនៅក្នុងវត្តខ្នាចរមាស...
ប៉ា សុជាតិវង្ស ត្អូញត្អែរថាតម្រូវការពលរដ្ឋខ្ពស់ ហួសសមត្ថភាពលោក
«ការដំណើរការការងារនេះ ពិតជាមិនអាចចាត់ចែងបានតាមតម្រូវការប្រជាពលរដ្ឋបានល្អ១០០ភាគរយ នោះទេ អាចថា សមត្ថភាពមានប៉ុណ្ណឹង ម្យ៉ាងបញ្ហាប្រឈម បញ្ហាតម្រូវការមានកម្រិតខ្ពស់ ដែលលទ្ធភាពដោះស្រាយរបស់យើង មិនទាន់ឆ្លើយតប នេះជាគំលាតតម្រូវការ និងការដោះស្រាយនៅឆ្ងាយពីគ្នា ធ្វើឲ្យការងារនៅក្នុងទីក្រុងភ្នំពេញ មិនទាន់បានល្អនៅឡើយ»។
ខ្លឹមសារខាងលើនេះជាការលើកឡើងរបស់អភិបាលនៃគណៈអភិបាលរាជធានីភ្នំបេញ លោក ប៉ា សុជាតិវង្ស នៅក្នុងសន្និបាតបូកសរុបការងារ នៃដំណើរការបោះឆ្នោតជ្រើសរើសក្រុមប្រឹក្សា ឃុំ-សង្កាត់ អាណត្តិទី៤ នៅថ្ងៃទី២២ ខែមិថុនា ឆ្នាំ២០១៧ នៅក្នុងសាលប្រជុំរដ្ឋបាលសាលារាជធានីភ្នំពេញ ។
លោកអភិបាលរាជធានីភ្នំពេញដែលជិតអស់តំណែងដោយសារដល់អាយុចូលនិវត្តន៍បានបញ្ជាក់ទៀតថា«ក្នុងតំណែងជាចៅហ្វាយក្រុងអស់រយៈពេលជិត៤ឆ្នាំ បញ្ហាប្រឈម ក៏ដូចជាបញ្ហាតម្រូវការរបស់ប្រជាពលរដ្ឋ...
បង្គារ មឹកនិងក្តាមជិត១តោនផ្ទុកសារធាតុគីមីនំាពីយួនចូលតាមច្រកព្រែកចាក
សមត្ថកិច្ចចម្រុះប្រចំាទ្វារអន្តរជាតិព្រែកចាក ស្ថិតក្នុងឃុំប្ញស្សីស្រុកខាងលិច ខេត្តកំពត បានឃាត់រថយន្តមួយគ្រឿងដឹកគ្រឿងម្ហូបសមុទ្រនំាចូលពីប្រទេសវៀតណាម ហើយបានត្រួតពិនិត្យតាមជំនាញរកឃើញគ្រឿងសមុទ្រជិត២តោនផ្ទុកសារធាតុគីមី និងត្រូវបានដុតកម្ទេចចោល។
បើតាមសេចក្តីរាយការណ៍បានឲ្យដឹងទៀតថា ហេតុការណ៍ឃាត់ចាប់រថយន្តដឹកគ្រឿងម្ហូបសមុទ្រខាងលើបានកើតឡើងនៅវេលារំលងអធ្រាត្រឈានចូលថ្ងៃទី២២ ខែមិថុនា ឆ្នំា២០១៧នេះ ។
បើតាមសមត្ថកិច្ចរថយន្តដែលដឹកគ្រឿងម្ហូបសមុទ្រនោះពាក់ស្លាកលេខ ភ្នំពេញ 2AN 6702 បើកបរដោយឈ្មោះ មាស សិទ្ឋ ហើយគ្រឿងម្ហូបសមុទ្រដែលផ្ទុកសារធាតុគីមីនោះរួមមាន៖ បង្គារស្រស់ផ្ទុកជាតិចាហួយ(គីមី)ចំនួន២១កេះស្មើនឹង៤២០គីឡូក្រាម ក្តាមថ្មរស់២កោះ ក្តាមសេះរស់៨កេះ និងមឹកស្រស់៣៦កេះ សរុបទំាងអស់ជាង៨០០គីឡូក្រាម ៕
រង់ចំាមើលចំណាត់ការរបស់ ឃួង ស្រេង ទៅលើរថយន្តកុងតឺន័រ
ខាងលើនេះជាការលើកឡើងរបស់មជ្ឈដ្ឋាននានាចំពោះចៅហ្វាយក្រុងថ្មី លោក ឃួង ស្រេង ខណៈដែលបញ្ហាជាច្រើនទៀតបាននិងកំពុងកើតមានរៀងរាល់ថ្ងៃ ដែលលោកអភិបាលនៃគណៈអភិបាលរាជធានីភ្នំពេញនឹងត្រូវដោះស្រាយនៅពេលឡើងចូលកាន់តំណែងផ្លូវការ ។
ការលើកឡើងរបស់ប្រជាពលរដ្ឋនិងមជ្ឈដ្ឋានជាច្រើនខាងលើ បានធ្វើឡើងភ្លាមៗបន្ទាប់ពីរថយន្តកុងតឺន័របានបង្កឲ្យបុរសមិនស្គាល់អត្តសញ្ញាណម្នាក់ស្លាប់ កាលពីយប់មិញថ្ងៃទី២១ មិថុនា នៅចំណុចក្បែរភ្លើងស្តុបលូ៥ ស្ថិតនៅលើផ្លូវវេងស្រេង ខណ្ឌមានជ័យ ។
ករណីរថយន្តធុនធំ រថយន្តតទ្រុងវែង និងរថយន្តកុងតឺន័របើកបរនៅលើទ្រូងផ្លូវក្នុងរាជធានីភ្នំពេញមិនថានៅម៉ោងហាមឃាត់ ឬមិនហាមឃាត់របស់សាលាក្រុងនោះទេ បានធ្វើឲ្យប្រជាពលរដ្ឋមានការខ្លាចរអាអំពីគ្រោះថ្នាក់ចរាចរណ៍និងនឿយណាយធុញទ្រាន់ចំពោះការកកស្ទះចរាចរណ៍រៀងរាល់ថ្ងៃ ដែលនិយាយដោយឡែកក្នុងភូមិសាស្ត្ររាជធានីភ្នំពេញ ។
គេរង់ចាំមើលថាតើលោកអភិបាលថ្មី ឃួង ស្រេង នឹងមានវិធីសាស្ត្រនិងចំណាត់ការបែបណាទៅលើបញ្ហារថយន្តធុនធំ តទ្រុងនិងកុងតឺន័រទាំងនោះ ? ។
តាមគម្រោងពិធីផ្ទេរនិងប្រកាសចូលកាន់តំណែងអភិបាលរាជធានីភ្នំពេញនឹងប្រព្រឹត្តទៅនៅថ្ងៃទី២៨ ខែមិថុនា...
ព្រះសង្ឃដែលចាប់ខ្លួនស្ថិតក្នុងបណ្តាញអ្នកការពារព្រៃឡង់
ភិក្ខុសង្ឃមួយអង្គត្រូវបានកងកម្លាំងសមត្ថកិច្ចខេត្តបាត់ដំបងចាប់ខ្លួន ពីបទកាន់កាប់ រក្សាទុកអាវុធខុសច្បាប់ និងធ្វើឲ្យប៉ះពាល់ដល់ព្រះពុទ្ធសាសនាកាលពីរសៀថ្ងៃទី២១ មិថុនាម្សិលមិញ គឺជាសមាជិកនៃបណ្តាញព្រះសង្ឃឯករាជ្យដើម្បីយុត្តិធ៌មសង្គមដែលធ្លាប់ធ្វើសកម្មភាពការពារព្រៃឡង់ពីការកាប់បំផ្លាញពីសំណាក់អ្នកមានអំណាចនិងលុយ ព្រមទាំងក្រុមឈ្មួញមួយចំនួន។
នេះបើយោងតាមគណនីហ្វេសប៊ុកឈ្មោះ«Sophanny Horn» ដែលឈ្មោះនេះដូចគ្នាទៅនឹងភិក្ខុសង្ឃដែលត្រូវបានសមត្ថកិច្ចចាប់ខ្លួនតាមដីកាបង្គាប់ឲ្យចូលខ្លួនលេខ៩៥៨ ច.ខចុះថ្ងៃទី២១ មិថុនា ២០១៧ របស់សាលាដំបូងខេត្តបាត់ដំបង គ្រាន់តែឈ្មោះសរសេរជាភាសាឡាតាំងបញ្ច្រាសគ្នាប៉ុណ្ណោះ ។
ព្រះអង្គដែលត្រូវចាប់ខ្លួននោះនាម ហន សុផាន្នី ព្រះជន្ម២៤ព្រះវស្សា មានទីលំនៅភូមិសិរិសុខា ឃុំថ្មអណ្តើក ស្រុកចិត្តបុរី ខេត្តក្រចេះ និងបច្ចុប្បន្នស្នាក់នៅកុដិលេខ១២ ក្នុងវត្តដំរីស ក្រុង-ខេត្តបាត់ដំបង ។
បើតាមសមត្ថកិច្ច ភិក្ខុ...
ប្រុងបុកគ្រឹះសង់ផ្ទះ ប្រទះគ្រាប់កំាភ្លើងជិត២ពាន់គ្រាប់
គ្រាប់កាំភ្លើងធំចំនួន១៨០០គ្រាប់ ដែលកប់នៅក្នុងដីជម្រៅជាង៦ម៉ែត្រ បន្សល់ទុកពីសម័យសង្គ្រាម តាំងពីអំឡុងទសវត្សរ៍ឆ្នាំ៧០ ត្រូវបានអង្គការស៊ីម៉ាក់ ជីករាវរកឃើញនិងប្រមូលយកបានដោយសុវត្ថិភាព ។
ហេតុការណ៍នេះបានបង្កឲ្យមានការភ្ញាក់ផ្អើលកាលពីរសៀលថ្ងៃទី១៩ ខែមិថុនា ឆ្នាំ២០១៧ នៅដីឡូត៍ ស្ថិតនៅភូមិក្រពើហារកើត សង្កាត់ព្រែកឬស្សី ក្រុងតាខ្មៅ ខេត្តកណ្តាល។
នគរបាលក្រុងតាខ្មៅបានឱ្យដឹងថា ទីតាំងរកឃើញគ្រាប់នោះ នៅដីឡូត៍ផ្ទះរបស់ឈ្មោះ ណាត់ ស្រេង ភេទប្រុស អាយុ៣៣ឆ្នាំ មានមុខរបរជាងរថយន្ត ។ ម្ចាស់ផ្ទះបានត្រៀមរៀបចំបុកគ្រឹះ ដើម្បីសាងសង់ផ្ទះ ក៏មានអ្នកជិតខាងបានប្រាប់ថា ចំណុចត្រៀមបុកគ្រឹះនោះ ជាអតីតសមរភូមិប្រយុទ្ធ...
គ្រូបង្រៀនម្នាក់ជាប់គុក៥ឆ្នំា ពីបទប្រទុសកេរិ៍្តសិស្សស្រី៤នាក់
ចៅក្រមសាលាដំបូងខេត្តកំពង់ឆ្នាំង សម្រេចផ្ដន្ទាទោសគ្រូបង្រៀនម្នាក់ឲ្យជាប់ពន្ធនាគាររយៈពេល ៥ឆ្នាំ ពិន័យ១០លានរៀលចូលរដ្ឋ និងជាច្រើនលានរៀលទៀតដល់គ្រួសារជនរងគ្រោះ ពីបទប្រទូសកេរ្តិ៍ខ្មាសលើសិស្សស្រីរបស់ខ្លួនជាច្រើននាក់នៅក្នុងថ្នាក់រៀន។
អតីតគ្រូបង្រៀនថ្នាក់ទី៦ នៃសាលាបឋមសិក្សាថ្មកែវ ឋិតនៅឃុំស្វាយជ្រុំ ស្រុករលាប្អៀរ ឈ្មោះ កែម ចាន់ឆេន ត្រូវអាណាព្យាបាលសិស្ស ៤នាក់ ប្ដឹងថាបានបៀតបៀនកេរ្តិ៍ខ្មាសសិស្សកាលពីឆ្នាំ២០១៣ ដោយចាប់ឱបថើបនៅក្នុងថ្នាក់រៀន និងនៅកន្លែងរៀនគួរដែលជាផ្ទះលោក កែម ចាន់ឆេន ផ្ទាល់។ សាក្សីជាច្រើនបានបញ្ជាក់ថា លោក កែម ចាន់ឆេន ពិតជាបានប្រព្រឹត្តដូច្នេះមែន៕
រកស៊ីលើដីខ្មែរហើយ ក្រុមហ៊ុនយួនកំណត់ម៉ោងឲ្យខ្មែរម្ចាស់ស្រុកឆ្លងកាត់ទៀត
ក្រចេះ ៖ ប្រជាពលរដ្ឋមានចំនួនជិត២០០នាក់ រស់នៅជាង១០ភូមិ ស្ថិតនៅក្នុងឃុំកន្ទួត ស្រុកចិត្របុរី បានផ្ទុះការតវ៉ាដោយយកគោយន្ដកន្ត្រៃជាង៤០គ្រឿង ទៅបិទផ្លូវនៅខាងមុខក្រុមហ៊ុនដីសម្បទានសេដ្ឋកិច្ចកិច្ច ដាំកៅស៊ូឈ្មោះ «ដូទឺសាយហ្គោនប៊ិញហ្វឿក» ជាក្រុមហ៊ុនវៀតណាម ដោយសារតែក្រុមហ៊ុននេះ បានបិទបារ៉ាស់ចេញចូលដោយកំណត់ម៉ោង ព្រមទាំងឲ្យប្រជាពលរដ្ឋបង្ហាញអត្តសញ្ញាណប័ណ្ណទៅពួកគេទៀតផង នៅពេលធ្វើដំណើរទៅមក ។
ហេតុការណ៍ផ្ទុះការតវ៉ាផ្លូវនេះ បានកើតឡើងតាំងពីម៉ោង៧យប់ថ្ងៃទី១៩ ខែមិថុនា ឆ្នាំ២០១៧ម្សិលមិញ រហូតមកដល់ថ្ងៃទី២០ ខែមិថុនា ឆ្នាំ២០១៦ វេលាម៉ោង១២នាទីថ្ងៃត្រង់នេះ ទើបរំសាយដោយមានការសម្របសម្រួលពីសំណាក់អាជ្ញាធរ ។
ប្រជាពលរដ្ឋបានឲ្យដឹងថា ដោយកំណត់ម៉ោងបើកឲ្យចូលឆ្លូងកាត់ម៉ោង៧ព្រឹក និងបិទវិញនៅម៉ោង៥ល្ងាច...
ចៅហ្វាយខេត្តCPPធ្វើការត្រឹម៣-៤ឆ្នំា មានសណ្ឋាគារ៣-៤កន្លែង
«ចៅហ្វាយខេត្តខ្លះ ទើបបានកាន់តំណែងត្រឹមបីបួនឆ្នាំប៉ុណ្ណោះ មានសណ្ឋាគារដល់ទៅបីបួនកន្លែង។ មិនតែប៉ុណ្ណោះទៅរំលោភយកដីរដ្ឋយកមកធ្វើជាកម្មសិទ្ធិរបស់ខ្លួនជាដើម កត្តាទាំងនេះហើយ ដែលធ្វើឲ្យបាត់សំឡេងឆ្នោត ដូច្នេះបើទុកឲ្យកាន់តំណែងតទៅទៀត ពលរដ្ឋរឹតតែស្អប់ ហើយអាចនឹងចាញ់សំឡេងឆ្នោតជាតិនៅឆ្នាំ២០១៨ ខាងមុខនេះ»។
នេះជាការលើកឡើងរបស់ប្រធានគណៈកម្មាធិការត្រួតពិនិត្យនៃគណៈកម្មាធិការកណ្តាលគណបក្សប្រជាជនកម្ពុជា និងជាអនុប្រធានទី១ព្រឹទ្ឋសភា លោក នៃ ប៉េណា នៅក្នុងខេត្តកំពតកាលពីចុងសប្តាហ៍កន្លងមកនេះ។
យ៉ាងណាក៍ដោយ លោក នៃ ប៉េណា មិនបានបញ្ជាក់អំពីអត្តសញ្ញាណចៅហ្វាយខេត្ត ដែលលោកដឹងថាទើបចូលកាន់តំណែងត្រឹម៣-៤ឆ្នាំ មានសណ្ឋាគារ៣-៤កន្លែងនោះទេ ៕
អាជ្ញាធរចោទប្រជាសហគមន៍ចង់បង្កើតតំបន់អបគមន៍
អាជ្ញាធរនៅស្រុកឱរ៉ាល់ ខេត្តកំពង់ស្ពឺ ចោទប្រជាសហគមន៍ដែលព្យាយាមរារាំងកងទាហាន «ង៧០» មិនឲ្យឈូសឆាយដីព្រៃជាង ៧០ហិកតារ ថាមានបំណងបង្កើតតំបន់អបគមន៍ ក៏ប៉ុន្តែប្រជាសហគមន៍ច្រានចោលការចោទប្រកាន់នេះ។
ដូចការគ្រោងទុក ប្រជាសហគមន៍ក្នុងតំបន់ព្រៃអភិរក្សស្រែពស់ នៃឃុំត្រពាំងជោរ ទាហានមកពីកងពល «ង៧០» អាជ្ញាធរស្រុក និងមន្ត្រីមន្ទីរបរិស្ថាន បានប្រជុំគ្នាដើម្បីពិភាក្សារឿងជម្លោះដីព្រៃនេះ។
នៅក្នុងកិច្ចពិភាក្សានេះ មន្ត្រីបរិស្ថានចោទប្រជាសហគមន៍ដែលហាមទាហានមិនឲ្យឈូសដីព្រៃកាលពីថ្ងៃទី១២ ខែមិថុនា ឆ្នាំ២០១៧ ថាកំពុងដើរញុះញង់កៀរគរប្រជាពលរដ្ឋបង្កើតតំបន់អបគមន៍។
លោក ឈួន ឈៀហេង មន្ត្រីមន្ទីរបរិស្ថានខេត្តកំពង់ស្ពឺ ប្រាប់ប្រជាសហគមន៍កុំឲ្យជឿមេខ្លោងញុះញង់ឲ្យទប់ស្កាត់ការឈូសឆាយដីព្រៃរបស់ទាហាន «ង៧០» ដែលលោកថាមានលិខិតទទួលស្គាល់ត្រឹមត្រូវ។ លោកថា ការព្យាយាមរារាំងនេះ...
ការពិត ស ខេង បញ្ជាឲ្យចាត់វិធានការអ្នកសង់ផ្ទះរំលោភផ្លូវយូរហើយ
បញ្ហាប្រជាពលរដ្ឋជាច្រើនបានពង្រីកផ្ទះរំលោភចូលចំណីផ្លូវ និង ការយកទ្រូងផ្លូវជាកន្លែងលក់ដូរនៅលើតាំងមួយចំនួនក្នុងរាជធានីភ្នំពេញនោះ ត្រូវបានលោកឧបនាយករដ្ឋមន្ត្រី ស ខេង រដ្ឋមន្ត្រីក្រសួងមហាផ្ទៃចេញបញ្ជាឲ្យចាត់វិធានការទប់ស្កាត់ជាច្រើនដងនិងយូរណាស់មកហើយ រាប់ទាំងបទបញ្ជានិងការក្រើនរំឮកចុងក្រោយកាលពីខែមេសា ឆ្នាំ២០១៦ ប៉ុន្តែអាជ្ញាធរមូលដ្ឋានខ្លះមិនរវីរវល់ ព្រោះតែបានប្រយោជន៍ផ្ទាល់ខ្លួន(ដាក់ខែយកលុយ) ។
បើតាមលោក ស ខេង ករណីប្រជាពលរដ្ឋមួយចំនួនដែលសង់ផ្ទះ ឬហាងលក់ដូររំលោភចូលចំណីផ្លូវ នៅពេលដែលរដ្ឋត្រូវការពង្រីកផ្លូវ ត្រូវដោះស្រាយគោលនយោបាយវាយកម្ទេចការសង់ខុសច្បាប់នោះ ត្រូវចំណាយលុយច្រើនជាងធ្វើផ្ទះទាំងមូលក៍មាន ។
ជាការកត់សម្គាល់ បញ្ហាសំណង់លយចូលចំណីផ្លូវ និងការលក់ដូរលើចិញ្ចើមនិងទ្រូងផ្លូវ បានបង្កឲ្យមានគ្រោះថ្នាក់ចរាចរណ៍និងការកកស្ទះរាល់ថ្ងៃ ដែលក្លាយជាជំងឺមហារីកគ្មានថ្នាំព្យាបាលជាសះស្បើយបានឡើយ នេះ ត្រូវបានក្រុមអ្នកវិភាគសង្គមមួយចំនួនមើលឃើញថា ដោយសារតែអាជ្ញាធរគ្មានមនសិការការងារ...
បែកធ្លាយ ឃួង ស្រេង ធ្លាប់បញ្ជាឲ្យបង្រ្កាបបាតុករគួរឲ្យញញើត
អភិបាលរងរាជធានីភ្នំពេញ លោក ឃួង ស្រេង ដែលទើបត្រូវបានព្រះមហាក្សត្រតែងតាំងជាអភិបាលនៃគណៈអភិបាលរាជធានីភ្នំពេញ ជំនួសលោក ប៉ា សុជាតិវង្ស តាមសំណើរបស់លោកនាយករដ្ឋមន្ត្រី ហ៊ុន សែន កាលពីពេលថ្មីៗនេះ ត្រូវបានគេហទំព័រក្នុងស្រុកមួយឈ្មោះ«DTN7» ទម្លាយសាវតាថាលោកធ្លាប់មានជំនាញ និងបទពិសោធន៍ខាងប្រើប្រាស់កងកម្លាំងបង្ក្រាបទៅលើសកម្មភាពតវ៉ាទាមទាររកយុត្តិធម៌ផ្សេងៗរបស់ប្រជាពលរដ្ឋនៅរាជធានីភ្នំពេញដ៏គួរឲ្យខ្លាចញញើត ។
យ៉ាងណាក៍ដោយ គេហទំព័រ«DTN7»មិនបានបញ្ជាក់លម្អិត ថាតើលោក ឃួង ស្រេង បញ្ជានៅថ្ងៃ ខែ ឆ្នំាណា ហើយប្រជាពលរដ្ឋតវ៉ានោះទាមទារអ្វី និងនៅទីកន្លែងណាច្បាស់លាស់នោះទេ ?។
នៅយប់ថ្ងៃទី១៩ ខែមិថុនា...
នារីម្នាក់សាកបបរសម័យ ប៉ុល ពត ដំបូងគេ
សៀមរាប ៖ បន្ទាប់ពីបើកសម្ពោធនៅថ្ងៃទី១៩ មិថុនា ២០១៧ នេះមាននារីវ័យក្មេងម្នាក់បានទៅសាកដំបូងគេ បបរក្នុងសម័យ ប៉ុល ពត ដែលប្អូនស្រីមានឈ្មោះ ហេង អូអ៊ីន នាងបានបង្ហោះក្នុងហ្វេសប៊ុកផ្ទាល់ខ្លួន ប៉ុន្មានម៉ោងមុននេះ ហើយបើក្រឡេកទៅមើលក្នុងចានបបរ និងចានអំបិលនៅក្បែរនោះ ទើបដឹងថា អ៊ីចឹងទេ! មើលទៅប្រាកដជាដូចនៅសម័យប៉ុល ពត ខ្លាំងណាស់ ព្រមជាមួយម្ចាស់ហាងក្នុងសំលៀកបំពាក់ក៏ដូចក្នុងសម័យនោះផងដែរ ។
ភាពអត់ឃ្លានរបស់ប្រជាជនខ្មែរវ័យចាប់ពីប្រមាណជា៤០ឆ្នាំឡើងលើ ច្បាស់ជានៅចាំបាន បបរសម័យ ប៉ុល ពត...
ឈ្មួញឈើធំៗក្លាយជាសេដ្ឋី ឯប្រពន្ឋមេឃុំស្រែគរជាប់គុក
ពីខេត្តស្ទឹងត្រែងមានសេចក្តីរាយការណ៍មកថា ចៅក្រមបិងជាប្រធានសាលាដំបូងខេត្តស្ទឹងត្រែង លោក អៀង គឹមថុល បានសម្រេចឃុំខ្លួនលោកស្រី អុល សំណាង អាយុ៤២ឆាំ្ន ជាប្រពន្ឋលោកមេឃុំស្រែគរ ស្រុកសេសាន ពីបទជូញដូរឈើធ្នង់ជាង៥ម៉ែត្រគូប ។
គួររំលឹកថា កាលពីថ្ងៃទី២២ ខែកម្ភ: ឆ្នាំ២០១៧កន្លងទៅនេះ កម្លាំងចម្រុះបានរកឃើញឈើប្រណីតអារប្រភេទធ្នង់ចំនួន៣៨៧ដុំ ស្នើនិង៥,១៧៩ម៉ែត្រគូប នៅក្នុងបរិវេណផ្អះលោកស្រីអុល សំណាង ស្ថិតក្នុងភូមិខ្សាច់ថ្មី ឃុំតាឡាត ស្រុកសេសាន ខេត្តស្ទឹងត្រែង។យ៉ាងណាក៍ដោយ បើតាមគេហទំព័រក្នុងស្រុកបានស្រង់សម្តីលោក ទិត វី...
សៅ ប៊ុនរិទ្ឋ មេច្រកដូងល្បីទារលុយខុសគោលការណ៍ឡើងផ្កាយ១
មេប៉ូលិសអន្តោប្រវេសន៍ប្រចាំច្រកដូង ស្ថិតនៅក្នុងស្រុកកំរៀង ខេត្តបាត់ដំបង លោក សៅ ប៊ុនរិទ្ឋ បានឡើងឋានន្តរស័ក្តិពីវរៈសេនីយ៍ឯក(ស័ក្តិ) ទៅឧត្តមសេនីយ៍ត្រី(ផ្កាយ១) ។
នាពេលកន្លងមក លោក សៅ ប៊ុនរិទ្ឋ អតីតមេប៉ូលិសអន្តោប្រវេសន៍ប្រចាំច្រកប៉ោយប៉ែតនិងល្បីខាងមានទ្រព្យសម្បត្តិនោះ បានត្រូវប្រជាពលរដ្ឋខ្មែរ ពិសេសពលករមួយចំនួនបានចោទប្រកាន់ថា បានបញ្ជាឲ្យកូនចៅ ក្រោម ឱវាទខ្លួនយកលុយថ្លៃធ្វើប័ណ្ណឆ្លងដែន( Border Pass)ចំនួន៧៣០០០រៀល ខណៈដែលក្រសួងមហាផ្ទៃកំណត់ឲ្យយកថ្លៃធ្វើប័ណ្ណឆ្លងដែនត្រឹម២០០០០រៀល ។
កាលពីថ្ងៃទី១៨ ខែមិថុនា ឆ្នាំ២០១៧ ក៍មានរឿងរ៉ាវហិង្សាកើតឡើងដោយប៉ូលិសអន្តោប្រវេសន៍ប្រចាំច្រកដូងបានវាយស្ត្រីឈ្មោះ ម៉ក់ វិច្ឆិកា...
ជួសជុលស្ពានជ្រោយចង្វារចាស់ សាលាក្រុងសង់ស្ពានដែកជំនួស
បើគ្មានការប្រែប្រួលទេ សាលារាជធានីភ្នំពេញនឹងចាប់ផ្តើមបើកការដ្ឋានសាងសង់ស្ពានដែកមួយឆ្លងកាត់ទន្លេសាបដើម្បីបញ្ចៀសការកកស្ទះដោយសារសាលាក្រុងបិទស្ពានជ្រោយចង្វារចាស់ជួសជុលរយៈពល២ឆាំ្ន ។
បើតាមលោកអភិបាលរងរាជធានីភ្នំពេញ អៀង អូនី បានប្រាប់ទីភ្នាក់ងារសារព័ត៌មានកម្ពុជា (AKP) ឲ្យដឹងទៀតថា ការសាងសង់នឹងចាប់ផ្តើមនៅអំឡុងខែកក្កដា ឆ្នាំ២០១៧និងចំណាយសាងសង់រយៈពេល៦ខែ ។ ចំពោះថវិកាសាងសង់ស្ពានដែកនេះ ជាបន្ទុករបស់ក្រុមហ៊ុន OCIC ដែលអភិវឌ្ឍន៍ទីក្រុងរណបជ្រោយចង្វារ ។
បើតាមលោកអភិបាលរងរាជធានីភ្នំពេញ នៅក្រោយពេលស្ពានជ្រោយចង្វារចាស់ ឬស្ពានមិត្តភាពកម្ពុជា-ជប៉ុន ស្ថាបនារួចរាល់ ស្ពានដែកនេះនឹងត្រូវរុះរើចេញវិញ ហើយជំនួសដោយស្ពានថ្មខ្សែកាប ដែលអាជ្ញាធររាជធានី និងក្រុមហ៊ុន OCIC បានសិក្សាពីបច្ចេកទេសសាងសង់រួចរាល់ហើយ៕
រូបសំណាកយាយទូលកណ្តាប់ស្រូវ ត្រូវជនមិនស្គាល់មុខវាយបំផ្លាញ
បាត់ដំបង ៖ យោងតាមគេទំព័រនគរបាលជាតិបានអោយដឹងថា រូបសំណាកដែលជាតំណាង នៃការសំបូរហូហៀរ របស់កសិផលក្នុងខេត្តបាត់ដំបងចំនួន២ ត្រូវបានជនមិនស្គាល់មុខវាយបំផ្លាញអស់មួយទៅហើយ ដែលបញ្ហានេះកំពុងស្ថិតក្នុងភាពមិនប្រក្រតី ព្រោះតាមការបកស្រាយរបស់អាជ្ញាធរ វាហាក់
បីដូចជាខុសឆ្ងាយពីប្រភពមួយចំនួន ។
ថ្មីៗនេះមានការភ្ញាក់ផ្អើលមួយបានកើតឡើង ដោយសារតែនៅព្រឹកថ្ងៃទី១៧ ខែមិថុនា ឆ្នាំ២០១៧ គឺរូបសំណាកយាយទូលកណ្តាប់ស្រូវ ដែលស្ថិតនៅខាងលិចឈៀងខាងជើងផ្សារណាត់ ក្នុងភូមិព្រែកមហាទេព សង្កាត់ស្វាយប៉ោ ក្រុងបាត់ដំបង ត្រូវបានបាត់ពីលើគ្រឹះជើងទម្រ ចំណែករូបសំណាក់លោកតារែកក្រូច នៅគង់វង្សដដែល ។
គួរបញ្ជាក់ដែរថា រូបសំណាកទាំងពីរនេះ គឺជាការបង្ហាញដល់បណ្តាភ្ញៀវទេសចរណ៍ទាំងឡាយដែលបានធ្វើដំណើរមកកាន់ខេត្តបាត់ដំបង ដើម្បីចង់បញ្ជាក់ថា ខេត្តនេះសំបូរដោយភោគផលកសិកម្ម...
ចង់សាករសជាតិបបរសម័យ ប៉ុល ពត មាននៅសៀមរាប
សៀមរាប ៖ ភាពអត់ឃ្លានរបស់ប្រជាជនខ្មែរវ័យចាប់ពីប្រមាណជា៤០ឆ្នាំឡើងលើ ច្បាស់ជានៅចាំបាន បបរសម័យ ប៉ុល ពត ភាគច្រើនគឹបបរអង្ករមួយកំប៉ុងជាមួយទឹកមួយឆ្នាំងខ្ទះធំ ។ សព្វថ្ងៃនេះក្មេងៗសម័យឥឡូវ ហូបឆ្ងាញ់ ដេកស្រួល ច្បាស់ជាមិនដឹងពីអតីតកាលជូរចត់យ៉ាងណានោះទេ ទាំងនេះហើយធ្វើអោយបុរសម្នាក់ជាអ្នកសៀមរាប សម្រេចចិត្តបើកអាហារដ្ឋាន បបរសម័យ ប៉ុល ពត ។
លោកទួន តែម បើកហាងនេះក្នុងគោលបំណង ដែលលោកបើកនោះគឺចង់ឲ្យភ្ញៀវជាតិ និងអន្តរជាតិមានចំណាប់អារម្មណ៍ និងចង់រំលឹកឡើងវិញពីអនុស្សាវរីយ៍ កាលពីរបប៣ឆ្នាំ៨ខែ និង២០ថ្ងៃ ដើម្បីឲ្យកូនខ្មែរចងចាំនូវប្រវត្តិសាស្ត្រ...
ប៉ូលិសថាសកម្មភាពរបស់ KO1 ខុសច្បាប់
សកម្មភាពរបស់បុរសម្នាក់រហស្សនាម K01 ថា ជាទង្វើខុសច្បាប់ និងថា បុគ្គលរូបនេះនិងក្រុមរបស់គាត់ ពុំមានសិទ្ធិអំណាចដោះស្រាយសណ្ដាប់ធ្នាប់ចរាចរណ៍នោះឡើយ ហើយថាសកម្មភាពរបស់KO1និងបក្ខពួក ធ្វើឡើងដើម្បីប្រជាប្រិយភាព និងផលប្រយោជន៍ផ្ទាល់ខ្លួនតែប៉ុណ្ណោះ។
នេះជាការពន្យល់របស់អគ្គស្នងការនគរបាលជាតិ ដែលបង្ហោះនៅលើគហទំព័ររបស់ខ្លួន ។
ការលើកឡើងរបស់អគ្គស្នងការនគរបាលជាតិខាងលើនេះ បានធ្វើឡើងបន្ទាប់ពីមានការរិះគន់នៅលើបណ្តាញសង្គមហ្វេសប៊ុកអំពីសកម្មភាពរបស់បុរសរហស្សនាម K01 និពន្ធនាយកអង្គភាពសារព័ត៌មានកម្លាំងមនុស្សធម៌និងក្រុមការងាររបស់ពួកគាត់ ក៍ដូចជាការពន្យល់ពីក្រុមអ្នកច្បាប់មួយចំនួនផងដែរ ។
សូមបញ្ជាក់ថា បុរសរហស្សនាម K01 និងបក្សពួក បានធ្វើសកម្មភាពឃាត់អ្នកបើកបរទាំងឡាយណាដែលបើកបរខុសច្បាប់ ដូចជាបើកបរបញ្ច្រាសទិសសញ្ញាចរាចរណ៍នៅលើដងផ្លូវមួយចំនួនក្នុងរាជធានីភ្នំពេញ ប៉ុន្តែសកម្មភាពខ្លះរបស់ K01 និងបក្សពួក ធ្វើជ្រុលហួសហេតុទាំងពាក្យសម្តីមិនសមរម្យនិងសកម្មភាព ។
ក្រោយមានការរិះគន់...
អត់លុយទិញតុ កៅអី អាជ្ញាធរលក់ដើមអម្ពិលបារំាងឲ្យយួន
ដើមច័ន្ទគិរី ឬ អម្ពិលបារាំងមួយដើមនៅជាប់ព្រំប្រទល់ដែនខ្មែរ-យួន បានត្រូវអាជ្ញាធរមូលដ្ឋានលក់ឲ្យជនជាតិយួន និងត្រូវបានជនជាតិយួនចូលមកកាប់មែកនិងអារផ្តាច់ បង្កឲ្យមានការភ្ញាក់ផ្អើលនិងតវ៉ាពីសំណាក់ប្រជាពលរដ្ឋខ្មែរកាលពីពាក់កណ្តាលសប្តាហ៍នេះ ។
បើតាមសេចក្តីរាយការណ៍បានឲ្យដឹងទៀតថា ដើមអម្ពិលបារាំងនេះ ស្ថិតនៅជាប់ព្រំដែនខ្មែរ-យួន ក្នុងភូមិបឹងជ្រោង ឃុំជាំ ស្រុកមេមត់ ខេត្តត្បូងឃ្មុំ ។
អ្នកភូមិបាននិយាយថាដើមអម្ពិលបារាំងដែលមានអាយុកាលរាប់សិបឆ្នាំខាងលើនេះមានសារៈប្រយោជន៍ខ្លាំងណាស់ ព្រោះវាជាភស្តុតាងកំណត់ព្រំដីរវាងខ្មែរនិងយួន ហើយថាបើគេកាប់រំលើងដើមអម្ពិលនេះចោល ស្មើនឹងការបាត់បងបង្គោលព្រំដែន ខណៈដែលយួននៅតែមានមហិច្ឆតាឈ្លានពានបូរណភាទឹកដីខ្មែរ ។
មេភូមិបឹងជ្រោង លោក សួរ ពេជ្រ បានប្រាប់ RFAថា មិនមែនអាជ្ញាធរលក់ដើមច័នគិរីទេ ប៉ុន្តែជាការដោះដូរដើម្បីបានប្រាក់ប្រមាណ ៦០ម៉ឺនរៀល...
គួច ចំរើន ឡើងតំណែងអភិបាលខេត្តកំពង់ចាម
ដូចតាមការលើកឡើងរបស់មជ្ឈដ្ឋានអ្នកតាមដានសង្គមមួយចំនួននាពេលកន្លងមក ដែលថាការដកតំណែងលោក គួច ចំរើនពីអភិបាលខណ្ឌដូនពេញ ទំនងជាលោក គួច ចំរើន នឹងត្រូវទៅកាន់តំណែងអភិបាលរាជធានី-ខេត្តណាមួយនោះ ឥឡូវនេះលោក គួច ចំរើន ត្រូវបានតែងតាំងជាអភិបាលខេត្តកំពង់ចាមជំនួសលោក លន់ លឹមថៃ ដែលចូលនិវត្តន៍ ។
បើតាមព្រះរាជក្រឹត្យចុះថ្ងៃទី១៦ ខែមិថុនា ឆ្នាំ២០១៧ ក្រៅពីការតែងតាំងលោក គួច ចំរើន ជាអភិបាលខេត្តកំពង់ចាម ក៍មានការតែងតាំងលោកស្រី មិថុនា ភូថង ជាអភិបាលខេត្តកោះកុង ជំនួសលោក...
លោក ឃួង ស្រេង ឡើងចៅហ្វាយក្រុងភ្នំពេញជំនួសលោក ប៉ា សុជាតិវង្ស
ភ្នំពេញ ៖ ទីបំផុតគម្រោងផ្លាស់ប្ដូរតំណែងចៅហ្វាយក្រុងភ្នំពេញថ្មី លេចចេញជារូបរាងហើយនៅថ្ងៃទី១៧ មិថុនា ២០១៧នេះ គឺលោក ឃួង ស្រេង អភិបាលរងរាជធានីភ្នំពេញ និងអតីតធ្លាប់ធ្វើជាអភិបាលខណ្ឌសែនសុខត្រូវឡើងជំនួស លោក ប៉ា សុជាតិវង្ស ។
យោងតាមព្រះរាជក្រឹត្យត្រាស់បង្គាប់ព្រះករុណា ព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រនៃកម្ពុជា តែងតាំងលោក ឃួង ស្រេង ឋានន្តរស័ក្តិឧត្តមមន្ត្រី ថ្នាក់លេខ១ ជាអភិបាល នៃគណៈអភិបាលរាជធានីភ្នំពេញ...
លោកមេឃុំទំនប់រលកជាប់ឆ្នោតថ្មី បន្តចាក់ដីចូលសមុទ្រ ?
ព្រះសីហនុ ៖ ប្រជាពលរដ្ឋដែលរស់នៅក្នុងឃុំទំនប់រលក ស្រុកស្ទឹងហាវ ខេត្តព្រះសីហនុ បានចោទប្រកាន់លោកមេឃុំទំនប់រលក ដែលទើបនឹងជាប់ឆ្នោតថ្មី ថា បានដឹកដីចាក់លប់ចូលក្នុងទឹកសមុទ្រ ដោយមិនដឹងថា គាត់ចាក់ដីលប់ទឹកសមុទ្ររាប់រយហិកតានេះ ក្នុងគោលបំណងអភិវឌ្ឍន៍ឃុំ ឬក៏អភិវឌ្ឍន៍គ្រួសារគាត់នោះទេ ?
ប្រភពពីពលរដ្ឋសុំមិនបញ្ចេញឈ្មោះបន្តថា សកម្មភាពរបៀបនេះកើតមានតាំងពីមុនបោះឆ្នោតមកម្ល៉េះ ហើយក៏បានផ្អាកមួយរយៈធំម្តងហើយ លុះដល់ពេលគាត់បានជាប់ឆ្នោត គាត់ក៏បន្តដឹកដីចាក់បន្ថែមទៀត ដែលទីតាំងដីចាក់លប់ចូលសមុទ្រនោះ គឺនៅក្រោយសាលាឃុំទំនប់រលក ស្រុកស្ទឹងហាវ ខេត្តព្រះសីហនុ នោះតែម្តង ។
ពាក់ពន្ធ័នឹងការចោទប្រកាន់ពីសំណាក់ប្រជាពលរដ្ឋខាងលើនេះ អ្នកសារព័ត៌មានយើងមិនអាចទំនាក់ទំនងសុំការបំភ្លឺ និងសាកសួរលោក ឡាន...
ចំណតរថយន្តក្រោមដីនឹងសម្ពោធប្រើប្រាស់នៅខែក្រោយ
យោងតាមការចេញផ្សាយរបស់កាសែតភ្នំពេញប៉ុស្តិ៍កាលពីខែមករាឆ្នាំ ២០១៦ បានឲ្យដឹងថា៖ សំណង់ចំណតយានយន្តក្រោមដីនេះមានជម្រៅ ២ ជាន់ទៅក្រោមដីដោយមានទំហំសរុបចំនួន ៧២០០ ម៉ែត្រការ៉េ។
នៅតំបន់នោះដែរក្រៅពីគម្រោងចំណតរថយន្តក្រោមដីរបស់ក្រុមហ៊ុន OCIC នេះក៏នៅមានគម្រោងចំណតរថយន្តក្រោមដី និងផ្សាររបស់ក្រុមហ៊ុនវឌ្ឍនៈនៅម្តុំពីខាងក្រោមអតីតសួនច្បារប្រជាធិបតេយ្យដែរ ប៉ុន្តែប៉ុស្តិ៍អូតូពុំមានព័ត៌មានផ្សេងៗទាក់ទងនឹងគម្រោងនេះទេ ព្រោះបុគ្គលិករបស់ក្រុមហ៊ុនវឌ្ឍនៈបានបដិសេធក្នុងការផ្តល់ព័ត៌មាននេះ៕
សំណុំរឿងបងហ៊ុន សែន ស្នើចាត់ការផ្កាយ៣ ម៉ក់ ជីតូ ស្ងាត់ឈឹង
លិខិតផ្លូវការរបស់លោក ហ៊ុន សាន បម្រើការងារនៅសហគ្រាសសាធារណៈភ្នាក់ងារកម្ពុជានាវាចរ «កាំសាប» នៃក្រសួងសាធារណការ និងដឹកជញ្ជូន និងត្រូវជាបងប្រុសបង្កើតរបស់សម្តេចអគ្គមហាសេនាបតីតេជោ ហ៊ុន សែន ហៅបុរសខ្លាំង នាយករដ្ឋមន្ត្រីនៃព្រះរាជាណាចក្រកម្ពុជា ដែលបានគោរពជូនសម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ កាលពីថ្ងៃទី០២ ខែឧសភា ឆ្នាំ២០១៧ ស្នើឲ្យមានការថ្កោលទោស និងចាត់វិធានការម៉ឺងម៉ាត់ទៅលើលោកឧកញ៉ាឧត្តមសេនីយ៍ឯក ម៉ក់ ជីតូ អគ្គស្នងការរងនគរបាលជាតិក្រសួងមហាផ្ទៃ ដោយចោទប្រកាន់ថា លោកឧត្តមសេនីយ៍ប៉ូលិស...
សំណុំរឿងគ្រូពេទ្យចាប់រំលោភអ្នកជំងឺ អត់មានអ្នកដោះស្រាយ
អាជ្ញាធរសមត្ថកិច្ចមូលដ្ឋានសង្កាត់ស្លក្រាម ក្រុង-ខេត្តសៀមរាប និងមន្ទីរពហុព្យាបាលនិងសម្ភព«អង្គរសង់តេ» រងការចោទថាព្រងើយកន្តើយក្នុងការចូលរួមដោះស្រាយបន្ទាប់ពីទទួលពាក្យបណ្តឹងពីនារីគ្រោះ ករណីគ្រូពេទ្យម្នាក់បានចាប់រំលោភអ្នកជំងឺតែមិនបានម្រេច ។
បើតាមគណនីហ្វេសប៊ុកឈ្មោះ« William Guang » បានសរសេរបង្ហោះកាលពីល្ងាចថ្ងៃទី១៥ ខែមិថុនា ឆ្នាំ២០១៧ដោយបញ្ជាក់ទៀតថា «មានករណី គ្រូពេទ្យរំលោភអ្នកជំងឺ «រំលោភមិនបានសម្រេច»ដែលកើតឡើងនៅ គ្លីនិក អង្គរ សង់តេ ខេត្តសៀមរាបកាលពីព្រឹកទាបភ្លឺថ្ងៃនេះ ពេទ្យខិលខូចនោះឈ្មោះ វណ្ណ ស៊ុន ។ករណីនេះជនរងគ្រោះបានដាក់ពាក្យបណ្ដឹងរួចហើយនៅប៉ុស្តិប៉ូលីសសង្កាត់ស្លក្រាមកាលពីថ្ងៃមិញនេះ(ព្រឹកថ្ងៃទី១៥ មិថុនា) តែខាងគ្លីនិកមិនសហការជាមួយជនរងគ្រោះទេ ហើយមិនទាន់ឃើញចំណាត់ការច្បាប់នៅឡើយ ។...
ព្រឹកនេះ គណៈរដ្ឋមន្រ្តីពិភាក្សាគោលនយោបាយជាតិស្តីពីការអប់រំ
តាមការទុក គណៈរដ្ឋមន្ត្រីនឹងបើកសម័យប្រជុំពេញអង្គប្រចាំសប្តាហ៍របស់ខ្លួន នៅវិមានសន្តិភាព ទីស្តីការគណៈរដ្ឋមន្ត្រី ដើម្បីពិភាក្សានិងអនុម័តសេចក្តីព្រាងគោលនយោបាយជាតិ ស្តីពីការអប់រំបណ្តុះបណ្តាលបច្ចេកទេស និងវិជ្ជាជីវៈសម្រាប់ឆ្នាំ២០១៧-២០២៥។
ក្រៅពីរបៀបវារៈសំខាន់ខាងលើ កិច្ចប្រជុំពេញអង្គគណៈរដ្ឋមន្ត្រី ដែលនឹងប្រព្រឹត្តទៅនៅវេលាម៉ោង៨ព្រឹក ថ្ងៃទី១៦ ខែមិថុនា ឆ្នាំ២០១៧ ក្រោមអធិបតីភាពលោកនាយករដ្ឋមន្ត្រី ហ៊ុន សែន ក៍នឹងធ្វើការពិភាក្សានិងអនុម័តផងដែរ នូវរបៀបវារៈស្តីពីសេចក្តីព្រាងអនុក្រឹត្យស្តីពីការរៀបចំ និងការប្រព្រឹត្តទៅនៃគណៈកម្មាធិការ ត្រួតពិនិត្យផលិតផលថ្នាំជក់ និង សំណើសុំការយល់ព្រមពីគណៈរដ្ឋមន្ត្រី ដើម្បីសុំសច្ចាប័នពីស្ថាប័ននីតិប្បញ្ញត្តិលើ “កិច្ចព្រមព្រៀង ស្តីពីការទទួលស្គាល់សុពលភាពនៃប្រកាសនីយបត្រតក្កកម្មអឺរ៉ុប រវាងរាជរដ្ឋាភិបាលនៃព្រះរាជាណាចក្រកម្ពុជា និងអង្គភាពប្រកាសនីយបត្រតក្កកម្មអឺរ៉ុប” ៕
ភ្លេចថាថ្ងៃនេះ តុលាការឡាអេកាត់ក្តីឲ្យខ្មែរឈ្នះថៃរឿងព្រះវិហារ
ថ្ងៃនេះជាថ្ងៃប្រវត្តិសាស្រ្ត ខួបទី៥៥ឆ្នាំ (១៥ មិថុនា ១៩៦២-១៥ មិថុនា ២០១៧)ជាថ្ងៃដែលតុលាការយុត្តិធ៌មក្រុងឡាអេប្រទេសហូឡង់ដ៍ (ICJ) បានប្រកាសសាលដីកា ដោយឲ្យខ្មែរឈ្នះថៃក្នុងសំណុំរឿងប្រាសាទព្រះវិហារ ។
សាលដីកានោះ មាន ៣ ចំណុចសំខាន់ៗទី១-ប្រាសាទព្រះវិហារ និងដីនៅជុំវិញតំបន់ប្រាសាទប្រាសាទព្រះវិហារ គឺស្ថិតនៅក្នុងអធិបតេយ្យ បូរណភាពទឹកដីកម្ពុជា។ ទី២ -តុលាការយុត្តិធម៌អន្តរជាតិ បានបង្គាប់ឲ្យថៃដកចេញនូវទាហាន ឆ្មាំពីប្រាសាទព្រះវិហារ ដែលថៃបានចូលទន្ទ្រានកាន់កាប់ទាំងខុសច្បាប់ និងទី៣-ថៃត្រូវប្រគល់វត្ថុបូរាណដែលខ្លួនបានឆក់ប្លន់ រឹបអូស មកឲ្យកម្ពុជាវិញ។
ប្រាសាទព្រះវិហារសាងសង់ឡើងនៅក្នុងអំឡុងងចុងសតវត្សទី៩ និងដើមសតវត្សទី១០ ដោយព្រះមហាក្សត្រ...
អង្គរក្ស ហ៊ុន សែន បណ្តេញអ្នកយកព័ត៌មាន VOA
អ្នកយកព័ត៌មានវិទ្យុសំឡេងសហរដ្ឋអាមេរិកជាខេមរភាសា គឺលោក សុខ ខេមរា បានត្រូវក្រុមអង្គរក្សលោកនាយករដ្ឋមន្ត្រី ហ៊ុន សែន រារាំងនិងបណ្តេញមិនឲ្យថតរូបនិងយកព័ត៌មាននៅក្នុងពិធីចែកសញ្ញាបត្រនិស្សិតសាកលវិទ្យាល័យបញ្ញាសាស្ត្រកម្ពុជា នៅវិទ្យាស្ថានជាតិអប់រំ នៅព្រឹកថ្ងៃទី១៥ ខែមិថុនា ឆ្នាំ២០១៧ ក្រោមអធិបតីភាពលោក ហ៊ុន សែន ។
នៅលើបណ្តាញសង្គមហ្វេសប៊ុកលោក សុខ ខេមរា បានសរសេរមានខ្លឹមសារទាំងស្រុងថា«កងអង្គរក្សលោកនាយករដ្ឋមន្ត្រីហ៊ុន សែនរារាំងមិនឲ្យខ្ញុំ សុខ ខេមរា Sok Khemara អ្នកយកព័ត៌មានវីអូអេ VOA ចូលយកព័ត៌មាននៅកន្លែងចែកសញ្ញាប័ត្រក្នុងរាជធានីភ្នំពេញនៅថ្ងៃនេះ...