លោក ហ៊ុន សែន ហាក់ដឹងថាមន្រ្តីមានអំណាចខ្លះមានលុយចាយមិនអស់

នៅ​ក្នុង​កិច្ចប្រជុំ​គណៈរដ្ឋមន្ត្រី​កាលពីដើម​ខែកក្កដា ២០២០​កន្លង​មកនេះ លោកនាយក​រដ្ឋមន្ត្រី ហ៊ុន សែន បាន​ប្រកាស​អនុវត្ត​អភិក្រម​ទី​៥​របស់​លោក គឺ​ការ​វះកាត់​មន្ត្រី​ខិលខូច​ដែល​ជាប់​ពាក់​ព័​ន្ឋ​នឹង​បញ្ហា​ជម្លោះដីធ្លី ។ ក្រៅពី​ការ​ប្រកាស​ខាងលើ លោក ហ៊ុន សែន ក៍បាន​ថ្លែង​ដែរ​ថា​«​មន្ត្រី អ្នកមាន​អំណាច ល្មម​ចេះ​ឆ្អែត និង​ចេះ​គ្រប់គ្រាន់​ហើយ ឈប់​ធ្វើបាប​ប្រជាពលរដ្ឋ​តទៅ​ទៀត​» ។​

​ត្រង់​ចំណុច​នេះ ត្រូវ​បាន​ក្រុម​អ្នក​តាមដាន​សង្គម​មួយ​ចំនួន​បាន​លើក​ឡើង​ថា លោក​ប្រមុខ​រាជរដ្ឋាភិបាល​ខ្មែរ​ដែល​កាន់​អំណាច​ជាង​៣០​ឆ្នាំ ហាក់​មើលឃើញ​ថា​មន្ត្រី​មាន​អំណាច​ខ្លះ​មាន​លុយ​គ្រប់គ្រាន់ ឬ​អាច​និយាយ​ម្យ៉ាងទៀត​ថា​មាន​លុយ​ចាយ​មិន​អស់ ។​

​យ៉ាងណា មជ្ឈដ្ឋាន​និង​អ្នក​តាមដាន​សង្គម​មួយ​ចំនួន​បាន​សាទរ​ការ​ប្រកាស​របស់​លោក ហ៊ុន សែន ខាងលើ ក្នុង​ការ​ចាត់វិធានការ​វះកាត់​មន្ត្រី​ខិលខូច​ដែល​យក​អំណាច​ខ្លួន​ទៅ​បំពាន ឬ​រំលោភ​យក​ដីធ្លី​រដ្ឋ ក៍​ដូច​ជា​របស់​ពលរដ្ឋ​មួយ​ចំនួន​ដែល​កាន់កាប់​ស្របច្បាប់ ៕