ពីខេត្តស្ទឹងត្រែងមានសេចក្តីរាយការណ៍មកថា បុរសជនជាតិឡាវម្នាក់ ត្រូវបានសមត្ថកិច្ចជំនាញនៃមន្ទីរប្រឆាំងគ្រឿងញៀនចាប់ខ្លួនពីបទជួញដូរគ្រឿងញៀនឆ្លងដែន ។
ហេតុការណ៍ឃាត់ខ្លួននេះ បានកើតឡើងនៅព្រឹកថ្ងៃទី០៦ កក្កដា ២០២០ នៅក្នុងភូមិអន្លង់ស្វាយ ឃុំព្រះរំកិល ស្រុកបុរីអូរស្វាយសែនជ័យ ខេត្តស្ទឹងត្រែង ។ សេចក្តីរាយការណ៍បន្តថា ក្នុងប្រតិបត្តិការនេះ សមត្ថកិច្ចជំនាញពាក់ព័ន្ឋបានរឹបអូសថ្នាំញៀនប្រភេទមេតំហ្វេតាមីន (ICE) ចំនួន៥កញ្ចប់ធំ ទម្ងន់សរុបជាង៧គីឡូក្រាម ។
បច្ចប្បន្ន ជនសង្ស័យជាជនជាតិឡាវឈ្មោះ ភិត ងិន អាយុ៣៣ឆ្នាំ មានទីលំនៅក្នុងភូមិកោះស្តាំ ឃុំកោះស្តាំ ស្រុកខូង ខេត្តចំប៉ាសាក់ ប្រទេសឡាវ ត្រូវបានសមត្ថកិច្ចកំពុងកសាងសំណុំរឿងបញ្ជូនទៅសាលាដំបូងខេត្តចាត់ការតាមផ្លូវច្បាប់ ៕
