ទូកដឹកភ្ញៀវទេសចរមួយគ្រឿងបានលិចបាត់ទៅក្នុងបាតសមុទ្រ ដោយសាររលកបោកបក់ខ្លាំង ។ ហេតុការណ៍នេះ បានកើតឡើងកាលពីរសៀលថ្ងៃទី០១ សីហា ២០២០ នៅចំណុចឃ្លងឡទឹកត្រី ក្រុងកោះរ៉ុង ខេត្តព្រះសីហនុ ។
យ៉ាងណាបើតាមសមត្ថកិច្ចបានបញ្ជាក់ថា មនុស្សនៅលើទូកមានក្មេងចាស់ប្រុសស្រីសរុប១៥នាក់ (ស្រី០៨នាក់) ត្រូវបានសង្គ្រោះរួចផុតជីវិតទាំងអស់ពីសំណាក់កងកម្លាំងនគរបាលជើងទឹក សមត្ថកិច្ចមូលដ្ឋាននិងទូកនេសាទ ។
បើតាមសមត្ថកិច្ច មនុស្សក្មេងចាស់ប្រុសស្រីទាំង១៥នាក់ ដែលសំណាងរួចពីសេចក្តីស្លាប់នោះ គឺធ្វើដំណើរតាមទូកទេសចរណ៍ដែលលិចបាត់ ក្នុងបំណងដើម្បីទៅធ្វើខួបកំណើតនៅលើកោះរ៉ុង តែដោយសាររលកបោកបក់ខ្លាំង បណ្តាលឲ្យវាយលិចទូកតែម្តង ៕
