នៅព្រលប់ថ្ងៃទី០១ កក្កដានេះ អង្គភាពប្រឆាំងអំពើពុករលួយ (ACU) បានហៅលោក ស៊ូ អារ៉ាហ្វាត់អភិបាលរងខេត្តបាត់ដំបង ដើម្បីសួរនាំពាក់ព័ន្ឋនឹងបញ្ហាដីធ្លីនៅស្រុកគាស់ក្រឡ ។
សូមបញ្ជាក់ថា សំណុំរឿងដីធ្លីនៅស្រុកគាស់ក្រឡ ខេត្តបាត់ដំបងនេះ បានធ្វើឲ្យឧកញ៉ាម្នាក់ គឺលោកឧកញ៉ា សង ថន ក៍ត្រូវបានអង្គភាពប្រឆាំងអំពើពុករលួយធ្វើការឃាត់ខ្លួន ក្រោយACU ទទួលបានពាក្យបណ្តឹងពីប្រជាពលរដ្ឋ ។
សំណុំរឿងនេះ លោកឧកញ៉ា សង ថន ត្រូវបានពលរដ្ឋអះអាងថាមានដីរហូតដល់ប្រមាណ៥០០០ហិកតា គឺស្មើនឹងប្រមាណ១/៤នៃផ្ទៃដីស្រុកគាស់ក្រឡទាំងមូល ។ សំណុំរឿងនេះ ក៍ត្រូវបានគេជឿថា មានមន្ត្រីជាច្រើនទៀតពាក់ព័ន្ឋ ដែលទំនងជារត់មិនរួចពីសំណាញ់ច្បាប់ឡើយ ។
គេមិនដឹងលម្អិតអំពីថាតើហេតុអីលោកឧកញ៉ា សង ថន មានដីរហូតដល់ប្រមាណ៥០០០ហិកតា គាត់ទិញដោយរបៀបណា ហើយក្នុងតម្លៃយ៉ាងដូចម្តេច និងទឹកប្រាក់ប៉ុន្មានដែលលោកឧកញ៉ាត្រូវចំណាយក្នុងការទិញដីនេះ ហើយដីនេះក៍មិនដឹងថាជាដីសាធារណរបស់រដ្ឋ ឬយ៉ាងណានោះដែរ តែសំខាន់ដីទំហំប្រមាណ៥គីឡូម៉ែត្របួនជ្រុងធំមហាសាលបែបនេះ មិនអាចជាដីកម្មសិទ្ឋិឯកជន ឬរបស់បុគ្គលណាមួយនោះឡើយ ។
យ៉ាងណា យើងរង់ចាំមើលការទម្លាយព័ត៌មានលម្អិតពីសំណុំរឿងដ៍ស្រួចស្រាវខាងលើនេះ ៕
