ចេញប្លន់នៅអាយុជាង៥០ដល់ជាង៦០ទើបចាន់ខ្លួនបាន មើលចោរលែងចង់ស្គាល់

ជនសង្ស័យ​ប្រព្រឹត្ត​ល្មើស​ប្លន់​ម្នាក់​ត្រូវ​បាន​សមត្ថកិច្ច​ចាប់ខ្លួន​តាម​ដីកា ក្រោយ​វិល​ចូល​ស្រុក​វិញ បន្ទាប់​ពី​រត់គេច​ខ្លួន​អស់​រយៈពេល​១៥​ឆ្នាំ ។​

​ជនសង្ស័យ​ដែល​សមត្ថកិច្ច​ចាប់ខ្លួន​កាលពី​ព្រឹក​ថ្ងៃ​ទី​២៨ កញ្ញា ២០២០ តាម​ដីកា​ស្វែងរក​ចាប់ខ្លួន​លេខ ១៩៨ ដក​សច​ខ ចុះ​ថ្ងៃ​ទី ២៣ ខែវិច្ឆិកា ឆ្នាំ ២០០៦ របស់​លោក អ៊ិ​ន បូ​ផា ចៅក្រម ស៊ើបសួរ​នៃ​សាលា ដំបូង ខេត្ត កណ្ដាល​នោះ ឈ្មោះ ទូច ធឿ​ន អាយុ​៦៣​ឆ្នាំ ជនជាតិ​ខ្មែរ មុខរបរ​កម្មករ​មាន​ទី​លំ​បច្ចុប្បន្ន​ភូមិ គោក​អណ្តែត ឃុំ​ស្អាង​ភ្នំ ស្រុក​ស្អាង ខេត្តកណ្ដាល ។​

​បើ​តាម​សមត្ថកិច្ច ជនសង្ស័យ​បាន​ធ្វើ​សកម្មភាព​ប្លន់​(​មិន​បញ្ជាក់​ប​ន្ល​ន់​អ្វី​) កាលពី ថ្ងៃ​ទី​០៥ តុលា ២០០៥ នៅ ចំណុច​ភូមិ ព្រែក​ពោធិ៍ ឃុំ​ទឹក​វិល ស្រុក​ស្អាង ខេត្តកណ្តាល ។​

​ជនសង្ស័យ ត្រូវ​បាន​កម្លាំង​ជំនាញ បញ្ជូន​មក​អធិការដ្ឋាន​នគរបាល​ស្រុក​ស្អាង ដើម្បី​បន្ត​ចាត់ការ​តាម​នីតិវិធី ៕