អ្នកនាំពាក្យកងរាជអាវុធហត្ថលើផ្ទៃប្រទេស លោកឧត្តមសេនីយ៍ត្រី អេង ហ៊ី បានអះអាងថា ឈ្មោះ ស្វាយ វង្ស មិនមានឈ្មោះនៅក្នុងក្របខ័ណ្ឌកងរាជអាវុធហត្ថនោះទេ ។
កាលលើកឡើងរបស់អ្នកនាំពាក្យកាលពីថ្ងៃម្សិលមិញខាងលើនេះ បានធ្វើឡើងបន្ទាប់ពីបុរសម្នាក់ ឈ្មោះ ស្វាយ វង្ស ត្រូវបាននារីម្នាក់អះអាងថា ជាមន្ត្រីកងរាជអាវុធហត្ថ ឋានៈអនុសេនីយ៍ទោ(ស័ក្តិ២) ហើយឈ្មោះនេះ ត្រូវបាននារីដែលមានអាក់ខោនគណនីហ្វេសប៊ុកឈ្មោះ «Ly Na» ចោទថា បានបបួលនាងហាត់ប្រាណលើគ្រែ និងបានប្តឹងទៅលោកផ្កាយ៤ សៅ សុខា PM នៅស្រុកខ្មែរនោះថែមទៀត ហើយព័ត៌មាននេះបានធ្វើឲ្យកក្រើកនៅលើបណ្តាញសង្គមហ្វេសប៊ុកកាលពីថ្ងៃទី០១ វិច្ឆិកា ២០២០ ។
មកដល់ព្រឹកថ្ងៃទី០៣ វិច្ឆិកានេះ គេនៅមិនទាន់ដឹងថា តើសមត្ថកិច្ច ពិសេសមន្ត្រីកងរាជអាវធហត្ថចាត់វិធានការច្បាប់បែបណាទៅលើឈ្មោះ ស្វាយ វង្ស នោះនៅឡើយទេ ?៕
