រថភ្លើងពីស្ថានីយ៍មកព្រលានយន្តហោះត្រៀមបិទវិញហើយ

ក្រសួង​សាធារណការ និង​ក្រុមហ៊ុន Royal Group កំពុង​ពិចារណា​បិទ​ខ្សែ​រថភ្លើង​ពី​ស្ថានីយ៍​ភ្នំពេញ​ទៅ​ព្រ​លាន​យន្តហោះ​អន្តរជាតិ​ភ្នំពេញ ដោយសារ​មិនសូវ​មាន​អ្នកដំណើរ​ជិះ ព្រោះ​មិន​មាន​យន្តហោះ​ហោះ​ចេញចូល​ច្រើន ។​

​នេះ​បើ​យោង​តាម​លោក​ទេស​រដ្ឋមន្ត្រី ស៊ុន ចាន់​ថុ​ល រដ្ឋមន្ត្រីក្រសួង​សាធារណការ ដែល​ថ្លែង​ក្នុង​កិច្ចប្រជុំ​បូក សរុប​លទ្ធផល​ការងារ​សុវត្ថិភាព​ចរ​រា​ចរណ៍​ផ្លូវគោក ប្រចាំឆមាស​ទី​១ ឆ្នាំ​២០២០ នៅ​ទីស្តីការ​ក្រសួងមហាផ្ទៃ នា​ព្រឹក​ថ្ងៃ​ទី​០៧ កក្កដា ២០២០ ។​

​សូម​បញ្ជាក់​ថា ក្រោយ​ការ​សាងសង់​ខ្សែ​រថភ្លើង​ពី​ស្ថានីយ៍​ភ្នំពេញ មក​ព្រ​លាន​យន្តហោះ​ពោធិ​ចិន​តុង មជ្ឈដ្ឋាន​នានា​មួយ​ចំនួន​បាន​ធ្វើការ​រិះគន់ ព្រោះ​ខ្សែ​រថភ្លើង​នេះ បាន​បង្ក​ការ​គ្រោះថ្នាក់​ដល់​ធ្ន​ក​ធ្វើ​ដំណើរ​អម​សាង​ខាង​ផ្លូវ​ជា​បន្តបន្ទាប់ និង ជា​ពិសេស​បង្ក​ការ​កកស្ទះ​ចរាចរណ៍​នោះ​ថែម​ទៀត ។​

​ក្រុម​អ្នក​តាមដាន​សង្គម បាន​លើក​ឡើង​ថា មន្ត្រី​ជំនាញ​មួយ​ចំនួន​តូច​ខាង​សាធារណការ​នៅ​ស្រុក​ខ្មែរ ច្រើន​តែ​គូរ​រួច​បាន​គិត ។ ជាក់ស្តែង​ដូច​ករណី​សាងសង់​ស្ពាន​អាកាស​ក្បាលថ្នល់ ឥឡូវនេះ​បាន​ធ្វើការ​សាងសង់​បន្ថែម​ដៃ​ស្ពាន​មួយ​ចំនួន​ទៀត​ដើម្បី​បញ្ជៀ​សការ​កកស្ទះ និង​ត្រៀម​សាងសង់​ស្ពាន​អាកាស​មួយទៀត នៅ​ចំណុច​ច្រមុះជ្រូក​ក្បាល​ដ្ន​ល់​ដដែល​នោះ ..៕