សប្បុរសជនចូលឧបត្ថម្ភពលរដ្ឋរងគ្រោះដោយទឹកជន់លិចបាន១លានដុល្លារហើយ

គិត​ត្រឹម​ម៉ោង​៦​ល្ងាច​ថ្ងៃ​ទី​១៣ តុលា ២០២០​នេះ រាជរដ្ឋាភិបាល​កម្ពុជា​បាន​ទទួល​ថវិកា​ចំនួន​១​លាន​ដុល្លារ​ហើយ ពី​សប្បុរសជន​នានា​ដែល​ចូលរួម​ឧបត្ថម្ភ​ជួយ​ប្រជាពលរដ្ឋ​រង​គ្រោះ​ដោយ​ទឹកជំនន់ ។​

​នេះ​បើ​យោង​តាម​ហ្វេ​ស​ប៊ុ​ក​ផេ​ក​ផ្លូវការ​របស់​លោកនាយក​រដ្ឋមន្ត្រី ហ៊ុន សែន ។​

​ក្រោយ​ទទួល​បាន​ថវិកា​១​លាន​ដុល្លារ​ខាងលើ​ពី​សប្បុរសជន​ដែល​ជា​អ្នកមាន​ទ្រព្យសម្បត្តិ​នោះ លោក ហ៊ុន សែន ក៍បាន​បញ្ជាក់​ផង​ដែរ​ថា «​ថវិកា​ដែល​សប្បុរសជន​ចូលរួម​នេះ​នឹង​ចាត់ចែង​ជួយ​សង្គ្រោះ​បន្ទាន់​តាម​រយៈ​
​គណកម្មាធិការ​ជាតិ​គ្រប់គ្រង​គ្រោះ​មហន្តរាយ​។​ក្នុង​ករណី​យ​មាន​សប្បុរសជន​ចង់​ចូលរួម​បន្ថែម​ទៀត​សូម​ទាក់ទង​លោក​សេង ទៀង​រដ្ឋលេខាធិការ​ទីស្តីការគណៈរដ្ឋមន្ត្រី​។​»​។​
​សប្បុរសជន​ដែល​ជួយ​ឧបត្ថម្ភ​ខាងលើ​រួម​មាន​៖

១.​លោក​ឧកញ៉ា គិត ម៉េ​ង និង លោក​ជំទាវ​​ម៉ៅ ចំណាន​២០ ម៉ឺន​ដុល្លារ​។​
២.​ក្រុមហ៊ុន​ជីប ម៉ុង ៣០​ម៉ឺន​ដុល្លារ​។​
៣.​លោក​ឧកញ៉ា ថៃ ជា​ហួត ក្រុមហ៊ុន ប៉េង ហួត​២០​ម៉ឺន​ដុល្លារ​។​
៤.​លោក​ឧក​ញា​ដួង ឆាយ​និង​លោក​ជំទាវ​ដេ​ត ម៉ា​លី​ណា​ ១០​ម៉ឺ​ន​ដុល្លារ​
៥.​លោក​ជំទាវ​ឧក​ញា​ង៉ូ​វ ម៉ុ​ច​និង​លោក​​ឧក​ញា​ង៉ូ​វ ស្រ៊ុ​ន​១០​ម៉ឺន​ដុល្លារ​។​
៦.​លោក​ឧក​ញា​ថោ​ង សា​រ៉ាត​និង​លោក​​ជំទាវ​ទាវ ធីតា​១០​ម៉ឺន​ដុល្លារ​។​

​ក្រៅពី​ការ​ថ្លែងអំណរគុណ​ដល់​សប្បុរសជន​ជា​សេដ្ឋី​ខាងលើ លោក​ប្រមុខ​រាជរដ្ឋាភិបាល​ក៍បាន​លើក​ឡើង​នូវ​ពាក្យស្លោក​របស់​លោក​ផង​ដែរ​ដោយ​បញ្ជាក់​ថា​«​ស្រឡាញ់​គ្នា​ក្នុង​គ្រាក្រ ស្គាល់​មិត្ត​ល្អ​ក្នុង​គ្រា​លំបាក​» ៕