បុរសម្នាក់បានស្លាប់ភ្លាមៗនៅកន្លែងកើតហេតុ ដោយសារមន្ត្រីយោធាម្នាក់ដកកាំភ្លើងខ្លីបាញ់ដោយមិនទាន់ដឹងពីមូលហេតុ ។
ហេតុការណ៍នេះ បានកើតឡើងនៅម៉ោងជាង៥ល្ងាចថ្ងៃទី១៨ កញ្ញា ២០២០ នៅម្ដុំអូរជ័រ ស្ថិតនៅភូមិថ្មី ឃុំត្នោតជុំ ស្រុកក្រគរ ខេត្តពោធិ៍សាត់ ។
សេចក្តីរាយការណ៍បឋមបានបញ្ជាក់ឲ្យដឹងទៀតថា ជនរងគ្រោះដែលស្លាប់ឈ្មោះ ទូច ភេទប្រុស អាយុជាង៣០ឆ្នាំ រស់នៅភូមិដំបូក១០០ ឃុំត្នោតជុំ ស្រុកក្រគរ ខេត្តពោធិ៍សាត់ ។ ចំណែកជនសង្ស័យជាមន្ត្រីយោធាឈ្មោះ ផល ។
នៅម៉ោងនេះ សមត្ថកិច្ចកំពុងសួរនាំពីមូលហេតុ ហើយជនដៃដលក៍ត្រូវបានឃាត់ខ្លួនផងដែរ ៕
