រថយន្តស៊េរីទំនើបកប់ស៊េរីតម្លៃរាប់ម៉ឺនដុល្លារមួយគ្រឿងបានបើកបរបញ្ច្រាសទិសចរាចរណ៍ បង្កការភ្ញាក់ផ្អើលលើបណ្តាញសង្គមហ្វេសប៊ុក ។
រថយន្តដែលមានតម្លៃកប់ពពកមួយគ្រឿងខាងលើនេះ ពាក់ស្លាកលេខ «កម្ពុជា ABC 7777 » ។
យ៉ាងណា គេមិនទាន់ដឹងថា រថយន្តរ៉លរ៉ូយ (rolls-royce) ដែលបើកល្មើសនឹងច្បាប់ចរាចរណ៍ខាងលើនេះ បានកើតឡើងនៅពេលណានោះទេ គ្រាន់តែរូបភាពគឺចំណុចល្មើសនៅកំណាត់ផ្លូវព្រះមុនីវង្សច្រមុះជ្រូកក្បាលថ្នល់ ៕
បើតាមគណនីឈ្មោះ ឧត្តមសេនីយ៍ ទី ចំរើនកុសល ដែលគេស្គាល់ថាជាគណនីដែលតែងតែចូលរួមរិះគន់និងពន្យល់ពីច្បាប់ស្តីពីចរាចរណ៍ផ្លូវគោកនិងបង្ហោះនៅប៉ុន្មាននាទីមុននេះ បានប្រាប់ឲ្យម្ចាស់រថយន្ត ឬ អ្នកបើកបររថយន្តខាងលើទៅបង់ប្រាក់ពិន័យចរាចរណ៍នៅការិយាល័យចរាចរណ៍ផ្លូវគោកកន្លែងប្រព្រឹត្តបទល្មើស ៕
