ស្ត្រីម្នាក់បានអះអាងប្រាប់ប៉ូលិសមូលដ្ឋានថា ខ្លួនត្រូវចោរឆក់កាបូបដោយក្នុងការបូបនោះនោះមានលុយខ្មែរជិត១០លានរៀល និងខ្សែកផ្លាទីនមួយខ្សែ ទូរស័ព្ទដៃ២គ្រឿង និងឯកសារមួយចំនួនទៀត។
បើតាមស្ត្រីដែលសុំមិនបញ្ចេញឈ្មោះបានបញ្ជាក់ថា ហេតុការណ៍នេះបានកើតឡើងកាលពីម៉ោង១១និង៣០នាទី ថ្ងៃត្រង់ថ្ងៃទី០៥ កញ្ញា ២០២០ នៅតាមបណ្តោយផ្លូវបេតុង ចូលផ្សារព្រៃទា ភូមិក្បាលដំរីទី២ សង្កាត់កាកាបទី២ ខណ្ឌពោធិ៍សែនជ័យ រាជធានីភ្នំពេញ។
ស្ត្រីដដែលបន្តថាមុនពេលកេីតហេតុគាត់បានជិះម៉ូតូមួយគ្រឿងម៉ាកស្កុបពី ពណ៌ស ពាក់ស្លាកលេខភ្នំពេញ1GV 2361 ធ្វេីដំណេីរតាមបណ្តោយផ្លូវបេតុងច្រកចូលផ្សារព្រៃទា ដោយកាបូបកឹបជាប់និងចង្កេះ ខណៈជិតដល់ផ្ទះទៅហេីយ ស្រាប់តែមានជនសង្ស័យមួយក្រុមជិះម៉ូតូ២គ្រឿងមកពីក្រោយធ្វើសកម្មភាពឆក់កាបូបពីចង្កេះបានសម្រេចហេីយគេចខ្លួនបាត់អស់ ភ្លាមនោះគាត់ស្រែកឲ្យគេឯងជួយដែរ តែមិនមានអ្នកណាហ៊ានដេញនោះទេ។
ក្រោយកើតហេតុ ជនរងគ្រោះបានត្រឹមទៅដាក់ពាក្យបណ្តឹងនៅប៉ុស្តិ៍នគរបាលរដ្ឋបាលកាកាបទី២ ទាំងអស់សង្ឃឹម ៕
