ស្រ្តីអង់គ្លេសវ័យ៩០ឆ្នាំ ក្លាយជាមនុស្សដំបូងលើផែនដីដែលចាក់វ៉ាក់សាំងកូវីដ១៩

ស្ត្រី​ជនជាតិ​អង់គ្លេស​ឈ្មោះ Margaret Keenan អាយុ ៩០ ឆ្នាំ បាន​ក្លាយជា​មនុស្ស​ដំបូង​គេ​នៅ​លើ​ពិភពលោក​ដែល​បាន​ទទួល​ការ​ចាក់​វ៉ាក់សាំង Pfizer COVID-19 ។​

​បើ​តាម​ប្រ​ព័​ន្ឋ​ផ្សព្វផ្សាយ​បរទេស Keenan បាន​ចូល​ទៅ​កាន់​មន្ទីរពេទ្យ​នៃ​សាកលវិទ្យាល័យ​មួយ​ក្នុង​ទីក្រុង Coventry ភាគ​កណ្តាល​នៃ​ប្រទេស​អង់គ្លេស ដើម្បី​ទទួល​ការ​ចាក់​វ៉ាក់សាំង​ការពារ​មេរោគ​កូ​វី​ដ​១៩ នៅ​ម៉ោង​០៦ និង ៣១ នាទី​ព្រឹក​នៅ​ថ្ងៃ​អង្គារ​នេះ គឺ​មួយ​យស​ប្តា​ហ៍​មុន​ពេល Margaret Keenan ឈាន​ចូល​អាយុ ៩១ ឆ្នាំ ។​

​ក្រោយ​ពី​ទទួល​បានការ​ចាក់​វ៉ាក់សាំង​កូ​វី​ដ​១៩ លោកស្រី បាន​មាន​ប្រសា​ន៍​ថា លោកស្រី​មាន​អារម្មណ៍​សប្បាយ​រីករាយ ហើយ​ថា​ជា​កាដូ​ខួបកំណើត​ដំបូង​បំផុត​របស់​លោកស្រី ។​

​ចក្រភព​អង់គ្លេស​បាន​បញ្ជា​ទិញ​វ៉ាក់សាំង ៤០​លាន​ដូ​ស​ពី​ក្រុមហ៊ុន Pfizer-BioNTech ប៉ុន្តែ​បច្ចុប្បន្ន ប្រទេស​នេះ​អាច​មាន​វ៉ាក់សាំង​ត្រឹម ៨០០,០០០​ដូ​ស​ប៉ុណ្ណោះ សម្រាប់​ចាក់​ជូន ប្រជាជន​អង់គ្លេស​ក្នុង​ដំណាក់កាល​ទី ១ ដែល​ចាប់ផ្ដើម​ពី​ថ្ងៃ​អង្គារ​នេះ​តទៅ​តែ​ម្តង​។ អង់គ្លេស​ក៏​បាន​បញ្ជា​ទិញ វ៉ាក់សាំង​បន្ថែម ៧​លាន​ដូ​ស​ពី​ក្រុមហ៊ុន​អា​មេ​រិ​ក Moderna ផង​ដែរ ហើយ​អាច​នឹង​ទទួល​បានការ​អនុម័ត​ឱ្យ​ប្រើប្រាស់​បន្ទាន់ នៅ​ប៉ុន្មាន​ស​ប្ដា​ហ៍​ខាង​មុខ​ទៀត​នេះ​។

Margaret Keenan នឹងត្រូវត្រឡប់មកទទួលការចាក់វ៉ាក់សាំងលើកទី២ នៅរយៈពេល ៣ ឬ ៤សប្ដាហ៍​ខាងមុខ ៕