យុវជនម្នាក់ ត្រូវបានកងកម្លាំងរាជអាវុធហត្ថក្រុងសិរីសោភ័ណ ខេត្តបន្ទាយមានជ័យ ឃាត់ខ្លួនតាមការប្រាប់របស់ប្រជាពលរដ្ឋ បន្ទាប់ពីយុវជននេះ បានបន្លំធ្វើជាសង្ឃដើរបិណ្ឌបាត្រដើម្បីយកលុយទិញថ្នាំញៀន ។
យុវជនដែលត្រូវឃាត់ខ្លួននឹងត្រៀមបញ្ជូនទៅសាលាដំបូងចាត់ការបន្តនោះឈ្មោះ យ៉ុក សុខទិ អាយុ១៩ឆ្នាំ រស់នៅភូមិស្រះខ្វៅ ឃុំបាក់ហុយ ស្រុកកំរៀង ខេត្តបាត់ដំបង។
នៅក្នុងការឃាត់ខ្លួនយុវជនខាងលើកាលពីថ្ងៃទី១២ ធ្នូ ២០២០ សមត្ថកិច្ចបានដកហូតបានថ្នាំញៀនពណ៌លឿងចំនួន ២គ្រាប់ ទូរស័ព្ទដៃ ១គ្រឿង ប្រាក់ចំនួន ៤០ម៉ឺនរៀល និងស្រោមសំបុត្រអញ្ជើញចូលរួមកសាងវត្តមួយចំនួនទៀត ៕
