កូវីដ១៩៖ យួនម្នាក់ជាបាន២ខែ លាប់ឡើងវិញ ខណៈនៅភូមាអ្នកឆ្លងកើនដល់ជាង៧ម៉ឺននាក់

(FILES) In this file photo taken on March 3, 2020 a worker wearing a protective suit prepares to disinfect a Vietnam Airlines plane amid concerns of the spread of the COVID-19 coronavirus at Noi Bai International Airport in Hanoi. - Officials in Vietnam on March 9, 2020 are investigating a surge in cases of COVID-19 coronavirus linked to a Vietnam Airlines flight that arrived from London. (Photo by Nhac NGUYEN / AFP)

បុរស​ជនជាតិ​យួន​ម្នាក់ ត្រូវ​បាន​មន្ត្រី​សុខាភិបាល​រក​ឃើញ​មេរោគ​កូ​វី​ដ​១៩​ជា​ថ្មី​ម្តងទៀត បន្ទាប់​ពី​បុរស​នោះ​បានជា​សះស្បើយ​ពី​ការ​ព្យាបាល​ជំងឺ​កូ​វី​ដ​១៩​បាន​២​ខែ ។​

​នេះ​បើ​យោង​តាម VN Express ដែល​ចេញផ្សាយ​កាលពី​ថ្ងៃ​ទី​១៦ វិច្ឆិកា​ម្សិលមិញ ។​

​បុរស​អាយុ ២១ ឆ្នាំ​រូប​នោះ បាន​ចាក​ចេញពី​ប្រទេស​រុ​ស្សី​កាលពី​ថ្ងៃ​ទី​១០ សីហា ហើយ​ពេល​មក​ដល់​វៀតណាម ត្រូវ​មន្ត្រី​សុខាភិបាល​ធ្វើតេស្ត​ឃើញ​វិជ្ជមាន​កាលពី​ថ្ងៃ​ទី​២៥ សីហា ២០២០ ។​

​ក្រោយ​ពី​សម្រាក​ព្យាបាល​ជា​សះស្បើយ ក៍​ត្រូវ​បាន​អនុញ្ញាត​ឲ្យ​ចេញពី​មន្ទីរពេទ្យ​កាលពី​ពាក់កណ្តាល​ខែកញ្ញា តែ​ត្រូវ​បាន​មន្ត្រី​សុខាភិបាល​ណែនាំ​ឲ្យ​ធ្វើ​ច​ត្តា​ឡី​ស័ក​២​អាទិត្យ​ទៀត ស្រាប់តែ​នៅ​ថ្ងៃ​ទី​០៧ វិច្ឆិកា គាត់​បាន​ទៅ​មន្ទីរពេទ្យ Transport ដោយ​មាន​គ្រុនក្តៅ​ហើយ ត្រូវ​បាន​គេ​អោយ​ថ្នាំ​សំរាប់​ការ​ឆ្លង​មេរោគ ។​

​លុះដល់​ថ្ងៃ​ទី​១៤ វិច្ឆិកា កម្តៅ​ក្នុង​ខ្លួន​គាត់​ឡើង​ដល់ ៣៩ អង្សារ និង​មាន​អាកា​រៈ​អស់កម្លាំង ហើយ​ពេទ្យ​បាន​ធ្វើតេស្ត​ម្តងទៀត​ក៍​ឃើញ​វិជ្ជមាន​ជា​ថ្មី​ម្តងទៀត ។​

​ជុំវិញ​ករណី​របស់​ជនជាតិ​យួន​ខាងលើ​នេះ ក្រសួងសុខាភិបាល​វៀតណាម​មិន​ទាន់​ហ៊ាន​សន្និដ្ឋាន​បែប​ណា​នោះ​នៅឡើយ​ទេ ។​

​ដោយឡែក ងាក​ទៅ​ប្រទេស​មី​យ៉ា​ន់​ម៉ា​(​ភូមា​) នោះ​វិញ គិត​ត្រឹម​ម៉ោង​៥​និង​៥៥​នាទី ល្ងាច​ថ្ងៃ​ទី​១៧ វិច្ឆិកា ២០២០​នេះ ចំនួន​អ្នក​ឆ្លង​មេរោគ​កូ​វី​ដ​១៩ បាន​កើន​ដល់ ៧០១៦១​នាក់ ក្នុង​នោះ​ជា​សះស្បើយ ៥៣២៩៩​នាក់ និង ស្លាប់​កើន​ដល់ ១៥៩៩​នាក់ ៕