ទីបំផុតទៅ មូលហេតុដែលលោកផ្កាយ១ ហេង គាហុង យកកាំភ្លងវាយក្បាលសន្តិសុខបណ្តាលឲ្យបែកក្បាលហូរឈាមសន្លប់នៅនឹងកន្លែងនោះ គឺដោយសាររឿងបាត់ស្បែកជើងភ្ញៀវ ដែលចូលពិនិត្យនៅគ្លីនិក សុខ ម៉េង ។
សេចក្តីរាយការណ៍ បានបន្តថា នៅពេលនេះ សមត្ថកិច្ចកំពុងកសាងសំណុំរឿងបញ្ជូនជនដៃដល់ទៅសាលាដំបូងខេត្តកណ្តាលដើម្បីចាត់ការបន្តតាមច្បាប់ហើយ ។
គួររំឮកថា មន្ត្រីយោធាថ្នាក់ឧត្តមសេនីយ៍ម្នាក់ ត្រូវបានកម្លាំងនគរបាលមូលដ្ឋានធ្វើការឃាត់ខ្លួននិងកំពុងសួរនាំ ក្រោយពីមន្ត្រីយោធារូបនេះ ត្រូវបានគេអះអាងថា បានដកកាំំភ្លើងរួចបញ្ចូលគ្រាប់ ហើយវាយទៅលើសន្តិសុខម្នាក់បែកក្បាលហូរឈាមស្រោចខ្លួនរហូតដួលសន្លប់នៅនឹងកន្លែង ។
ហេតុការណ៍នេះ បានកើតឡើងនៅម៉ោងជាង១២ថ្ងៃត្រង់ថ្ងៃទី០៤ មករា ២០២១ មុខមន្ទីរសម្រាកព្យាបាល សុខ ម៉េង ភូមិអង្គស្នួលទី៣ ឃុំពើក ស្រុកអង្គស្នួល ខេត្តកណ្តាល។
បើតាមសមត្ថកិច្ចអះអាងថា ជនសង្ស័យឈ្មោះ ហេង គាហុង អាយុ៤១ឆ្នាំ មានឋានន្តរស័ក្តិឧត្តមសេនីយ៍ត្រី(ផ្កាយ១) បម្រើការងារនៅអយ្យការយោធា អាយុ៤១ឆ្នាំ និងត្រូវជាបងបង្កើតរបស់ម្ចាស់គ្លីនិកខាងលើ ផុន សុម៉េង ខាងលើ ។
ក្រៅពីមានតួនាទីបម្រើការងារនៅអយ្យការយោធា ជនសង្ស័យឈ្មោះ ហេង គាហុង ក៍ត្រូវបានគេស្គាល់ថា ត្រូវជាប្អូនថ្លៃថ្នាក់ដឹកនាំម្នាក់ផងដែរ៕
