នៅក្នុងរយយៈពេល៦ខែ នៃឆមាសទី១ ឆ្នាំ២០២០នេះ សមត្ថកិច្ចបានឃាត់ខ្លួនជនល្មើសគ្រឿងញៀន បានជាង៨ពាន់នាក់ កើនឡើងជាង២៦ភាគរយ បើប្រៀបធៀបរយៈពេលដូចគ្នា កាលពីឆ្នាំ២០១៩។
នេះបើយោងតាមតាមរបាយការណ៍របស់មន្ទីរប្រឆាំងបទល្មើសគ្រឿងញៀន នៃអគ្គស្នងការដ្ឋាននគរបាលជាតិ ក្រសួងមហាផ្ទៃ ដែលបានបង្ហាញឡើងនៅថ្ងៃទី០៣ កក្កដា ២០២០ ។
យ៉ាងណារបាយការណ៍មិនបានបញ្ជាក់អំពីគ្រឿងញៀនដែលត្រូវបានរឹបអូសនោះទេ ។
របាយការណ៍ដដែលក៍បានបង្ហាញផងដែរថា ជនល្មើសគ្រឿងញៀនទាំងជាង៨០០០នាក់នោះ មានជនជាតិខ្មែរចំនួន៨៣៦៩នាក់ វៀតណាម៩៦នាក់ ឡាវ២នាក់ ថៃ៣នាក់ ចិន១៣នាក់ ភូមា០១ម្នាក់ ឥណ្ឌូនេស៊ី០១នាក់ សាំងហ្គាពួរ០១នាក់ ជប៉ុន១នាក់ និងជនជាតិនីហ្សេរីយ៉ា១នាក់។
កាលពីឆ្នាំ២០១៩ ការបង្ក្រាបគ្រឿងញៀនទូទាំងប្រទេសកម្ពុជា បានជាង៩០០០ករណី ដោយឃាត់ខ្លួនជនសង្ស័យបានជាង២ម៉ឺននាក់ ក្នុងនោះមានជនបរទេស៤៤៧នាក់ ស្មើនឹង១៥ជនជាតិ រឹបអូសគ្រឿញៀនបានជាង៧៥០គីឡូក្រោម គឺកើនឡើងជិត៣០ភាគរយ បើប្រៀបធៀបនឹងឆ្នាំ២០១៨កន្លងមក ៕
