ផ្សារទំនើបអ៊ីអន១ (Aeon) ដែលមានទីតាំងស្ថិតនៅសង្កាត់ទន្លេបាសាក់ ខណ្ឌចំការមន ត្រូវបានក្រសួងសុខាភិបាលប្រកាសបិទបណ្តោះអាសន្ន ក្រោយពីរកឃើញស្ត្រីខ្មែរម្នាក់ចូលញ៉ាំអាហារ និងទិញអីវ៉ាន់មួយចំនួននៅក្នុងផ្សារទំនើបជប៉ុនមួយនេះផ្ទុកមេរោគកូវីដ១៩ ។
នេះបើយោងតាម លោកស្រី យក់ សម្បត្តិ រដ្ឋលេខាធិការក្រសួងសុខាភិបាលដែលប្រាប់ FN នៅយប់ថ្ងៃទី២៨ វិច្ឆិកា ២០២០នេះ ។
បើតាមលោកស្រីរដ្ឋលេខាធិការក្រសួងសុខាភិបាល ស្ត្រីដែលធ្វើតេស្តឃើញមានវិជ្ជមានមេរោគកូវីដ១៩ នៅល្ងាចថ្ងៃសៅរ៍នេះ រស់នៅក្នុងបុរីប៉េងហួត ផ្លូវ៦០ម៉ែត្រ ៕
នៅពេលនេះ ក្រសួងសុខាភិបាល កំពុងស្វែងរកអ្នកពាក់ព័ន្ធជាមួយស្ត្រីផ្ទុកមេរោគកូវីដ១៩រូបនោះ ដើម្បីយកមកធ្វើតេស្ត និងធ្វើចត្តាឡីស័ក៕