លោកឧបនាយករដ្ឋមន្ត្រី ប្រាក់ សុខុន រដ្ឋមន្ត្រីក្រសួងការបរទេសនិងសហប្រតិបត្តិការអន្តរជាតិ បានធ្វើតេស្តរួចហើយ ដើម្បីរកមេរោគកូវីដ១៩ ក្រោយលោកបានជួបពិភាក្សាការងារទ្វេភាគីជាមួយលោក ភីធើ ស៊ីចាតូ (Péter Szijjártó) រដ្ឋមន្ត្រីការបរទេស និងពាណិជ្ជកម្ម នៃប្រទេសហុងគ្រី ដែលអាជ្ញាធរថៃប្រកាសនៅថ្ងៃពុធនេះថា លោកប្រមុខការទូតហុងគ្រីរូបនេះផ្ទុកមេរោគកូវីដ១៩ នោះរួចមក ។
លោកប្រមុខការទូតខ្មែរ ប្រាក់ សុខុន ក៍បានក្លាយជាមន្ត្រីជាន់ខ្ពស់ទី៤ បន្ទាប់ពីលោកនាយករដ្ឋមន្ត្រី ហ៊ុន សែន លោក វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់និងនេសាទ លោក លឹម គានហោ រដ្ឋមន្ត្រីក្រសួងធនធានទឹកនិងឧតុនិយម ។
ក្រៅពីលោកប្រមុខរាជរដ្ឋាភិបាល ហ៊ុន សែន និងមន្ត្រីជាន់ខ្ពស់ខាងលើ ក៍មានមន្ត្រីជាន់ខ្ពស់រាជរដ្ឋាភិបាលជាច្រើនរូបទៀត ដែលជួបផ្ទាល់ជាមួយរដ្ឋមន្ត្រីការបរទេសហុងគ្រី ក៍បានធ្វើចត្តាឡីស័កដែរ ៕
