មនុស្ស២១នាក់ ក្នុងនោះមាននាវិក ១៧នាក់ និង ជនស៊ីវិល០៤នាក់ បានរងរបួស ដោយសារនាវាដឹកយន្តហោះចម្បាំងមួយគ្រឿងរបស់អាមេរិក បានឆាបឆេះកាលពីម៉ោង៨និង៣០នាទីព្រឹកថ្ងៃអាទិត្យម្សិលមិញ ។
បើតាម NHK World បានឲ្យដឹងថា នាវាចម្បាំង USS Bonhomme Richard ដែលឆេះមិនទាន់ដឹងមូលហេតុនេះ មានមូលដ្ឋាននៅក្នុងរដ្ឋកាលីហ្វ័រញ៉ា (California) ។
ហេតុការណ៍នេះ គ្មានមនុស្សណាម្នាក់ស្លាប់នោះទេ ចំណែកអ្នករងរបួសទាំងអស់ត្រូវបានបញ្ជូនទៅសង្រ្គោះបន្ទាន់នៅមន្ទីរពេទ្យក្បែរនោះ ។
ក្រោយការឆាបឆេះប្រមាណ១១ម៉ោង មន្ត្រីជំនាញអាមេរិកកំពុងបើកការស៊ើបអង្កេតរកមូលហេតុនៃការឆេះនាវាចម្បាំងនេះ ៕
