អ្នកធ្វើអត្ថាធិប្បាយនៅលើបណ្តាញសង្គមហ្វេសប៊ុកដ៍ល្បីឈ្មោះ គឺលោក ផែង វណ្ណៈ បានបង្ហាញឈ្មោះចៅក្រម៥រូប ដែលលោកបានចោទថា បានកាត់ក្តីមិនត្រឹមត្រូវបង្កើតរឿងអយុត្តិធ៌មដល់ពលរដ្ឋស្លូតត្រង់នៅសាលាដំបូងខេត្តបន្ទាយមានជ័យ ។
ចៅក្រមចំនួន ៥ រូប ដែលលោក ផែង វណ្ណៈ ចោទនិងអះអាងថា កាត់ក្ដីមិនបានត្រឹមត្រូវបង្កេីតជារឿងអយុត្តិធម៌ដល់ពលរដ្ឋស្លូតត្រង់នៅសាលាដំបូងខេត្តបន្ទាយមានជ័យនោះរួមមាន ៖
១- ចៅក្រម លឹម សុគន្ធារ៉ា ( មានរូបថត )
២-ចៅក្រម ងួន រតនៈ
៣-ចៅក្រម ថៃ គីមមុនី ( មានរូបថត )
៤- ចៅក្រម ផេង កុសល ( មានរូបថត )
៥- ចៅក្រម ញឹម ពិសាល ( មានរូបថត )
និង តំណាងអយ្យការ ២ នាក់ទៀត ។
បើតាមលោក ផែង វណ្ណៈ ដែលមិនបង្ហាញសំណុំរឿងលម្អិតបានលើកឡើងនៅលើបណ្តាញសង្គមទៀតថា សាលាឧទ្ធរណ៍បាត់ដំបង បានបដិសេធសាលក្រមទាំងពីររបស់សាលាដំបូងខេត្តបន្ទាយមានជ័យ និងបានអោយដោះលែងជនរងគ្រោះវិញ ។
លោកថានេះជារឿងអយុត្តិធម៌មួយ ប៉ះពាល់ដល់ កិត្តិយសប្រជាពលរដ្ឋ ជាពិសេសប៉ះពាល់ដល់នយោបាយដឹកនាំរបស់រាជរដ្ឋាភិបាលផងដែរ ។ សូមក្រសួងយុត្តិធម៌ និង ឧត្ដមក្រុមប្រឹក្សានៃអង្គចៅក្រម មេត្តាពិនិត្យមើលទង្វើចៅក្រមទាំង ៥ នាក់នេះផង ។ បេីនៅបន្តបែបនេះ ស្លាប់រាស្ត្រស្លូតត្រង់អស់ហេីយ ។បក្សប្រឆាំងមិនខ្លាំងទេ តែបើសំបូរចៅក្រមរបៀបនេះ ប្រជាពលរដ្ឋ និង រាជរដ្ឋាភិបាលចាំតែរងគ្រោះប៉ុណ្ណោះ ។
នៅរសៀលថ្ងៃទី២៩ កញ្ញា ២០២០េះ «អង្រុត»មិនអាចរកការសុំអត្ថាធិប្បាយបានទេពីចៅក្រមខាងលើ ក៍ដូចជាអ្នកនាំពាក្យក្រសួងយុត្តិធ៌ម ជុំវិញការចោទប្រកាន់ពីសំណាក់លោក ផែង វណ្ណៈ ខាងលើនេះ ៕
