សមត្ថកិច្ចបង្ក្រាបក្រុមជនជាតិខ្មែរ ម៉ុងហ្គោលី និងចិនចំនួន ៧នាក់ ចាប់បង្ខាំងមនុស្សខុសច្បាប់ និងជំរិតទារប្រាក់ និងបានរំដោះចំណាប់ខ្មាំងចំនួន ៣នាក់។ ការបង្ក្រាបនេះ បានធ្វើឡើងកាលពីថ្ងៃទី១០ ខែកញ្ញា ឆ្នាំ២០២០ ចំណុចផ្ទះសំណាក់វួយអ៊ីណា ក្រុមទី១៦ ភូមិ១ សង្កាត់២ ក្រុង-ខេត្តព្រះសីហនុ។
លោកឧត្តមសេនីយ៍ទោ ជួន ណារិន ស្នងការនគរបាលខេត្តព្រះសីហនុ បានឲ្យវិទ្យុបាយ័នដឹងថា កាលពីនៅថ្ងៃទី១០ ខែកញ្ញា ឆ្នាំ២០២០ វេលាម៉ោង០០:៣០នាទី កម្លាំងជំនាញផែននគរបាលព្រហ្មទណ្ឌ បានទទួលបណ្តឹងពីបុរសជន ជាតិចិនម្នាក់ឈ្មោះ Gao MingShuai ថា មិត្តភក្តិរបស់គាត់ឈ្មោះ Wen QiLiang ភេទប្រុស ជនជាតិចិន ត្រូវបានក្រុមជនសង្ស័យចាប់យកទៅបង្ខាំងទុកនៅកន្លែងមួយមិនស្គាល់ រួចជំរិតទារប្រាក់ចំនួន១០,០០០ដុល្លារ (មួយម៉ឺនដុល្លារអាមេរិក)។ បន្ទាប់ពីទទួលបណ្តឹងរួច សមត្ថកិច្ចបានធ្វើការស្រាវជ្រាវយ៉ាងយក ចិត្តទុកដាក់ រហូតដល់ម៉ោង៩:០០នាទីព្រឹក ថ្ងៃទី១០ ខែកញ្ញា ឆ្នាំ២០២០ សមត្ថកិច្ចកំណត់បានទីតាំងបង្ខាំងជនរងគ្រោះ ស្ថិតនៅចំណុចផ្ទះសំណាក់វួយអ៊ីណា ក្រុមទី១៦ ភូមិ១ សង្កាត់២ ក្រុង-ខេត្តព្រះសីហនុ បន្ទាប់មកកម្លាំងយើងបានរាយការណ៍ជូនព្រះរាជអាជ្ញានៃអយ្យការអមសាលាដំបូងខេត្តព្រះសីហនុ ហើយ ព្រះរាជអាជ្ញាបានឯកភាពអោយកម្លាំងសមត្ថកិច្ចយើងចុះទៅប្រតិបត្តិការ។ ភ្លាមនោះកម្លាំងជំនាញ បានសហការជាមួយកម្លាំងអធិការដ្ឋាននគរបាលក្រុងព្រះ សីហនុ ,កម្លាំងប៉ុស្តិ៍រដ្ឋបាលសង្កាត់២ ចុះទៅប្រតិបត្តិការនៅកន្លែងកើតហេតុ ។
លោកស្នងការបានបន្តថា ជាលទ្ធផលសមត្ថកិច្ចយើបានជួយរំដោះជនរងគ្រោះចំនួន ៣នាក់ ភេទប្រុស ជនជាតិចិន និងឃាត់ខ្លួនជនសង្ស័យ ៧នាក់ ភេទប្រុស (ជនជាតិខ្មែរ៤នាក់,ជនជាតិម៉ុងហ្គោលី១នាក់ និងជនជាតិចិន២នាក់)យកមកកាន់ស្នងការដ្ឋាននគរបាលខេត្តព្រះសីហនុ ។
ជនរងគ្រោះ៣នាក់ រួមមាន:
១.ឈ្មោះ He Wei ភេទប្រុស អាយុ៣១ឆ្នាំ ជនជាតិចិន មុខរបរ បុគ្គលិកក្រុមហ៊ុន មានទីលំនៅរាជធានីភ្នំពេញ ។
២.ឈ្មោះ He A Kun ភេទប្រុស អាយុ២៩ ឆ្នាំ ជនជាតិចិន មុខ របរ អ្នកលក់សំបុត្រយន្តហោះ មានទីលំនៅរាជធានីភ្នំពេញ ។
៣.ឈ្មោះ Gao MingShuai ភេទប្រុស អាយុ២៩ឆ្នាំ ជនជាតិចិន មុខរបរ បុគ្គលិកខារ៉ាអូខេ មានទីលំនៅភូមិ៤ សង្កាត់៤ ក្រុង-ខេត្តព្រះសីហនុ ។
ចំណែកជនសង្ស័យចំនួន៧នាក់ មានដូចជា:
១.ឈ្មោះ Cheng PengYun ភេទប្រុស អាយុ៣១ឆ្នាំ ជនជាតិ ចិន មុខរបរ អ្នកនាំភ្ញៀវលេងល្បែង ស្នាក់នៅភូមិ១ សង្កាត់២ ក្រុង-ខេត្តព្រះសីហនុ គ្មានលិខិតឆ្លងដែនជាប់ខ្លួន ។
២.ឈ្មោះ Chen FuLi ភេទប្រុស អាយុ៣២ឆ្នាំ មុខរបរ ជនជាតិ ចិន មុខរបរក្រុមចងការប្រាក់(ផ្នែកយាម)ស្នាក់នៅភូមិ១សង្កាត់២ ក្រុង-ខេត្តព្រះសីហនុ គ្មានលិខិតឆ្លងដែនជាប់ខ្លួន ។
៣.ឈ្មោះ Hai QuanShan ភេទប្រុស អាយុ៥០ឆ្នាំ មុខរបរ ជនជាតិ ម៉ុងហ្គោលី(ចេះភាសាចិន)មុខរបរក្រុមចងការប្រាក់(ផ្នែកទារប្រាក់) មានទីលំនៅភូមិ១ សង្កាត់២ ក្រុង-ខេត្តព្រះសីហនុ គ្មានលិខិតឆ្លងដែនជាប់ខ្លួន ។
៤.ឈ្មោះ ង៉ែត ពើត ភេទប្រុស អាយុ៣៥ឆ្នាំ ជនជាតិខ្មែរ មុខរបរ មិនពិតប្រាកដ មានទីលំនៅភូមិ៥ សង្កាត់១ ក្រុង-ខេត្តព្រះសីហនុ ។
៥.ឈ្មោះ ខៀវ សុវណ្ណា ភេទប្រុស អាយុ៣២ឆ្នាំ ជនជាតិខ្មែរ មុខរបរ មិនពិតប្រាកដ មានទីលំនៅភូមិ១ សង្កាត់៣ ក្រុង-ខេត្តព្រះសីហនុ ។
៦.ឈ្មោះ ស្រ៊ី ហួត ភេទប្រុស អាយុ៣៤ឆ្នាំ ជនជាតិខ្មែរ មុខរបរ មិនពិតប្រាកដ មានទីលំនៅភូមិ១ សង្កាត់១ ក្រុង-ខេត្តព្រះសីហនុ ។
៧.ឈ្មោះ ង៉ែត ហេង ភេទប្រុស អាយុ៣៥ឆ្នាំ ជនជាតិខ្មែរ មុខរបរ មិនពិតប្រាកដ មានទីលំនៅភូមិ៣ សង្កាត់១ ក្រុង-ខេត្តព្រះសីហនុ ។
*-វត្ថុតាងចាប់យកបាន៖
-រថយន្ត១គ្រឿងម៉ាកស្តារិច ពណ៌ទឹកប្រាក់ ពាក់ស្លាកលេខ:ភ្នំពេញ 2BE-9670
-ម៉ូតូ២គ្រឿង(ម៉ាកSmash Revo១គ្រឿង,ម៉ាក Duke១គ្រឿង)
-លិខិតខ្ចីប្រាក់២សន្លឹក (ភាសាខ្មែរ១សន្លឹក, ភាសាចិន១សន្លឹក)
-ពិលឆក់១ដើម
-ដំបងឆក់ ១ដើម
-ស្ព្រៃបាញ់ភ្នែក១កំប៉ុង
ករណីនេះ ជនសង្ស័យនិងវត្ថុតាង កម្លាំងជំនាញកំពុងកសាងសំណុំរឿងតាមនីតិវិធីបញ្ជូនទៅសាលាដំបូងខេត្តព្រះសីហនុ។
ប្រភព ៖ BAYON Radio
