សាលាដំបូងខេត្តកំពត បានសម្រេចប្រកាសសាលក្រមផ្តន្ទាទោសសកម្មជនគណបក្សសង្គ្រោះជាតិម្នាក់ ដាក់ពន្ឋនាគាររយៈពេល៥ឆ្នាំ ពីបទ«រួមគំនិតក្បត់» ប្រព្រឹត្តនៅភូមិទឹកក្រហម ឃុំកណ្តោល ស្រុកទឹកឈូ ខេត្តកំពត កាលពីថ្ងៃទី១៦ ខែវិច្ឆិកា ឆ្នាំ២០១៧ ។
ស្ត្រីដែលសាលាដំបូងខេត្តកំពតផ្តន្ទាទោសខាងលើឈ្មោះ ប៉ែន មុំ ហៅស្រីមុំ ភេទស្រី អាយុ៣៩ឆ្នាំ ជនជាតិខ្មែរ ។
បើតាមសេចក្តីប្រកាសព័ត៌មានរបស់សាលាដំបូងខេត្តកំពតបានបញ្ជាក់ថា ប៉ែន មុំ ត្រូវបានបញ្ជូនទៅឃុំខ្លួន នៅពន្ធនាគារខេត្តកំពតរួចហើយ តាមដីកាបង្គាប់ឲ្យឃុំខ្លួន លេខ៩៥៨ ចុះថ្ងៃទី០៩ កញ្ញា ២០២០៕
