កូនប្រុសអតីតអ្នកចម្រៀងល្បីឈ្មោះ សុះ ម៉ាត់ កំពុងឈឺធ្ងន់

លោក សុះ ម៉ាច អ្នកចម្រៀង​ល្បីឈ្មោះ​មួយ​រូប ហើយ​ដែល​គេ​ស្គាល់​ថា​ជា​កូនប្រុស​លោក សុះ ម៉ាត់ អតីត​អ្នកចម្រៀង​ល្បីឈ្មោះ​មួយ​រូប​ដែរ​នៅ​ទស​វត្ស​៥០-៦០ កំពុង​មាន​ជំងឺ​សន្លាក់​ធ្ងន់ធ្ងរ​ដើរ​មិន​រួច ។​

​នេះ​បើ​យោង​តាម​គណនី​ហ្វ​សេ​ប៊ុ​ក​ឈ្មោះ Sos Mach II ដែល​គេ​ស្គាល់​ថា​ជា​គណនី​ផ្លូវការ​របស់​លោក សុះ ម៉ាច ដែល​បង្ហោះ​កាលពី​ថ្ងៃ​ម្សិលមិញ​នេះ ។​

​នៅ​លើ​ហ្វេ​ស​ប៊ុ​ក​លោក សុះ ម៉ាច បាន​សរសេរ​យ៉ាង​ដូច្នេះ​ថា​«​ដល់​វគ្គ​ដេក​សុ​ី ព្រោះ​ដើរ​មិន​រួច ខ្វិន​បាន​សម្រេច​ហើយ​។​ក្រោយ​ពិនិត្យ​លទ្ធផល​តេស្ត​ឈាម​និង​កម្ម​រស្មី​x គឺ​ពុំ​មាន​សញ្ញា​អ្វី​ធំដុំ​ទេ​អាស៊ី​ដ​ឡើង​តិចតួច ឈាម​ខ្លាញ់​បេះដូង​ធម្មតា​។​គឺ​មក​ពីរ​លាក​សន្លាក់​ធ្ងន់ធ្ងរ ។​សូម​អរគុណ​មិត្តភក្តិ​បងប្អូន​ដែល​បាន​សួរសុខទុក្ខ​និង​ជូនពរ​ខ្ញុំ​អោយ​ឆាប់​ជា​សះស្បើយ​ជា​ពិសេស​កូនស្រី​ច្បង​ដែល​ខ្វល់ខ្វាយ​ពី​ឪពុក​។​ខាន​ឈឺ​យូរ​ឆ្នាំ​ហើយ ដល់​ពេល​ឈឺ​ម្តង​ធ្ងន់​ហ្ម៎ង​!​នេះ​ហើយ​ការ​ធ្វើ​ការងារ​មិន​ប្រមាណ​កម្លាំង​។​»​។​

​គួរ​បញ្ជាក់​ដែរ​ថា អតីត​ប្រធាន​សមាគម​អ្នក​សិល្បករ​ខ្មែរ លោក សុះ ម៉ាច ក៍​ត្រូវ​បាន​គេ​ដឹង​ថា លោក​ក៍​ធ្លាប់​ជា​កូនប្រសារ​របស់​លោក ជា ស៊ី​ម អតីត​ប្រធាន​គណបក្ស​ប្រជាជន​កម្ពុជា ប្រធានរដ្ឋសភា​និង​ព្រឹ​ទ្ឋ​សភា​ផង​ដែរ ៕