កូវីដ-១៩ សម្លាប់ជនជាតិយួន៣នាក់ហើយ

គិត​ត្រឹម​ម៉ោង​១២​និង​៥៥​នាទី​ថ្ងៃត្រង់ ថ្ងៃ​ទី​០១ សីហា នេះ ប្រជាពលរដ្ឋ​វៀតណាម​០៣​នាក់​ហើយ បាន​ស្លាប់​ដោយសារ​មេរោគ​កូ​វី​ដ​១៩ ។​

​បើ​តាម​ប្រ​ព័​ន្ឋ​ផ្សព្វផ្សាយ​វៀតណាម​បាន​ឲ្យ​ដឹង​នៅ​ប៉ុន្មាន​នាទី​មុន​នេះ​ថា ស្ត្រី​ដែល​ទើបនឹង​ស្លាប់​នៅ​ព្រឹក​ថ្ងៃ​សៅរ៍​នេះ មាន​វ័យ​៦៨​ឆ្នាំ និង​មាន​ជំងឺមហារីក​ឈាម​ផង​ដែរ ។​

​ស្ត្រី​ដែល​ស្លាប់​នេះ បាន​ចូល​សម្រាក​ព្យាបាល​នៅ​ក្នុង​មន្ទីរពេទ្យ Da Nang Oncology Hospital​កាលពី​ថ្ងៃ​ទី​២៣ កក្កដា និង​បាន​រក​ឃើញ​ថា​មាន​ផ្ទុកមេរោគ​កូ​វី​ដ​១៩ កាលពី​ថ្ងៃ​ទី​៣០ កក្កដា ។​

​មក​ទល់​នឹង​ពេល​នេះ អ្នក​ឆ្លង​កូ​វី​ដ​១៩​នៅ​ក្នុង​ប្រទេស​វៀតណាម​សរុប ៥៥៨​នាក់ ក្នុង​នោះ​ករណី​ជា​សះស្បើយ​មាន​ចំនួន​៣៧៣​នាក់ ៕