ក្រុមបាតុករដែលទាមទារឲ្យលោកនាយករដ្ឋមន្ត្រីថៃ ប្រាយុទ្ឋ ចាន់អូចា ចុះចេញពីតំណែង បានប៉ះទង្គិចគ្នាជាក្រុមអាវលឿងដែលគាំទ្រព្រះមហាក្សត្រថៃ ប៉ុន្តែមិនទាន់មានរបាយការណ៍ពីអ្នករងរបួសនោះទេ ។
បើតាមប្រព័ន្ឋផ្សព្វផ្សាយថៃ ក្រុមបាតុករថៃរាប់ពាន់នាក់ បានប្រមូលផ្តុំគ្នាជាថ្មី នៅថ្ងៃទី១៤ វិច្ឆិកា ២០២០នេះ ដើម្បីទាមទារឲ្យ លោក ប្រាយុទ្ឋ ចាន់អូចា ចុះចេញពីតំណែង ការកែទម្រង់រដ្ឋធម្មនុញ្ញ និង ធ្វើកំណែទម្រង់ស្ថាប័នព្រះមហាក្សត្រ(ការកត់បន្ថយអំណាចស្តេច) ។
បាតុករដែលភាគច្រើនជាក្រុមអាវក្រហមថៃ ត្រូវបានគេរាយការណ៍ថាមានគ្នាជិត៣ពាន់នាក់ បានប្រមូលផ្តុំគ្នានៅទីលានប្រជាធិបតេយ្យ ក្នុងទីក្រុងបាងកក ខណៈនៅក្បែរទីកន្លែងបាតុកម្មតែប៉ុន្មានគីឡូម៉ែត្រ ក្រុមអ្នកគាំទ្រព្រះមហាក្សត្រដែលពាក់អាវលឿង ក៍បានដង្ហែរក្បួនគាំទ្រព្រះមហាក្សត្រ ហើយក៍មានការប៉ះទង្គិចគ្នានៅគ្រាក្បួនហែជួបគ្នា។
យ៉ាងណា អំពើហិង្សាមិនបានកើតឡើងយូរទេ ព្រោះកងកម្លាំងប៉ូលិសថៃ៥០០០នាក់ ត្រូវបានរដ្ឋាភិបាលថៃដាក់ពង្រាយដើម្បីការពារសុវត្ថិភាព ហើយពួកគេ(ប៉ូលិស) ក៍បានបំបែកក្រុមទាំងពីរភ្លាមៗ ៕
