ការលើកឡើងរបស់លោកនាយករដ្ឋមន្ត្រី ហ៊ុន សែន ខាងលើបានធ្វើឡើងនៅក្នុងពិធីជួបសំណេះសំណាល និងពិនិត្យលទ្ធផលការងាររបស់ «មេធាវីស្ម័គ្រចិត្តសម្តេចតេជោសែន» នៅវិមានសន្តិភាព ទីស្តីការគណៈរដ្ឋមន្ត្រី នាព្រឹកថ្ងៃទី២៥ វិច្ឆិកា ២០២០ ។
បើតាមលោក ហ៊ុន សែន មកដល់ពេលនេះ កម្ពុជាទទួលបានចំណូលប្រមាណ ៤៥០០លានដុល្លារ ក្នុងនោះបានពីពន្ធដារលើសពី ២៥០០លានដុល្លារ និងគយ ២១០០លានដុល្លារ ហើយថាទំហំនៃនាំចេញរបស់កម្ពុជា មានទឹកប្រមាណ ២២ពាន់លានដុល្លារ កើន១៨ភាគរយ ។
លោកប្រមុខរាជរដ្ឋាភិបាលមានក្តីសង្ឃឹមថា សេដ្ឋកិច្ចកម្ពុជា នឹងមានសន្ទុះឡើងវិញនៅឆ្នាំ២០២១ ៕