យោងតាមប្រព័ន្ធផ្សព្វផ្សាយក្នុងស្រុករាយការណ៍ថា យន្ដហោះ Airbus A320 ដឹកអ្នកដំណើររបស់ក្រុមហ៊ុនអាកាសចរណ៍អន្តរជាតិប៉ាគីស្ថាន (PIA) ដែលបានហោះចេញពីទីក្រុង ពីឡាហ័រ ភាគខាងកើតប្រទេស បានធ្លាក់នៅរសៀលថ្ងៃសុក្រ ទី២២ ឧសភា ២០២០នេះ នៅតំបន់ជីនណា ដែលមមាញឹកបំផុតមួយ នៃទីក្រុងការ៉ាជី ភាគខាងត្បូងប្រទេសប៉ាគីស្ថាន ។
អាជ្ញាធរអាកាសចរណ៍ស៊ីវិលប៉ាគីស្ថាន (PCAA) បាននិយាយថា មានមនុស្សសរុប ១០៧នាក់ នៅលើយន្ដហោះ រួមទាំងអ្នកដំណើរ ៩៩នាក់ និងសមាជិកនាវិក ៨នាក់ ។ ទោះយ៉ាងណាក្រុមហ៊ុនអាកាសចរណ៍ PIA បាននិយាយថា មនុស្សទាំងអស់នៅលើយន្តហោះ ប្រហែលគ្មាននរណាម្នាក់នៅរស់ឡើយ ។
ប៉ូលីសកម្លាំងសន្តិសុខ និងក្រុមជួយសង្គ្រោះ កំពុងតែស្ថិតនៅកន្លែងកើតហេតុនោះហើយ កំពុងពន្លត់អគ្តីភ័យ ។
ទោះជាយ៉ាងណា ភ្លាមៗនៅមិនទាន់មានការបញ្ជាក់ថា មានចំនួនអ្នកស្លាប់ ឬរបួសប៉ុន្មាននាក់នៅឡើយទេ ព្រោះថា ព្រោះយន្តហោះបានធ្លាក់ចំទីប្រជុំជន ៕
![](https://kohsantepheapdaily.com.kh/wp-content/uploads/2020/05/7003bf45ac5256c6b9ba46129b36497c-1.jpg)
![](https://kohsantepheapdaily.com.kh/wp-content/uploads/2020/05/e57b30698e050fcce9b237ada0446699-1.jpg)
![](https://kohsantepheapdaily.com.kh/wp-content/uploads/2020/05/d4aab398e8fb2e238d9282bc863f63a9-1.jpg)
![](https://kohsantepheapdaily.com.kh/wp-content/uploads/2020/05/545c8e180466344a292fad65702fa265-2.jpg)
![](https://kohsantepheapdaily.com.kh/wp-content/uploads/2020/05/112f6ebf31ded41c4036c1b4381458c1-3-768x1024.jpg)
![](https://kohsantepheapdaily.com.kh/wp-content/uploads/2020/05/f1c2610d1aab61d473935fda414b51b7-2-688x1024.jpg)