រាជធានីភ្នំពេញ ៖ ប្រមុខរាជរដ្ឋាភិបាលកម្ពុជា បានសម្រេចដកតំណែងលោក ស៊ិន វណ្ណវុឌ្ឍ ចេញពីអភិបាលស្រុកកោះញែក ខេត្តមណ្ឌលគិរី ដោយឲ្យមកធ្វើការនៅទីស្តីការក្រសួងមហាផ្ទៃជំនួសវិញ ។
ការដកតំណែងអភិបាលស្រុកកោះញែករូបនេះ បានធ្វើឡើងបន្ទាប់ពីក្រុមការងារអន្តរក្រសួងចុះសិក្សាស្រាវជ្រាវលើករណីការកាន់កាប់រាន ទន្ទ្រានកាន់កាប់ដីព្រៃខុសច្បាប់ ក្នុងតំបន់ការពារធម្មជាតិ ស្ថិតក្នុងខេត្តមណ្ឌលគិរី បានរកឃើញថា ខ្វះការទទួលខុសត្រូវក្នុងការបំពេញតួនាទី ភារកិច្ចរបស់ខ្លួន និងពុំបានចូលរួមថែរក្សាការពារផលតប្រយោជន៍សាធារណៈ ។
ប្រភពព័ត៌មានទម្លាយឲ្យដឹងថា ក្រៅពីការដកតំណែងអភិបាលស្រុកកោះញែក ក៏មានមន្ត្រីក្នុងខេត្តជាច្រើនរូបទៀត ក៏ត្រូវបានសម្រេចដកតំណែង និងដាក់ពិន័យ ទៅតាមច្បាប់រដ្ឋបាលផងដែរ ៕
