មិនថាអ្នកជាយក្សទេ ឲ្យតែខុសច្បាប់ចាប់ទាំងអស់ ម៉ាឡេស៊ីចាប់ចិន៦០នាក់

អាជ្ញាធរ​កងកម្លាំង​ដែនសមុទ្រ​ម៉ា​ឡេ​ស៊ី​បាន​ប្រកាស​នៅ​ថ្ងៃ​សៅរ៍​នេះ​ថា កងកម្លាំង​ខ្លួន​បាន​ចាប់​ជនជាតិ​ចិន​៦០​នាក់ និង នាវា​ចំនួន​៦​គ្រឿង ដែល​ចូល​ក្នុង​ដែនសមុទ្រ​ម៉ា​ឡេ​ស៊ី​ដោយ​ខុសច្បាប់ ។​

​បើ​តាម CNA នៅ​ចន្លោះ​ឆ្នាំ​២០១៦-២០១៩ ឆ្មាំ​ការពារ​ដែនទឹក​របស់​ចិន​បាន​ចូល​ដែនសមុទ្រ​ម៉ា​ឡេ​ស៊ី​ដល់​ទៅ​៨៩​ដង ហើយ​ថា​ការ​រំលោភ​បំពាន​ដែនទឹក​ម៉ា​ឡេ​ស៊ី​នេះ គឺ​ធ្វើ​ឡើង​បន្ទាប់​ពី​មាន​ភាព​តានតឹង​កើតឡើង​រវាង​ចិន​និង​សហរដ្ឋអាមេរិក ក្រោយ​ពី​ចិន​ប្រកាស​ថា​ខ្លួន​ជា​ម្ចាស់​លើ​អធិបតេយ្យ​សមុទ្រ​ចិន​ខាងត្បូង ។​

​បើ​តាម​នាយកដ្ឋាន​គ្រប់គ្រង​ដែនសមុទ្រ​ម៉ា​ឡេ​ស៊ី (MMEA) បាន​បញ្ជាក់​ថា ជនជាតិ​ចិន​៦០​នាក់​និង​កប៉ាល់​៦​គ្រឿង​ខាងលើ​នេះ​  ត្រូវ​កម្លាំង​ទាហាន​ការពារ​ដែនសមុទ្រ​របស់​ខ្លួន​ចាប់​កាលពី​ថ្ងៃ​ទី​០៩ តុលា ២០២០​ម្សិលមិញ នៅ​ភាគ​ខាងត្បូង រដ្ឋ Johor ។​
​លោក Mohd Zulfadli Nayan ប្រធាន (MMEA) បាន​ឲ្យ​ដឹង​ថា «​ឆ្លងកាត់​ការ​ត្រួតពិនិត្យ​

​ប្រភព​ដដែល​បន្ថែម​ថា កប៉ាល់​នេសាទ​ទាំងអស់​ដែល​បាន​ចាប់ខ្លួន គឺ​បាន​ចុះបញ្ជី​នៅ​ខេត្ត Qinhuangdoa ប្រទេស​ចិន និង​ថា​ជនជាតិ​ទាំង​៦០​នាក់​នោះ មាន​អាយុ​ចាប់ពី​៣១​ដល់​៦០​ឆ្នាំ​។​

​យ៉ាងណា បើ​តាម​អាជ្ញាធរ​ម៉ា​ឡេ​ស៊ី ក្រោយ​ការ​ត្រួតពិនិត្យ​នៅ​លើ​នាវា មិន​មាន​ទំនិញ​អ្វី​នោះ​ទេ ហើយ​ថា​គោលដៅ​របស់​កប៉ាល់​ទាំងនោះ គឺ​ធ្វើ​ដំណើរ​ឆ្ពោះទៅ​កាន់ Mauritania ក៏​ត្រូវ​ផ្អាក​ដោយសារ​តែ​ជួប​បញ្ហា​មួយ​ចំនួន និង ត្រូវ​បាន​កងកម្លាំង​ការពារ​ដែនសមុទ្រ​ម៉ា​ឡេ​ស៊ី​ឃាត់​ចាប់​តែ​ម្តង​។​

​មក​ទល់​នឹង​ម៉ោង​៩​និង​២០​នាទី​យប់​ថ្ងៃ​ទី​១០ តុលា ២០២០​នេះ គេ​នៅ​មិន​ទាន់​ឃើញ​មាន​ប្រតិកម្ម​ពី​ក្រុង​ប៉េ​កាំ​ង ពិសេស​ពី​ក្រសួងការបរទេស​ចិន​នៅឡើយ​ទេ ៕