ខ្មែរមួយចំនួនតូចកំពុងធ្វើឲ្យមហិច្ឆតា ហូ ជីមិញ បានសម្រេច

រដ្ឋបុរស​របស់​សាធារណរដ្ឋ​សង្គមនិយម​វៀតណាម គឺ ហូ ជី​មិ​ញ មុន​ពេល​ស្លាប់ បាន​ដាក់​ចេញ​នូវ​គោលការណ៍​ជា​ច្រើន​ចំណុច​ដើម្បី​លេប​យក​ប្រទេស​ខ្មែរ ក្នុង​នោះ​គឺ​ចំណុច​មួយ​នៃ​គោលការណ៍​ជា​ច្រើន​ដែល​មេដឹកនាំ​និង​សមាជិក​បក្ស​កុម្មុយនីស្ត​វៀតណាម​ត្រូវ​អនុវត្ត​ឲ្យ​សម្រេច​នូវ​ផែនការ​របស់ ហូ ជី​មិ​ញ​នោះ គឺ ការ​រក​វិធី​យ៉ាងណា​ធ្វើ​ឲ្យ​ពលរដ្ឋ​ខ្មែរ​ស្គាល់​តែ​ប្រយោជន៍​ផ្ទាល់ខ្លួន ។​

​មក​ទល់​នឹង​ពេល​នេះ តាម​ការ​កត់សម្គាល់​របស់​ក្រុម​អ្នក​តាមដាន​សង្គម​មួយ​ចំនួន បាន​មើលឃើញ​ថា គោលការណ៍​ខាងលើ​របស់ ហូ ជី​មិ​ញ គឺ​កំពុង​តែ​បោះ​ជំហាន​ទៅ​រក​ជោគជ័យ​ជា​ជំហាន​ៗ​ហើយ ព្រោះ​ពលរដ្ឋ​ខ្មែរ និង​មន្ត្រី​មួយ​ចំនួន​តូច​គិតតែ​ប្រយោជន៍​ផ្ទាល់ខ្លួន និង​បក្ខពួក​របស់​ខ្លួន ធ្វើ​យ៉ាងណា​ឲ្យ​ខ្លួន​មានបាន អ្នក​ណា​ស្លាប់​អី​ស្លាប់​ទៅ កុំ​ឲ្យ​តែ​អញ​និង​បក្សពួក​ស្លាប់​ទៅ​បាន​ហើយ ។​

​លើស​ពី​នេះ​ទៀត បច្ចុប្បន្ន​មាន​មនុស្ស​មួយ​ចំនួន​តូច​សូ​ម្បី​តែ​នៅ​ក្នុង​គ្រួសារ​របស់​ខ្លួន​  ក៍​មិន​រាប់អាន​សាច់ញាតិ​បងប្អូន​បង្កើត​ដែល​ក្រីក្រ​ជាង​ខ្លួន ហែកហួរ កាប់​ចាក់​តែ​បងប្អូន​ឯង​ក្នុង​ជម្លោះដីធ្លី​ជាដើម …​។​

ខ្មែរពីដើម ឬ នៅមុនសង្រ្គាម ស្រឡាញ់រាប់អានគ្នាខ្លាំងណាស់ មិនថាបងប្អូន ឬ មិនមែនជាសាច់ញាតិក្តី ឲ្យតែសម្ល ម្ហូបឆ្អិន ប្រកូសប្រកាសហៅគ្នា ហុចឲ្យគ្នាទៅវិញទៅមក… ។ ដល់ឥឡូវ ម៉ោង៧យប់មិនទាន់ បិទទ្វាររៀងៗខ្លួន មានរឿងអីសម្ងំតែក្នុងផ្ទះ អ្នកមានរឿង ឬបញ្ហាអីមានទៅ ក្បាលអ្នកណាសក់អ្នកនោះ ។

​នៅ​មាន​ចំណុច​ជា​ច្រើន​ទៀត ដែល​«​អង្រុត​» មិនបាច់​លើកយក​មក​បង្ហាញ​នោះ​ទេ ដោយ​ទុក​ឲ្យ Friends អង្រុត បន្ថែម​ចុះ ៕