គិតត្រឹម៉ោង១២និង៤០នាទីថ្ងៃត្រង់ថ្ងៃទី០៥ កក្កដា ២០២០ តម្លៃប្រេងសាំងលក់រាយនៅក្នុងរាជធានីភ្នំពេញនិយាយដោយឡែក គឺ សាំងធម្មតាតម្លៃ៣០០០រៀលក្នុង១លីត្រ សាំងស៊ុបពែរ ៣៥០០រៀលក្នុង១លីត្រ និង ប្រេងម៉ាស៊ូត ២៧០០រៀល ក្នុង១លីត្រ ។
តាមការកត់សម្គាល់ តម្លៃប្រេងសាំងហក់ឡើងជាបន្តបន្ទាប់ ក្រោយពេលដែលស្ថានការណ៍នៃការរីករាលដាលនៃមេរោគមហាប្រល័យ កូវីដ១៩ បានថមថយ និងប្រទេសក្នុងតំបន់និងពិភពលោកមួយចំនួនធំ បានដកបម្រាមក្រោយបិទប្រទេសអស់រយៈពេលជាច្រើនខែកន្លងមក ។
គេនៅចាំបានថា អំឡុងពេលនៃការផ្ទុះមេរោគដែលដំបូងគេហៅកូរ៉ូណានោះ គឺប្រេងសាំងបានធ្លាក់ថ្លៃយ៉ាងគំហុកនៅសល់ត្រឹមជាង២០០០រៀលក្នុង១លីត្រ ដោយសារជាប់បម្រាមនិងការមិនចេញក្រៅអនុវត្តវិធានការឃុំខ្លួនឯងនៅក្នុងផ្ទះដើម្បីចៀសវាងការឆ្លងមេរោគកូវីដ១៩ ៕
