រាជធានីភ្នំពេញ ៖ បុត្រច្បងរបស់សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន គឺឯកឧត្តម ហ៊ុន ម៉ាណែត បានបួសមុខភ្លើង តំណាងឲ្យក្រុមគ្រួសារ នៃសពអ្នកឧកញ៉ាព្រឹទ្ធមហាឧបាសិកាធម្មញ្ញាណវិវឌ្ឍនា ប៊ុន ស៊ាងលី ។
នៅក្នុងពិធីសាសនា នៃការកោរសក់បួសមុខភ្លើង ត្រូវបានប្រារព្ធធ្វើឡើងនៅមុខ ព្រះវិហារវត្តបុទុមវតី រាជធានីភ្នំពេញ នៅរសៀលថ្ងៃទី០៥ ខែឧសភា ឆ្នាំ២០២០នេះ ក្រោមវត្តមានសម្តេចព្រះពុទ្ធជ័យ មុនី ឃឹម សន ព្រមទាំងវត្តមានឯកឧត្តម ពេជ សោភណ្ឌ និងលោកជំទាវ ជាមាតាបិតាក្មេក និងលោកជំទាវ ពេជ ចន្ទមុន្នី ជាភរិយារបស់ឯកឧត្តម ហ៊ុន ម៉ាណែត ។
សម្តេចព្រះពុទ្ធជ័យមុនី ឃឹម សន មេគុណរាជធានីភ្នំពេញ ក្លាយជាគ្រូឧបធ្យា បានប្រោសព្រំ ពុទ្ទិពរជ័យបវរមហាប្រសើរជូនដល់ ភិក្ខុ ហ៊ុន ម៉ាណែត ៕
