ចិនបញ្ជូនយន្តហោះចម្បាំងទៅសមុទ្រចិនខាងត្បូង វៀតណាមបានត្រឹមតែស្រែក

អ្នកនាំពាក្យ​ក្រសួងការបរទេស​នៃ​សាធារណរដ្ឋ​សង្គមនិយម​វៀតណាម លោកស្រី ឡេ ធី​ធូ​ហង (Le Thi Thu Hang) បាន​ថ្លែង​ក្នុង​សន្និសីទកាសែត​នៅ​ថ្ងៃ​ព្រហស្បតិ៍​នេះ​ថា វត្តមាន យន្តហោះ​ទម្លាក់​គ្រាប់បែក​របស់​ចិន​នៅ​សមុទ្រ​ចិន​ខាងត្បូង គឺជា​ការ​បង្កក្តី​អន្តរាយ​ដល់​សន្តិភាព និង​បាន​រំលោភ​អធិបតេយ្យភាព​របស់​វៀតណាម ។​

​សូម​បញ្ជាក់​ថា សមុទ្រ​ចិន​ខាងត្បូង គឺជា​ផ្នែក​មួយ​នៃ​មហាសមុទ្រ​ប៉ា​ស៊ី​ហ្វិ​ក ដែល​លាត​ស​ន្ឋឹ​ង​ពី​សិង្ហ​បុរី ទៅ​ច្រក​តៃវ៉ាន់ គ្របដណ្ដប់​លើ​ផ្ទៃ​ទឹក ៣,៥​លាន​គ​.​ម​២​។ វា​ជា​សមុទ្រ​ធំ​ជាងគេ​បន្ទាប់​ពី​មហាសមុទ្រ​ទាំង​៥​។​

​សមុទ្រ​ចិន​ខាងត្បូង​ជា​ដែនទឹក​ដ៏​សំខាន់​។ វា​ជា​ដែនទឹក​ដ៏​មមាញឹក​ទី​២​លើ​ពិភពលោក ។ តំបន់​នេះ​មាន​ប្រេងកាត​ឆៅ​ប្រមាណ ១,២​គ​.​ម​៣ (៧៧០០​លាន​បារ៉ែល​) និង​ឧស្ម័ន​ធម្មជាតិ​ប្រមាណ ៧៥០០​គ​.​ម​៣ ។​

​បច្ចុប្បន្ន ដោយសារ​តែ​ធនធាន​មហាសាល​នេះ បាន​ធ្វើ​ឲ្យ​ជម្លោះ​នៅ​សមុទ្រ​ចោ​ន​ខាងត្បូង​កំពុង​តែ​ឡើងក​ម្តៅ​បន្តិច​ម្តង​ៗ ហើយ​ប្រទេស​ដែល​អះអាង​ថា ប្រជុំ​កោះ​ស្ព្រា​ត​លី​(Spratly ) និង ប៉ា​រ៉ា​ស៊ែ​ល​(Paracels) តំបន់​ដែល​កើត​មាន​ជម្លោះ​នេះ​រួម​មាន​៖ ចិន វៀតណាម ហ្វី​លី​ពី​ន ម៉ា​ឡេ​ស៊ី ឥណ្ឌូ​នេ​ស៊ី ប្រ៊ុ​យ​ណេ និង​កោះ​តៃវ៉ាន់ ៕