សាលារាជធានីភ្នំពេញបានសម្រេចផ្អាកការធ្វើចរាចរណ៍ជាបណ្តោះអាសន្ននៅលើកំណាត់ផ្លូវលេខ៣៧១ ក្នុងខណ្ឌមានជ័យដោយសារសាលារាជធានីភ្នំពេញ ត្រូវបញ្ជូនរថយន្តទៅបូមទឹកចេញពីស្ថានីយ៍ទឹកបឹងទំពុនដោយសារទឹកឡើងខ្លាំងពេក។
នេះបើយោងតាមសេចក្តីជូនដំណឹងបន្ទាន់មួយរបស់សាលារាជធានីភ្នំពេញ នាយប់ថ្ងៃទី១១ តុលានេះ ។
បើតាមរដ្ឋបាលសាលារាជធានីភ្នំពេញបានប្រាប់ FM ថា ដោយសារភ្លៀងធ្លាក់មួយមេធំនៅថ្ងៃនេះ ទើបបណ្តាលឲ្យទឹកនៅក្នុងស្ថានីយ៍បូមទឹកបឹងទំពុងឡើងខ្លាំងមែនទែន ដូច្នេះហើយដើម្បីកុំឲ្យមានការប៉ះពាល់ដល់ទួប៊ីននោះ អាជ្ញាធរសម្រេចបញ្ជូនរថយន្តទៅបូមទឹកចេញ ដើម្បីជួយសង្គ្រោះស្ថានីយ៍ ដូច្នេះរថយន្តត្រូវតម្រៀបជាជួរនៅលើផ្លូវ ជាហេតុត្រូវផ្អាកចរាចរណ៍ជាបណ្តោះអាសន្ន ។
«អង្រុត» មិនចាំបាច់រៀបរាប់ ឬញ្ចេញបញ្ចូលពាក្យពេចន៍ការពិតអីបន្ថែមទេ នាំមានអ្នកអន់ចិត្ត ទុកឲ្យលោកអ្នកជាអ្នកអាន«អង្រុត» គិតឈ្វេងយល់ពិចារណាលេងៗដោយខ្លួនឯង ៕
