ព្រះករុណា ព្រះបាទ សម្តេចព្រះបរមនាថ នរោត្តមសីហមុនី ព្រះមហាក្សត្រនៃព្រះរាជាណាចក្រកម្ពុជា ព្រះអង្គទ្រង់ព្រះសម្តែងនូវព្រះរាជហរទ័យបារម្ភពីកការធ្លាក់ចុះនូវសីលធ៌ម គុណធ៌មនិងសេចក្តីថ្លៃថ្នូរ ដែលធ្វើឲ្យប៉ះពាល់ធ្ង់ធ្ងន់ធ្ងរដល់និរន្តភាពនៃវប្បធ៌ និងចីរភាពរបស់សង្គម ។
នៅលើបណ្តាញសង្គមហ្វេសប៊ុកព្រះអង្គបានលើកឡើងមានអត្ថន័យទាំងស្រុងដូចតទៅ៖«បច្ចុប្បន្ននេះសាកលលោកយើង កំពុងស្ថិតនៅក្នុងដំណាក់កាលនៃការរីកចម្រើននិងជឿនលឿន ដោយមានជំនាញខាងវិទ្យាសាស្ត្រ និងសម្ភារៈ ដែលមិនធ្លាប់មានពីមុនមក។ ប៉ុន្តែទន្ទឹមនឹងការរីកចម្រើនខាងលើនេះ សីលធម៌ និងអភិសមាចារ (មារយាទដ៏ល្អក្រៃលែង ឬជ្រះថ្លា) ក្នុងជីវភាពសង្គម ក៏មានការស្រុតចុះគួរឲ្យព្រួយបារម្ភណាស់ដែរ។ ភាពអន់ថយនៃសីលធម៌ និងគុណធម៌សង្គម នាំឲ្យមានការប៉ះពាល់យ៉ាងធ្ងន់ធ្ងរដល់សេចក្តីថ្លៃថ្នូរ និងនិរន្តរភាពនៃវប្បធម៌ និងចីរភាពរបស់សង្គមនិយមទៅអនាគត»។
ជាការកត់សម្គាល់ ការសម្តែងនូវក្តីបារម្ភក្នុងព្រះរាជហរទ័យរបស់ព្រះមហាក្សត្រខាងលើ បានធ្វើឡើងបន្ទាប់ពីប៉ុន្មានថ្ងៃនេះ គេសង្កេតឃើញការកាប់ចាក់សម្លាប់មនុស្សនិងអំពើឃាតកម្មផ្សេងៗ បានកើតឡើងជាបន្តបន្ទាប់ជាប់ៗគ្នា ដែលភាគច្រើននៃអំពើល្មើសទាំងនេះ ផ្តើមចេញពីការប្រើប្រាស់គ្រឿងញៀន និងភាពមិនចុះសម្រុងដោយសារករណីផ្សេងៗទៀតជាច្រើន ។
យ៉ាងណាក៍ដោយ នៅម៉ោងជិត១១រាត្រីនេះ «អង្រុត» មិនអាចរកការសុំអត្ថាធិប្បាយបញ្ជាក់បន្ថែមបានទេពីខុទ្ទកាល័យព្រះបរមរាជវាំង ក៍ដូចជាអ្នកនាំពាក្យរាជរដ្ឋាភិបាលខ្មែរ ៕
