អស់ទាស់ ! ឧកញ៉ាម្នាក់មានដីរហូតស្មើនឹង១ភាគ៤នៃផ្ទៃដីស្រុកគាស់ក្រឡ

លោក​ឧកញ៉ា សង ថន ដែល​គេ​ស្គាល់​ថា​ជា​អ្នកមាន​ទ្រព្យសម្បត្តិ ពិសេស​មាន​ដី​ប្រមាណ​៥០០០​ហិ​កតា គឺ​ដី​របស់​លោក​នេះ​ស្មើ​១​ភាគ​៤​នៃ​ផ្ទៃដី​សរុប​របស់​ស្រុក​គាក់​ក្រឡ​ទាំងមូល ។​

​យ៉ាងណា​ក៍ដោយ កាលពី​ថ្ងៃ​ម្សិលមិញ យោង​តាម​ពាក្យបណ្តឹង​របស់​ប្រជាពលរដ្ឋ មន្ត្រី​នៃ​អង្គភាព​ប្រឆាំង​អំពើ​ពុក​រលួយ​របស់​រាជរដ្ឋាភិបាល បាន​នាំ​ខ្លួន​លោក​ឧកញ៉ា​រូប​នេះ​ទៅ​សាកសួរ​ពាក់​ព័​ន្ឋ​នឹង​ករណី​ពុក​រលួយ​លើ​បញ្ហា​ដីធ្លី​នៅ​ស្រុក​គាស់​ក្រឡ ខេត្តបាត់ដំបង ។​

​ការ​នាំ​ខ្លួន​លោក​ឧកញ៉ា សង ថន បាន​ធ្វើ​ឡើង ប៉ុន្មាន​ម៉ោង​ប៉ុណ្ណោះ បន្ទាប់​ពី​លោកនាយក​រដ្ឋមន្ត្រី ហ៊ុន សែន បាន​ចេញ​អនុក្រឹត្យ​បញ្ចប់​មុខ​តំណែង​លោក ម៉ៅ សុ​ចាន់ អភិបាលស្រុក​គាស់​ក្រឡ តែ​បាន​ឲ្យ​លោក ម៉ៅ សុ​ផា​ន់ មក​បម្រើ​ការងារ​នៅ​សាលាខេត្ត​បាត់ដំបង ។​

​ដោយឡែក​នៅ​ព្រឹក​ថ្ងៃអាទិត្យ​នេះ ប្រភព​ពី​ខេត្តបាត់ដំបង​បាន​ឲ្យ​ដឹង​ថា មាន​មន្ត្រី​សាលាខេត្ត​បាត់ដំបង​មួយ​ចំនួន​ដែល​ពាក់​ព័​ន្ឋ​នឹង​សំណុំរឿង​របស់​លោក​ឧកញ៉ា សង ថន កំពុង​ដេក​ភ័យ​និង​ប្រុង​ដាក់​សាប៊ូ​គូថ​រត់គេច ក្រោយ​អង្គភាព​ប្រឆាំង​អំពើ​ពុក​រលួយ​នាំ​ខ្លួន​លោក​ឧកញ៉ា សង ថន និង ការ​បញ្ចប់​មុខ​តំណែង​លោក ម៉ៅ សុ​ចាន់ ពី​អភិបាលស្រុក​គាស់​ក្រឡ ៕