គ្រោះធម្មជាតិរញ្ជួយដីកម្រិតខ្លាំងមួយ ៥.៧ រីស្ទ័រ បានវាយប្រហារនៅភាគខាងជើងប្រទេសជប៉ុន ប៉ុន្តែមិនមានសញ្ញាអំពីការកើតមានរលកយក្សស៊ូណាមិនោះទេ ។
បើតាមទីភ្នាក់ងារឧតុនិយមរបស់ជប៉ុនបានឲ្យដឹងថា គ្រោះរញ្ជួយដីនេះបានកើតឡើងនៅម៉ោង៧និង០៥នាទីយប់ថ្ងៃអាទិត្យនេះ ម៉ោងនៅក្នុងប្រទេសជប៉ុន ស្ថិតនៅក្នុងភូមិ Tokai នៃឆ្នេរ Ibaraki ក្នុងខេត្ត Fukushima និង Tochigi ប៉ុន្តែមិនទាន់មានរបាយការណ៍បឋមពីការខូចខាតនៅឡើយទេ។
រញ្ជួយដីនេះមានជម្រៅ ៤៥គីឡូម៉ែត្រ ។
លោក សាស្ត្រាចារ្យ Furumura Takashi នៃវិទ្យាស្ថានស្រាវជ្រាវរញ្ជួយផែនដីនៃសាកលវិទ្យាល័យតូក្យូបាននិយាយថាគ្រោះរញ្ជួយដីនេះបានកើតឡើងមានឡើងនូវរៀងរាល់១២ឆ្នាំម្តង ក្នុងកម្រិតខ្លាំង៧រីស្ទ័រដូចកាលពីឆ្នាំ២០១១ នៅក្នុងភូមិសាស្ត្រខាងលើ ។លោកក៍បានជំរុញឲ្យប្រជាជនក្មុងតំបន់ត្រៀមខ្លួនសម្រាប់គ្រោះមហន្តរាយដែលអាចនឹងកើតមានឡើង ៕
