ស្នងការដ្ឋាននគរបាលខេត្តត្បូងឃ្មុំ បានបង្ហាញមុខជនសង្ស័យជាមុខសញ្ញាលួចនិងប្លន់ចំនួន៥នាក់ និងប្រាប់ឲ្យប្រជាពលរដ្ឋប្រុងប្រយ័ត្នខ្ពស់ និង រាយការណ៍ជាបន្ទាន់បើឃើញមុខសញ្ញាទាំង៥នេះ ។
បើតាមស្នងការដ្ឋាននគរបាលខេត្តត្បូងឃ្មុំ បានបញ្ជាក់ថា ជនទាំង៥នាក់ដែលសមត្ថកិច្ចកំពុងតាមចាប់ខ្លួននោះរួមមានឈ្មោះ វ៉ន យាន រស់នៅក្នុងភូមិព្រះពន្លា ឃុំទ្រៀក ស្រុកមេមត់ , ឈ្មោះ យ៉យ ឌុល ហៅ ដន ឌុល រស់នៅក្នុងភូមិព្រះពន្លា ឃុំទ្រៀក ស្រុកមេមត់ ,ឈ្មោះ ហាច ដូច ហៅ ហាច ហ៊ាន រស់នៅក្នុងភូមិដកពរ ឃុំទ្រៀក ស្រុកមេមត់ ,ឈ្មោះ វ៉ន យីន រស់នៅក្នុងភូមិព្រះពន្លា ឃុំទ្រៀក ស្រុកមេមត់ និងឈ្មោះ យ៉យ គឹមហន រស់នៅភូមិព្រះពន្លា ឃុំទ្រៀក ស្រុកមេមត់ ខេត្តត្បូងឃ្មុំ ។
ស្នងការដ្ឋាននគរបាលខេត្តត្បូងឃ្មុំ ក៍បានប្រកាសផ្តល់ប្រាក់ឧបត្ថម្ភដល់ប្រជាពលរដ្ឋទាំងឡាយណាដែលផ្តល់ព័ត៌មានឈានទៅចាប់ខ្លួនជនទាំង៥នាក់ខាងលើនេះ តាមរយៈទូរសព្ទលេខ 097 888 35 58 រឺ 097 92 33 266 ៕
